Meeqqat atuarfianni naliliisarneq il.il. pillugit Namminersornerullutik Oqartussat nalunaarutaat nr. 8, 19. juni 1992-imeersoq.

Meeqqat atuarfiat pillugu Inatsisartut peqqussutaat nr. 10, 25. oktober 1990-imeersoq § 15, imm. 3, 8 aamma 9, naapertorlugit aalaj angersarneqarput:

 

Kapitali 1.
Nammineq atugassanik naliliineq.

§ 1. Atuartitsineq naliliiffigisarlugu ingerlanneqassaaq. Naliliisarnerup siunertarai ilinniartitsisup atuartullu paasitinnissaat atuartitsinerup angusassatut ilimagineqartunik qanoq annertutigisumik angusaqartitsisimaneranik, aamma ilitsersuinissaq atuartitsinerup aaqqissuuteqqinnissaa eqqarsaatigalugu, tamatumunnga ilanngullugu tunngavissaqalersitsinissaq atuartitsinerup atuartut pisinnaasaat aallaavigalugit: naleqqussarnissaanut. Naliliisarneq tunngavissaliissaartaaq atuartunik ilitsersueqqissaarnissa-
mut ilinniarnikkut ineriartornermi: ilisimasaqarneq, pisinnaasaqarluarneq, sulinermi periaaseqarneq aamma oqaasissanik ilusilersuisarneq eqqarsaatigalugit.
Imm. 2. Naliliisarnerup ilusissaa ilinniartitsisumit aalajangerneqassaaq atuartut peqataatillugit naleqqussarneqassallunilu atuartitsinerup ilusaanut imarisaanullu.
Imm. 3. Atuartut ataasiakkaat taamattaarlu holdip atuartitsinermik pissarsiaqartarnikkut ineriartorneri ilinniartitsisup malinnaaffigissavai. Tamanna akuttunngitsunik atuartut tamaasa peqatigalugit atuartullu ataasiakkaarlugit oqaloqatigiissutigineqartassaaq.
Imm. 4. Oqaluttarissanik taamattaarlu allattarissanik suliaqarnermut, tamatumunnga ilanngullugu angerlaatanik suliaqarnermut, atatillugu atuartup suliai ilinniartitsisup naliliiffigisassavai allakkatigut oqaasiinnartigullu. Taamaaliornermut ilanngullugu atuartoq ilitsersorneqartassaaq kajumissaarneqarlunilu ineriartortittuaqqullugit sulinermi periaatsini, oqaasissaminik ilusilersuisarnini allallu ilinniakkaminut tunngasut, taamaalilluni atuartoq angusimasaminik pitsanngorsaajuaannarsinnaaqqullugu. Naliliisartuarneq ilaassaaq ilinniartitsisup atuartitsinermik ingerlatseqqinnissaminik aaqqissuussisarnissaanut naammassinninniartarnissaanullu.

§ 2. Atuartut atuartinneqarnerminni pissarsiaannik naliliiniartarnermut ilanngunneqarsinnaapput atuartitsinermut atatillugu misiliisarnerit allallu tamakkua pissuseqataat.
Imm. 2. Atuartitsinermut atatillugu misiliisarnerit assigisaallu ingerlanneqartassapput ilinniartitsisup nammineq aalajangiinera malillugu. Atuartitsinermut atatillugu misiliinissani nalunaaquttap akunneri arlallit tulleriiginnaat klassini allani lektioninik/ilinniartitsisut lektioniinik tigusiffiusariaqassagaangata taamaaliortoqartarnissaa pillugu atuarfiup pisortaa aalajangiisassaaq.

 

Kapitali 2.
Atuarfiup avataani atugassanik naliliineq.

§ 3. Atuarfiup avataani atuinissaq pissutigalugu nalilerneqassapput atuartup atuartitsissutinut pikkorissusii, tamakkununnga ilanngullugu qanoq suliumatussuseqartiginera il.il., naliliinermi atorneqartartut makku atorlugit: nalunaarut, angusanik naliliineq, angusimasanut karakteerit aamma misilitsinnermi karakteerit, takuuk Meeqqat atuarfianni naggataarutaasumik misiliinerit il.il. pillugit Namminersornerullutik Oqartussat Nalunarutaat nr. xx, xx juni 1992-imeersoq.

§ 4. Klassit siullianni ineriartuutaasinnaasunik iliuuseqartarnerit tunngavigalugit atuartup inooqataanermigut, aalaatsimigut, misigissutsimigut, paasisimasaqassutsimigut silassorissutsimigullu pisinnaasai pillugit nalunaarusiortoqartassaaq.

§ 5. Klassit aappaannit arfernannut atuartup atuartitsinermi pissarsiaqarsimanera atuartitsissutinilu tamani qanoq suliumatussuseqartiginera nalilerneqassaaq angusanik naliliinermik, taamaattorli takuuk § 13.
Imm. 2. Naliliinermi naliliissutit makku atorneqassapput:
Pitsaalluinnartoq: Pitsaalluinnartumik ajunngilluinnartumillu angusaqarnermi tunniunneqartarpoq.
Ajunngeqaaq: Pitsaasumik nakimaatsumillu angusaqarnermi tunniunneqartarpoq.
Ajunngilaq: Naammaginartumik angusarnermi tunniunneqartarpoq.
Naammaginarsinnaavoq: Naammaginartumit ajornerulaartumik angusaqarnermi tunniunneqartarpoq.
Naammaginavinngilaq: Angusani akuerineqarsinnaagaluarlutik pitsaanerunngitsunili tunniunneqartarpoq.
Naammaginanngilaq: Akuerineqarsinnaanngitsumik angusaqarnermi tunniunneqartarpoq.
Imm. 3. Qanoq suliumatussuseqartiginermik naliliinermi taaguutit makku atorneqassapput: ajunngilaq imaluunniit pitsaanerulersinnaavoq.
Imm. 4. Naliliineq ilaneqarsinnaavoq paasinarsaataanerusumik oqaaseqaammik nalunaarummut atugassasamik.

§ 6. Klassit arfineq-aappaannit aqqaneq-aappaannut atuartut angusimasanut karakteerilerneqassapput, taamaattorli takuuk § 13.
1) Kalaallit oqaasiini klassit arfineq-aappaannit qulingiluaannut pingasunik karakteeriliisoqartassaaq: ataaseq kalaallisut oqaluttariarsornermut, ataaseq kalaallisut allattariarsornermut ataaserlu kalaallisut allattariarsornermi peqqissaarnermut. Klassit qulingannit aqqaneq-aappaannut sisamanik karakteeriliisoqartassaaq: ataaseq kalaallisut oqaluttariarsornermut, ataaseq oqaatsinik eqqortumik atuisinnaanermut/kukkunaveersaarnermut, ataaseq allaaserinninnermut ataaserlu allaaserinninnermi peqqissaarnermut.
2) Danskit oqaasiini klassit arfineq-aappaannit qulingiluaannut pingasunik karakteeriliisoqartassaaq: ataaseq danskit oqaasiini oqaluttariarsornermut, ataaseq danskit oqaassini allattariarsornermut ataaserlu danskit oqaasiini allattariarsornermi peqqissaarnermut. Klassit qulingannit aqqaneq-aappaannut sisamanik karakteeriliisoqartassaaq: ataaseq danskit oqaassini oqaluttariarsornermut, ataaseq oqaatsinik eqqortumik atuisinnaanermut/kukkunaveersaarnermut, ataaseq allaaserinninnermut ataaserlu allaaserinninnermi peqqissaarnermut.
3) Kisitsinermi/matematikkimi klassit arf ineq-aappaannit qulingiluaannut pingasunik karakteeriliisoqartassaaq: ataaseq kisitsineq/matematikkimi oqaluttariarsornermut, ataaseq kisitsineq/matematikkimi allattariarsornermut ataaserlu kisitsineq matematikkimi allattariarsornermi peqqissaarnernmut. Klassit qulingannit aqqaneq-aappaannut sisamanik karakteeriliisoqartassaaq: ataaseq kisitsineq/matematikkimi oqaluttariarsornemut ataaseq kisitsigasuarnermut, ataaseq eqqarsaatigisarialinnik kisitsinermut ataaserlu eqqarsaatigisarialinnik kisitsinermi peqqissaarnermut.
4) Tuluit oqaasiini klassit arfineq-aappaannit qulingiluaannut kiisalu klassit qulingannit aqqaneq-aappaannut sammivimmi tamatigoortumi/qaffasissusermi ataatsimik karakteeriliisoqartassaaq. Klassit qulingannit aqqaneq-aappaannut sammivimmi annertusisami/qaffasissusermi marlunnik karakteeriliisoqartassaaq: ataaseq tuluit oqaasiini oqaluttariarsornermut ataaserlu tuluit oqaasiini allattariarsornermut.
5) Atuartitsissutini allani tamani atuartut atuartinneqarfigisaanni ataatsimik karakteeriliisoqartassaaq.
Imm. 2. Angusimasanut karakteerit oqaatiginiagassaraat ilinniartitsisup atuartup angusimasaanik naliliinera.
Imm. 3. Angusimasanut karakteerit kingulliit (ukiumut karakteerit) tassaassapput ilinniartitsisup atuartup atuartitsissutini ukiup atuarf iusup naanerani angusimasaanik naliliinera, taamaattorli takuuk imm. 4.
Imm. 4. Atuartitsissutini misilitsinnernik naggaserneqartartuni, takukkit Meeqqat atuarfiat pillugu Inatsisartut peqqussutaanni § 15, imm. 4-6, klassit aqqarnannit aqqaneq-aappaannut angusimasanut karakteeriliisoqartassaaq allattarissatigut misilitsiffissaq sioqqutilaarlugu. Angusimasanut karakteeriliunneqartut oqaatiginiassavaat atuartup tamatuma nalaani qanoq angusaqarsimaneranik ilinniartitsisup naliliinera.
Imm. 5. Angusimasanut karakteerit ilaqartinneqassapput atuartitsissummik suliaqarsimaneq pillugu nalunaarummik, tamatumunnga ilanngullugu qanoq suliumatussuseqartigineq, takukkit § 8, imm. 2 aamma § 11, imm. 2.
Imm. 6. Atuartut angusimasanut suli karakteeriliisoqanngitsoq atuarf immi atuarunnaavittussat atuartitsissutini imm. 1-imi taaneqartuni karakteerilerneqassapput, takuuk § 14.
Imm. 7. Karakteeriliinermi angissusilersuutit (skala) makku atorneqassapput (13-skala):
13: Namminersorluinnartumik pitsaalluinnartumillu suliaqarnermi tunniunneqartarpoq.
11: Pitsaasumik namminersortumillu suliaqarnermi tunniunneqartarpoq.
10: Pitsaasumik sungiussiinnarpasissumilli suliaqarnermi tunniunneqartarpoq.
9: Pitsaasumik, tassa akunnakusoortumit pitsaanerulaartumik, suliaqarnermi tunniunneqartarpoq.
8: Akunnakusoortumik suliaqarnermi tunniunneqartarpoq.
7: Naammaannartumik, tassa akunnakusoortumit ajornerulaartumik, suliaqarnermi tunniunneqartarpoq.
6: Nalornisoortumik taamaattorli naammaginarsinnaasumik suliaqarnermi tunniunneqartarpoq.
5: Nalornisumik naammaginanngitsumillu suliaqarnermi tunniunneqartarpoq.
03: Nalornisooqisumik, amigaqisumik naammaginanngeqisumillu suliaqarnermi tunniunneqartarpoq.
00: Atorsinnaanngilluinnartumik suliaqarnermi tunniunneqartarpoq.

§ 7. Naliliinermut atatillugu atuarfiup pisortaata erseqqinnerusumik aalajangiinera malillugu januaarip qeqqata missaani klassit qulingiluaannit aqqaneq-aappaannut kalaallit oqaasiinik, danskit oqaasiinik aamma kisitsinermik/matematikkimik allattarissanik ukiup ilaatigoortumik misilitsinnerit ingerlanneqartassapput. Klassit qulingannit aqqaneq-aappaannut sammivimmi anertusisami/qaffasissusermi aammattaaq tuluit oqaasiinik.
Imm. 2. Ukiup ilaatigoortumik misilitsinnerni karakteerit angusimasanut karakteerinik aalajangersaanissamut tunngaviusunut ilaatinneqassapput.
Imm. 3. Klassit qulingiluaanni karakteerit aammattaaq ilaatinneqassapput allakkatigut oqaaseqaasiassap, atuarfiup atuaqqiffimmi sammivissamik toqqaasarneq pillugu atuartumik angajoqqaanillu ilitsersuinerminut atatillugu tunniussassaata, takuuk Meeqqat atuarf iat pillugu Inatsisartut peqqussutaat § 7, imm. 2, suliarinissaanut tunngaviusuni.

§ 8. Nalunaarutinik, angusanik naliliinernik aamma angusimasanut karakteerinik ukiup atuarf iusup ingerlanerani taamattaarlu taassuma naanerani tunniussinissaq sioqqutitsiarlugu atuartut angusaat oqaluuserineqartassapput ilinniartitsisoqatigiit ataatsimiinneranni.
Imm. 2. Ataatsimiinnermi tassani nalunaarusiassaq § 11, imm. 2, malillugu, takukkit § 4, § 5, imm. 3 aamma § 6, imm. 5, angerlarsimaffinnut nalunaarutissanut atugassaq kiisalu allakkatigut oqaaseqaatissaq § 7, imm. 3-mi taaneqartoq suliarineqassapput.
Imm. 3. Ilinniartitsisoqatigiit tassaapput atuartup ilinniartitsisui tamarmik - klassit siulliannit arfineq-pingajuannut 'klassip ilinniartitsisuanik' siulittaasoqartut, klassit qulingiluaannit aqqaneq-aappaannut atuarfiup pisortaanik siulittaasoqartut. Ilinniartitsisut pinngitsooratik ilinniartitsisoqatigiit ataatsimiinneranni peqataasussaapput.

§ 9. Nalunaarut, angusanut naliliissut, angusanut karakteerit ukiup atuarfiusup ingerlanerani pingasoriarluni atuartunut tunniunneqartassapput. Qaqugukkut tunniunneqarnissaat atuarfiup pisortaata aalajangertassavaa, pisassappulli oktobarimi/novembarimi, januaarimi/februaarimi aamma ukiup atuarfiusup naanerani, taamaattorli takukkit § 6, imm. 4 kiisalu § 14, imm. 2, nr. 5.

§ 10. Klassit siulliannit arfernannut § 11, imm. 2 naapertorlugu nalunaarusiat angusanillu naliliinerit pillugit nalunaarutit assingi atuarfimmi toqqortarineqassapput.
Imm. 2. Klassit arfineq-aappaannit aqqaneq-aappaannut atuartuusut tamarmik immikkut angusanut allattaaveqartinneqassapput, taakkununngalu allanneqartassapput angusimasanut karakteerit. Allattaavik taamaattoq atuarfiup uppernarsaatissaraa atuartup karakteerinik angusimasaanut. Angusimasanut allattaaviit Kultureqarnermut, Ilinniartitaanermut Ilisimatusarnermullu Pisortaqarfimmit akuerineqarsimasut atorneqassapput.
Imm. 3. Angusimasanut karakteerit kingulliit (ukiumut karakteerit) allanneqassapput aasami atuanngiffik aallartitsinnagu. Taamaattorli klassit aqqarnanni aamma aqqaneq-aappaanni atuartitsissutini misilitsinnermik naggaserneqartussani angusimasanut karakteerit allanneqasaapput ulloq allattarissanik misilitsiffissaq siulleq sioqqutilaarlugu, takuuk § 6, imm. 4.
Imm. 4. Atuartup atuarfimmi atuarunnaavinnerata kingornagut angusimasanut allattaaviit atuarfimmi toqqortarineqassapput Pisortaqarfiup erseqqinnerusumik aalajangersagai malillugit.

 

Kapitali 3.
Atuarfiup angerlarsimaffiillu atassuteqaqatigiinnerat.

§ 11. Atuarfik angerlarsimaffimmut nalunaaruteqartassaaq naliliisarnerit paasitippassuk atuartoq angusarissaartanngitsoq, ilungersorluni suliniarsimanngitsoq aammalu iluamik ineriartunngitsoq, taamaalillutik atuarfik angerlarsimaffillu suleqatigiilersinnaaqqullugit atuartup ajornartorsiutai aaqqinniarlugit.
Imm. 2. Atuarfik angerlarsimaffiillu imminnut atassuteqaqatigiissinneqarsinnaapputtaaq angajoqqaanik oqaloqatiginnittarnertigut, klasseqatigiit angajoqqaavisa ataatsimiitinneqarnerisigut, angajoqqaanik ataatsimiititsisarnikkut kiisalu angerlarsimaffinnut allakkatigut nalunaaruteqartarnikkut nalunaarutinik, angusanut naliliissutinik angusimasanullu karakteerinik imaqartunik, takukkit §§4-6.
Imm. 3. Angajoqqaanik oqaloqatiginninnerit pisassapput peqataatillugit atuartoq, taassuma angajoqqaavi atuartullu ilinniartitsisui, tamakkulu pisassapput imm. 2 naapertorlugu allakkatigut nalunaarutit tunniunneqarnerisa nalaanni, takuuk imm. 5. Oqaloqatigiinnerni taamaattuni angajoqqaat ilisimatinneqartassapput ilaatigut naliliisarnerit takutittagaannik, takuuk § 1.
Imm. 4. Klasseqatigiit angajoqqaavinik minnerpaamik ataasiarluni ataatsimiititsisoqartassaaq ukiup atuarfiusup aallartinnerani.
Imm. 5. Imm. 2 naapertorlugu angerlarsimaffinnut nalunaaruteqartoqartassaaq ukiup atuarf iusup ingerlanerani pingasoriarluni, takuuk § 9.

§ 12. Naliliinermut skalamik, takuuk § 5, aamma karakteeriliinermut skalamik, takuuk § 6, imm. 7, atuinissaq pillugu Pisortaqarfik erseqqinnerusunik maleruagassaliorsinnaavoq ilitsersuusiorsinnaallunilu, kiisalu angerlarsimaffimmut nalunaarutit qanoq iluseqarnissaat aalaj angersinnaallugu.

 

Kapitali 4.
Aalajangersakkat allat.

§ 13. Atuartut atuartitsissummik ataatsimik imaluunniit atuartitsissutinik arlalinnik atuartitsinermik malinnaanngitsut, kisianni immikkut ittumik atuartinneqartut aammalu allatut perorsaanikkut ikiorserneqartut, pillugit atuarfik angusanut naliliissutinik aamma angusimasanut karakteerinik tunniussaqarnani atuartup angusimasaa pillugu Pisortaqarfiup erseqqinnerusumik maleruagassiai naapertorlugit allakkatigut oqaaseqaateqarsinnaavoq. Oqaaseqaammi tunngavigineqassaaq atuartup immikkut ittumik aaqqissuussamik atuartitsinermi anguniagassarititaasunik qanoq angusisimatiginera.

 

Kapitali 5.
Atuarsimanermut uppernarsaat.

§ 14. Atuartunut atuartuusussaatitaanerup naaneragut atuarunnaartunut atuarfik atuarsimanermut uppernarsaasiortussaavoq, takuuk Meeqqat atuarfiat pillugu inatsisartut peqqussutaat § 34.
Imm. 2. Atuarsimanermut uppernarsaat paasissutissanik makkuninnga imaqassaaq:
1) Atuartup aqqitamarmik aamma inuup-normua.
2) Ulloq atuarunnaaviffik.
3) Klassip suunera atuarfiullu aqqa.
4) Atuartuunermi atuartitsissutinik sunik atuartinneqarsimaneq kiisalu klassit qulingannit aqqaneq-aappaannut sammivik suna qanorlu qaffasitsigisoq.
5) Atuartitsissutini atuartup atuartinneqarf igisimasaani angusimasanut karakateerit kingullerpaat, nalunaarlugu karakteerit klassimi sumi karakteeriliunneqarsimanersut. Karakteeriliinissaq § 13 naapertorlugu allakkatigut oqaaseqaateqarnissamik taarserneqarsimappat oqaaseqaat taanna ilanngunneqassaaq. Atuartut ukiup atuarfiusup ingerlanerani atuarunnaarsimasut pillugit allanneqassaaq atuartup atuarunnaarami atuartitsissutinut tunngasutigut angusimasaanik ilinniartitsisup naliliinera.
6) Karakteerit inaarutaasumik misilitsinnerni aamma annertusisamik inaarutaasumik misilitsinnerni anguneqarsimasut, takuuk Meeqqat atuarfianni naggataarutaasumik misiliinerit il.il. pillugit Namminersornerullutik Oqartussat nalunaarutaat. Atuartunut arlaleriarlutik misilitsinnermik taassuminngarpiaq misilitsissimasunut karakteerit angusimasat annersaat kisiat allanneqassaaq. Misilitsinnermi karakteerit annersaat tassaasimappat atuarfimmi allami misilitsinnermi angusaq, karakteeri taanna allanneqassaaq. Atuartup karakteeri angusaq taanna atuarsimanermut atuarfimmit allamit taasannga uppernarsaatip allassimaqqaarfianik takutitsinermigut uppernarsassavaa. Atuarsimanermut uppernarsaammi, karakteerit atuarf immi allami angusaasut allanneqarfigisaanni, karakteerit taakku nalunaaqutserneqassapput x)-imik, uppernarsaatillu aterpiaatigut uku allanne-
qassapput: Misilitsinnermi karakteerit x)-imik nalunaaqutsikkat nuutaapput atuarsimanermut uppernarsaammit, tunniunneqartumit uannga (atuarfiup aqqa sumiiffialu aamma allanneqarnerannut ulluliussaq).
7) Atuartoq pillugu oqaaseqaat - atuartup sulisarnera, eqiasuissusia, akisussaassusermik misigissuseqarnera, qanoq ileqqoqarnera, inooqataanikkut qanoq pissuseqarnera il.il.
Imm. 3. Atuartoq atuartitsissummi misilitsittussaatinneqanngippat atuartitsissummut tassunga imaluunniit misilitsissutip ilaanut karakteeriliussassap allaffissaanut allanneqassaaq misilitsittussaanngilaq.
Imm. 4. Atuartoq napparsimanini pissutigalugu atuartitsissummi ataatsimi imaluunniit, atuartitsissut immikkoortunik arlalinnik misilitsissutissartaqarpat tamarmik immikkut karakteerilerneqartussanik, atuartitsissummi misilitsissutissap ilaani ataatsimi misilitsissinnaanngippat atuartitsissummut tassunga imaluunniit misilitsissutip ilaanut karakteeriliussassap allafissaanut allanneqassaaq napparsimavoq.
Imm. 5. Atuartoq atuartitsissummi ataatsimi imaluunniit, atuartitsissut immikkoortunik arlalinnik misilitsissutissartaqarpat tamarmik immikkut karakteerilerneqartussanik, atuartitsissummi misilitsissutissap ilaani ataatsimi misilitsinnissamut takkutinngitsoorpat, atuartitsissummut tassunga imaluunniit misilitsissutip ilaanut karakteeriliussassap allaffissaanut allanneqassaaq takkutinngilaq.
Imm. 6. Atuartoq misilitsissummi ataatsimi imaluunniit, atuartitsissut immikkoortunik arlalinnik misilit: sissutissartaqarpat tamarmik immikkut karakteerilerneqartussanik, atuartitsissummi misilitsissutissap ilaani ataatsimi misilitsinnermit peersitaappat, atuartitsissummut tassunga imaluunniit misilitsissutip ilaanut karakteeriliussassap allaffissaanut allanneqassaaq peersitaavoq.
Imm. 7. Atuarsimanermut uppernarsaat suliarineqassaaq atuarfiup pisortaanit taassumanngalu atsiorneqassalluni. Assilinera ataaseq atuarfimmi toqqortarineqassaaq aamma assilinera ataaseq nassiunneqassaaq Pisortaqarfimmut. Atuarsimanermut uppernarsaatit Pisortaqarfimmit akuerineqartut atorneqassapput.

 

Kapitali 6
Atortuulersinneqarnera il.il.

§ 15. Nalunaarut una atulissaaq 1. august 1992.
Imm. 2. Ulloq taanna atorunnaassaaq angerlarsimaffinnut nalunaarutit pillugit aamma meeqqat atuarfianni karakteeriliisarneq pillugu Namminersornerullutik Oqartussat nalunaarutaat nr. 12, 15. april 1991-imeersoq.
Imm. 3. Atuartut ukiumi atuarfiusumi 1992/93-imi klassit aqqaneq-aappaanni imaluunniit aqqaneq-pingajuanni atuartuusussat ingerlaqqiinnassapput Meeqqat atuarf ii pillugit landstingip peqqussutaani nr. 6-imi 16. oktober 1979-imeersumi aalajangersakkat naapertorlugit, kisiannili malittussaallugit nalunaarummi uani § 1-imi, § 2-mi, § 7-imi, § 8-mi, § 9-mi aamma § 11-mi aalajangersakkat.

Namminersornerullutik Oqartussat, ulloq 19. juni 1992.

Marianne Jensen

/

Aqigssiaq Møller