Namminersornerullutik Oqartussat imigassanik kimittuunik kimikitsunillu nioqquteqarnermut sassaallertarnermullu piffissarititaq pillugu nalunaarutaat nr. 29, 27. november 1992-imeersoq.

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23-mi 30. oktober 1992-imeersumi § 28-mi imm. 1 nr. 1) aamma §29, malillugu aalajangersarneqarput:

 

§ 1. Imigassanik kimittuunik nioqquteqarneq pisassaaq ataasinngornermiit tallimanngorneq ilanngullugu nal. 12.00-imiit nal. 18.00-imut, arfininngornikkut nal. 11.00-imiit 13.00-imut.
Imm. 2. Imm. 1-imi aalajangersakkat taamaakkaluartut nalliuttuni, juulliaqqami, ukiutoqqami, Kunngit pingasuni kiisalu Kalaallit Inuiattut Nalliuttorsiortarfianni imigassanik kimittuunik nioqquteqartoqassanngilaq.

§ 2. Imigassanik kimikitsunik nioqquteqarneq ullut tamaasa sukkulluunniit pisassaaq.

§ 3. Imigassanik kimittuunik kimikitsunillu sassaallerneq pisassaaq ullut tamaasa nal. 12.00-p nal. 24.00-llu akornanni, taamaattorli tallimanngornikkut arfininngornikkullu kiisalu ukiutoqqami, Sisamanngorneq Illernartoq sioqqullugu unnummi kingullermi, Tussiarfissuaq sioqqullugu unnummi kingullermi aamma Qilaliarfik sioqqullugu unnummi kingullermi nal. 03.00-ip tungaanut.
Imm. 2. Imm. 1-imili aalajangersagaq taamaakkaluartoq juullerujussuarmi, tallimanngornermi tannaartumi, pĺskip aamma pinsip ulluani sassaallertoqartassanngilaq. Ukiutoqqami, Kunngit pingasuni kiisalu ullormi Kalaallit Inuiattut Nalliuttorsiortarfianni sassaallerneq nal. 18.00-imiit aatsaat aallartittassaaq. Juulliaqqami taamaallaat sassaallertoqartassaaq nal. 18.00-imiit nal. 21..00-imut.
Imm. 3. Imm. 1-imi aamma imm. 2-mi aalajangersakkat atuupput aalajangersimasumik imigassallernissamut akuersissummik pigisaqarneq, tak. inatsimmi § 5, imaluunniit ullormut aalajangersimasumut akuersissuteqarfigineqarsimaiieq, tak. inatsimmi § 15, apeqqutaatinnagit.
Imm. 4. Qinnuteqartoqarsimatillugu kommunalbestyrelsi sapaammiit sisamanngorneq ilanngullugu ullormi aalajangersimasumi imigassanik kimittuunik kimikitsunillu nal. 03.00-ip tungaanut sassaallernissamut akuersissuteqarsinnaavoq, akunnaatsuliilluni inuuissiortoqarneranut, katittoqarneranut, atatillugu (matumani aamma aappariinnermi ukiunik 25-ngortorsiorluni 50-inngortorsiorlunilu il.il. nalliuttorsiornerni), peqatigiiffiit atasimanerannut tunngatillugu nalliuttorsiornernut aamma Inatsisartunut qinersisoqarneranut atatillugu. Taamaattoqartillugu illoqarfinuni nalliuttorsiorfiusumi politiit akuersissuteqarsimanermik ilisimatinneqassapput kingusinnerpaamik nalliuttorsiorfissaq ullormik ataatsimik sioqqullugu.

§ 4. Nerisassanik annissassanik pisinermut atatillugu imigassanik kimittuunik nioqquteqarneq ullut tamaasa pisinnaavoq nal. 11.00-ip aamma nal. 20.00-ip akornanni.

§ 5. Nalunaarummi matumani aalajangersakkanik unioqqutitsineq akiliisitsissutaasinnaavoq.

§ 6. Nalunaarut manna atulerpoq 1. december 1992 aallarnerfigalugu. Atortuulersitsinermut peqatigitillugu Namminersornerullutik Oqartussat imigassanik aalakoornartulinnik nioqquteqarnermut sassaallertarnermullu piffissarititaq pillugu nalunaarutaat nr. 5 29. maj 1992-imeersoq atorunnaarsinneqarpoq.

Namminersornerullutik Oqartussat, ulloq 27. november 1992

Henriette Rasmussen

/

Nukákuluk Kreutzmann