Inuutissarsiutinut tapersiisarneq pillugu Inatsisartut peqqussutaat nr. 12, 30. oktober 1992-imeersoq.
Kalaallit Nunaanni inuutissarsiutinut tapersiisarnernut Inatsit nr. 134, 28. marts 1984-imeersoq najoqqutaralugu matumuuna makku aalajangersarneqarput:
Kapitali 1.
Inuutissarsiutinut tapersiisarnermi siunertat tunngaviillu.§ 1. Kalaallit inuutissarsiutaasa eqaatsumik ingerlannissaasa unammillersinnaanerisalu annertusarnissaannut kiisalu suliffissaqartitsinerup pitsanngorsarnissaanut Kalaallit Nunaanni Namminersornerullutik Oqartussat kapitali 3-mi aamma kapitali 4-mi nalunaarneqartutut annertutigisunik Kalaallit Nunaanni inuutissarsiummik ingerlataqartunut ingerlataqarusuttunullu, inunnit Kalaallit Nunaanni inuutissarsiummik ingerlatsisinnaanermik pigisaqartunut Kalaallillu Nunaanni aalajangersimasumik najugaqartunut imaluunniit ingerlatseqatigiiffinnut assigisaannullu Kalaallit Nunaanni angerlarsimaffeqartunut, tapiissuteqarsinnaapput.
Imm. 2. Tapiissuteqarnermi inuutissarsiummut naleqquttumik aaminalu ineriartortitsinissanut allanut, pisortat aallartissimasaannut aallartinniarlugilluunniit eqqarsaatigisaannut, naleqqussakkamik, inissiiniartoqassaaq.§ 2. Tapersiissummik tunniussinissamut, qanoq taassuma annertutiginissaanut tapersiissummullu atatillugu atugassaritinneqartunut tunngasunik aalajangiinermi makkua isiginiarneqassapput:
1) Tapersiissutit inuutissarsiutinut inuiaqatigiit aallaavigalugit aningaasassaqarniarnikkullu atugassarititaasut eqqarsaatigalugit siuarsarneqarusuttunut, tapiissutigineqartassapput.
2) Aatsaat tapiissuteqartoqarsinnaavoq ineriartortitsinermut kissaatigineqartumut, soorlu suliffissuarnut, angallatinut, umiarsualivinnut, inissianut, kallerup inneqarfinnut imeqarfinnullu, aqqusinernut, sullivinnullu sullissinermik ingerlataqartunut il.il. tunngatillugu aningaasaliinissanut pilersaarutinut sullivik naleqqutissappat.
3) Aatsaat tapiissuteqartoqarsinnaavoq ingerlatassanut teknikkip tungaatigut illersorneqarsinnaasunut, aammalu piffissaq ungasinnerusoq eqqarsaatigalugu aningaasarsiornissaannut tunngatillugu ingerlaannarsinnaasutut nalilerneqarsinnaasunut.
4) Qinnuteqartup suliassamut piginnaasai kiisalu isertitaanut aningaasaataanullu tunngasut.
5) Ingerlatassanut atatillugu aningaasanut tunngasunik missingersuusiat il.il. nalilernerini suliffeqarfiup aningaasatigut ingerlatsinermini illersorneqarsinnaasumik pisariaqartitaatut isigineqartunit annertunerusunik tapiissuteqartoqarsinnaanngilaq.
Kapitali 2.
Inuutissarsiutinut Tapersiisarnernut Ataatsimiititaliap inuttalersugaanera, pisinnaatitaaffii pisussaaffiilu.§ 3. Tapiissuteqarnissamut aalajangiineq Inuutissarsiutinut Tapersiisarnermut Ataatsimiititaliamit peqqussummi aalajangersakkat malillugit aalajangiiffigineqartassaaq.
Imm. 2. Ataatsimiititaliaq Inatsisartunit toqqarneqartunik, qinersinerup atuuttuusup ataatsip ingerlanerani ilaasortaasussanik, tallimanik inuttaqassaaq. Tamannalu ilutigalugu Inatsisartut toqqarneqartut akornanni kina ataatsimiititaliami siulittaasuussanersoq
kinalu siulittaasumut tulliussanersoq toqqassavaat.
Imm. 3. Inatsisartunit ilaasortassatut toqqarneqartunut tamanut sinniisussanik aaima Inatsisartut toqqaassapput.
Imm. 4. Ataatsimiititaliap suliassat inuiaqatigiinnut annertuumik kinguneqartussat, tassunga ilanngullugu immikkut ittumik aningaasanut tunngatillugu kinguneqarsinnaasut, Naalakkersuisunut saqqummiuteqqaarlugit aatsaat aalajangiiffigisinnaavaat.
Imm. 5. Ataatsimiititaliap aalajangigaanut tunngatillugu maalaarutaasut suliarineqartarnissaannut Inuutissarsiutinut Tapersiisarnernut Maalaaruteqartarfimmik taagorneqartumik pilersitsisoqassaaq.
Imm. 6. Maalaaruteqartarfik Inatsisartunit toqqarneqartunik, qinersinerup atuuttuusup ataatsip ingerlanerani ilaasortaasussanik, pingasunik inuttaqassaaq. Maalaaruteqartarfimmi ilaasortaasut tamanna ilutigalugu Inuutissarsiutinut Tapersiisarnermi Ataatsimiititaliamut ilaasortaasinnaanngillat.
Imm. 7. Qinnuteqartut Ataatsimiititaliap aalajangersimasai Inuutissarsiutinut Tapersiisarnernut Maalaaruteqartarfimmut, aalajangiisimanerup nalunaarutigineqarnerata tigunerata kingorna sapaatip akunneri sisamat qaangiutsinnagit, maalaarutigisinnaavaat.§ 4. Ataatsimiititaliap aalajangissavaa ilaasortaq suliassamut tunngatillugu ima soqutigisaqartigisoq ataatsimiititaliap suliassamik suliarinninnerani peqataasinnaanngitsoq.
Imm. 2. Ilaasortaasup suliassamut atatillugu nammineq ima attuumassuteqartigiguni peqataasinnaanissani nalorninassuteqarsinnaasoq Ataatsimiititaliaq ilisimatissavaa.§ 5. Naalakkersuisut nalunaarusiornikkut peqqussutip ingerlanneqarnissaa aalajangersassavaat, tassunga ilanngullugit ataatsimiititaliap suleriaasissaanut kommunillu peqataatinneqarneranut tunngasut.
Kapitali 3.
Inuutissarsiutinut ataasiakkaanut tapiissutit.Aalisarneq piniarnerlu il.il.
§ 6. Aalisarnermut piniarnermullu atugassanik angallatitaarniarnermi ernialinnik aamma erniaqanngitsunik taasersugassaanngitsunillu taarsigassarsisitsoqarsinnaavoq kiisalu taarsigassarsisitsisarfinni namminersortuni pisortanilluunniit ingerlanneqartuni taarsigassarsianut qularnaveeqqusiisoqarsinnaalluni.
Imm. 2. Imm. 1 naapertorlugu aningaasaliissutit tamarmik angallatip pisiarinerani akianut naleqqiullugu annerpaamik ima annertussuseqarsinnaapput:
1) Angallatinut ukiut qulit angullugit pisoqaassusilinnut 90%,
2) angallatinut ukiut qulit 15-illu akornanni pisoqaassusilinnut 85%,
3) angallatinut ukiut 15-it sinnerlugit pisoqaassusilinnut 80%, aamma
4) angallatinut imm. 8-mut ilaatinneqartunut 95%-i.
Imm. 3. Inuutissarsiutigalugu aalisarnermut piniarnermullu atugassamik angallatitaarnissamut erniaqanngitsunik taarsersugassaanngitsunillu taarsigassarsitsisoqarsinnaavoq. Siusinnerusukkut angallatitaarnermut erniaqanngitsunik taasersugassaanngitsunillu taarsigassarsisitsisoqareersimappat taava nutaamik erniaqanngitsunik taarsersugassaanngitsunillu taarsigassarsisitsisoqarsinnaanngilaq. Kisiannili erniaqanngitsunik taarsersugassaanngitsunillu taarsigassarsiat sinneri aningaasaliinermut atatillugu ilanngunneqarsinnaapput.
Imm. 4. Imm. 3 naapertorlugu taarsigassarsiat erniaqanngitsut taarsersugassaanngitsullu, imm. 5-imi aamma imm. 8-mi pissutsit eqqaanegartut kisiisa pinnagit, angallatip pisaarinerani nalingata annerpaamik 25%-erisinnaavai.
Imm. 5. Imm. 3 naapertorlugu taarsigassarsiat erniaqanngitsut taarsersugassaanngitsullu angallatip pisaarinerani nalingata 40%-ia angullugu annertussuseqarsinnaapput, tassa angallatip pisaarinerani, kingornalu angallammut tunngatillugu aningaasaliinerni, aningaasanut pisariaqartitanut tunngatillugu Inuutissarsiutinut Tapersiisarnernut Ataatsimiititaliamit atornani atukkanillu qularnaveeqqusiisoqarnani, aningaasalersuisoqassappat.
Imm. 6. Imm. 1 naapertorlugu taarsigassarsiat qularnaveeqqusiinerillu angallatip qanoq sivisutigisumik pigineqarsinnaaneratulli naatsorsuutigineqartutut sivisutigisumik taarsersorneqassapput. Taarsersuinerulli sivisussusissaa sivisunerpaamik imaassinnaavoq:
1) Angallatinut nutaanut qisuusunut saviminiusunulluunniit ukiut 20-it,
2) angallatinut nutaanut glasfiberiusunut ukiut 15-it aammalu
3) angallatinut atornikunut ukiut qulit. Kiisalu aamma angallatinut atornikunut taarsigassarsiat imaluunniit qularnaveeqqusiinernut atatillugu taarsigassarsiat taarsersornissaannut tunngatillugu imatut aalajangersaasoqassaaq, taarsigassarsiat qularnaveeqqusiussalluunniit taarsersorlugit naammassineqarsimassallutik kingusinnerpaamik angallat ukiunik 25-inik pisoqaassuseqalerpat, angallat qisuk saviminerluunniit pineqarpat, angallallu glasfiberiuppat ukiunik 20-nik pisoqaassuseqalerpat.
Imm. 7. Angallatinik atornikunik pissarsinermut imm. 6-imi aalajangersagaq apeqqutaatinnagu aalajangerneqarsinnaavoq, inuutissarsiutinut tapersiisarneq pillugu peqqussut imaluunniit siusinnerusukkut malittarisassat atuuttuusimasut naapertorlugit taarsigassarsiaritinneqarsimasut imaluunniit taarsigassarsianut qularnaveeqqusiussaasimasut ingerlateqqinneqarsinnaasut qanoq sivisutigisumik taarsersorneqarnissaannut aalajangersaasimaneq atortuutiinnarlugu, soorlu aamma taarsigassarsiat taarsigassarsianullu qularnaveeqqusiinerit taamaattut tiguneqarnerinut taarsigassarsisitsisoqarlunilu taarsigassarsianullu qularnaveeqqusiisoqarsinnaasoqq taarsigassarsiat ukiut tallimat tikillugit taarsersugassat eqqarsaatigalugit.
Imm. 8. Angallatinik nutaanik inuutissarsiutigalugu aalisarnermut piniarnermullu atugassanik, aalisarnerinnaviimulli imaluunniit pingaarnerutillugu aalisarnermut, sumiiffinni aalisarnerup ineriartortinnissaanut pisariaqartitsiffeqarfinni periarfissalinnilu tunisassiat annertusiartortinnissaannut atatillugu, atorneqartussanut pisaarnermi akigitinneqartup nalingata 35%-ia angullugu taarsigassarsisitsisoqarsinnaavoq. Taamaattoqartillugu piumasarineqarpoq sumiiffimmi pineqartumi taarsigassarsisinneqartup najugaqarnissaa angallatillu angerlarsimaffeqarnissaa.
Imm. 9. Angallatinik siuliani aalajangersakkat naapertorlugit aningaasalersorneqartunik pisinermi akigititaasunut ilaatinneqarput isumaqatigiissummi akigititassatut isumaqatigiissut, aalisarnermi atortussat pisariaqartitat, sillimmasiinermi qaammatinut pingasunut atuuttumut akiligassaq kiisalu angallatip tiguneqarnerani aningaasartuutit il.il. angallatip nammineq angerlarsimaffianiit tamakkiisumik aalisalernissami pisariaqartinneqartutut isigineqartut. Sanaartornermut aningaasartuutit appartinneqarnissaannut allanit toqqaannartumik tapiissuteqartoqarpat, anqallatip pisaarinerani aki naatsorsorneqassaaq tapiissutit ilanngunnagit, taamatullu aamma siuliani aalajangersakkat naapertorlugit taarsigassarsiat erniaqanngitsut taarsersugassaanngitsullu tapiissutit nalinginik ikilisinneqassallutik.§ 7. Angallatit inuutissarsiutigalugu aalisarnermut piniarnermullu atorneqartut allanngortiternerinut iluarsaannerinulluunniit imaluunniit angallatinut tamatumani pineqartunut atortussanik, motoorinik, sillimaniarnermut atortussanik allanillu teknikkikkut atortorissaarutinik pissarsinissamut taarsigassarsisitsisoqarsinnaavoq imaluunniit taarsigassarsiniartarfinnit namminersortunit pisortanilluunniit pigineqartunit taarsigassarsianut qularnaveeqqusiisoqarsinnaalluni.
Imm. 2. Annertunerusumik pitsanngorsaanernut maskinanillu taarsersuinernut annertunerusunut, taamatullu aamma sillimaniarnermut atortorissaarutinik pissarsinissamut aningaasartuutit 30%-ii tikillugit erniaqanngitsunik taarsersugassaanngitsunillu taarsigassarsisitsisoqarsinnaavoq.
Imm. 3. Imm. 1 aamma imm. 2 naapertorlugu aningaasaliissutit tamarmiusut aningaasartuutit annerpaamik 90%-erisinnaavaat. Taamaattorli pitsanngorsaanernut maskinanillu taarsersuinernut annertunerusunut atatillugu aningaasaliissutit tamarmiusut tamakkiisumik aningaasartuutaasut 95%-erisinnaavaat.
Imm. 4. Imm. 1 aamma imm. 2 naapertorlugit taarsigassarsiat sivisunerpaamik taarsersorneqarsinnaapput imatut:
1) Pitsanngorsaanernut maskinanillu taarsersuinernut annertunerusunut ukiut qulit,
2) iluarsaassinernut allanut isumannaallisaatitullu atortunut ukiut tallimat aammalu
3) aalisarnermut atortunut angallatip pisaarineranut atatillugu pisaarineqarsimanngitsunut ukiut pingasut.§ 8. Angallatinut peqqussut manna imaluunniit siusinnerusukkut inuutissarsiutinut tapersiisarneq pillugu aalajangersakkat atuussimasut naapertorlugit aningaasalersorneqarsimasut ingerlanneqarnerinut taarsigassarsiniartarfinnit namminersortunit taarsigassarsiarineqarsimasunut qularnaveeqqusiisoqarsinnaavoq.
Nersutaateqarneq, tuttuutegarneq assiqisaallu.
§ 9. Nersutaateqarnermut assigisaannullu atatillugu pilersitsinermi, tigusinermi imaluunniit inuutissarsiummut atatillugu illutanik allilerinermi aammalu taamaaliornernut atatillugu piginnittumut, atuisumut, aqutsisumut imaluunniit ikiortimut illuliuussinernut pisinernulluunniit ernialinnik taarsigassarsisitsisoqarsinnaavoq, taarsigassarsisitsisarfinnit namminersortunit pisortanilluunniit pigineqartunit taarsigassarsianut qularnaveeqqusiisoqarsinnaalluni imaluunniit ernialersugaanngitsunik taarsersugassaanngitsunillu taarsigassarsisit-sisoqarsinnaalluni.
Imm. 2. Imm. 1 naapertorlugu taarsigassarsiat erniaqanngitsut taarsersugassaanngitsullu sanaartornermut pissarsinermulluunniit aningaasartuutit annerpaamik 60%-erisinnaavaat. Nersutaateqarnermulli inuutissarsiummut atatillugu nammineerluni sanaartortoqarpat, sanaartornermi atortussanut aningaasartuutit 90%-ii tikillugit erniaqanngitsunik taarsersugassaanngitsunillu taarsigassarsisitsisoqarsinnaavoq. Namminersorluni savaatilinngornermut atatillugu nersutaateqarnermut atugassanik sanaartukkanut, nammineq sananeqartunut, atortussanut aningaasartuutit 95%-ii tikillugit erniaqanngitsunik taarsersugassaanngitsunillu taarsigassarsisitsisoqarsinnaavoq.
Imm. 3. Imm. 2 naapertorlugu taarsigassarsisitsinermi ernialinnik taarsigassarsisitsisoqarsinnaavoq imaluunniit sanasunut ikiorneqarnissamut pisariaqartitanut akissanut taarsigassarsianut qularnaveeqqusiisoqarsinnaalluni.
Imm. 4. Imm. 1 aamma imm. 2 naapertorlugu taarsigassarsiat sivisunerpaamik ukiuni 25-ni taarsersorneqassasut aalajangerneqassaaq. Imm. 3 naapertorlugu taarsigassarsiat sivisunerpaamik ukiuni qulini taarsersorneqassasut aalajangerneqassaaq.§ 10. § 9-mi aalajangersakkat tunngavigalugit illuliat kallerup innilernissaannut imaluunniit kallerup inniliuusernissaanut ernialinnik taarsigassarsisitsoqarsinnaavoq imaluunniit atukkanut qularnaveeqqusiisoqarsinnaalluni kiisalu erniaqanngitsunik taarsersugassaanngitsunillu atukkiisoqarsinnaalluni.
Imm. 2. Imm. 1 naapertorlugu taarsigassarsiat erniaqanngitsut taarsersugassaanngitsullu annerpaamik sanaartornermut pissarsinermullu aningaasartuutit 60%-erisinnaavaat.
Imm. 3. Imm. 1 aamma imin. 2 naapertorlugit taarsigassarsiat taarsersornissaat sivisunerpaamik ukiunut qulinut aalajangerneqarsinnaavoq.§ 11. Nersutaatissarsinernut, tassunga ilanngullugit tuttut aamma nersutit meqqullit kiisalu maskiinarsinernut, nersutaateqarnermut atortussarsinernut assigisaannullu erniaqanngitsunik taarsersugassaanngitsunillu taarsigassarsisitsisoqarsinnaavoq imaluunniit taarsigassarsianut qularnaveeqqusiisoqarsinnaalluni.
Imm. 2. Imm. 1 naapertorlugu taarsigassarsianut imaluunniit taarsigassarsiat qularnaveeqqusernerinut atatillugu erniaqanngitsunik taarsersugassaanngitsunillu traktorersinernut assaatinillu maskiinarsinernut, kiisalu maskiinanut allanut angisuunut motoorimik ikkunneqareersimasumik ingerlatilinnut, tamakkiisumik aningaasartuutit 30%-iat angullugu taarsigassarsisitsisoqarsinnaavoq.
Imm. 3. Imm. 1 aamma imm. 2 naapertorlugit taarsigassarsiat sivisunerpaamik ukiut qulit taarsersorneqassasut aalajangerneqarsinnaavoq.§ 12. Nunaatit pitsanngorsarnerinut, tassunga ilanngullugit naggorissaanerit ujaraajaanerillu nutaat, marraasarterinerit, sullulinnik kuuffiliornerit, kalkilersuinerit naggorissaanerillu kiisalu imerterusiornerit, ungalulersuinerit assigisaalu, ernialinnik taarsigassarsisitsisoqarsinnaavoq imaluunniit taarsigassarsianut qularnaveeqqusiisoqarsinnaavoq kiisalu erniaqanngitsunik taarsersugassaanngitsunillu taarsigassarsisitsoqarsinnaalluni.
Imm. 2. Imm. 1 naapertorlugu erniaqanngitsunik taarsersugassaanngitsunillu taarsigassarsiat annerpaamik aningaasartuutit 60%-erisinnaavaat.
Imm. 3. Imm. 1 aamma imm. 2 malillugit taarsigassarsiat sivisunerpaamik ukiut qulit taarsersorneqassasut aalajangerneqarsinnaavoq.§ 13. Ingerlatsinermut taarsigassarsinianut taarsigassarsiniartarfinnit namminersortunit taarsigassarsiarineqarsimasunut nunaateqarnerup, tuttuuteqarnerup assigisaasalu iluani suliffeqarfiit ingerlanneqarnerinut atugassanik qularnaveeqqusiisoqarsinnaavoq.
Imm. 2. Nerukkaatissanik kingunissanillu pisinermut ernialinnik taarsigassarsisitsisoqarsinnaavoq pisinermi aningaasartuutit 100%-ii tikillugit. Taarsigassarsisunut arlalinnut ataatsimut pisisoqarneranut atatillugu, pisiffiusumut assartuisunullu akiliinissamut qularnaveeqqusiigallartoqarsinnaavoq.
Imm. 3. Imm. 2 naapertorlugu taarsigassarsiat tunniunneqartassapput taarsigassarsisup nersutaatiminik tunisinermigut isertitassai qularnaveeqqusiullugit.
Imm. 4. Imm. 2 naapertorlugu taarsigassarsiat ukioq ataaseq qaangiutsinnagu akilerneqareersimassapput.§ 14. Pigisat nalillit, § 9-mi, § 10-mi aamma § 11-mi aalajangersakkanut ilaatinneqartut, iluarsarneqarnerinut ernialinnik taarsigassarsisitsisoqarsinnaavoq imaluunniit taarsigassarsianut qularnaveeqqusiisoqarsinnaalluni kiisalu erniaqanngitsunik taarsersugassaanngitsunillu taarsigassarsisitsoqarsinnaalluni, pigisat nalillit pisaarinerini aalajangersakkanisut annertutigisunik, kisiannili ukunani taarsigassarsiat taarsersornissaat sivisunerpaamik ukiut qulit ingerlassasoq aalajangerneqarsinnaalluni.
§ 15. § 9-mi, § 10-mi, § 11-mi, § 12-imi, § 13-imi aammalu § 14-imi aalajangersakkat naapertorlugit taarsigassarsiat erniallit imaluunniit taarsigassarsianut qularnaveeqqusiinerit siunertarineqartumut tunngatillugu taarsigassarsiat erniaqanngitsut taarsersugassaanngitsullu erniaasa annertunerpaaffissaatut aalajangikkap aammalu 90%-ip assigiinngissutaattut annerpaamik annertussuseqarsinnaapput; kisiannili 95%-iusinnaalluni namminersorluni savaatilinngoqqaarniarnermut atatillugu.
§ 16. Taarsigassarsisup aningaasaqarniarnera eqqarsaatigalugu pisariaqartinneqartutut isumaqartoqarpat, § 9-mi, § 10-mi, § 11-mi, § 12-imi, § 13-imi aamma § 14-imi aalajangersakkat naapertorlugit taarsigassarsianut tunngatillugu erniat taarsersugassallu taarsersorlugit aallartinnissaat kinguartinneqarsinnaavoq taarsigassarsiat pilersinneriniit ukiut pingasut angullugit. Erniat akilersornissaannut tunngatillugu akilersuinissaq kinguartikkallarneqarsimappat, kinguartitsigallarnerup nalaani erniat taarsigassarsiarineqarsimasunut ilanngunneqassapput.
Suliffissuagarneq. niuerneq assassornerlu il.il..
§ 17. Allatut iliorluni aningaasassanik naammattunik, naammaginartumik atugassaqartitaalluni pissarsiarisinnaasanik, pissarsisinnaasoqanngippat, Kalaallit Nunaanni kommuninut inuutissarsiutinut atatillugu sanaassanut pisiassanulluunniit, suliffissuaqarnerup, niuernerup sulliviuteqarnerullu iluanni kalaallinut inuutissarsiutilinnut attartortitsinissaq tuniniaanissarluunniit eqqarsaatigalugit sananeqartussanut atugassanik, ernialinnik taarsigassarsisitsisoqarsinnaavoq.
§ 18. Sullivinnut suliffissuaqarnerup, niuernerup assassornerup il.il. iluaniittunut aatsaat tapersiisoqarsinnaavoq, siusinnerusukkut inuutissarsiutinut tapersiisarnermut ataatsimiititaliamit tapersiisoqareersimappat, tapersiissutillu suli tamakkerlugit akilerneqarsimanngippata.
Imm. 2. Sullivinnut, imm. 1-imi piumasarineqartunik naammassinnissimasunut, inuutissarsiornermik tapersiisarneq pillugu Inatsisartut peqqussutaanni nr. 5, 19. november 1986-imeersumi § 9-mi, § 10-mi, § 11-mi aamma § 12-imi aalajangersakkat naapertorlugit taarsigassarsisitsisoqarsinnaavoq imaluunniit taarsigassarsianut qularnaveeqqusiisoqarluni.
Kapitali 4.
Ernianut tapiissutit qularnaveeqqusiinerlu.§ 19. Taarsigassarsisitsisarfinnit namminersortunit pisortanillu pigineqartunit taarsigassarsiat ingerlatsinermullu atugassatut tigoriaannartut taarsigassarsiat erniaasa appartinnissaannut kapitali 3-mi aalajangersakkat naapertorlugit ernianut tapiissuteqartoqarsinnaavoq.
Imm. 2. Kiisalu aamma taarsigassarsianik imaluunniit ingerlatsinernut atatillugu inuutissarsiutinut tapersiisarnermi maleruagassat siusinnerusukkut atortuusut naapertorlugit taarsigassarsianut qularnaveeqqusiinernut atatillugu ernianut tapiisoqartoqarsinnaavoq.§ 20. Taamaallaat qularnaveeqqusiisoqarsinnaavoq taarsigassarsianut ingerlatsinermullunniiit sillimmatinut aningaaserivinni, sparekarsini taarsigassarsisitsisarfinnilluunniit allanit pisortanit nakkutigineqartuni taarsigassarsiarineqarsimasunut. Tamannali atunngilaq akiliinissamut qularnaveeqqusiinermut § 13, imm. 2-mi taaneqartumut.
Kapitali 5.
Tapersiinermi atugassarititaasut.§ 21. Taarsigassarsiat nalinginnaasut maleruagassat naalakkersuisunit aalajangersarneqarsimasut naapertorlugit ernialersorneqarlutillu taarsersorneqassapput. Taarsigassarsiat naafferartumik tunniunneqarsinnaapput.
§ 22. Taarsigassarsiat erniaqanngitsut taarsersugassaanngitsullu, taarsigassarsiat qanoq sivisutigisumik taarsersornissaannut tunngatillugu kapitali 3-mi ukiut aalajangerneqarsimasut malillugit, ikilisikkiartuaarneqassapput. Tamatuma saniatigut ernialinnik taarsigassarsisoqarsimappat imaluunniit pisaarniarnermut atatillugu taarsigassarsinermut qularnaveeqqusiisoqarsimappat, taava taarsigassarsiat erniaqanngitsut taarsersugassaanngitsullu taakkunannga taarsersuinissanut tunnqatilluqu aalajanersakkat assinginik, ikiliartuaartinneqassapput.
Imm. 2. Nalillit pissarsiarineqarsimasut ikililerinissamut piffissaritinneqartup aalajangerneqarsimasup ingerlanerani taarsigassarsisitsinermi sumut atornissaannut naatsorsuutigineqarsimasutut atorneqanngippata, imaluunniit taarsigassarsinermi, ernialinnik taarsigassarsinermi, taarsigassarsinermullu atatillugu qularnaveeqqusiunneqarsimasinnaasunut atugassarititaasut sumiginnarneqarsimappata, taava aningaasat nalikilliliissutigineqarsimanngitsut utertinneqassapput. Aalajangerneqarsinnaavorli taarsigassarsiat uninngatiinnarneqarsinnaasut immaqa piumasaqaatitalerlugit akiligassat sinnerisa siunissami ernialersorneqarnissaannik taarsigassarsiatullu ernialittut taarsersorneqarnissaannik.§ 23. Taamaallaat taarsigassarsisitsisoqarsinnaavoq, aamma taarsigassarsianut ingerlatsinermulli sillimmatitut taarsigassarsianut qularnaaveeqqusiisoqarsinnaalluni qularnaallisaassusiinikkut.
Imm. 2. Ingerlatsinermut sillimmatinik taarsigassarsianut qularnaveeqqusiisoqarsinnaavoq immikkut ittumik qularnaallisaassusiussaqarnissamik piumasaqarnani, naliliisoqarpat sullivik inuutissarsiutit ineriartortinnissaannut suliffissaqartitsiniarnermullu pingaaruteqartoq kiisalu inuutissarsiutinut tapersiisarnernut ataatsimiititaliap sullivinnut tunngatillugu peqataanerata annertussusia illersorneqarsinnaappat, kiisalu aamma uppernarsineqarsinnaappat sulliviup siunissami inuutissarsiutinut tapersiisarnernut ataatsimiititaliaitiut pisussaaffini eqqortissinnaassagai.§ 24. Sullivinni kapitali 3 naapertorlugu tapersiiffigineqarsimasuni ingerlatseqatigiiffinni aktieselskabini, anpartsselskabini piginneqatigiiffinnilu killilimmik akisussaassuseqartuni piginneqataassutisisoqarsinnaavoq.
Imm. 2. Imm. 1 naapertorlugu piginneqataassutisinermi piginneqataassutisisoqarsinnaanngilaq piginneqataassutitigut aningaasaatit tamarmiusut 50%-iat sinnerlugu.
Imm. 3. Piginneqataassutisinermi piumasaqaatigineqarsinnaavoq Namminersornerullutik Oqartussat ingerlatseqatigiiffiup siulersuisuini sinniisuutitaqarnissaat.
Imm. 4. Piginneqataassutinik pisinermut tunniussinermulluunniit atatillugu aalajangerneqarsinnaavoq inuit Kalaallillu Nunaanni inuutissarsiummik ingerlatsisinnaatitaasut najugavissullu, aamma ingerlatseqatigiiffiit assigisaallu Kalaallit Nunaanni angerlarsimaffeqartut salliutinneqassasut.
Imm. 5. Aalajangerneqarsinnaavoq ingerlatseqatigiiffik ukiumut iluanaarutissanik aggornersiassanilluunniit tamakkiisumik piginneqataassutit aningaasanngorlugit nalingisa 6%-iannit annertunerusumik tunniussaqassanngitsoq.§ 25. Naalakkersuit taarsigassarsisitsinernut, qularnaveeqqusiinernut, kiisalu ingerlatseqatigiiffinni piginneqataassutinik pisinernut piumasaqaatinik sukumiinerusunik malittarisassiorsinnaapput.
Kapitali 6.
Taarsigassarsiat taarsersorneri, pillaammik ernialiussat aamma akilinngikkallarnissaamik kiisalu isumakkeerneqarnissaannut tunngatillugu aaqqissuussinerit aaimalu atortuujunnaarsitsinernut tunngatillugu aaqqissuussinerit.§ 26. Taarsigassarsiat qanoq sivisutigisumik akilersorneqarnissaat nalikillisikkiartuaartinneqarnissaalluunniit tunngavigalugu ukiumut amerlaqatigiikkuutaanik akiliisarluni taarsigassarsiat ikilisikkiartuaarneqassapput.
Imm. 2. Tapersiissut qularnaveeqqusiissutitut immaqalu taarsigassarsianut imaluunniit taarsigassarsisitsisarfiimiit taarsigassarsiatut tunngatillugu erniatigut tapersiissutitut tapersiissutaasimappata, taarsigassarsiat ingerlatsinermulluunniit sillimmatit isumaqatigiissusiornerini aalajangersakkat naapertorlugit ikiliartuaartinneqassapput.§ 27. Inuutissarsiutinut Tapersiisarnernut Ataatsimiititaliaq, pigisat nalillit sillimmasiunneqarsimappata, taarsigassarsianut atatillugu atugassarititaasut naapertorlugit taarsersuinissamut tunngatillugu naammaginartumik akiliinngikkallartitsisinnaapput ernialersortillugit qaammatit aqqaneq-marluk tikillugit ukiut tallimat angullugit, siunissami taarsersuinissanut atatillugu amerlaqatigiikkaartunik taarsersuisoqarsinnaavoq, taamaalilluni taarsigassarsiat sinneri sivisunerpaamik ukiut tallimat ingerlanerini akilerneqartussanngorlugit.
§ 28. Inuutissarsiutinut Tapersiisarnernut Ataatsimiititaliaq ernianut tunngatillugu § 27-mi eqqaaneqartutut tassani piumasaqaatit assinginik piumasaqaatitalerlugit akiliinngikkallartitsisinnaapput, kisiannili ukiut marluk kisiisa angullugit.
§ 29. Tapersiissut qularnaveeqqutitut tunniunneqarsimappat atorfigisimasamut, atukkiisarfiup Inuutissarsiutinullu Tapersiisarnermi Ataatsimiititaliap akornanni isumaqatigiissuteqareernikkut, akiliinngikkallartitsisoqarsinnaavoq.
§ 30. Naalakkersuisunut saqqummiussereernikkut Inuutissarsiutinut Tapersiisarnernut Ataatsimiititaliaq atukkanut atatillugu sillimmasiunneqarsimasut eqqarsaatigalugit akiliinngikkallartitsisinnaavoq peqqussummi taarsigassarsiat akilersornissaannut tunngatillugu killigititassatut aalajangerneqarsimasoq qaangerlugu.
§ 31. Tapersiiffigineqarsimasoq akiliinngikkallarnissamik qinnuteqaateqareersimappat Inuutissarsiutinut Tapersiisarnernut Ataatsimiititaliaq aalajangeereertinnagu ernianut pillaat kisinneqassanngikkallarpoq.
Imm. 2. Akiliinngikkallarnissaq nalunaarutigineqareersimappat ernianut pillaat kisinneqassanngilaq, atukkamulli atatillugu nalinginnaasumik erniaritinneqartussatut aalajangerneqarsimasoq kisimi ernialiussaanit taarsersugassanillu kisinneqassalluni.
Imm. 3. Allatut pisoqartillugu, tassa akiliiffissaritinneqartoq kingulleq eqqarsaatigalugu qaammat ataaseq qaangiuttoq akiligassat akilerneqarsimanngippata, ernianut pillaat taarsigassarsiat nalinginnaasumik erniaasa saniatigut ukiumut 6%-iusoq kisinneqarsinnaavoq.§ 32. Inuutissarsiutinut Tapersiisarnernut Ataatsimiititaliap atukkiunneqareersimasut erniallit atukkanullu qularnaveeqqusiinerit allanngortissinnaavai taarsigassarsiatut nutaatut isikkoqalersillugit akilersornissaat sivisussusilerlugit, pigisap nalillip atukkiiffigineqarsimasup qanoq sivisutigisumik suli pigineqarnissaata naatsorsuutigineqarnera, qulaannagu.
Imm. 2. Immikkut ittumik pisoqartillugu Inuutissarsiutinut Tapersiisarnernut Ataatsimiititaliap, Naalakkersuisut akuersinerisigut, inuutissarsiutinut tapersiissutitut akiitsut allanngortissinnaavai atugassanngorlugit erniaqanngitsut taarsersugassaanngitsullu sivisunerpaamik ukiut tallimat angullugit kiisalu akiitsut nalikilliliiffigalugit aammalu immikkut ittumik tapiissuteqarluni sullivimmi, peqqussut una naapertorlugu tapiiffigineqarsimasumi imaluunniit siusinnerusukkut inuutissarsiutinut tapersiisarnernut tunngatillugu aalajangikkat atortuusimasut naapertorlugit tapiiffigineqarsimasumi, aningaasanut tunngatillugu saliinermut atatillugu.
Imm. 3. Imm. 2 naapertorlugu aningaasanut tunngasunik saliinermi piumasarineqarsinnaavoq Namminersornerullutik Oqartussat sulliviimi pineqartumi, taanna ingerlatseqatigiiffimmit assigisaanilluunniit ingerlanneqarpat, siulersuisunut ataatsimik arlalinnilluunniit ilaasortaatitaqassasut.
Imm. 4. Imm. 1-imi aamma imm. 2-mi aalajangersakkat eqqaaneqartut, sulliviup taarsigassarsiani akilersornissaanut tunngatillugu pisussaaffini siunissami eqqortissinnaagai uppernarsineqarsinnaappat, atortuutinneqarsinnaapput.§ 33. Inuutissarsiutinut Tapersiisarnernut Ataatsimiititaliap angallatip, manna tikillugu aalisarnermik piniarnermillu inuutissarsiuteqarnermut atorneqarsimasup, unalu peqqussut aammalu siusinnerusukkut inuutissarsiutinut tapersiisarnernut tunngatillugu aalajangersakkat atortuusimasut naapertorlugit tapersiissuteqarfiusimasup, atortuujunnaarsinneranut atatillugu inuutissarsiutinut tapersiissutinut akiitsut utertinnissaannut atatillugu erniaqanngitsoortitsisinnaapput akiliinngikkallartitsisinnaallutilluunniit. Kiisalu aamma Inuutissarsiutinut Tapersiisarnernut Ataatsimiititaliaq Naalakkersuisut akuersinerisigut taamatut atortuujunnaarsitsinermut atatillugu immikkut ittumik pisoqartillugu akiitsunik nalikilliliisinnaapput.
Imm. 2. Imm. 1 naapertorlugu tapiissutit aatsaat angallatit, ima pisoqaatigisut taamaattunik angallatitaassagaluaraanni atukkiussat taarsersornissaasa sivisunerpaaffilernerinit sivisunerusumik piusimasut, kiisalu aningaasatigut illersorneqarsinnaasumik ingerlanneqarsinnaanngitsutut naatsorsuutigineqartut, aammalu iluarsaakkaluaraanni aningaasanut tunngatillugu illersorneqarsinnaanngitsutut nalilerneqarsimasut, atortuujunnaarsinnerinut atatillugu tapiissutigineqarsinnaapput.
Imm. 3. Imm. 1 naapertorlugu tapiissutit aatsaat angallatip atortuujunnaarsinneqartup taartissaanik pissarsiniarnermut atatillugu tapiissutigineqarsinnaapput.
Imm. 4. Imm. 1 naapertorlugu tapiissutit aatsaat tapiissutigineqarsinnaapput atortup manna tikillugu angallamminik ingerlatsimanera tunngvigalugu aamma taarsigassarsiat taarsersornissaannut atatillugu pisussaaffiit eqqortillugit ingerlatsisimanera angallatillu teknikkinut aalisarsinnaaneranullu atatillugu atorsinnaanera tunngavigalugit uppernarsineqartutut isigineqarpat atortup maannakkut atukkanut angallatitaarniarnermullu atatillugu atugassanut tunngatillugu pisussaaffinnik siunissami eqqortitsisinnaasoq.
Imm. 5. Imm. 1 malillugu ernianut akiliisussaatitaajunnaarneq akiligassanillu akiliinngikkallarsinnaatitaaneq ukiut tallimat angullugit tunniunneqarsinnaavoq, taraatuma kingorna akiitsut atukkiunneqarneranni atugassarititaasut naapertorlugit ernialersorneqassapput taarsersorneqassallutillu, angallatip atortuujunnaarsinneqartup taartissaanik angallatitaarnermut atatillugu taarsigassarsiat taarsersornissaasa sivisussusissaannit, sivisunerunngitsumik piffissalerlugit.
Imm. 6. Imm. 1 malillugu tapiissuteqarnermut atatillugu angallammut atortuujunnaarsinneqartumut tunngatillugu atorsimasat qulakkeerneqassapput angallammi nutaami sallunaveeqqusiinikkut.
Imm. 7. Imm. 1-imut atatillugu tapiissuteqarnermi Inuutissarsiutinut Tapersiisarnernut Ataatsimiititaliaq angallatit atortuujunnaarsinnissaannut atatillugu aningaasartuutissat aningaasalersornissaannut ernialinnik atukkiisinnaavoq. Tamanna aalajangersagaq malillugu taarsigassarsiat angallammut nutaamut atatillugu akiitsunut ilanngunneqassapput.
Imm. 8. Atortunut, angallatip atortuujunnaartup akuersissutaanik tunisisunut tunisinermilu iluanaarutigineqartunik angallammut atortuujunnaarsinneqartumut atatillugu inuutissarsiutinut tapersiinermut akiitsunut, tamakkiisumik iluanaarutaasunik nakkartitsisunut, Inuutissarsiutinut Tapersiinermut Ataatsimiititaliaq immikkut ittumik akuersissummik tunisereernerup kingorna akiitsunut sinneruttunut tunngatillugu nalikilliliisinnaavoq. Nalikilliliineq akiliutigineqartutut annertutigissaaq, kisiannili inuutissarsiutinut tapersiisarnernut akiitsut sinnerinit annertunerussanani.
Imm. 9. Imm. 8-mi eqqaaneqartutut pisoqartillugu Inuutissarsiutinut Tapersiisarnernut Ataatsimiititaliaq akiitsut sinnerinut tunngatillugu atortup akiitsuminut akiliutigisaatut annertutigisunik nalikilliliisinnaavoq, kisiannili taakkununnga ilanngunneqassanngillat Namminersornerullutik Oqartussat angallatip atortuujunnaarsinnissaanut atatillugu tapiissutigisimasinnaasaat.§ 34. Angallatit aalisarnermut piniarnermullu atorneqartussat siusinnerusukkullu Inuutissarsiutinut Tapersiisarnernut Ataatsimiititaliamit tapiiffigineqarsimanngitsut aningaasalersorneqarnerannut erniaqanngitsunik taarsersugassaanngitsunillu taarsigassarsisitsisoqarsinnaavoq, angallatip pisoqaassusia ukiut qulit qaangersimanngippagit, angallat glasfiberimik sanaajuppat, ukit 15-it angallat qisumraik imaluunniit saviminermik sanaajuppat aammalu angallat 1. januar 1993 sioqqullugu pisaarineqarsimappat.
Imm. 2. Imm. 1 naapertorlugu taarsigassarsiat pisaarinerani akigititaasup § 6, imm. 9-mi aalajangersakkat naapertorlugit naatsorsorneqarsimasap, tassungalu ilanngullugit angallatip pisaarinerata kingorna qaaimnatit arfinillit siulliit iluanni allanngortiterinernut iluarsaassinernullu aningaasartuutaasimasut, annerpaamik 25%-erisinnaavaat, taarsigassarsiallu angallat qularnaveeqqusiullugu taarsigassarsiaasimasut atuuttut 50%-iat sinnersinnaanagu.
Imm. 3. Imm. 1 naapertorlugu taarsigassarsiat ukiut qulit qaangiunneranni tamakkiisumik nalikillilerneqassapput.
Imm. 4. Imm. 1 naapertorlugu taarsigassarsiat angallammi pineqartumi qularnaveeqqusiussamut salliutitassaatitaanikkut qularnaveerneqassapput.
Imm. 5. Imm. 1-imit 4-mut aalajangersakkat atorneqarsinnaapput uppernarsisinneqarsinnaappat taarsigassarsisoq siunissami angallamminik aningaasaqarniarnikkut illersorneqarsinnaasumik ingerlatsisinnaasoq, tamatumani aamma allanit aningaasalersuisimanerit ilanngullugit eqqarsaatigalugit.§ 35. Taarsigassarsisut angallammik 75 BRT/12BRT inorlugu angissusilimmik raajarniarnermik ingerlataqartut imaluunniit angallammik taama angitigisumik raajarniarsinnaatitsilernissamut pisinnaatitaasut, pisinnaatitaaffik tamanna Namminersornerullutik Oqartussanut tunniuppassuk, Inuutissarsiutinut Tapersiisarnermut Ataatsimiititaliap pineqartup Inuutissarsiutinut Tapersiisarfimmut akiitsui tamakkiisumik ilaannakuusumilluunniit isumakkeerutigisinnaavai.
Imm. 2. Imm. 1-imi aalajangersagaq piffissami imalu annertutigisumik naalakkersuisut aalajangigaanni atortussanngortinneqarsinnaavoq.§ 36. Inuutissarsiutinut Tapersiisarnernut Ataatsimiititaliap akiligassallit inuutissarsiutinut tapersiisarnermit atukkanut tunngatillugu ernianut tunngasunik akiliissanngitsut nalunaarfigisinnaavai, Inuutissarsiutinut Tapersiisarnermi Ataatsimiititaliap sallunaveeqqutaasumik tigusinera, ajutoortoqarnera, imaluunniit sallunaveeqqutip allanik peqquteqarluni akiligassalimmit pigineqarunnaarsimanera pissutigalugu aningaasanut pisassanut tunngatillugu sallunaveeqqutaaruttoqarsimappat, aammalu Inuutissarsiutinut Tapersiisarnernut Ataatsimiititaliaq isumaqarpat akiitsulik periarfissaqanngitsoq periarfissaqalernavianngitsorluunniit akiligassaminik taakkuluunniit ingerlaavartumik erniaannik akiliinissaminut.
Imm. 2. Kiisalu aamma imm. 1-imi pissutsini eqqaaneqartuni Inuutissarsiutinut Tapersiisarnernut Ataatsimiititaliaq akiitsut annikillisinnissaannut immikkut ittumik ukiumoortumik tapiissuteqarsinnaavoq ukiumi tassani akiitsoqartup aningaasartuutit ilanngaatigereernagit aningaasarsiaasa 10%-iisa nalinginik akiitsut ukioq taanna akilersuiffigisimappagit. Tapiissutit annerpaamik akiitsullip akiliutigisimasaatut amerlatigisinnaapput.
Imm. 3. Imm. 1-imi eqqaaneqartutut pisoqartillugu Inuutissarsiutinut Tapersiisarnernut Ataatsimiititaliap, akiitsulik 60-it sinnerlugit ukioqalersimappat, utoqqalinersiuteqarluni imaluunniit inuutissarsiorsinnaajunnaarnersiuteqarluni imaluunniit oqartussanit aningaasatigut allatut ittumik isumagineqarluni ikiorneqarpat, akiligassanik pinngitsaaliilluni utertitsiniarnissaq unitsissinnaavaa.
Imm. 4. Akiligassat sallunaveeqqusiinikkut sallunaveeqqusiisinnaanikkulluunnit imaluunniit pigisanit nalilinnit, akiitsulimmit pigineqartunit pigilerneqartunilluunniit matuneqarsinnaappata qanorluunniit imm. 1-imi, imm. 2-mi aamma imm. 3-mi aalajangersaasoqaraluarpat qulakkeerutissat pissarsiariniarneqassapput atortiinnarneqassallutillu.
Kapitali 7
Ikaarsaariarnermi atortuulersitsinermilu aalajangersakkat§ 37. Manna tikillugu inuutissarsiutinut tapersiisarnernut maleruagassat naapertorlugit taarsigassarsiat allallu tapersiissutaasimasut Inuutissarsiutinut Tapersiisarnernut Ataatsimiititaliamit, tapersiinermut atatillugu atugassaritinneqartutut aalajangikkat malillugit, ingerlanneqassapput.
§ 38. Inuutissarsiornermik tapersiisarneq pillugu Inatsisartut peqqussutaata nr. 4-p, 20. november 1984-imeersup atortuulerneraniilli Namminersornerullutik Oqartussat inuutissarsiutinut tapersiisarnernut tunngatillugu manna tikillugu maleruagassaasimasut naapertorlugit atukkiinernut qularnaveeqqusiinernullu tapiissuteqartarnernut atatillugu pisinnaatitaaffiit pisussaaffiillu, siornatigut Naalagaaffimmit isumagisassaasimagaluartut pisussaaffigineqarlutillu, tiguaat.
Imm. 2. Naalagaaffiulli 1. januar 1985 sioqqullugu pisussaaffiit suli akisussaaffigai. Taamatut akisussaaffeqarneq pissutigalugu aningaasartuutit Naalagaaffiup Namminersornerullutik Oqartussanit matutissallugit pisinnaatitaavoq.§ 39. Una peqqussut 1. december 1992 atortuulissaaq.
Imm. 2. § 11 imm. 2-mi aalajangersaqaq atukkanut imaluunniit taarsigassarsiat qularnaveeqqusernerinut, 1. januar 1986-ip kingorna tunniunneqarsimasunut atatillugu, atorneqassaaq.§ 40. Peqqussutip matuma atortuulernera ilutigalugu Inuutissarsiornermik tapersiisarneq pillugu Inatsisartut peqqussutaat nr. 9, 25. oktober 1990-imeersoq atortuujunnaarsinneqarpoq.
Imm. 2. Inuutissarsiornermik tapersiisarneq pillugu Inatsisartut peqqussutaat nr. 4, 4. november 1984-imeersoq naapertorlugu nalunaarutaasimasoq inuutissarsiutinullu tapersiisarneq pillugu kaajallaasitat atuuttut atortuuinnassapput, peqqussut manna naapertorlugu aalajangersakkanik taarserneqarnissamik tungaanut.
Namminersornerullutik Oqartussat, ulloq 30. oktober 1992
Lars Emil Johansen/
Hans Iversen