Inissianik attartortut sinniisoqartitaanerat pillugu Namminersornerullutik Oqartussat nalunaarutaata nr. 26-ip 12. oktober 1992-imeersup allanngortinneqarnera pillugu Namminersornerullutik Oqartussat nalunaarutaat.

 

§ 1.

Inissianik attartortut sinniisoqartitaanerat pillugu Namminersornerullutik Oqartussat nalunaarutaat nr. 37 21. december 1989-imeersoq makkuninnga allannguutitaqarpoq:

 

1. § 3, imm. 5, imatut oqaasertaqalissaaq:
"Imm. 5. Ineqartut ataatsimiittut ineqartut sinniisissaannik qinersinissamik aalajangiisinnaassuseqarput inissiat attartortinneqartut ikinnerpaamik arfineq pingajorarterutaat ataatsimiigiartitsisimappata, ikinnerpaamilli pingasuullutik."

2. § 8, imm. 3, imatut oqaasertaqalissaaq:
"§ 3-imi aalajangersakkat taamatulli malinneqassapput. Ineqartut ataatsimiittut aalajangiisinnaassuseqarput inissianik attartortut arfineq pingajorarterutaat ataatsimiinnermi najuutsitaqanngikkaluarpataluunniit, taainaattorli tak. § 7, imm. 2 aamma 3 aamma § 11."

3. § 9, imm. 1, imatut oqaasertaqalissaaq:
"§ 9. Ineqartut immikkut ittumik ataatsimiitinneqassapput ineqartut sinniisaasa tamanna pisariaqarsorippassuk, inissianik attartortut ikinnerpaamik arfineq pingajorarterutaasa, ikinnerpaamilli pingasut, tamanna qinnutigippassuk, imaluunniit siusinnerusukkut ineqartut ataatsimiinneranni taamaaliornissaq aalajangiunneqarsimappat."

4. § 10 imatut oqaasertaqalissaaq:
"§ 10. Inissiamik attartortoq ineqartunut sinniisaatilluni Inissianik attartortitsineq pillugu peqqussutip § 26, nr. 1-ia, malillugu inigisaminit aneqquneqarsinnaanngilaq, akerlianilli attartortitsisup attartornissamik isumaqatigiissut atorunnaarsissinnaajuassallugu inissianik attartortitsineq pillugu peqqussummi §§ 16-imit 20-imut aammalu § 30, imm. 3-imi aalajangersakkat attartortup unioqqutissimappagit."

 

Nalunaarut erniinnaartumik atulissaaq.

Namminersornerullutik Oqartussat, ulloq 12. oktober 1992.

Emil Abelsen

/

Peter Beck