Sunngiffimmi ilinniartitsinermi peqataanermut akiliuteqartitsisarneq pillugu Namminersornerullutik Oqartussat nalunaarutaat nr. 22, 5. august 1992-imeersoq.

Sunngiffimmi sammisassaqartitsineq pillugu Inatsisartut peqqussutaat nr. 5, 9. april 1992-imeersoq, § 16, imm. 2, naapertorlugu aalajangersarneqarput:

 

§ 1. Kommunini oqartussaasut sunngiffimmi ilinniartitsinermi peqataanermut akiliuteqartitsissapput ilinniaqatigiikkuutaartuni peqataasumut ataatsimut 100,00 kr-ninik, taamaattorli takuuk § 2.
Imm. 2. Akilutissaq akilerneqassaaq ilinniaqatigiittussanut peqataajumalluni nalunaarnerrai.
Imm. 3. Akiliut utertinneqassaaq ilinniaqatigiittussanik pilersitsisoqanngippat.
Imm. 4. Aamma ilinniaqatigiit pilersinneqarnermik kingorna sapaatip akunnerisa sisamat qaangiutinnginneranni atorunnaarsinneqartariaqarsimappata akiliut utertinneqarsinnaavoq peqataasunut ilinniartitsinermik malinnaasimasuinnarnut.

§ 2. § 1-imi aalajangersagaq atorneqassanngilaq
1) oqalugiarnermut aamma immikkut ittumik atuartitsinermut peqataanermi,
2) meeqqanut inuusuttunullu 20-t inorlugit ukiulinnut, takuuk Meeqqat atuarfiat pillugu Inatsisartut peqqussutaanni § 4, imm. 1, kiisalu
3) atuartunut ilinniaqatigiittussatut pilersinneqarsimasunut aggustip 9-ani 1992-imi ilanngunneqartunut.

§ 3. Nalunaarut atuutilissaaq 10. august 1992.

Namminnersornerullutik Oqartussat, ulloq 5. august 1992.

Marianne Jensen

/

Aqigssiaq Møller