Bibliotekeqarneq pillugu Inatsisartut peqqussutaata allanngortinneqarneranik Inatsisartut peqqussutaat nr. 13, 30. Oktober 1992-imeersoq.

 

§ 1.

Bibliotekeqarneq pillugu inatsisartut peqqussutaani nr. 4-mi oktoberip 15-ianni 1979-imeersumi § 12-ip kingornanut ilanngunneqassaaq:

"§ 12a. Inatsisartut aningaasanut inatsisaanni ukiut tamaasa aningaasanik ilanngussisoqartassaaq bibliotekimiittuuteqarnermut akissarsiassanik.
Imm. 2. Aningaasat ilanngunneqartut taakku Nalakkersuisunit maleruagassiarineqartut malillugit agguaanneqartassapput kalaallinut atuakkiortunut, nutserisartunut, assiliartalersuisartunut assiliisunullu, atuakkanik kalaallisuunik atuakkanillu immiunneqartunik suliaqarsimasunut."

 

§ 2.

Peqqussut una januaarip aallaqqaataani 1993-imi atortuulissaaq.

Namminersornerullutik Oqartussat, ulloq 30. oktober 1992.

Lars Emil Johansen

/

Marianne Jensen