Inissialiornermut tapersiissuteqartarneq pillugu Inatsisartut peqqussutaat nr. 1, 9. april 1992-imeersoq.
Kalaallit Nunaanni inissaqartitsineq, ineqarnermut tapersiissuteqartarneq inissianillu attartortitsineq il.il. pillugit inatsit nr. 944, 23. december 1986-imeersoq tunngavigalugu makkua allanngortinneqarput:
Kapitali 1
Peqqussutip atuuffia§ 1. Naalakkersuisut peqqussummi matumani maleruagassat malillugit inissialiornermut imaattunik tapiissuteqarsinnaapput:
1) Komiminit attartortittakkanik inissialiornissaat, inissianik alliliinissaat pitsanngorsaanissaalluunniit tapiiffigineqarsinnaavoq, tassani aamma pineqarlutik ilaqutariinnut ataatsinut illuliassat, tak. kap. 3.
2) Danskisut innuttaassuseqarlutik Kalaallit Nunaanni nunaqavissut illuliornissaannut, illumik pisinissaannut, alliliinissaannut pitsanngorsaanissaannulluunniit taarsigassarsisitsisoqarsinnaavoq, tak. kap .4,5 aairana 6 .
3) Piginneqatigiilluni Inissiaatillit Peqatigiiffiinut immikkut ittumik taarsigassarsisitsisoqarsinnaavoq, tak. kap. 7.
Kapitali 2
Aalajangersakkat nalinginnaasut§ 2. Ilaqutariinnut inissianut aatsaat tapiissuteqartoqarsinnaavoq inissiap angissusia, ilusilersornera atortulersorneqarneraluunniit piumasaqaatinut Naalakkersuisunit aalajangersarneqartunut naapertuuppata.
Imm. 2. Naalakkersuisut malittarisassiorsinnaapput inissiani taamaattuni init qanoq amerlatigisut inuussutissarsiornermut atugassanngortinneqarnissaat inuussutissarsiutinullu ingerlatsiviunissaat pillugu.§ 3. Sanaartugassanut aatsaat tapiissuteqartoqarsinnaavoq sanaartornerup nalaani sanaartornermut pilersaarusiornermullu inatsisit atuuttut aamma sanaartoriaatsinut ingerlatseriaatsinullu pitsaassuserititassat naammassineqarsimappata.
§ 4. Sanaartornermut aningaasartuutit tapiissuteqarnermi ilanngunneqartussat tassaapput pilersaarusiornermut, sanasunut, sanaartornermi taarsigassarsiat erniaannut, illuliorfissaqqissunngorsaanermut, sanaartornerup aqunneqarneranut kiisalu naqissusiinermut akileraarutinut aningaasartuutit.
Imm. 2. Sanaartornermut taarsigassarsiat erniaat naatsorsorneqassapput sanaartukkamut aningaasartuutit tamarmiusut 6%-iinik angissusilerlugit.§ 5. Tapiissutip tunniunneqarnissaa pillugu Naalakkersuisut maleruagassiussapput. Naalakkersuisullu maleruagassiornerminni aala jangissavaat tapiissutigineqartoq sanaartornerup nalaani agguataarlugu tunniussuunneqassanersoq.
§ 6. Tapiissuteqarfigineqartoq pisussaavoq illut tapiiffigineqartut pissusissamisoortumik qularnaveeqqusissallugit.
Imm. 2. Naalakkersuisut malittarisassiorsinnaapput illunik tapiissuteqarfigineqarsimasunik qularnaveeqqusiinissaq pillugu.
Kapitali 3
Kommuninut tapiissuteqartarneq§ 7. Kommunit inissiaataat attartortittakkat sanaartorneri, allineri pitsanngorsarneriluunniit tapiiffigineqarsinnaapput sanaartukkanut aningaasartuutit tamarmiusut 60%-iinik, tak. § 4.
Imm. 2. Imm. 1 malillugu tapiissuteqarnissap procentinngorlugu killissaa Inatsisartut aningaasanut inatsisaannut oqaaseqaatiliinikkut ukiumoortumik allanngortinneqarsinnaavoq.§ 8. Sanaartukkamut atatillugu akinut, titartagaliornermut, pilersaarusiornermut, aqutsinermut, neqerooruteqarnermut, suliarinnittussarsiuussinermut naatsorsuuserinermullu piumasaqaatinut maleruagassat Naalakkersuisunit aalajangersarneqassapput.
§ 9. Illut § 7 naapertorlugu Naalakkersuisunit taapiiffigineqartut Naalakkersuisut akuersiteqqaarnagit tuniniarneqassanngillat imaluunniit attartortittakkatut atorneqarneranit allaanerusumik atorneqassanatik, taamaattorli tak. imm. 4.
Imm. 2. Naalakkersuisut allamik aalajangiitinnagit illup teknikikkut aningaasatigullu nalinga ataallugu illu tuniniarneqassanngilaq. Tunisinermut akiusup ilaa Namminersornerullutik Oqartussat illuliornermut aamma/imaluunniit nutarterinermut aningaasartuutinut tamakkiisunut tapiissutigisimasaasa procentiata nalinga kommunip Namminersornerullutik Oqartussanut akiliutigissavaa, takuulli inun. 3.
Imm. 3. Illup nalingamit qaffaataasut kommunip Namminersornerullutik Oqartussanit tapiif f igineqarani pitsanngorsaaneranit pinngorsimasut tunisinermi akiusumit ilanngaatigineqassapput, kiisalu illumut nalikillissutaasut amigartumik aserfallatsaaliuisimanermik pissuteqartut imm. 2 malillugu Nairaninersornerullutik Oqartussat pisassaasa naatsorsorneqannginnerini tunisinermut akiusussamut ilanngunneqassallutik.
Imm. 4. Piginneqatigiilluni Inissiaatillit Peqatigiiffiinut illumik tunniussinermi Piginneqatigiilluni Inissiaatit pillugit Inatsisartut Peqqussutaanni § 18, imm. 2-mi aamma 3-mi aalajangersakkat atuupput.
Kapitali 4
Akiliutinut tapiissutitalimmik taarsigassarsisitsisarneq§ 10. §§ 12 aamma 13 malillugit akiliutinut tapiissutitalimmik aatsaat taarsigassarsisitsisoqarsinnaavoq illup sanaartorneqartup ilusissaa akuerineqarsimappat, tak. § 2.
Imm. 2. Aairanattaaq inissiaareersut tigunerinut, allinerinut pitsanngorsarneqarnerinulluunniit taarsigassarsisitsisoqarsinnaavoq illu § 2-mi piumasaqaataasutut ippat imaluunniit illu allineqareernermini pitsanngorsarneqareernerminiluunniit piumasaqaataasutut ilerpat.§ 11. Taarsigassarsitsisoqassaaq illumi qularnaveeqqutaasutut siullertut taarsiiffigineqartussanngortitsinikkut.
Imm. 2. Illu inerneqareersoq qularnaveeqqusiullugu qularnaveeqqusiinermut allagartap taarsigassarsisumit atsiorneqarnissaata tungaanut Namminersornerullutik Oqartussat atortussanut sanaartornermi atorneqartunut tamanut kiisalu illumut sananeqartumut piginnittussaatitaapput, tassunga aamma ilaallutik taarsigassarsisup nammineq sulinermini pilersissimasai nalillit imaluunniit nammineq illumut ilanngussarisimasai.
Imm. 3. Imm. 2-mi aalajangersagaq taarsigassarsianuttaaq § 10, imm. 2, naapertorlugu tunniunneqarsimasunut atuuppoq.§ 12. Taarsigassarsiat annikilliartuaartinneqassapput ukiup affakkaartumik akilersortinneqarnerisigut taarsigassarsiat peqqaataani aningaasartaasa 3,5%-iannik, taakkunannga 3% taarsigassarsiat sinnerinut erniaapput sinnerilu taarsersuutaallutik, taamaattorli tak. imm. 2.
Imm. 2. § 10, imm. 2, naapertorlugu taarsigassarsiaasimasunut annertunerusumik akiligassiisoqartassaaq, tassanilu piffissaq akilersuiffissaq sivisunerpaamik ukiunik 30-inik sivisussuseqassalluni.
Imm. 3. Akilersuutit imm. 1-mi aamma 2-mi taaneqartut 70%-iat kisiat taarsigassarsisup akilertassavai, tassa imaappoq erniat akilersuutillu imm. 1-imi imaluunniit 2-mi taaneqartut 70%-iinnai akilersinniarneqartassapput.
Imm. 4. Taarsigassarsisoq sukkulluunniit akiliiffissap saniatigut immikkut ittumik akiliuteqarsinnaavoq ukiut akilersuif f issat ikilisinneqaatissaannik. Taamatut akiliutigineqartut imm. 3-mi aalajangersakkat naapertorlugit tapiif f igineqarsinnaanngillat, § 17-imilu naatsorsueriaatsimut ilanngunneqarsinnaanatik.
Imm. 5. Ukiup affakkaartumik akiligassanik naatsorsuisarneq akiliisarnerlu pillugit Naalakkersuisut ersarinnerusunik maleruagassaliussapput.§ 13. Piffissami akiligassat akiligassanngorfianni meeqqanik 18-it inorlugit ukiulinnik angerlarsimaf fiiruni najugaqartoqarpat, meeqqallu inuit nalunaarsorsimaffianni taarsigassarsisumut inoqutaasutut nalunaarsorneqarsimappata akiligassaq § 12, imm. 3-imi aalajangersakkat naapertorlugit taarsigassarsisumit akilerneqartussaq annikilliliiffigineqassaaq. § 12, imm. 1 imaluuunniit 2 naapertorlugut akiliutissatut aalajangerneqartut meeqqamut ataatsimut 7 1/2%-imik annikilliliif f igineqassapput, amerlanerpaamik meeqqat arfinillit tapiiffigineqarsinnaapput.
Imm. 2. Taarsigassarsisoq pisussaatitaavoq meeqqap akiligassanik annikilliliissutaasussap angerlarsimaffimmi najugaqarunnaarnera inuit nalunaarsorsimaffiannut nalunaarutigissallugu.§ 14. Taarsigassarsiat taarserneqarnissaasa tungaanut illup atorneqarnissaanut killilersuutaasut il.il. pillugit aalajangersakkat makku atuupput:
1) Illu qularnaveeqqussiissutigineqassanngilaq eqqartuussisutigullu suliassiissutigineqassanani.
2) Illu ingutserneqassanngilaq nuunneqassananiluunniit.
3) Illup taassumaluunniit ilaata allanngortinnissaa, attartortinnissaa atukkiunnissaaluunniit aatsaat pisassaaq Naalakkersuisunit akuerineqarnikkut, piumasaqaatillu taassuminnga akuerineqartut naapertorlugit.
4) § 19-mi taaneqartut eqqaassanngikkaanni taamaallaat Namminersornerullutik Oqartussanut utertitsisoqarsinnaavoq, tak. § 15, imaluunniit pisiumasumut Namminersornerullutik Oqartussanit akuerineqartumut piumasaqaatit akuerisaasut naapertorlugit tunniussisoqarsinnaavoq.
Imm. 2. Illu pillugu imm. 1-imi taagorneqartunik killilersuiffigineqarunnaarnissani anguniarlugu taarsigassarsisup sukkulluunniit taarsigassarsiami amiakkui akilersinnaavai, tak. § 12 imm. 4.§ 15. Taarsigassarsiat tamakkerlutik taarserneqarsimatinnagit Namminersornerullutik Oqartussat illup tigunissaa pisussaaffigaat, tamanna taarsigassarsisup kissaatigippagu.
§ 16. Naalakkersuisunit allamik aalajangiisoqartinnagu piginnittut nikinnerini taarsigassarsiat akiligassanngortinneqassapput, tak. § 14, imm. 1, nr. 4, kiisalu aamma taamaliortoqassalluni makkuninnga pisoqartillugu:
1) Ernianut taarsigassarsianullu akilersuutit akilerneqanngippata, taarsigassarsisorlu allakkanik akileeqqusissutinik tigusinermi kingorna ullut arfineq-marluk qaangiunneranni akiliinngippat.
2) Illup isumannaatsumik aserfallatsaalineqarnissaa taars igas s ars isumit isumagineqars imanngippat, paarsinerluttoqarneralu uppernarsarneqarsinnaappat.
3) Taarsigassarsisup illu pissusissamisoortumik qularnaveeqqusersimanngippagu.
4) § 14, imm. 1, nr. 1-3-mi aalajangersakkat taarsigassarsisumit unioqqutinneqarpata.
5) Illut inuussutissarsiornermut atugassanik iniliorfiginissaat inuussutissarsiorfittullu atorneqarnissaat pillugu § 2, imm. 2-mi aalajangersakkat taarsigassarsisumit unioqqutinneqarpata.
6) Illu taarsigassarsisumit najugassavittut atorneqanngippat.
7) Namminersornerullutik Oqartussat taakkununngaluunniit sinniisuusoq illumik takusaasoq taarsigassarsisumit iseqquneqanngippat.
8) Taarsigassarsisitsinermi piumasaqaataasut taarsigassarsisumit annertuumik unioqqutinneqarsimappata.
Imm. 2. Taarsigassarsiat imm. 1, nr. 1-8, naapertorlugu akilerneqartussanngorpata Naimninersornerullutik Oqartussat aningaasanik taarsiisitsinissamut taarsiullugu illu tiguinnarsinnaavaat.§ 17. § 14, imm. 1, nr. 4-imi taaneqartutut illu tunniunneqarpat, tak. § 15, imaluunniit § 16, imm. 2-mi taaneqartutut Namminersornerullutik Oqartussanit tiguneqarpat, kiisalu taarsigassarsiat tamakkerlutik akilerneqarnerannut atatillugu Namminersornerullutik Oqartussat taarsigassarsisorlu akunnerminni naatsorsuusiussapput, taamaattorli tak. § 18.
Imm. 2. Piffissami naatsorsuiffigisami illup nalinganit Namminersornerullutik Oqartussanut akiligassat amiakkui siumoorlugit matussusiiffigineqassapput, taannalu § 12, imm. 3 aammalu § 13 naapertorlugit akilersuutinut akiliutaasimasut tapiissutaasimasullu ilanngaatigereernerisa inernerissavaat.
Imm. 3. Illup nalinga taarsigassat sinnerinit angineruppat aningaasat sinneruttut Namminersornerullutik Oqartussanit taarsigassarsisumillu avinneqassapput, imatullu avinneqassallutik pisassaqartut illuatungeriit taakkua tamarmik immikkut illumit aningaasanik pisassaat tunngavigalugit. Namminersornerullutik Oqartussat pisassaat tassaassapput tapiissutit taarsigassarsiat akilersornerini ukiumut akiliutaasartunut ikilisaatigalugit tunniuneqarsimasut, tak. § 12, imm. 3, aamma § 13. Taarsigassarsisup pisassai tassaassapput:
1) Taarsigassarsisup aallaqqaataani illumut aningaasartuutigisimasaasa nalingi, taakkununnga ilallutik taarsigassarsisup nammineq suliaasa nalingi Naalakkersuisunit akuerineqartut, tassungalu ilanngunneqassallutik
2) illup pitsanngoriaatigisimasai Naalakkersuisunit akuerineqarlutik taarsigassarsisumit suliarineqarsimasut, aammataarsigassarsisup taarsigassarsiaminut akiliutigisimasai, taakkulu ilanngaataat tassaapput illup nalikillissutigisimagunagaasa nalingi, soorlu amigartumik aserfallatsaaliisimanermik imaluunniit taarsigassarsisup pisuussutigisinnaasaanik allanik pissuteqartut.
Imm. 4. Naalakkersuisut aalajangersinnaavaat § 13-imi taaneqartutut ineqarnermut akiliummut meeqqanut tapiissutit imm. 3, naggatit aappaat, naapertorlugu naatsorsuusiornermut ilanngunneqassangitsut.
Imm. 5. Naatsorsuinermi isumaqatigiinngittoqarpat suliassaq Kalaallit Nunaata Eqqartuussivianut suliassanngortinneqarsinnaavoq. ,§ 18. Pissutissaqartillugu § 17 naapertorlugu naatsorsueqatigiinnissaq atunngitsoorneqarsinnaavoq, pingaartumik Naimninersornerullutik Oqartussat taarsigassarsisulluunniit soqutigisaasa tamanna pisariaqartinngippassuk. Illumut taarsigassarsiat nungussimanngippata, taarsigassarsianut piumasaqaatit atuutereersut allanngortinnagit piginnittumut nutaamut nuunneqarnissaat Namminersornerullutik Oqartussanit akuerineqarsinnaavoq.
§ 19. Taarsigassarsisup toqunerani aappaa kingornussisussaalu qaninnerpaat pisinnaatitaapput taarsigassarsiat pillugit pisinnaatitaaffiit pisussaaffiillu kingornutissallugit.
§ 20. § 11 naapertorlugu taarsigassarsilluni illuliaasimasunik attartortitsinissaq pillugu Naalakkersuisut maleruagassaliorsinnaapput.
§ 21. Kommunalbestyrelsip teknikerit atorfissaqartitat ikiorsiullugit sanaartornermut pilersaarusiat akuersissutigineqarsimasut malinneqarnersut nakkutigissavaa, kiisalu nakkutigissalluguttaaq illu iluameersumik aserf allatsaalineqarnersoq. Taamatullu kommunalbestyrelsip nakkutigissavaa illup allanngortinneqannginnissaa, ingutserneqannginnissaa nuunneqannginnissaaluunniit kiisalu arlaatigut qanoq iliornikkut paarinerlunneqannginnissaa, tak. § 16, imm. 1.
Imm. 2. Paarsinerlunnerit suulluunniit kommunalbestyrelsimit paasineqartut piaartumik Naalakkersuisunut nalunaarutigineqassapput.
Kapitali 5
Nammineq illulianut taarsigassarsisitsineq§ 22. Nunaqarfinni illoqarfinnilu ineqarnikkut nunaqarfinnit allaassuteqangaanngitsuni nammineerluni illuliorniartunut taarsigassarsisitsisoqarsinnaavoq. Illup sananeqartussap ilusissaa nammineq illuliassatut Naalakkersuisunit akuerineqarsimassaaq, tak. § 2.
Imm. 2. Taamatuttaaq aamma taarsigassarsisitsisoqarsinnaavoq assassorluni ilinniarsimasunik ikiorteqarluni illunik imm. 1-imi taaneqartunik qaammaqqusersuinissamut toqqaviliornissamullu.
Imm. 3. Illut imm. 1-imi taaneqartut allinissaannut pitsanngorsaaffiginissaannulluunniit taarsigassarsisitsisoqarsinnaavoq. Allinissaat pitsanngorsaaffiginissaalluunniit Naalakkersuisunit akuerineqarsimassaaq.§ 23. § 22, imm. 1, naapertorlugu taarsigassarsisitsisoqassaaq illumi qularnaveeqqutaasutut siullertut taarsiiffigineqartussanngortitsinikkut.
Imm. 2. § 22-imi, imm. 2 aamma 3, naapertorlugu taarsigassarsisitsisoqassaaq illumi qularnaveeqqutaasut aappaattut taarsiiffigineqartussanngortitsinikkut. Amerlanerusunik taarsigassarsisitsisoqassappat taakku qularnaveeqquserneqassapput taarsigassarsiaritinneqarnerminni tulleriissusertik malillugu.
Imm. 3. § 11-imi, imm. 2-mi, aalajangersagaq taamatuttaaq atuuppoq.§ 24. § 22, imm. 1, malillugu taarsigassarsiaritinneqartut erniaqanngitsunik akilersugassaanngitsunillu taarsigassarsiatut tunniunneqassapput, amerlassuseqassallutillu nammineerluni illuliassamut atortussanut aningaasartuutit uppernarsarneqartut 95%-iinik.
Imm. 2. Taarsigassarsiat ukiunut 33-inut naatsorsuunneqartussat ukiut tamaasa nungukkiartuaartinneqassapput taarsigassarsiaasimasut 3%-iinik, ukiorli kingulleq 4%-imik.
Imm. 3. § 22, imm. 2 aamma 3, malillugu innaallagialersuinissamut, toqqaviliornissamut aammalu alliliinissamut pitsanngorsaanissamulluunniit taarsigassarsiat ernialersorneqassapput akilersorneqassallutillu §§ 12 aamma 13-imi aalajangersakkat naapertorlugit.§ 25. Taarsigassarsiat § 22-imi taaneqartut nungunnissaasa akilerneqarnissaasaluunniit tungaanut taarsigassarsisup piumasaqarnera naapertorlugu illup tuniniarneqarnerani Naalakkersuisut ikiuussinnaapput.
Imm. 2. Illu minnerpaamik taarsigassat sinnerinik akilersillugu tunineqarsinnaanngippat, taarsigassarsisup qinnuteqarneratigut Naalakkersuisunit tiguneqarsinnaavoq taarsersugassat sinnerinik akilerlugu.§ 26. Naalakkersuisut allamik aalajangiinngippata piginnittut nikinnerini taarsigassarsiat § 22-imi taaneqartut akiligassanngortinneqassapput, taamaattorli tak. imm. 2, kiisalu aamma taamaaliortoqassalluni imatut pisoqartillugu:
1) Sanaartukkap ingerlanneqarnissaa naammassineqarnissaaluunniit taarsigassarsisumit pisariaqanngitsumik kinguarsarneqarpat.
2) § 22, imm. 2 aamma 3, naapertorlugit taarsigassarsianut erniat akilersuutissallu akilerneqanngippata, aammalu taarsigassarsisup allakkatigut peqquneqarnerminit kingusinnerpaamik ullut arfineqmarluk qaangiunnerini akiitsut akilersimanngippagit.
3) Taarsigassarsisup illu isumannaatsumik aserfallatsaalisimanngippagu paarsinerluttoqarneralu uppernarsarneqarsinnaappat.
4) Taarsigassarsisup illu pissusissamisoortumik qularnaveeqqusersimanngippagu.
5) Illu ingutserneqarsimappat nuunneqarsimappalluunniit.
6) Naalakkersuisut akuersiteqqaarnagit taarsigassarsisup illup titartagartai allaaserineqarneralu akuerisaasut annertuumik allanngortissimappagit.
7) Taarsigassarsisoq illumi aalajangersimasumik najugaqanngippat.
Imm. 2. Taarsigassarsisup toqunerani aappaa kingornussisussaalu qaninnerpaat pisinnaatitaapput taarsigassarsiat pillugit pisinnaatitaaffiit pisussaaffiillu kingornutissallugit.
Kapitali 6
Akiliutinut tapiissutitaqanngitsumik taarsigassarsisitsisarneq§ 27. Ilaqutariinnut inissianik nutaanik sanaartornissamut taarsigassarsisitsisoqarsinnaavoq inissiat taakku annerusunngorlugit, allatut ittunik atortulersorneqarnissaat imaluunniit inissianit § 10, imm. 1-imi taaneqartunit allaanerusumik ilusilersorneqarnissaat tulluussorineqarpat.
Imm. 2. Taamatuttaaq inissiaareersut § 10, imm. 2, naapertorlugu taarsigassarsisitsivigineqarsinnaanngitsut pisiariniarneqarnerini, alliniarneqarnerini pitsanngorsarniarneqarneriniluunniit taarsigassarsisitsisoqarsinnaavoq.
Imm. 3. Imm. 1 aamma 2 malillugit aatsaat taarsigassarsisitsisoqarsinnaavoq taarsigassarsisussap nammineerluni sanaartornermut aningaasartuutissat tamarmiusut ilai Naalakkersuisut missiliuusiai naapertorlugit angissusilikkat, minnerpaamilli 10%-ii akilersinnaappagit.§ 28. Taarsigassarsisitsisoqassaaq illumi qularnaveeqqutaasutut siullertut taarsiiffigineqartussanngortitsinikkut.
Imm. 2. § 11, imm. 2-mi, aalajangersagaq taamatuttaaq atuuppoq.§ 29. Taarsigassarsiat ukiumut 8%-imik erniaqartinneqassapput. Akilersuutissat imatut angissusiliivigineqassapput piffissap taarsersuiffiusussap sinnerani taarsigassarsiat sinneri sapinngisamik annaaneqarsinnaajunnaarlugit. Piffissaq taarsersuif f issaq annerpaamik ukiunik 20-inik sivisussuseqassaaq.
Imm. 2. Ukiup affakkaartumik akilersuutissat naatsorsorneqartarnissaat akilerneqartarnissaallu pillugit Naalakkersuisut ersarinnerusunik maleruagassiussapput.§ 30. Naalakkersuisut allamik aalajangiinngippata piginnittut nikinnerini taarsigassarsiat akiligassanngortinneqassapput, taamaattorli tak. imm. 2, kiisalu aamma taamaaliortoqassalluni imatut pisoqartillugu:
1) Taarsigassarsianut erniat akilersuutissallu akilerneqanngippata, aammalu taarsigassarsisup allakkatigut peqquneqarnerminit kingusinnerpaamik ullut arfineq-marluk qaangiunnerini akiitsut akilersimanngippagit.
2) Taarsigassarsisup illu isumannaatsumik aserfallatsaalisimanngippagu paarsinerluttoqarneralu uppernarsarneqarsinnaappat.
3) Taarsigassarsisup illu pissusissamisoortumik qularnaveeqqusersimanngippagu.
4) Illu ingutserneqarsimappat miunneqarsimappalluunniit.
5) Namininersornerullutik Oqartussat taakkununngaluunniit sinniisuusoq illumik takusaasoq taarsigassarsisumit iseqquneqanngippat.
6) Taarsigassarsisitsinermi piumasaqaataasut taarsigassarsisumit annertuumik unioqqutinneqarsimappata.
Imm. 2. Taarsigassarsisup toqunerani aappaa kingornussisussaalu qaninnerpaat pisinnaatitaapput taarsigassarsiat pillugit pisinnaatitaaffiit pisussaaffiillu kingornutissallugit.
Kapitali 7
Piginneqatigiilluni Inissiaatillit Peqatigiiffiinut immikkut ittumik taarsigassarsisitsineq
§ 31. Piginneqatigiilluni Inissiaatillit Peqatigiiffianut, kommunimi realkreditimit taarsigassarsinissaminut periarfissinneqanngitsumi najugaqartumut, piginneqatigiilluni inissianik sananissamut pisinissamulluunniit kissaateqartumut aningaasartuutit 26 1/3%-ii tikillugit taarsigassarsisitsisoqarsinnaavoq.§ 32. Naalakkersuisut allamik aalajangiinngippata taarsigassarsisitsisoqassaaq illumi qularnaveeqqutaasutut siullertut taarsiiffigineqartussanngortitsinikkut.
Imm. 2. Taarsigassarsisitsisoqassaaq realkreditimit taarsigassarsisitsisarf iit Kalaallit Nunaanni Piginneqatigiilluni Inissiaatillit Peqatigiif f iinut neqeroorutaasa kingulliit piumasaqaatitaasa assinginik piumasaqaatitalerlugit.
Imm. 3. Ukiup affakkaartumik akilersuutissat naatsorsorneqartarnissaat akilerneqartarnissaallu pillugit Naalakkersuisut ersarinnerusunik maleruagassiussapput.§ 33. Taarsigassarsiat akiligassanngortinneqarnissaannut Piginneqatigiilluni Inissiat pillugit Inatsisartut peqqussutaanni § 44-imi maleruagassat uani atuupput.
Kapitali 8
Aalajangersakkat ikaarsaarutissat atortuulersitsinerlu§ 34. Inatsisartut peqqussutaat atuutilerpoq 1. januar 1993-imi.
Imm. 2. Kalaallit Nunaanni inissialiornermut tapiissuteqartarneq pillugu nalunaarut nr. 53, 28. februar 1959-imeersoq kiisalu Kalaallit Nunaanni inissialiornermut tapiissuteqartarneq pillugu Inatsisartut peqqussutaat nr. 10, 22. december 1986-imeersoq atorunnaarsinneqarput.
Imm. 3. Nalunaarut peqqussulluunniit imm. 2-mi pineqartoq tunngavigalugu allaffitsigoortumik maleruagassaliaasimasut peqqussut una malillugu allanngortinneqarnissamik atorunnaarsinneqarnissamilluunniit tungaanut atuutiinnassapput.
Imm. 4. Nalunaarut peqqussulluunniit imm. 2-mi pineqartoq naapertorlugu taarsigassarsiaritinneqarsimasunut maleruagassat massakkumut atuuttut atuutiinnassapput.
Namminersornerullutik Oqartussat, ulloq 9. april 1992
Lars Emil Johansen/
Kuupik Kleist