Ajornartorsiortut saaffiginnittarfi.it pillugit Namminersornerullutik Oqartussat nalunaarutaat nr. 32, 30. november 1992-imeersoq.

Inersimasunut paaqqinniffiit inunikkut siunertallit pillugit Inatsisartut peqqussutaat nr. 6 apriilip 28-iani 1988-imeersumi § 4, imm. 1 aamma § 6, imm. 2 naapertorlugu ajornartorsiutillit saaffiginnittarfiinut tapiissuteqartarnermut najoqqutassat aalajangersarneqarput:

 

Qinnuteqarsinnaatitaasut.

§ 1. Ajornartorsiutillit saaffiginnittarfii imminnut pigisut kommunimi inissisimaffimminni ingerlatsinertik pillugu kommunimik isumaqatigiissuteqarsimasut, ingerlatsinermut tapiissutinik Landskarsimut qinnuteqarsinnaapput. Pilertortumik ajornartorsiutilinnut saaffiginnittarfik tassaavoq saaffiginnittarfik sivikinnerusumik najugaqarfigineqarsinnaasoq, siunnersuiviusoq allatulluunniit ilusilimmik ajornartorsiornermi ikiuiniarfiusoq. Taamaattuunera saaffiginnittarfiup ileqqoreqqusaani allassimassaaq.

 

Ileqqoreqqusatut piumasarineqartut.

§ 2. Saaffiginnittarfiup imminut ingerlattup ileqqoreqqusaani allassimassaaq saaf figinnittarf iup siunertaa, aaqqissuunneqarnera, tamatumani pineqarlutik qanoq kinalu aalajangiisassanersoq, aningaasalersorneqarnerata qanoq ingerlanneqartarnissaa, ileqqoreqqusat qanoq allanngortinneqarsinnaanersut saaffiginnittarfiullu aningaasaatai, taanna matussagaluarpat, qanoq pineqassanersut.
Imm. 2. Saaffiginnittarfiup ileqqoreqqusai Isumaginninnermi Naalakkersuisumit akuerineqassapput.

 

Ingerlatsinermut isumaqatigiissuteqarnissamut piumasarisat.

§ 3. Saaffiginnittarfiup kommunillu akunnerminni ingerlatsinermi isumaqatigiissutaani allassimassapput ammasarnissaanut, kommunip nakkutilliisuunissaanik, qanorlu annertutigisumik nakkutilliinissamik pisussaaffiinik aalajangersaasunik.
Imm. 2. Kommunip nakkutigissavaa tapiissutit nalunaarutip uuma aalajangersagai naapertorlugit atorneqarnersut.
Imm. 3. Saaffiginnittartunik nalunaarsuinissaq piumasarineqassanngilaq.
Imm. 4. Ingerlatsinermut isumaqatigiissut kommunalbestyrelsemit akuerineqassaaq.

 

Aningaasartuutit matuneqartarnerat.

§ 4. Aningaasartuutit, Landskarsimit tapiiffigineqartussatut qinnutigineqarsinnaasut, makkuupput:
1) akissarsianut aningaasartuutit,
2) illup atorneranut, kiassarnermut, innaallagissamut, imermut, eqqaanermut illullu nalinginnaasumik aserfallatsaalineranut aningaasartuutit,
3) pequtisinermut aningaasartuutit,
4) allaffeqarnermut aningaasartuutit (telefonip attartorneranut, allakkat nassiunneqarnerisa akiinut, pappiaqqanut il.il.),
5) saaffiginnittunut aningaasartuutit. Ikiuigasuarnermi saaffiginnittunut takkuteqqaarnerannut atatillugu taamaallaat tapiisoqarsinnaavoq, tassa tamatuma kingorna saaffiginnittoq isumaginninnermi aalajangersakkat nalinginnaasut malillugit ikiorserneqartussaammat,
6) saaffiginnittarfiup sulisuisa piumassusertik malillugu sulisut sungiusarneqarnerannut ilinniaqqitsinnerannullu aningaasartuutit.

 

Tapiissutit annertussusaat.

§ 5. Saaffiginnittarfiit ataasiakkaat ingerlatsinermut aningaasartuutissatut missingersuusiaat kommunalbestyrelsimit akuerineqarsimasut tunngavigalugit Landskarsip ingerlatsinermut tapiissutissai aalajangerneqassapput. Ukiumut tullermut ingerlatsinermik missingersuusiat akuereriikkat Isumaginninnermut Pisortaqarfirameeriissapput kingusinnerpaamik decemberip 31.-iani ukiup siuliani. Taamaattorli ajornartorsiortunut saaffiginnittarfiit nutaamik aatsaat aallartittut aallarteqqaarnermik nalaaniilli tapiissutinik qinnuteqarsinnaapput.
Imm. 2. Aningaasartuutit § 4 naapertorlugu saaffiginnittarf iup missingersuusiaani akuerisani atorneqarsimasut 50%-iat tikillugu Landskarsimit tapiiffigineqarsinnaapput.
Imm. 3. Ukiumut aningaasartuutaasimasut kommunalbestyrelsimit akuereriikkat Isumaginninnermut Pisortaqarfimmut nassiunneqassapput junip aallaqqaataani ukiup tulliani.

 

Atortuulersitsineq ikaarsaariarnermilu aalajangersaaneq.

§ 6. Nalunaarut una atuutilerpoq decemberip aallaqqaataa 1992. Peqatigalugu ISINNAA-p kaajallaasitaliaa nr. 170 januarip pingajuani 1986-imeersoq atorunnaarsinneqarpoq.

Namminersornerullutik Oqartussat ulloq 30. november 1992.

Henriette Rasmussen

/

Nukákuluk Kreutzmann