Innussutissarsiutiginagu piniarnermi aallaaniarnermilu aallaaniarsinnaanermut upernarsaat (inuussutissarsiutiginagu piniartunut) pillugu Namminersornerullutik Oqartussat nalunaarutaat nr. 15, 16. juli 1992-imeersoq.

Inuussutissarsiutiginagu piniarneq, aallaaniarneq aalisarnerlu pillugit Inatsisartut Inatsisaanni nr. 11-imi, 29. april 1992-imeersumi § 2, imm. 2 aamma § 5 naapertorlugit aalajangersarneqarpoq:

 

§ 1. Kalaallit Nunaata oqartussaaffigisaani nunami imaanilu inuussutissarsiutiginagu piniarneq aallaaniarnerlu taamaallaat ingerlaaneqarsinnaavoq inunnit tamatumunnga akuersissuteqarfigineqarsimasunit.
Imm. 2. Akuersissuteqartoqartassaaq aallaaniarsinnaanermut uppernarsaammik tunniussinikkut.
Imm. 3. Inuit Inatsisartut inatsisaanni § 2-mi, imm. 1-imik imaluunniit § 3-mik naammassinnissimasut aallaaniarsinnaanermut uppernarsaatitaarsinnaapput.
Imm. 4. Taamaakkaluartorli meeqqat 16-it inorlugit ukiullit angajoqqaavi sernissuisuiluunniit imm. 3-mi ilaatinneqarsimappata aallaaniarsinnaanermut uppernarsaateqaratik aallaaniarsinnaatitaapput.

§ 2. Inuussutissarsiutiginagu aallaaniarsinnaanermut uppernarsaammik qinnuteqaat Naalakkersuisunut tunniunneqassaaq, qinnuteqarnermi immersugassaq tamatumunnga suliarineqarsimasoq atorlugu.
Imm. 2. Qinnuteqaatip nassiutinnginnerani paasissutissat kommunimi najukkami inuit nalunaarsorsimaffiannit uppernarsarlugit atsiorneqassapput.

§ 3. Aallaaniarsinnaanermut uppernarsaatip § 1-imi, imm. 2-mi taaneqartup tunniunneqarneranut 30 kr.-inik akiliisitsisoqartassaaq.
Imm. 2. Aallaaniarsinnaanermut uppernarsaat tassaavoq Naalakkersuisut giro atorlugu immikkut akiliiffissiaasa akiliisimanermut uppernarsaatitaa.
Imm. 3. Aallaaniarsinnaanermut uppernarsaat aatsaat atorsinnaavoq allakkerisarfimmit naqissuserneqarsimaguni, atuutissallunilu aallaaniarsinnaanermut uppernarsaatip ukiup atuuffissaata naanissaata tungaanut.

§ 4. Aallaaniarsinnaanermut uppernarsaat inummut namminermut tunngasuuvoq, allamullu tunniuteqqusaanani, tuneqqusaanani, atukkiuteqqusaanani assigisaanilluunniit peqqusaanani.
Imm. 2. Aallaaniarsinnaanermut uppernarsaat piniarnermi aallaniarnermilu nassarneqartassaaq, misissuinermilu politiit allalluunniit taamaaliornissamut piginnaatitaasut piumasaqarnerisigut takutinneqartassalluni.

§ 5. Aallaaniarsinnaanermut uppernarsaatilik kinaluunniit pisussaavoq pisaminik allattuissalluni. Qaammatit tamaasa naanerini pisarisimasat naatsorsuusiorneqartassapput. Ukiumut pisarisimasat naatsorsuutaasa inerneri piffissap pisanik nalunaarsuiffiusussap naanerani, tak. imm. 3, pisanik nalunaarsuiffissamut Naalakkersuisunit suliarineqarsimasumut nuunneqassapput, oktoberillu 15-iat tikitsinnagu akeqanngitsumik utertinneqassallutik.
Imm. 2. Meeqqat 16-it inorlugit ukiullit pisarisimasatik angajoqqaamik sernissuisumilluunniit pisanik nalunaarsuiffissaannut § 1-imi, imm. 4-mi, taaneqartumut nalunaarutigissavaat.
Imm. 3. Piffissaq pisanik nalunaarsuiffiusussaq tassaavoq oktoberip aallaqqaataanniit septemberip 30-iannut.
Imm. 4. Taamaakkaluartorli piffissaq pisanik nalunaarsuiffmsussaq siulleq tassaavoq 1993-imi januarip aallaqqaataaniit septemberip 30-ianut.
Imm. 5. Aallaaniarsinnaanermut uppernarsaatip nutarsarneqarnissaanut piumasaqaatigineqarpoq pisanik nalunaarsuiffissiap piffissap pisanik nalunaarsuiffiusussap siulianut tunngassuteqartup piffissaq eqqorlugu nassiunneqarsimanissaa.

§ 6. §-inik 1-mik 4-millu unioqqutitsinerit akiliisussanngortitsissutaasinnaapput, pisallu imaluunniit taakku nalingi arsaarinnissutaasinnaallutik.

§ 7. Nalunaarut atulissaaq januarip aallaqqaataani 1993.
Imm. 2. Tamatumunnga peqatigitillugu atorunnaarput aalisarnermik piniarnermillu ingerlatsinnaanissamut piumasarineqartunik naammassinnissimanermut uppernarsaatit suliarineqartarnerat pillugu Namminersornerullutik Oqartussat nalunaarutaat nr. 1, 19. januar 1981-imeersoq aamma Namminersornerullutik Oqartussat nalunaarutaat nr. 38, ulloq 30. december 1991-imeersoq pininarnermut aallaaniarnermullu allagartanut tunngasoq.
Imm. 3. § 3-mi imm. 1 naapertorlugu akiligassaq 1. november 1992 aallarnerfigalugu akilersinniarneqarsinnaavoq.

Namminersornerullutik Oqartussat, ulloq 16. juli 1992.

Hans Iversen

/

Henrik Leth