Kalaallit Nunaanni aningaaserivinni ilinniagaqartunut taarsigassarsianut Namminersornerullutik Oqartussat qularnaveeqqusiisarnerat pillugu Namminersornerullutik Oqartussat nalunaarutaat nr. 16, 17. juli 1992-imeersoq.
Inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit inatsisartut peqqussutaanni nr. 1-imi 4. maj 1990-imeersumi § 13 naapertorlugu aalajangersarneqarput:
Kapitali 1.
Aalajangersakkat nalinginnaasut.§ 1. Naalakkersuisut Kalaallit Nunaata landskassia sinnerlugu ilinniarnermi atugassanik Kalaallit Nunaanni aningaaserivinni taarsigassarsianut qularnaveeqqusiisinnaapput taarsigassarsinermi piumasarineqartut, Namminersornerullutik Oqartussat aningaaseriviullu akornanni isumaqatigiissutaasut, malillugit qularnaveeqqusiissutissatut aningaasat ukiumoortumik inatsisaanni aalajangerneqartut iluanni annertussuseqartunik.
Imm. 2. Qularnaveeqqusiussat immikkut pisariaqartitanut matusissutissatut nalinginnaasumik tapiissutinut taarsersugassaanngitsunut tapiissutitut qularnaveeqqusiunneqassapput ilinniagaqartunut § 2-mi pissutissarititanik eqqortitsisunut.§ 2. Ilinniarnermi atugassanik taarsigassarsianut Naalakkersuisut qularnaveeqqusiisinnaappul: ilinniagaqartunut:
1) inatsisartirt peqqussutaanni § 10-mi pissutissarititaasunik eqqortitsisunut,
2 ) ilinniarnermut ikiorsiissuteqarf iusussatut naalakkersuisunit akuerineqarsimasumik ingerlatsisumut,
3 ) ilinniarnermik aallarnikkamik illersorneqarsinnaasumik iliorluni malinnaasumut, aamma
4) 18-inik ukioqalereersimasumut.
Imm. 2. Ilinniarnernut imm. 1, nr. 2)-mi taaneqartunut ilaapput Kalaallit Nunaanni, Danmarkimi aammalu nunani allani ilinniarnerit.
Imm. 3. Taamaattorli qularnaveeqqusiisoqarsinnaanngilaq ilinniartunut, ilinniarnerit makkua arlaannik ataatsimik ingerlatsisunut:
1) STI-mi - sammivinnik tamanik, tamakkua ilagalugit immikkoortut aappaannik ilinniarnerit.
2) Tunngaviusumik ilinniarnernik allanik, STI-mik aaqqissuussinermut suli ilanngunneqanngitsunik, tamakkua ilagalugit immikkoortut aappaannik ilinniarnerit.
3) GU-mik.
4) Ilinniarnernik ilinniaqqinnissamut piareersarfiusunik.
5) Imarsiornermut aalisarnermullu tunngaviusumik ilinniartitaanernik.
6) Savaatilinngorniarluni ilinniarnermik.
Imm. 4. Naalakkersuisut aalajangissavaat ilinniarnerit suut ilinniarnernut imm. 3-mi taaneqartunut ilaatinneqassanersut.
Imm. 5. Naalakkersuisut allanik ilinniagaqartut aaqqissuussinermut uunga ilaatinngissinnaavaat, takuuk imm. 3.
Imm. 6. Naalakkersuisut qularnaveeqqusiisinnaapput ilinniartitaanernut imm. 3-mi taaneqartunut ilinniartuusut, pissutsit immikkut ittut tamanna pisariaqartippassuk.§ 3. Ukiumi ikiorsiissuteqarfimmi (1. augustimiit ukiumi tullermi 31. julimut) annerpaamik qularnaveeqqusiineqarsinnaavoq taarsigassarsisumut ataatsimut aningaasat aningaasanut akuersissutaasunut inatsisini annerpaamik aalajangerneqartut iluanni.
Imm. 2. Piffissaq ikiorsiiffigineqartoq ukiumit ataatsimit sivikinneruppat qularnaveeqqusiissutit millisinneqarsinnaapput.
Imm. 3. Taarsigassarsiat saniatigut qularnaveeqqusiissutit aamma tunngapput ernianut akiliutinullu, taarsigassarsinermut tunngasut nassatarisaannut, kisiannili tunngasuunatik taarsigassarsinermut imaluunniit qularnaveeqqusiussat qaffanneqarnerannut atasumik aningaasartuutinut.§ 4. Qularnaveeqqusiinissamik neriorsuummi taaneqassaaq taarsigassarsiat angissusiat, angissutsillu taassuma iluani qularnaveeqqusiineqassaaq.
Imm. 2. Neriorsuut ilinniagaqartumut tunniunneqassaaq, taassumalu Kalaallit Nunaanni aningaaserivik isumaqatigiissuteqarfigisinnaavaa qularnaveeqqusikkanik taarsigassarsiaqarsinnaaneq pillugu.
Imm. 3. § 3, imm. 1, malillugu qularnaveeqqusiisoqarnissaanut periarfissaq atorneqanngippat, taanna atorunnaassaaq. Qularnaveeqqusiisoqarnissaanirt periarfissaq ileqqaarneqarsinnaanngilaq imaluunniit nuunneqarsinnaanani ukiumit ilinniagaqarfissamit ukiumut ilinniagaqarfissaraut allamut.
Imm. 4. Taarsigassarsiat pillugit suliarineqassaaq akiligassaqalernermut allagartaq, allaffissiami naalakkersuisut akuerisaanni.
Imm. 5. Aningaasanik tunniussineq pisassaaq taarsigassarsisup nammineq kissaatigisaa pisariaqartitsineralu malillugit. Aaqqissuussineq pilersinneqassaaq aningaaserivimmit taarsigassarsinertut, tamatumuuna periarfissiineqassalluni aningaasanik sukkulluunniit; amerlanerpaajuaannartunik eqaatsumik atuinissamut.§ 5. Taarsigassarsiat pillugit akiligassaqalernermut allagartap assinga aningaaseriviup nassiutissavaa oqartussaatitanut qularnaveeqqusiisimasunut.
Imm. 2. Taarsigassarsianut kontut qularnaveeqqusikkat tamaasa taarsigassarsiat angissusiinik ernialiussanillu erseqqissaatitallit ukiumoortumik naatsorsukkat aningaaseriviup oqartussaatitanut qularnaveeqqusiisimasunut decembarip naalernerani tunniuttassavai.
Imm. 3. Qularnaveeqqusikkatut pisussaaffigisanut tamanut naatsorsukkat qaammatit pingasut naaneri tamaasa aningaaseriviup Naalakkersuisunut tunniuttassavai.§ 6. Taarsigassarsisoq ilinniarnerup naammassinerata kingornatigut ukioq ataaseq qaangiutsinnagu taarsigassarsiat taarsersornissaat pillugu aningaaserivimmik isumaqatigiissut:eqarsimappat qularnaveeqqusiineq atortinneqaannassaaq taarsersuinerup ingerlanerani, taamaattorli ilinniarnerup naanunassineraniit sivisunerpaamik ukiuni qulini.
Imm. 2. Taarsigassarsisoq ilinniarnerup kipitinnerata kingornatigirt qaammatit pingasut qaangiutsinnagit taarsigassarsiat taarsersornissaat pillugu aningaaserivimraik isumaqatigiissutreqarsimappat qularnaveeqqusiineq atortinneqaannassaaq taarsersuinerup ingerlanerani, taamaattorli ilinniarnerup kipitinneraniit sivisunerpaamik ukiuni qulini.
Imm. 3. Piffissanut killiliussat imm. 1-imi 2-milu taaneqartut naatinnagit aningaaseriviup taarsigassarsiat taarsersorneqarnissaannik isumaqatigiissuteqarnissaq angusinnaasimanngippagu, aningaaserivik pisussaavoq qularnaveeqqusiussat utertinneqarnissaat piumasarissallugu.
Imm. 4. Aningaaseriviit pisussaapput Naalakkersuisut ilisimatissallugit taarsigassarsisoq akilersuutissanik marluk sinnerlugit akiliinngitsoorsimappat.
Imm. 5. Pissutsit pisariaqartippassuk Naalakkersuisut qinnuteqaat naapertorlugu qularnaveeqqusiissutit ukiut qulit qaangerlugit sivitsortissinnaavaat.§ 7. Taarsigassarsiat aningaaseriviup taarsigassarsiffigineqartup piumasaqarneratigut Landskassimit akilerneqartussanngortinneqarpata taarsigassarsiat taakku ukiumut ernialersorneqassapput aningaaseriviup taarsigassarsianut aaqqissuussinermi matumani pineqartunut maannakkut ernialiuttagaanik, imaluuniit ukiumut: Nationalbankip diskontuanik, 4%-imik ilasamik, ernianut angissuserititaq taanna annerussappat aningaaseriviup maannakkut ernialiuttagaanit.
Imm. 2. Naalakkersuisut ilinniarnerup ingerlanerani imaluunniit naammassineqarnerata kipitinneqarnerataluunniit kingornatigut aningaaserivinuni qularnaveeqqusiussat utertissinnaavaat taamalu taarsigassarsiat allanngortissinnaallugit landskassimit taarsigassarsianngorlugit.
Imm. 3. Imm. 2 malillugu utertitsisoqarpat taarsigassarsiat tamatigut ukiumut ernialersorneqassapput aningaaserivimmi maannakkut ernialiunneqartartumik - tapiliussartaqanngitsumik.
Kapitali 2.
Maalaaruteqarsinnaaneq.§ 8. § 2, § 6, imm. 4, aanuna § 8, imm. 2, malillugit aalajangiinerit aalajangiinermik nalunaarutip tiguneraniit sap. ak. sisamat qaangiutsinnagit allaganngorlugit Ilinniagaqarnersiutinut Orulluteqartarfimmut raaalaarutigineqarsinnaapput.
Kapitali 3.
Atuutilerfissaa.§ 9. Nalunaarut una aggustip aallaqqaataani 1992-imi atortuulissaaq.
Imm. 2. Ulloq taanna atorunnaassaaq Ilinniagaqartunut bankimit sparekassemillu taarsigassarsiat pillugit Namminersornerullutik Oqartussat qularnaveeqqusiisarnerat pillugu Namminersornerullutik Oqartussat Nalunaarutaat nr. 4, 13. november 1980-imeersoq.
Imm. 3. Taamaattorli aningaasat atorneqartussatut akuerisissutit qularnaveeqqusiissutillu nalunaarut imm. 2-mi taaneqartoq malillugu tunniunneqartut piumasaqaataasut allanngortinnagit atuuffissamik naanissaasa tungaannut atuutiinnassapput.
Namminersornerullutik Oqartussat, ulloq 1992
Marianne Jensen/
Aqigssiaq Møller