Namminersornerullutik Oqartussat ilinniagaqarnersiutit pillugit nalunaarutaat nr. 17, 20. juli 1992-imeersoq.
Inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit inatsisartut peqqussutaanni nr. 1-imi 4. maj 1990-imeersumi § 7 aamma § 13 naapertorlugit aalajangersarneqarput:
Kapitali 1.
Ilinniagaqarnerit tapiissuteqarfigineqarsinnaasut.§ 1. Ilinniagaqarnerit ulloq naallugu ingerlattagassatut aaqqissuunneqarsimasut sivikinnerpaamillu qaammatinik pingasunik sivisussuseqartussaasut ilinniagaqartunut ilinniagaqarnersiutinik pisartagaqalissutaasussaapput nalunaarummi uani maleruagassat malillugit.
§ 2. Ilinniagaqarnersiutit tunniunneqartassapput Kalaallit Nunaanni ilinniarnertuunngorniarluni ilinniarnernut ilinniagaqarnissamut piareersarfiusunut.
Imm. 2. Immikkut: ittunik pissutissaqartillugu Naalakkersuisut Kalaallit Nunaata avataani ilinniarnertuunngorniarluni ilinniarnernut ilinniagaqarnersiuteqartitsisinnaapput.
Imm. 3. Naalakkersuisut immikkut: ittunik pissutissaqartillugu ilinniarnermut meeqqat atuarfiannisut qaffasitsigisumut ilinniagaqarnissamut piareersarf iusumut ilinniagaqarnersiuteqartitsisinnaapput, ilinniagaqarneq taanna ilinniarnerup inuussutissarsiummik ingerlatsisinnaalernissamik kinguneqartussap ilagippagu.
Imm. 4. Aammattaaq Naalakkersuisut aalajangiisinnaapput eqqumiitsuliornerup, nipilersornerup kulturikkulluunniit allanik ingerlataqarnerup iluani ilinniagaqarqarnerit ilaannul: ilinniagaqarnersiutinik tapiissuteqaqarumallutik, ilinniagaqarnerit tamakku inuussutissarsiummik ingerlatsisinnaalissutaassanngikkaluarpataluunniit annerusumillu ilinniagaqalernissamut piareersaataassanngikkaluarpataluunniit.§ 3. Ilinniarumaneqartoq Kalaallit Nunaanni ilinniarneqarsinnaagaangat ilinniagaqarnersiutit tunniunneqarajuttanngillat Kalaallit Nunaata avataani ilinniagaqarnernut.
§ 4. Ilinniagaqarnersiutit tunniunneqassapput inuussutissarsiummut ilinniakkamut ataatsimut.
Imm. 2. Taamaattorli inuussutissarsiummik allamik aamma ataatsimik arlalinnilluunniit ilinniagaqarnermut tapiisoqartarsinnaavoq, ilinniarneq
1) siusinnerusukkut ilinniarnermut pissusissamisoortumik nangitsinerussappat aammalu ilinniareersimasamit qaffasinnerulluni,
2) qinnuteqartup inuussutissarsiummini inuussutissarsiornissaminut periarfissaqannginnera pissutigalugu pisariaqartumik atuaqqinnerussappat, imaluunniit
3) pissutsit immikkut ittut tamanna pisariaqartippassuk.§ 5. Kulturimirt tunngasunik ilinniagaqarnerni inuussirtissarsiummik ingerlatsisinnaalernermik kinguneqartussaanngitsuni ilinniagaqarnersiutit ilinniagaqarnerit aallarnikkat imaluunniit naammassisat amerlassusiini naatsorsuutigineqassapput, naleqq. § 4 aamma § 11, ilinniagaqarnissamut piareersarnerunngippata.
§ 6. Inunnut akuerineqartumik sungiusarfissaminnik isumaqatigiissuteqarsimasunut ilinniagaqarnersiutit inuuussutissarsiutitigut ilinniagaqarnermut sulisitsisut akiliutaasigut matussuserneqarsimappata, takuuk inuutiissarsiutitigut ilinniagaqarnermut sulisitsisut: akiliutaat pillugit inatsisartut inatsisaat nr. 16 ulloq 23. november 1989-imeersoq, inunnut Kalaallit Nunaannut nalinginnaasumik attuumassuteqanngitsunut piumasarisanik naammassinnissimanngitsunut ilinniagaqarnersiuteqartitsisoqarsinnaavoq.
Imm. 2. Ilinniagaqartut imm. 1. malillugu tapiiffigineqartut taamattaaq tapiiffigineqarsinnaapput kingusinnerusukkut ilinniarfimmiinnerminni.§ 7. Naalakkersuisut aalajangissavaat ilinniagaqartut qassit ilinniagaqarnerni ataasiakkaani ilinniagaqarnersiuteqartinneqarsinnaanersut.
Kapitali 2.
Ilinniarnermik ingerlatsineq ilinniarnerlu sivitsugaq.§ 8. Ilinniarfinni ilinniartut pinngitsooratik ornittagassaanni ilinniartitsineq pissuteqanngitsumik orninneqanngitsoortassanngilaq. Ilinniartup pinngitsoorani ilinniarf imminukartartussaanini eqqortittanngippagu Naalakkersuisut ilinniagaqarnersiutit tunniuttarunnaarsis sinnaavaat.
Imm. 2. Naalakkersuisut ilinniarfimmut ornigutinngitsoortarnerit akuerineqarsinnaasut killissaat pillugu maleruagassaliussapput ilinniagaqartut ilinniagaqarnersiuteqartitaalernissaminnut periarfissaannut naleqqiussamik.§ 9. Sivisuumik ingerlassamik ilinniagaqarnermi ilinniarf immut pinngitsoorani orniguttariaqarf iunngitsumi ilinniartoq ilinniarnerminik ingerlatsisutut isigineqassaaq ilinniarneq tamakkerlugu ileqquusumik piffissarititaasoq taassumaluunniit annersaa annertuumik qaangerneqarsimanngippat.
Imm. 2. Ilinniarnerup qanoq sivisutigisinnaanera naapertuutigalugu akuerineqarpoq ilinniarnermut sivisussuserititaasup annerpaamik ukiumik ataatsimik sivitsortinneqarsinnaanera.
Imm. 3. Taamaattorli immikkut ittunik pissutissaqartillugu, soorlu napparsimanermi, erninermi il.il. Naalakkersuisut ilinniagaqarluni atuarnermut: pisarnertut piffissarititaasoq ukiumik ataatsimik qaangerlugu ilinniagaqarnersiuteqartarnissaaaamut akuersisinnaapput.§ 10. Sumilluunniit ilinniagaqarnissamut piffisarititaasup qanoq sivisutiginissaa Naalakkersuisut aalajangissavaat.
Kapitali 3.
Siusinnerusukkut kipititsinerit ilinniagaqarnermilu akiitsut.§ 11. Ilinniagaqarnersiutit pisartagaritinneqassapput apeqqutaatinnagu inuk pisartagaqartussaq siusinnerusukkut qanoq sivisutigisumik tapiiffigineqartarsimanersoq allanik ilinniagaqarnermini, taamaattorli takuuk § 4.
§ 12. Ilinniagaqarnersiutinik pisartagaqartitsisoqarsinnaanngilaq qinnuteqartumut ilinniarumallugu qinnutigisaminik siusinnerusukkut marloriarluni tamaatitsisimasumut, pisartagaqartinneqarsinnaallunili kipititsisarnernut nammineq pisuusarsimanngikkuni.
Imm. 2. Ilinniagaqarnersiutinik pisartagaqartitsisoqarsinnaanngilaq qinnuteqartumut: ilinniakkanik assigiinngitsunik siusinnerusukkut pingasoriarluni kipititsisarsimasumut, pisartagaqartinneqarsinnaallunili kipititsisarnernut nammineq pisuusarsimanngikkuni.§ 13. Ilinniagaqarnersiutinik pisartagaqartitsisoqarsinnaanngilaq qinnuteqartumut ilinniagaqarnermi akiitsoqartumut akilereersimasassaraluaminik, pisartagaqartinneqarsinnaallunili akiitsut akilerneqarnissaat pillugu isumaqatigiissuteqarsimaguni. Akiitsut akilerneqarnissaannik isumaqatigiissut eqqortinneqartussaavoq.
Kapitali 4.
Ilinniagaqarnersiutit.§ 14. Ilinniagaqarnersiutit tunniunneqassapput tapiissutitut taarsersugasaanngitsutut imaluunniit taarsigassarsiatut.
Tapiissutit taarsersugassaanngitsut.
§ 15. Naalakkersuisut Ilinniarnermut tapiissirtit pillugit Siunnersuisoqatigiinni isumasioqatigiittoqareerneratigut tapiissutit taarsersugassaanngitsut annertussusissaat piumasaqaataasussallu aalajangersassavaat.
§ 16. Tapiissutit taarsersugassaanngitsut annertussusii ukiut tamaasa aggustip aallaqqaataani iluarsineqartassapput Ilinniarnermut tapiissutit pillugit Siunnersuisoqatigiinni isumasioqatigiissutigineqareerlutik.
Imm. 2. Ukioq tapiissuteqarfiusoq tassaappat qaammatisiutit malillugit ukioq, takuuk § 19, imm. 2, aalajangiineq pisassaaq januaarip aallaqqaataani.
Imm. 3. Iluarsiineq siulleq pissaaq 1993-imi aggustip aalaqqaataanit atuutilersussamik.§ 17. Tapiissutit taarsersugassaanngitsut assigiinngitsunik annertussusilerlugit tunniunneqarsinnaapput ukununnga,
1) ilinniagaqartunut nanuninerisaminnik ineqartunut,
2) ilinniagaqartunut inisimatinneqartunut nerisatik inertillu akilertereerlugit, imaluunniit
3) ilinniagaqartunut angajoqqaaminni imaluunniit inunni angajoqqaajusunut taartaasuni najugaqartunut.
Imm. 2. Ilinniagaqartul; namminneq qitornaminnik ineqateqartut isigineqassapput namminerisaminnik ineqartutut.§ 18. Tapiissutinik taarsersugassaanngitsunik tapiissuteqartoqartassanngilaq piffissani ilinniagaqartup akissarsiaqarluni sungiusarfigisaani.
§ 19. Tapiissutit taarsersugassaanngitsut nalinginnaasumik tunniunneqartassapput ukiumi tapiissuteqarfiusumi ataatsimi qaammatini aqqaneq-marlunni.
Imm. 2. Ukioq tapiissuteqarfiusoq, Naalakkersuisunit aalajangerneqartussaq, aallartittarsinnaavoq aggustip aallaqqaataanit naallunilu juulip 31-anut imaluunniit aallartillunilu naasarsinnaalluni qaammatisiutit ukiuat malillugu.§ 20. Tapiissutit taarsersugassaanngitsut nalinginnaasumik qaammammoortumik kingumut tunniunneqartarput.
Imm. 2. Ilinniagaqartut ilaannut tapiissutinik tunniussinerup allatut pisarnissaa Naalakkersuisut aalajangersinnaavaat.
Immikkut tapiissutit.
§ 21. Naalakkersuisut Ilinniarnermut tapiissutit pillugit Siunnersuisoqatigiinni isumasioqatigiittoqareerneratigut tapiissutissat makkua annertussusissaat piumasaqaataasussallu aalajangersassavaat.
1) meeqqanut tapiissutit, aanuna
2) immikkut pisariaqartitat, tamakkununnga ilanngullugit akiliunneqarluni angalanissat, akissaqartinnissaannut tapiissutit.
Imm. 2. Meeqqanut tapiissutit ukiumi tapiissuteqarfiusumi tunniunneqartassapput qaammatini aqqaneq-marlunni.§ 22. § 21 naapertorlugu immikkut tapiissuteqarnissamut apeqqutaassappat ilinniartoq katissimasaminik aappaqarnersoq, aappariittut inooqateqarnera katissimalluni aappaqarnermut naligitinneqassaaq inooqatigiinnerat 18-inik ukioqalereernerup kingornagut sivikinnerpaamik ukiumik ataatsimik sivisussuseqarsimappat.
§ 23. Akiliussilluni angalatitsisoqartassaaq ilinniarnerup aallartinnerani kiisalu naammassinerani imaluunniit kipitinneqarnerani.
Imm. 2. Siamasissumik Tunngaviusumik Ilinniartitaanermik aallartitsisoqartillugu angalanermut akiliussisarnissaq pillugu Naalakkersuisut maleruagassaliussapput.
Imm. 3. Ilinniagaqartoq ilinnialernissani naatsorsuutigalugu ilinniarfissaminut aqqutaanut akiliunneqareerluni ilinniarumanani nalunaarpat Naalakkersuisut ilinniagaqarniartoq taanna peqqusinnaavaat bilitsimut aningaasartuutit akileqqullugit. Ilinniagaqarniartoq taanna peqquneqarsinnaavortaaq angerlarnissaminut aningaasartuutissat akileqqullugit ilinniarnermi kipitinneranut nammineq pisuusimappat.
Imm. 4. Ilinniarnermik ingerlatsiunnaarallarnermut atasumik immikkut aaqqissuussamik akiliunneqarluni angalanissamut akiliussisoqarsinnaanngilaq angalatitsisoqarsinnaananiluunniit.§ 24. Akiliussilluni angalatitsisoqarsinnaavoq aasakkut atuanngiffeqarnermi, kisianni ilinniarneq qaammatisiutit malillugit ukiumi tassani decemberip aallaqqaataa nallertinnagu naammassineqassanngippat.
Imm. 2. Ilinniagaqartunut, qitornatik ilaginagit najugaqartunut, patsisissaatitat Naalakkersuisunit aalajangerneqartut naapertorlugit ukiup affakkuutarlugu akiliussilluni tikeraartitsisoqartarsinnaavoq meeqqat § 21-mi, imm. 2, nr. 1 malillugu meeqqanut tapiissutinik pisartagaqarsinnaappata.
Imm. 3. Atuarfimmiinnermut suliffimmilu sungiusarfimmiinnermut atasumik akiliussilluni angalatitsisoqarsinnaavortaaq ilinniagaqartoq allatut ajornartumik kommuneqarfimmut allamut aallartariaqarsimappat. Kommuneqarfimmi ataatsimi illoqarfiup nunaqarfiullu akornanni akiliussilluni angalatitsisoqarsinnaavortraaq atuarfimmiinnerimuut atasumik.
Imm. 4. Ilinniagaqartup sungiusarnini nammineq pisuulluni kommuneqarfimmi allami ingerlattussanngorpagu ilinniagaqartoq taanna pisussanngortinneqarsinnaavoq angalanermut aningaasartuutissat nammineq akilernissaannut.§ 25. Ilinniagaqarnerit immikkut aaqqissuusaasimappata, tamatuminngalu pissuteqartumik immikkut ittumik tapiiffigineqarnissaq pisariaqartinneqarpat aamma ilinniagaqarnerit Kalaallit Nunaata Danmarkillu avataanni ingerlanneqassappata, ilinniagaqarnersiutit allatut aaqqissuussamik pisartagaritinneqarnissaat Naalakkersuisut aalaj angersarsinnaavaat.
Kapitali 8.
Paasissutissiisussaatitaaneq.§ 26. Ilinniagaqartut, takuuk inatsisartut peqqussutaanni § 16, pissutsit ilinniagaqarnersiuteqartitsinissamut pingaaruteqartut tamaasa nalunaarutigisassavaat.
§ 27. Ilinniagaqartoq pissutsit § 26-mi taaneqartut pillugit eqqunngitsunik amigartunilluunniit paasissutissiisimappat, imaluunniit allannguutinik nalunaaruteqarsimanngippat, aningaasat eqqunngitsumik pisartagarineqarsimasut utertillugit akileqquneqarsinnaapput erniat ilanngullugit.
§ 28. Inuk ilinniagaqarnersiutinik eqqunngitsumik pisartagaqarsimasoq tapiissutinik pisartagaqaqqissinnaajunaarsitaasinnaavoq piffissami aalajangersimasumi imaluunniit pisartagaqaqqittussaaj unnaavissinneqarsinnaalluni, takuuk inatsisartut peqqussutaanni § 16, imm. 3.
Imm. 2. Taamatuttaaq iliortoqarsinnaavoq ilinniagaqartup siornatigut tapiissutisiaminut piumasaqaatit unioqqutissimappagit.
Kapitali 10.
Maalaaruteqarsinnaaneq.§ 29. Naalakkersuisut § 3, § 3, § 9, § 13, § 23, § 24 aamma § 28, takuuk Inatsisartut peqqussutaanni § 15, malillugit aalajangiineri aalajangiinermik nalunaarutip tiguneraniit: sap. ak. sisamat qaangiirtsinnagit allaganngorlugit Ilinniagaqarnersiutinut Orulluteqartarfimmut maalaarutigineqarsinnaapput.
Kapitali 11.
Atulerfissaa.§ 30. Nalunaarut una aggustip aallaqqaataani 1992-imi atortuulissaaq. Ulloq taanna atorunnaassaaq Namminersornerullutik Oqartussat nalunaarutaat nr. 9, 7. marts 1985-imeersoq, ilinniagaqarnermi tapiissutinut tunngasoq.
Namminersornerullutik Oqartussat, ulloq 20. juli 1992
Marianne Jensen/
Aqigssiaq Møller