Nioqqutissanik eqqussuineq, eqqussuinermilu akitsuutit pillugit inatsisartut inatsisaata allannguutissaatut Inatsisartut inatsisaat nr. 1, 28. marts 1992-imeersoq.

 

§ 1

Nioqqutissanik eqqussuineq, eqqussuinermilu akitsuutit pillugit Inatsisartut inatsisaanni nr. 1, 6. maj 1989-imeersumi, kingullermillu allanngortinneqartumi Inatsisartut inatsisaatigut nr. 13, 12. oktober 1990-imeersukkut, makku allannguutigitinneqarput.

 

1. § 1, imm. 3 imaalerpoq:
"Imm. 3. Nioqqutissat akitsuuteqarfiusup iluani sumiiffimmut aalajangersimasumut eqqunneqartut akitsuummik tamakkiisumik ilaannakortumilluunniit akiliinngitsoortinneqarnissaannik Naalakkersuisut aalajangersagaliorsinnaapput."

2. § 2, imm. l, nr. 3, 4 aamma 5 atorunnaarput, taarsiullugulu ilanngunneqarpoq:
"Nr. 3. Imigassat ethanolimik akullit ima imallit:
a) 2,25 - 3,09 volumenpct. literimut ..... 1 kr. 45 øre
b) 3,10 - 4,09 volumenpct. literimut ..... 4 kr. 55 øre
c) 4,10 - 5,09 volumenpct. literimut .... 14 kr. 00 øre
d) 5,10 - 7,09 volumenpct. literimut .... 19 kr. 85 øre
e) 7,10 - 9,09 volumenpct. literimut .... 28 kr. 88 øre
f) 9,10 - 12,09 volumenpct. literimut ... 41 kr. 07 øre
g) 12,10 - 15,09 volumenpct. literimut .. 56 kr. 87 øre
h) 15,10 - 18,09 volumenpct. literimut .. 74 kr. 47 øre
i) 18,10 - 22,09 volumenpct. literimut .. 96 kr. 30 øre
j) 22,10 - 26,09 volumenpct. literimut . 122 kr. 78 øre
k) 26,10 - 30,09 volumenpct. literimut . 151 kr. 68 øre
1) 30,10 - 35,09 volumenpct. literimut . 185 kr. 84 øre
m) 35,10 - 45,09 volumenpct. literimut . 240 kr. 77 øre
n) 45,10 - 60,09 volumenpct. literimut . 331 kr. 82 øre
o) 60,10 - 100,00 volumenpct. literimut 397 kr. 32 øre"

3. § 2, imm. 1, nr. 6-imi allassimasoq "aalakoornartoqanngitsut" allanngortinneqarpoq imaalillugu: "ethanolimik akoqanngitsut"

4. § 2, imm. 1, nr. 8 imaalerpoq:
"Nr. 8.
Imeruersaatit suulluunniit puui, tamatumani ilaallutik imeruersaatiliassat puui, taamaallaat pinnagit immummit nioqqutissiat puui kiisalu puiaasaaqqaat Kalaallit Nunaanni puiaasaaqqaanik utertitsisarnikkut atoqqinneqartartut,
a) 0,25 literi tikillugu imaqarsinnaasoq ataaseq .......................................... 1 kr. 00 øre
b) 0,25 literi sinnerlugu imaqarsinnaasoq ataaseq .......................................... 2 kr. 00 øre"

5. § 2, imm. 1, nr. 24-miit 28-mut aamma nr. 30 atorunnaarpoq.

6. § 4, nr. 5)-imi allassimasoq "§ 2, nr. 24-imiit 31-mut" allanngortinneqarpoq imaalillugu:
" § 2, nr. 29-mi aamma nr. 31-mi"

7. § 5-imi allassimasoq "§ 2, nr. 2, 3 c aamma d-mi kiisalu 4-5 aamma 9-12-imi" allanngortinneqarpoq imaalillugu:
"§ 2, nr. 2-mi, 3-mi aamma 9-miit 12-imut"

8. § 6-imi allassimasoq "§ 2, nr. 3 c-mi d-milu kiisalu nr. 4-5-imi aamma 9-12-imi" allanngortinneqarpoq imaalillugu:
" § 2, nr. 3-mi aamitia 9-miit 12-imut"

9. § 13, imm. 2 imaalerpoq:
"Imm. 2. Kinaluunniit piaaraluneerluni mianersuaalliorujussuarluniluunniit nioqqutissanik anngiortumik eqqussanik tunisisoq allatulluunniit tunniussisoq, pisisoq allatulluunniit pissarsisoq, tigusisoq, assartuisoq imaluunniit toqqortaqartoq imm. 1-imi taaneqartutuulli pillaammik akiliisinneqarsinnaavoq."

10. § 13, imm. 3 imaalerpoq:
"Imm. 3. Kinaluunniit akitsuuteqarfiup avataani imaluunniit § 1, imm. 3 naapertorlugu tamakkiisumik ilaannakortumilluunniit akitsuuteqanngiffiusumi nioqqutissanik akitsuusigassanik, nalunngilluinnaraluarlugu nioqqutissat taakku akitsuuteqartinngitsoortinniarneqassasut, tuniniaasoq tunniussisorluunniit imm. 1-imi taaneqartutuulli pillaammik akiliisinneqarsinnaavoq."

 

§ 2.

Inatsisartut inatsisaat ingerlaannaq atuutilerpoq. Nioqqutissat Inatsisartut inatsisaata atuutilernera sioqqullugu eqqunneqarsimasut akitsuutit maannamut atuuttut najoqqutaralugit akitsuuserneqassapput.

Namminersornerullutik Oqartussat, ulloq 28. marts 1992.

Lars Emil Johansen

/

Emil Abelsen