Pisortat ulloq unnuarlu inissiisarfiutaanniinnermi 11. 11. pensionit tunniunneqartarnerat pillugu Namminersornerullutik Oqartussat nalunaarutaat nr. 45, 21. december 1992-imeersoq.

Isumaginninnikkut pensionit, utoqqarnik paaqqinniffiit il.il. pillugit inatsisartut peqqussutaanni nr. 8-mi 22. oktober 1990-imeersumi, inatsisartut peqqussutaatigut nr. 3-kut 9. april 1992-imeersukkut allanngortinneqarsimasumi, § 10 imm. 3 tunngavigalugu makku aalajangersarneqarput:

 

§ 1. Pensionisialik napparsimmavimmut unitsinneqaraangat tunngaviusumik aningaasartat allanngortinnagit tunniunneqartaannassapput. Qaammatilli arfinillit uninngareernermi qaammatip tulliuttup aallaqqaataaniit tunniuttakkat tunngaviusumik aningaasartanut millisanut allanngortinneqassapput, napparsimasoq ineqarnermut aalaj angersimasumik aningaasartuuteqanngippat.
Imm. 2. Napparsimmavimmiit kaasarfimmiussatut tunniussaasinnaasut pensioninut ilanngaataasassapput, pensionisialimmulli tunniussassaqartassaaq minnerpaamik tunngaviusumik aningaasartat millisat amerlaqataannik.
Imm. 3. Meeqqanut tapiutinik pisarsinnaaneq allannguuteqartinneqassanngilaq, kiisalu napparsimasoq 1-nummut tapiutinik pinissamut pisinnaatitaasinnaavoq inuup pineqartup pisariaqartitsinera naliliiffigeqqaarlugu.

§ 2. Pensionisialik eqqartuussiviup aalajangiineratigut tigummineqarallartussanngortitaappat imaluunniit tarnikkut/eqqarsartaatsikkut misissorneqartussanngorlugu unitsinneqarpat, tunngaviusumik aningaasartat allanngortinnagit tunniunneqartaannassapput. Qaammatilli arfinillit tigummineqareernermi uninngatitaareernermiluunniit qaammatip tulliuttup aallaqqaataaniit tunniuttakkat tunngaviusumik aningaasartanut millisanut allanngortinneqassapput. Pensionisialik eqqartuussereer-
nermi Kalaallit Nunaanni pinerluuteqarsimasunut isumaginnittoqarfimmit isumagisaalluni pinerluuteqarsimasunut isertitsisarfinuniittussanngortitaasimagaangat, imaluunniit Danmarkimi inissiivimmut immikkulluunniit katsorsartarialinnut inissiisarf immut inissinneqarsimagaangat qaammammi inissiiviusumi taassumalu tulliani tunngaviusumik aningaasartat allanngortinnagit tunniunneqartassapput. Tamatuma kingorna tunngaviusumik aningaasartat millisat tunniunneqartalissapput, oqaaseqatigiit aappaanni aalajangersakkat malillugit pensionit tunniunneqartarnerat allanngortinneqareersimanngippat.
Imm. 2. Kaasarfimmiunik, akissarsianik imaluunniit sulinermi pissarsiaasinnaasunik tunniussisoqarpat taakku pensioninut ilanngaataassapput, taamaattorli pensionisialimmut tunniussassaqartassaaq minnerpaamik tunngaviusumik aningaasartat millisat amerlaqataannik.
Imm. 3. Meeqqanut tapiutinik pisarsinnaaneq allannguuteqartinneqassanngilaq, kiisalu inissinneqarsimasoq inummut tapiutinik pinissamut pisinnaatitaasinnaavoq inuup pineqartup pisariaqartitsinera naliliif f igeqqaarlugu, matumani aamma inissinneqarsimanerup nalaani inigisap pigiinnarnissaanut aningaasartuutaasinnaasunut.

§ 3. Inissiiffiusimasup pisussaaffigaa pensionisiallip kommuni najugarivitaa ilisimatissallugu pensionit tunniunneqartarneranni patsisissaatitaasut matuma siornatungaani aalajangersakkat tunngavigalugit allannguuteqarnerat aallartippat.

§ 4. Nalunaarut manna atortussanngortinneqarpoq 1. oktober 1992 aallarnerfigalugu, aamma pensionisialinnut inissiivinni nalunaarurami matumani pineqartuni inissinneqareersimasunut ullormit atortussanngortitaaffianiit atuuppoq.

Namminersornerullutik Oqartussat, ulloq 21. december 1992

Henriette Rasmussen

/

Nukákuluk Kreutzmann