Avanersuup Kommuniani nunaqarfimmi Siorapalummi imigassanik aalakoornartulinnik nioqquteqarnerup sassaallertarnerullu unitsinneqarnerat pillugu Namminersornerullutik Oqartussat nalunaarutaat nr. 28, 26. november 1992-imeersoq.
Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 13-imi 26. oktober 1989-imeersumi, kingusinnerusukkullu allannguuteqartinneqarsimasumi, § 23, imm. 1, nr. 2 malillugu aalajangersarneqarput:
§ 1. Avanersuup Kommuniani nunaqarfimmi Siorapalummi imigassanik aalakoornartulinnik nioqquteqarneq sassaallernerlu tamarmi inerteqqutaavoq 20. december 1992 ilanngullugu.
§ 2. § 1-imik unioqqutitsinerit akiliisitsissutigineqarsinnaapput, inatsisartut inatsisaanni § 24 naapertorlugu.
§ 3. Nalunaarut manna atortuulersinneqarpoq 1. december 1992 aallarnerfigalugu.
Imm. 2. Nunaqarfik Siorapaluk eqqarsaatigalugu Avanersuup Kommuniani imigassanik aalakoornartulinnik killilersuineq pillugu Namminersornerullutik Oqartussat nalunaarutaat nr. 6 29. maj 1992-imeersoq atorunnaarsinneqarpoq 20. december 1992 ilanngullugu. Piffissami matusiffiusumi imigassarsiutissanik killilersuinermi pointinik katersisoqarsinnaanngilaq.
Namminersornerullutik Oqartussat, ulloq 26. november 1992
Henriette Rasmussen/
Nukákuluk Kreutzmann