Naartunermi, erninermi qitornavissiartaarnermilu sulinngiffeqarneq ullormusiaqarnerlu pillugit inatsisartut peqqussutaat nr. 11, 30. oktober 1992-imeersoq.

 

§ 1.

Suliassaqartitsinermik inunnillu isumaginninnermik Kalaallit Nunaanni inatsimmi nr. 580-imi ulloq 29. november 1978-imeersumi § 2 malillugu makku aalajangersarneqarput:

Naartunermi, erninermi qitornavissiartaarnermilu sulinngiffeqarneq ullormusiaqarnerlu pillugit inatsisartut peqqussutaanni nr. 7-imi 22. oktober 1990-imeersumi makku allannguutigitinneqassapput:

1. § 11 imm. 2-p kingorna ilanngunneqassaaq:
"Imm. 3. Erninermut atatillugu ullormusiat feriapengesissutaasinnaanngillat."

2. § 18 imm. 3-p kingorna ilanngunneqassaaq:
"Imm. 4. Erninermut atatillugu ullormusiat aningaasanngorlugit tunniunneqassapput, taamaattorli koimunip isumaginninnermut ataatsimiititaa aalajangersinnaavoq tunniussat aqutsisulerneqassasut immikkut pissutsit taamaaliornissaq pisariaqartippassuk."

3. § 25-p kingorna ilanngunneqassaaq:
"§ 25 a. Erninermut atatillugu ullormusiat tunniunneqarnissaat kommunip isumaginninnermut ataatsimiititaanut qinnutigineqartassaaq kingusinnerpaamik erninermiit qaammatit pingasut qaangiunneranni."

 

§ 2.

Inatsisartut peqqussutaat manna atortuulersinneqarpoq 1. januar 1993 aallarnerfigalugu.

Namminersornerullutik Oqartussat 30. oktober 1992.

Lars Emil Johansen

/

Henriette Rasmussen