Inisisimasunut ineeqqanik attartortitsineq pillugu Namminersornerullutik Oqartussat nalunaarutaat nr. 39, 18. november 1992-imeersoq.
Inissianik attartortitsineq pillugu Inatsisartut peqqussutaanni nr. 3, 20. juni 1989-imeersumi, inatsisartut peqqussutaatigut nr. 2, 9. april 1992-imeersukkut allanngortinneqartumi, § 14 naapertorlugu aalajangersarneqarput:
§ 1. Nalunaarut Namminersornerullutik Oqartussat kommunillu inissiaataannut attartortittakkanut atuutissaaq, attartortitsisup (inissiamik piginnittup) inisisimasullu akornanni pissutsinik malittarisassatigut tunngaviliisuussalluni.
§ 2. Attartortitsineq aatsaat pisinnaavoq inissiami ineqartut tamarmiusut inisisimasoq ilanngullugu inissiami init amerlassusaannit amerlanerunngippata.
§ 3. Attartortitsineq attartortitsisup inisisimasullu akornanni allakkatigut toqqaannartumik isumaqatigiissuteqarnikkut pissaaq.
§ 4. Inisisimasup pisussaaffigisaanut sillimmatitut qaammatini pingasuni ineqarnermut akiliut qaangernagu qularnaveeqqusiisoqarsinnaavoq.
§ 5. Inisisimasup ineqarnermut akiliutissaa annerpaamik inigisap ineqarnermut, kiassarnermut, imermut, innaallagissamut il.il. aningaasartuutaanut tamarmiusunut inillu amerlassusaat naapertorlugit naatsorsorneqarsimasumut naapertuuttumik angissuseqarsinnaavoq.
§ 6. Ineqarnermut akiliut attartortitsisumut siumoortumik qaammatip aallaqqaataani akilerneqartassaaq.
Imm. 2. Attartortitsisup attartortitsinermi isumaqatigiissut atorunnaarsissinnaavaa kingusinaartumik akiliisoqartillugu, inisisimasup ineqarnermut akiliut kingusinnerpaamik qaammatip ulluinnaasa pingajuanni akilersimanngippagu.
Imm. 3. Attartortitsisup kingusinaartumik akiliisimaneq pissutigalugu attartortitsinermi isumaqatigiissut atorunnaarsippagu, inisisimasoq attartukkaminit ingerlaannaq anissaaq.§ 7. Attartortitsineq attartortitsisumit qaammatinik pingasunik inisisimasullu qaammammik ataatsimik sioqqutsisumik ilisimatitsereernikkut qaammatip naanissaanut atorunnaars inneqars innaavoq.
§ 8. Attartortitsisup attartornera atorunnaarpat piffissamissaaq tassani inisisimasup attartornera atorunnaassaaq.
Imm. 2. Attartortitsisup patsisissaqanngitsumik kinguartitsinani attartornermi atorunnaarnissaanut piffissamik paasitinneqareernermi kingorna tamatuminnga inisisimasumut nalunaarutiginnissaaq.§ 9. Attartortitsisup § 2-mi aalajangersagaq unioqqutippagu, tamanna attartortitsisup nammineq attartorneranik unioqqutitsinertut isigineqassaaq.
Imm. 2. Attartortitsisup inisisimasullu akornanni isumaqatigiinngissutit inissiamik attartortitsisup susassarinngilai.§ 10. Nalunaarut ingerlaannaq atuutilissaaq.
Namminersornerullutik Oqartussat, 18. december 1992.
Emil Abelsen/
Peter Beck