Peqqinnissaqarfiup siulersorneqarnera aaqqissuussaaneralu pillugit Inatsisartut peqqussutaat nr. 7, 30. oktober 1992-imeersoq.
Kalaallit Nunaanni peqqinnissamut isumaginnittoqarfik pillugu inatsinimi nr. 369-imi, 6. juni 1991-imeersumi § 1 malillugu aalajangersarneqarput:
Kapitali 1
Qitiusumit siulersuineq.§ 1. Naalakkersuisut peqqinnissaqarfiup sulinera aqussavaat, pilersaarusiussavaat nakkutigalugulu.
Imm. 2. Naalakkersuisut peqqinnissaqarfimmi sulisut sulinerminnut atatillugu nalunaaruteqaqqullugit unnerluuteqaqqullugillu peqqusinnaavaat.§ 2. Peqqissuseq qanoq innersoq kiisalu peqqinnissaqarfiinmut tunngasut pillugit Naalakkersuisut ukiumut ataasiarlutik Inatsisartunut nassuiaateqartassapput, tak. §§ 16-18.
§ 3. Peqqinnissakkut sullissinerup ineriartortinnissaani aaqqissuussineq pilersaarusiornerlu Naalakkersuisut akisussaaffigissavaat.
Inatsisartut Peqqinnissamut ataatsimiititalíaat
§ 4. Kalaallit Nunaanni Inatsisartut ilaasortaminnik tallimanik inuttalersugaasumik ataavartumik ataatsimiititaliussapput, taakkulu arlaannaalluunniit Naalakkersuisunut ilaasortaassanngilaq.
Imm. 2. Ataatsimiititaliap siulittaasussani siulittaasumullu tulliusussaq nammineerluni qinissavai suleriaasissanilu nammineerluni aalajangersarlugu.
Imm. 3. Ataatsimiititaliap pisariaqarsoriguniuk inuit suliamut attuumassuteqartunik immikkut ilisimasaqarsorisani aggersarsinnaavai. Taamatut immikkut peqataatinneqartut ataatsimiititaliami taaseqataasinnaatitaanngillat.§ 5. Ataatsimiititaliaq peqqinnissaqarfimmut tunngasut ingerlanerat pillugu malinnaasussaatitaavoq, tamatumunnga napparsimasut Kalaallit Nunaata avataaniittut atugaat ilanngullugit.
Imm. 2. Peqqinnissami pissutsit pillugit suliassani tamani Inatsisartunit aalajangiiviusussani ataatsimiititaliaq Inatsisartunut oqaaseqaateqartussaavoq. Suliassani Inatsisartunit pingasoriarlugit oqaluuserisarialinni ataatsimiititaliami ilaasortaq kinaluunniit oqaluuserinninnerit akornanni ataatsimiititaliap oqaaseqaateqarnissaanik piumasaqaateqarsinnaavoq.§ 6. Ataatsimiititaliap sulinerminut atatillugu pingaaruteqarsorisaminik sunilluunniit pisortaqarfinnit paasissutissarsiorsinnaavoq, tak. § 5.
§ 7. Pisariaqartitsineq naapertorlugu peqqinnissamut ataatsimiititaliami siulittaasoq qanorluunniit akulikitsigisunik ataatsimiigiaqqusisinnaavoq. Aammattaaq pinngitsoorani ataatsimiittoqartassaaq ilaasortat ikinnerpaamik marluk tamanna piumasarippassuk.
Imm. 2. Ataatsimiititaliami ataatsimiinnerit tamaasa imaqarniliortoqartassaaq. Tullianik ataatsimiinnermi imaqarniliaq akuerisassanngorlugu saqqummiunneqassaaq. Taamaattorli ataatsimiititaliaq ataatsimiissimanngippat suliarlu ataatsimiittoqaqqitsinnagu Inatsisartuni oqaluuserineqarsimanngippat, inatsisartuni oqaluuserineqarnissaa sioqqullugu, imaqarniliaq ataatsimiititaliami ilaasortanut tamanut akuerisassanngorlugu saqqummiunneqassaaq.
Imm. 3. Allatut ajornartillugu siulersuisup aalajangiineragut suliassaq allakkatigut suliarineqarsinnaavoq.
Imm. 4. Peqqinnissamut pisortaqarfiup ataatsimiititaliap allatseqarnissaa isumagissavaa.
Pitsaaliuinermi Siunnersuisoqatigiit
§ 8. Naalakkersuisut Pitsaaliuinikkut siunnersuisoqatigiit, kommunimi qinigaaffik malillugu atuuttussat, pilersissavaat.
Imm. 2. Nakorsaqarfikkuutaat tamarmik immikkut Siunnersuisoqatigiinni ilaasortassamik Inatsisartunut inassuteqartassapput, tak. § 15.
Imm. 3. Pitsaaliuinikkut Siunnersuisoqatigiit ilaasortamik akornanni ulluinnarni aqutsisussanik tallimanik toqqaassapput.
Imm. 4. Ulluinnarni aqutsisut akornanni siulittaasussaq Naalakkersuisunit toqqarneqassaaq.§ 9. Pitsaaliuinikkut Siunnersuisoqatigiit ukioq allortarlugu ataatsimiittassapput Ulluinnarnilu aqutsisut ukiumut marloriarlutik ataatsimiittassallutik. Siunnersuisoqatigiit ulluinnarnilu aqutsisut suleriaasissatik namminneerlutik aalajangersartassavaat.
§ 10. Pitsaaliuinikkut Siunnersuisoqatigiit suliassaraat:
1) peqqinnissaqarfiup iluani inuiaqatigiinnilu immikkoortoqarfinni allani pitsaaliuinermi suliniarnerup qanoq ingerlanerata malinnaaviginissaa,
2) tamanut ammasumik pitsaaliuinikkut suliniutit nakkutigalugillu nalilersornissaat kiisalu pitsaaliuinermi suliniutissanik siunnersuuteqartarnissaq,
3) pisortatigoortumik namminersortumillu pitsaaliuinermik suliniuteqartut imminnut ilisimateqatigiiffigisinnaasaannik naapiffiliorneq aammalu
4) pitsaaliuinermi pingaarnersiuilluni tulleriiaarinerni periusissiornernilu oqallinnermik pilersitseqataassalluni.
Imm. 2. Pisortatigoortumik pitsaaliuineq pillugu minnerpaamik ukioq allortarlugu Pitsaaliuinikkut Siunnersuisoqatigiit Inatsisartunut Naalakkersuisunullu nalunaarummik naliliissummillu tunniussaqartassapput.
Imm. 3. Pitsaaliunikkut Siunnersuisoqatigiit taamatuttaaq siunnersuutitik Naalakkersuisunut saqqummiuttassavaat.§ 11. Pitsaaliuinikkut Siunnersuisoqatigiit Ulluinnarnilu aqutsisut Peqqinnissamut pisortaqarfiup allatseqartissavai.
Kapitali 2.
Nakorsaq peqqinnissakkut nakkutilliisoq.§ 12. Peqqinnissamik sulinermut tunngasut pillugit allatigullu Naalakkersuisunut pisortaqarf innullu siunnersuisarlunilu allatigut ikiuuttartussamik Naalakkersuisut Peqqinnissakkut Nakkutiilliisoqarfiliussapput.
Imm. 2. Aammattaaq Peqqinnissakkut Nakkutilliisoqarfiup Naalakkersuisut peqqinnissakkut pissutsit qanoq inneri pillugit nakkutilliineranni ikiortassavaat inuillu peqqinnissaqarf immi sulisorisat peqqinnissakkut ilinniakkatik atorlugit sulinerat nakkutigissallugu.§ 13. Nakorsap peqqinnissakkut nakkutilliisuutitap peqqinnissaqarfimrait unioqqutitsinernik amigaatinilluunniit paasisaqaruni pisariaqartitsineq naapertorlugu oqartussaasunut pineqartunut ilisimatitsissaaq. Aammattaaq peqqinnissamut tunngatillugu immikkut pisariaqartoqalersillugu Nakorsaq peqqinnissakkut nakkutilliisuutitaq tamanut ammasumik paasissutissiisassaaq.
§ 14. Peqqinnissakkut Nakkutilliisoqarf iup sulinera pillugu Naalakkersuisut erseqqinnerusumik maleruagassiortussaapput.
Kapitali 3.
Peqqinnissaqarfeqarfiit peqqinnissamullu ataatsimiititaliat.§ 15. Immikkut pissutissaqavitsinnagu kommunit agguataarneqarnerat malillugu amerlassusilikkanik annertussusilikkanillu nuna peqqinnissaqarf ikkuutaanut agguataarneqassaaq.
Imm. 2. Dronning Ingridip Napparsimmavissua nunamut tamarmut napparsimmavittut atorpoq.
Imm. 3. Peqqinnissaqarfikkuutaatagguataarneqarnerat, aaqqissuunneqarnerat suliassaallu kiisalu Dronning Ingridip Napparsimmaviata nunamut tamarmut suliassai pillugit Naalakkersuisut maleruaqqusaliortussaapput.§ 16. Peqqinnissaqarfikkuutaani tamani Peqqinnissamut ataatsimiititaliortoqassaaq. Ataatsimiititaliami ilaasortaassapput piffimmi nakorsaanerusoq, napparsimasunik paarsisuutitat pisortaat, kigutinut nakorsaaneq, ilaasortallu sisamat kommunalbestyrelsimit toqqarneqartussat, taakkunannga minnerpaamik marluk kommunalbestyrelsimut ilaasortaassanngitsut.
Imm. 2. Peqqinnissamut ataatsimiititaliaq nammineq siulittaasussaminik qinersissaaq ulluinnarnilu suleriaasissani aalajangersassallugu.§ 17. Peqqinnissaqarfikkuutaani tamani peqqinnissamut tunngatillugu sulinermut pilersaarusiortoqassaaq. Peqqinnissaq pilluqu pilersaarusiaq makkunannga imaqassaaq:
1) pilersaarusiami periarfissat, tassunga piffimmi peqqissutsimut atatillugu nalunaarsuut ilanngullugu,
2) piffimmit peqqinnissakkut innuttaasunik sullissineq,
3) taamatullu piffimmi pitsaaliuinermik peqqinnikkullu siuarsaanermik aaqqissuussinerit aammalu
4) peqqinnissakkut piffiup upalungaarsimanera.
Imm. 2. Pilersaarusiornissaq Peqqinnissamut ataatsimiititaliap akisussaaffigaa.§ 18. Peqqinnissamut pilersaarusiaq ukiumut ataasiarlugu kommunalbestyrelsimit apeqquteqaatigisassanngorlugu saqqummiunneqartassaaq.
Imm. 2. Pilersaarusiaq naammassillugu suliaq Naalakkersuisunut nassiunneqartassaaq, tak. § 2.§ 19. Peqqinnissamut ataatsimiititaliat sulinerat kiisalu peqqinnissaq pillugu pilersaarusiami suliassat tassungalu piumasaqaatit annertussusissaat pillugit Naalakkersuisut erseqqinnerusumik maleruagassiortassapput.
Kapitali 4.
Maalaaruteqarsinnaaneq.§ 20. Peqqinnissaqarfikkuutaat Peqqinnissamullu Pisortaqarfik pisussaapput peqqinnissamut tunngatillugu inuiaqatigiit maalaaruteqarsinnaanerannik ilisimatitsillutillu siunnersuissallutik.
§ 21. Peqqinnissaqarfimmi sulisorisat suliaat pillugit maalaarutit Peqqinnissaqarfiup Peqqinnissamut tunngassutilinni Ataatsimiititat napparsimasut maalaarutaannik suliaqartartuutitanut ingerlanneqartassapput, tak. tamanna pillugu Peqqinnissamut tunngasut qitiusumik siulersorneqarnerat pillugu inatsinuni maleruaqqusat.
§ 22. Maalaarutit, § 20-mi sulianut tunngatillugu maalaarutaanngitsut, Peqqinnissamut Pisortaqarfimmut ingerlatinneqartassapput.
Imm. 2. Pisortaqarfiup aalajangiineri ingerlatsinermi oqartussaasunut allanut ingerlateqqinneqarsinnaanngillat.
Kapitali 5.
Pineqaatissinneqarsinnaanermik aalajangersakkat§ 23. Kinaluunniit peqqussummik matuminnga atuutsitsinermi peqataasoq, sulineq pisortatigut qinigaanermilluunniit aallaaveqaraluarpat, pisortani sulinermi qinigaaffimmiluunniit pinerluttuliornermi pinerlunnermi inatsimmi maleruaqqusat naapertorlugit akisussaatinneqartassaaq.
Kapitali 6.
Atortuulersitsissutitut ikaarsaariamennilu aalajangersakkat.§ 24. Inatsisartut peqqussutaat atuutilissaaq 1. november 1992.
Imm. 2. Taamaattorli § 15, irnm. 1-imi aalajangersagaq aatsaat 1. januar 1993 atuutilissaaq.
Namminersornerullutik Oqartussat, ulloq 30. oktober 1992
Lars Emil Johansen/
Ove Rosing Olsen