Nunaminertat atorneqarnerat pilersaarusiornerlu pillugit Inatsisartut peqqussutaata allanngortinneqarnera pillugu Inatsisartut peqqussutaat nr. 17, 30. oktober 1992-imeersoq.
Nunaminertat atorneqarnerat pilersaasusiornerlu pillugit Inatsisartut peqqussutaanni nr. 6-imi 19. december 1986-imeersumi imatut allanngortitsisoqassaaq:
§ 1.
§ 20 imatut oqaasertalerneqassaaq:
"§ 20. Immikkoortumut pilersaarutip pigineqalereersup piviusunngortinneqarnissaanut pisariaqassappat pigisanik aalaakkaasunik arsaarinnittarneq pillugu Inatsisartut inatsisaanni maleruagassat malillugit pigisanik aalaakkaasunik arsaarinnissuteqartoqarnissaa aalajangiivigineqarsinnaavoq.
Imm. 2. Sulianik ingerlanneqartunik Kalaallit Nunaanni Namminersornerullutik Oqartussanut atanngitsuni pigisanik aalaakkaasunik arsaarinnittoqassatillugu pigisanik aalaakkaasunik arsaarinnittarneq pillugu Kalaallit Nunaannut inatsimmi maleruagassat atorneqartassapput.
§ 2.
Suliassaqarfinni Kalaallit Nunaanni Namminersornerullutik Oqartussanut atasuni pigisanik aalaakkaasunik arsaarinnittarneq pillugu Kalaallit Nunaannut inatsisip Folketingimit akuersissutigineqarnissaa apeqqutaatillugu Inatsisartut peqqussutaat 1. november 1992 atuutilissaaq.
Namminersornerullutik Oqartussat, ulloq 30. oktober 1992
Lars Emil Johansen/
Emil Abelsen