Kalaallit Niuerfiata allanngortinneqarnera pillugu Inatsisartut peqqussutaat nr. 14, 30. oktober 1992-imeersoq.
Nioqqutissanik pissaqartitsiniarneq, angallanneq, allakkanik isumaginninneq il.il. pillugit Kalaallit Nunaannut inatsimmi nr. 469 6. november 1985-i-meersumi § 9 naapertorlugu makku aalajangersarneqarput:
Kapitali 1.
Ingerlatseqatigiiffinnik pilersitsineq.§ 1. Naalakkersuisut aktiaateqarluni ingerlatseqatigiiffik ataqatigiissitsiviusoq marlunnik tassunga atasunik ingerlatseqatigiiffittalik 1. januar 1993-imiit aallartittussaq pilersissavaat.
Imm. 2. Naalakkersuisut namminersortumik peqateqarlutik aktiaateqarluni umiarsuaatileqatigiiffik 1. januar 1993-imiit aallartittussaq pilersissavaat.
Imm. 3. Ingerlatseqatigiiffiit imm. 1-imi 2-milu taaneqartut ingerlatsineq maannamut Namminersornerullutik Oqartussat sullissiviannit Kalaallit Niuerfiannit, ingerlatseqatigiiffiit taaneqartut pilersinneqarnerisigut atorunnaarsussamit, ingerlanneqartoq tigussavaat ingerlateqqissallugulu.
Kapitali 2.
Aktiaateqarluni ingerlatseqatigiiffik ataqatigiissitsivik ingerlatseqatigiiffiillu tassunga atasut
(Kalaallit Niuerfiat Sullissivik A/S, Kalaallit Niuerfiat Pisiniarfeqarfik A/S)§ 2. § 1 imm. 1-imi ingerlatseqatigiiffiit atasutut taaneqartut siulliup (Kalaallit Niuerfiat Sullissivik A/S-ip) siunertaraa makkuninnga sullissisuunissani:
1) Atortussanik, inuussutissarsiornermi sakkuutinik il. il. pisiniarfinni pisiassanik aammalu annikitsumik amerlasuukkaarilluni nunaqarfinni isorlernilu niuerneq,
2) Ilaasunik usinillu pingaartumik nunaqarfinnut isorlernullu imaatigut angallassineq,
3) nuna tamakkerlugu uuliaarniarneq aammalu
4) allakkeriveqarneq.
Imm. 2. Tamatuma saniatigut ingerlatseqatigiiffiup ingerlatsineq niuernikkut nunallu pissusiatigut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.
Imm. 3. Imm. 1-imi taaneqartunik sullissinermini ingerlatseqatigiiffiup nioqqutissanik pilersuinermik angallassinermillu il. il. ingerlatsinissaminut pisussaaffeqarnini naammassiumallugit pisariaqartitsinini naapertorlugu Namminersornerullutik Oqartussat ingerlatsinermut isumaqatigiissuteqarfigisassavai.
Imm. 4. Ingerlatseqatigiiffik aamma allatigut niuertutut tunngaveqarluni ingerlanneqassaaq.
Imm. 5. Ingerlatseqatigiiffiup aallartinneqarnermini aktiaatitigut aningaasaatai 700 millioner kr.-iusut Namminersornerullutik Oqartussanit aningaasaliissutigineqassapput.
Imm. 6. Naalakkersuisut pisinnaatinneqarput ingerlatseqatigiiffiup imm. 1-imi taaneqartup atugassarititaasut Inatsisartunit aalajangerneqartut tunngavigalugit piffissami sivisuumi taarsersugassaanik landskarsimit taarsigassarsitinnissaanut.§ 3. § 1 imm. 1-imi ingerlatseqatigiiffiit atasutut taaneqartut aappaata (Kalaallit Niuerfiat Pisiniarfeqarfik A/S-ip) siunertaraa makkuninnga sullissisuunissani: Atortussanik, inuussutissarsiornermi sakkuutinik il. il. pisiniarfinni pisiassanik aammalu amerlasuukkaarilluni illoqarfinni ingerlatseqatigiiffiup § 2-mi taaneqartup (Kalaallit Niuerfiat Sullissivik A/S-ip) ingerlatsivissarinngisaani niuerneq.
Imm. 2. Tamatuma saniatigut ingerlatseqatigiiffiup ingerlatsineq niuernikkut nunallu pissusiatigut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.
Imm. 3. Ingerlatseqatigiif f ik niuertutut tunngaveqarluni ingerlanneqassaaq.
Imm. 4. Ingerlatseqatigiiffiup aallartinneqarnermini aktiaatitigut aningaasaatai 200 millioner kr.-iusut Namminersornerullutik Oqartussanit aningaasaliissutigineqassapput.
Imm. 5. Naalakkersuisut pisinnaatinneqarput ingerlatseqatigiiffiup imm. 1-imi taaneqartup atugassarititaasut Inatsisartunit aalajangerneqartut tunngavigalugit piffissami sivisuumi taarsersugassaanik landskarsimit taarsigassarsitinnissaanut.§ 4. Ingerlatseqatigiiffinni § 1 imm. 1-imi atasutut taaneqartuni (Kalaallit Niuerfiat Sullissivik A/S-imi aamma Kalaallit Niuerfiat Pisiniarfeqarfik A/S-imi) aktiaatit ingerlatseqatigiiffimmut ataqatigiissitsiviusumut § 1 imm. 1-imi taaneqartumut ingerlatseqatigiiffiit ingergerlatsinerisa ataqatigiissinneqarnissaanik siunertaqarluni ingerlanneqarallartussamut aktiaatitut inissinneqassapput.
Imm. 2. Naalakkersuisut pisinnaatinneqarput ingerlatseqatigiiffiup ataqatigiissitsiviusup siusinnerpaamik 1. januar 1995-imi atorunnaarsinneqarnissaanut, taamaaliornissamulli piumasaqaataalluni ingerlatseqatigiiffiit atasut aktiaataasa Namminersornerullutik Oqartussanit pineqarnissaat.
Kapitali 3.
Aktiaateqarluni umiarsuaatileqatigiiffik.§ 5. Aktiaateqarluni umiarsuaatileqatigiiffiup siunertaraat makkuninnga sullissisuunissani:
1) Kalaallit Nunaannut Kalaallit Nunaanniillu usinik imaatigut angallassineq aammalu
2) Kalaallit Nunaanni illoqarfiit akornanni usinik imaatigut angallassineq.
Imm. 2. Tamatuma saniatigut ingerlatseqatigiiffiup ingerlatsineq niuernikkut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.
Imm. 3. Ingerlatseqatigiif f ik niuertutut tunngaveqarluni ingerlanneqassaaq.
Imm. 4. Umiarsuaatileqatigiiffiup aallartinneqarnermini aktiaatitigut aningaasaatai 120 millioner kr.-iupput, taakkunannga 40 millioner kr.-it Namminersornerullutik Oqartussanit aningaasaliissutigineqassapput.
Kapitali 4.
Ingerlatseqatigiiffinnut atugassarititat allat.§ 6. Ingerlatseqatigiiffiit § 1 imm. 1-imi 2-milu taaneqartut ingerlatseqatigiiffiit aktieselskabit pillugit inatsimmi aammalu ingerlatseqatigiiffiit aktieselskabit pillugit allatigut inatsisiliornermi Kalaallit Nunaannut atortussanngortinneqarsimasuni pineqarput. Peqqussummi matumani aalajangersakkat taakkuninnga allanngortitsinngillat.
§ 7. Naalakkersuisut pisinnaatinneqarput manna tikillugu Kalaallit Niuerfiata pigisai pisassanik nuunneqarumaartussanik ilanngaaffigereerlugit ingerlatseqatigiiffinnut § 1 imm. 1-imi 2-milu taaneqartunut aallaqqaasiutissatut taarsigassarsiassatulluunniit inissiinissaminnut.
§ 8. § 1 imm. 1-imi ingerlatseqatigiiffiit atasutut taaneqartut (Kalaallit Niuerfiat Sullissivik A/S aammalu Kalaallit Niuerfiat Pisiniarfeqarfik A/S) Kalaallit Niuerfiata pisinnaatitaaffiinik pisussaaffiinillu tigusissapput, taakku aktiaateqarluni umiarsuaatileqatigiinnut isumaqatigiissuteqarnikkut nuunneqarsimatinnagit.
Imm. 2. Kalaallit Niuerfiata pisussaaffiisa naammassineqarnissaat Namminersornerullutik Oqartussat akisussaaffigissavaat.§ 9. Ingerlatseqatigiiffiit § 1 imm. 1-imi 2-milu taaneqartut malittarisassaat taakkualu allanngortinneqartarneri Naalakkersuisunit akuersissutigineqartassapput.
§ 10. § 1 imm. 1-imi ingerlatseqatigiiffiit atasutut taaneqartut (Kalaallit Niuerfiat Sullissivik A/S aammalu Kalaallit Niuerfiat Pisiniarfeqarfik A/S) taarsigassarsiniartarnissaat, qularnaveeqqusiisarnissaat aammalu Namminersornerullutik Oqartussanut ilisimatitsissuteqartarnissaat pillugit aalajangersagassanik Naalakkersuisut aalaj angersaasinnaapput.
Kapitali 5.
Sulisut.§ 11. Namminersornerullutik Oqartussat Kalaallit Niuerfianni tjenestemanditut atorfeqartitaat § 1 imm. 1-imi ingerlatseqatigiiffittut atasutut taaneqartuni (Kalaallit Niuerfiat Sullissivik A/S-imi aammalu Kalaallit Niuerf iat Pisiniarf eqarf ik A/S-imi) Namminersornerullutik Oqartussat suliareqqusaannik suliaqaannarallassapput ingerlatseqatigiiffinni atorfinitsinneqarsimatinnatik.
Imm. 2. Imm. 1 naapertorlugu Namminersornerullutik Oqartussani tjenestemanditut atorfeqaannartut ingerlatseqatigiiffiit taaneqartut arlaanni sulinertik pissutigalugu utaqqinerminni imaluunniit qaqugukkulluunniit suliartoqquneqarsinnaanerminni aningaasarsiaqarnissartik imaluunniit soraarnerussutisiaqarnissartik piumasarisinnaanngilaat.
Imm. 3. Namminersornerullutik Oqartussat imm. 1 naapertorlugu aningaasarsianut il. il. aningaasartuutaat § 1 imm. 1-imi ingerlatseqatigiiffinnit atasutut taaneqartunit (Kalaallit Niuerfiat Sullissivik A/S-imit aammalu Kalaallit Niuerfiat Pisiniarfeqarfik A/S-imit) utertinneqartassapput.
Imm. 4. Tjenestemanditut atorfillit imm. 1 naapertorlugu § 1 imm. 1-imi ingerlatseqatigiiffinnut atasutut taaneqartunut (Kalaallit Niuerfiat Sullissivik A/S-imut aammalu Kalaallit Niuerfiat Pisiniarfeqarfik A/S-imut) atukkiunneqartut soraarnerussutisiassaat Namminersornerullutik Oqartussanit aningaasartuutigineqartassapput. Ingerlatseqatigiiffiit atorfillip ingerlatseqatigiiffimmi soraarnerussutisiassaminut katersuiffissamini katersugai Namminersornerullutik Oqartussanut ingerlaavartumik akiliutigisassavaat.
Imm. 5. Namminersornerullutik Oqartussat tjenestemanditut atorfillit aktiaateqarluni umiarsuaatileqatigiinni sulilersimasut aningaasarsiaqaratik sulinngiffeqarnissaannik neqeroorfigisinnaavaat.§ 12. Atorfillit Kalaallit Nunaanniittut § 1 imm. 1-imi ingerlatseqatigiiffinni atasutut taaneqartuni (Kalaallit Niuerfiat Sullissivik A/S-imi aammalu Kalaallit Niuerfiat Pisiniarfeqarfik A/S-imi) aammalu aktiaateqarluni umiarsuaatileqatigiinni atorfininniariarunik pisinnaatitaaffeqalerlutillu pisussaaffeqalissapput ataatsimoorluni ataasiakkaarluniluunniit isumaqatigiissutit taakkununngalu tapiliussat malillugit aningaasarsiat aammalu sulinermi pissutsit pillugit aalajangersakkat Kalaallit Nunaanni Naalakkersuisunit aalajangersarneqarsimasut akuersissutigineqarsimasulluunniit inatsisip atuutilernerani atuuttut naapertorlugit.
Kapitali 6.
Atortuulernera.§ 13. Inatsisartut peqqussutaat una 1. januar 1993-imi atuutilissaaq.
Imm. 2. Tamatumunnga peqatigitillugu Kalaallit Niuerfiat pillugu Inatsisartut peqqussutaat nr. 6, 8. november 1985-imeersoq atorunnaarpoq.
Namminersornerullutik Oqartussat, ulloq 30. oktober 1992
Lars Emil Johansen/
Ove Rosing Olsen