Suliariumannittussarsiuussisarnermut il.il. Inatsisartut inatsisaat nr. 3, 6. april 1992-imeersoq.
§ 1. Inatsisartut inatsisaat manna suliassanik, sanaartukkanik nunniukkanillu tunniussisarnermi neqerooruteqartarnernut tunngavoq.
§ 2. Inatsisartut inatsisaanni suliariumannittussarsiuussineq imatut paasineqarpoq, suliassaq tunniussinissarluunniit neqeroorutigineqartoq, arlallillu, piffissap aalajangersimasup neqerooruteqarnermullu tunngaviusut iluanni, allakkatigut qulakkeersumillu neqerooruteqarneq. Neqerooqqusinermi nalunaarutigineqassaaq allat neqeroornissaminnut kajumissaarneqarsimasut.
Imm. 2. Tamanut ammasumik suliariumannittussarsiuussinermi neqerooruteqarnissamik kajumissaarineq tusagassiuutitigut allatigulluunniit tamanut tusarliunneqartassaaq. Aalajangersimasunut neqerooqqusinermi (tamanut ammasuunngitsuni) neqerooqqusinermik kajumissaaruteqarneq neqerooruteqaqqusaasunuinnaq ingerlatinneqartassaaq.§ 3. Suliariumannittussarsiuussinerni tamatigut neqeroorutit allakkat puuinut matoqqasumiisillugit tunniunneqartassapput piffissamilu aalajangerneqarsimasumi ammarneqartassallutik. Neqerooruteqartut, neqeroorutaasut ammarneqalernerini, najuussinnaatitaapput, neqeroorutillu nalinginik piumasaqaataagallarsinnaasunillu tusarlerneqarsinnaatitaallutik.
Imm. 2. Suliariumannittussarsiuussinerni tamanut ammasuni aalajangersimasunullu neqerooqqusinermi neqeroortitsisoq neqeroorutinik qinersisinnaatitaavoq pisariaqarpallu tamanik atunngitsuutitsisinnaalluni.
Imm. 3. Suliariumannittussarsiuussinermi neqeroorut suliariumannittussarsiuussinermineqeroorutigineqartunit allanit akisunerusoq akikillilerneqartassanngilaq.§ 4. Neqeroornermi inerteqqutaapput
1) piffissaq sioqqullugu neqeroorutinik neqeroorniartut akornini aaqqissuusseqqittarnerit,
2) neqeroorutip ammarneqarnissaanut immikkut piumasaqarneq, aammalu
3) neqerooruteqartunik ilaajunnaarsitsisarneq.
Imm. 2. Neqeroortut kattuffiinut suliariumannittussarsiuussinermi neqeroorutaasunik siumut nalunaaruteqarnissaq inerteqqutaavoq. Neqeroortut isumaqatiginiarnerinik allatigulluunniit neqeroorfissapnaannginnerani suleqatigiinnerit inerteqqutaapput.
Imm. 3. Suliariumannittussarsiuussineq sioqqullugu neqeroorutillit taamaallaat neqeroorutissamut tunngaviusoq pillugu ataatsimiissuteqarsinnaapput, apeqqutit immikkut neqeroortup piumasariniagai teknikkikkut tunngavillit oqallisigineqarsinnaapputtaaq. Neqeroortitsisup najuunnissaanik kajumissaarneqassaaq, soorluttaaq kattuffinnut ilaasortaasut ilaasortaanngikkaluartullu ataatsimiinnermi najuussinnaasut.§ 5. Toqqaannartumik neqeroortitsisoqarpat, kajumissaarutigineqassaaq toqqaannartumik neqeroortoqassasoq aammalu neqerooruteqaqquneqartut amerlanerpaamik marluussapput.
Imm. 2. Toqqaannartumik neqeroorutinik pisoqaqqusaanngilaq, suliassamik tunniussassamilluunniit suliariumannittussarsiuussinermik toqqaannartumilluunniit neqerooruteqarnernik marlunnik pisoqarsimatillugu, suliariumannittussarsiuussinerniit toqqaannartumilluunniit neqeroortoqarsimaneraniit qaammatit pingasut qaangiussimatinnagit, toqqaannartumik neqeroorummik pisimanermit imaluunniit suliariumannittussarsiuussinerup toqqaannartumilluunniit neqerooruteqarsimanerup atuuttuujunnaarsinneranit sap.ak. arfinillit qaangiussimatinnagit.
Imm. 3. Suliamik tunniussassamilluunniit suliariumannittussarsiuussineq, siornatigut suliariumannittussarsiuussimatillugu toqqaannartumilluunniit neqeroortoqarsimatillugu, aatsaat pisinnaavoq suliariumannittussarsiuussinerit toqqaannartumilluunniit neqeroorutaasimasut atorunnaarsinneqarsimanerisigut.
Imm. 4. Suliariumannittussarsiuussinermik atorunnaarsitsineq pissaaq, neqeroortitsisumit neqerooruteqarsimasut tamaasa allakkatigut nalunaarfigineqarnerisigut.§ 6. Naalakkersuisut, Namminersornerullutik Oqartussat tapiiffigisartagaannut, utertitsivigisartagaannut, atukkertagaannut qularnaveeqqusiivigisartagaannuulluunniit, neqeroortitsinermi sanaartornermut aqutsinermut malittarisassanik, aalajangersaasinnaapput.
Imm. 2. Inassutini, inatsisit saqqummiunneqarnerini atulersinneqartartuni, aalajangersaasoqarsinnaavoq tapiissuteqarnerit, utertitsisarnerit, atukkiinerit qularnaveeqqusiisarnerilluunniit, inassummi aalajangersakkat malinneqarsimannginneranni, tamakkiisumik ilaannakuusumilluunniit atorunnaarsitsisumik.§ 7. § 3-mi, imm. l,l.-mik naggat, aamma imm. 2-mik aanunalu imm. 3-mik, § 4 aamma § 5, imm. 1-miit imm. 3-mut unioqqutitsisoq pillaammik akiliisinneqarsinnaavoq.
Imm. 2. Unioqqutitsisoq tassaappat aktieselskab, andelsselskab anpartselskab assigisaalluunniit suliffeqarfittut akiliisitsissummik pillarneqarsinnaavoq. Unioqqutitsineq Namminersornerullutik Oqartussanit, kommunemit kommuninilluunniit kattuttunit, tak. kommunalbestyrelsenut bygderåd-inullu il.il. Inatsisartut inatsisaanni § 57, pineqarpat akisussaasutut Nanuninersornerullutik Oqartussat, kommunet kommunilluunniit kattuttut akiliisinneqarsinnaapput.§ 8. Inatsisartut Inatsisaat l.maj 1992-imi atuutilerpoq.
§ 9. Pituffik inatsimmi uani ilanngunneqanngilaq.
Namminersornerullutik Oqartussat, ulloq 6. april 1992.
Lars Emil Johansen/
Kuupik Kleist