Isumaginninnermut tunngasut siulersorneqarnerat aaqqissuunneqarnerallu pillugit inatsisartut peqqussutaata allannguutai pillugit inatsisartut peqqussutaat nr. 10, 30. oktober 1992-imeersoq.

 

§ 1.

Suliassaqartitsinermik inunnillu isumaginninnermik Kalaallit Nunaannut inatsimmi nr. 580-imi ulloq 29. november 1978-imeersumi § 2, malillugu makku aalajanger sarneqarput :

Isumaginninnermut tunngasut siulersorneqarnerat aaqqissuunneqarnerallu pillugit inatsisartut peqqussutaanni nr. 8-mi 10. oktober 1979-imeersumi, kingusinnerusukkut allannguuteqartinneqartarsimasumi, makku allannguutigitinneqassapput :

1. § 6-imi, imm. 1-imi oqaaseqatigiit siulliit imatut oqaasertaqassapput :
"Kalaallit Nunaanni kommunalbestyrelsit bygderådillu il.il. pillugit inatsisartut. inatsisaat naapertorlugu kommunalbestyrelsi kommunip isumaginninnermi suliassaataanik ulluinnarni ingerlatsisussamik ataavartumik ataatsimiititaliussaaq. "

2. § 6, imm. 3 imatut oqaasertaqassaaq:
"Nunap ilaanut kommunit aggornerisa avataanniittunut tunngatillugu Isumaginninnermut Pisortaqarfiup suliassat imm. 1 malillugu kommunip ataavartumik ataatsimiititaata isumagisassaralui isumagissavai."

3. § 7-imi, imin. 1-imi oqaaseqatigiit siulliit aappaallu imatut oqaasertaqassapput:
"Kommunip ataatsimiititaata bygderådilluunniit aalajangigaat, tak. § 6, piffissaatitap sapaatip akunne rinik sisamanik sivisussuseqartup qaangiutinnginnerani kommunalbestyrelsimut susassaqartumut naammagittaalliuutigineqarsinnaavoq, allamik aalajangiisoqarsimanngippat. Kommunalbestyrelsip aalajangigaa - aamma piffissaatitap sapaatip akunnerinik sisamanik sivisussuseqartup qaangiutinnginnerani - isumaginninnermut tunngasut pillugit naammagittaalliuuteqartarfimmut naammagittaalliuutigineqarsinnaapput, tak. § 8, allamik aalajangiisoqarsimanngippat."

4. § 7-ip kingorna ilanngunneqassaaq:
"7 a. Inatsit manna malillugu imaluunniit inatsisartut peqqussutaat allat malillugit Isumaginninnermi Pisortaqarfiup aalajangigai sapaatip akunneri sisamanngortinnagit Isumaginninnermut tunngasunik Naammagittaalliuuteqartarfimmut naammagittaalliuutigineqarsinnaapput, tak. § 8, allamik aalajangiisoqarsimanngippat.

5. Matuma kingorna ilanngunneqassaaq:
^"§ 7 b. Aalajangiisussatut oqartussaassuseqartup suliassani tamani naammagittaalliornissamut paasissutissiineq ilitsersuinerlu pisussaaffigai, isumaginninnermut tunngatillugu malittarisassani naammagittaalliorsinnaaneq inatsisitigut tunngavissinneqarsimatillugu."

 

§ 2.

Inatsisartut peqqussutaat manna atortussanngortinneqarpoq 1. januar 1993 aallarnerfigalugu.

Namminersornerullutik Oqartussat 30. oktober 1992.

Lars Emil Johansen

/

Henriette Rasmussen