Aningaasanik ikisilluni pinnguaatinut akileraarut pillugu Inatsisartut inatsisaata allannguutissaatut Inatsisartut inatsisissaannut nr. 6, 9. april 1992-imeersumut siunnersuut.

 

§ 1

Aningaasanik ikisilluni pinnguaatit akileraarutaat pillugu Inatsisartut inatsisaanni nr. 3, 17. maj 1990-imeersumi makku allannguutigitinneqarput.

1. § 10, imm. 1-imi allassimasoq "12.000 koruuniuvoq." allanngortinneqarpoq imaalillugu:
"18.000 koruuniuvoq."

2. § 10, imm. 2-mi allassimasoq "3.000 koruuninik" allanngortinneqarpoq imaalillugu:
"4.500 koruuninik"

 

§ 2

Inatsisartut inatsisaat 1. maj 1992-imiit atuutilissaaq, 1992-imilu julip kvartalia aallarnerfigalugu atortuulissalluni.

Namminersornerullutik Oqartussat, ulloq 9. april 1992

Lars Emil Johansen

/

Emil Abelsen