Avanersuup kommuniani imigassanik aalakoornartulinnik killilersuineq pillugu Namminersornerullutik Oqartussat Nalunaarutaat nr. 6, 29.maj 1992-imeersoq.

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni § 23-mi imm. 1, Inatsisartut inatsisaatigut nr. 8 17. maj 1990-imeersukkut aamma Inatsisartut inatsisaatigut nr. 9, 9. april 1992-imeersukkut allannguuteqartinneqartarsimasumi, tak. § 24 imm. 3, malillugu aalajangersarneqarput:

 

§ 1. Nalunaarut manna Avanersuup konununianut atuuppoq.

§ 2. Inuk 18-inik ukioqalersimasoq imigassarsissutissanik qaammammut 50-inik (pointinik) pisinnaatitaavoq, pisissutissat ima aalajangersarneqarput:

Immiaaraq (pilsner) puiaasaq qillertuusarluunniit ataaseq imaluunniit immiaaraq ataaseq (lagerĝl-imik taaneqartartoq) 4,10 %-imiit 4,99 %-imut kimittussusilik............ 1 point
Immiaaraq kimittooq ataaseq minnerpaamik 5,0%-imik kimittussusilik..........................2 points
Bitter 2 cl-inik imalik puiaasaq ataaseq (minnerpaamik 22,0 %-imik kimittussusilik)......1 point
Angustura 24 cl-inik imalik ataaseq (minnerpaamik 22,0%-imik kimittussusilik.............5 points
Viinni iggisissiaq 72 cl-inik imalik (4,10%-imiit 14,99%-imut kimittussusilik )...........5.points
Viinni kimittuneq 72 cl-inik imalik (15,0%-imiit 21,99%-imut kimittussusilik............10 points
Imigassaq kimittooq 72 cl-inik imalik (minnerpaamik 22,0%-imit kimittussusilik)........20 points
Imm. 2. Qaammammut pisissutissat inuup ullormi inuuissiortarfiani tunniunneqartassapput qaammatip tulliani ullormi inuuissiorfissap aqagua ilanngullugu atorneqarsinnaasut. Pisissutissat qaammammut kingusinnerusumut nuunneqarsinnaanngillat.
Imm. 3. Angalasut allaneersut kommunimi utaqqiisaagallartumik uninngasut sapaatip akunnerisa aallartinneri tamaasa pointinik 12-inik tunineqartarsinnaapput.

§ 3. Pointit pisassat saniatigut immikkut pointinik tunniussisoqarsinnaanngilaq.

§ 4. Pointinik pisineq nioqquteqarnerlu tamarmi inerteqqutaavoq.
Imm. 2. Danmarkimiit nunaniilluunniit allanit Avanersuup kommunianukarnermi Namminersornerullutik Oqartussat sukkulluunniit atuuttumik imigassat aalakoornartullit pillugit akileraaruteqanngitsumik akitsuuteqanngitsumillu nassarsinnaatitaat eqqunneqarsinnaapput.
Imm. 3. Kalaallit Nunaanni kommuniniit allanit Avanersuup kommunianukarnermi imigassat aalakoornartullit: akitsuuteqartereerlugit pisiarisimasat imm. 2-mi amerlassuserititat amerlaqataat eqqunneqarsinnaatitaapput.
Imm. 4. Kalaallit Nunaanni illersornissaq pillugu najukkani sulif feqarfiusuni imigassat aalakoornartullit pisiarisimasat eqquteqqusaanngillat.
Imm. 5. Qanorluunniit ittunik imigassaliorneq inerteqqutaavoq.
Imm. 6. Imm. 1-imiit 5-imut aalajangersakkanik unioqqutitsineq mianersoqquneqaataasinnaavoq imaluunniit akiliisitsinermik pillaatisissutaasinnaalluni.

§ 5. Imigassanik atornerluisoqarsimatillugu, tamatumunngalu ilanngullugu § 4, imm. 1 - 5-imi aalajangersakkanik unioqqutitsisoqarsimatillugu, politiit imaluunniit kommunefoged inuup pointiutaanik/pointisiassaanik tamakkiisumik taakkuluunniit ilaannik piffissamut aalajangersimasumut arsaarinnissinnaavoq. Aamma politiit eqqartuussivilluunniit inuup pointiutaanik/pointisiassaanik arsaarinnissinnaapput pinerluttuliortoqarsimatillugu politiinik tigummineqarnermik kinguneqartumik.
Politiit aalajangiinerat eqqartuussivimmut suliassanngortinneqarsinnaavoq. Eqqartuussivimmut suliassanngortitsinerup kingunerissanngilaa suliassap suliarineqarnerata nalaani aalajangikkap atorunnaarallarnera.
Imm. 2. Inatsisit allat, nalunaarutip matuma aalajangersagaasa saniatigut, tunngavigalugit pineqaatissinneqarnikkut inuup pointiutai/pointisiassai tamakkiisumik ilaannakortumilluunniit piffissamut aalajangersimasumut arsaarinnissutaasinnaapput. Eqqartuussisarneq pillugu inatsimmi kap. 5, § 45 tunngavigalugu suliassaq akiliisitaanermik/arsaarinninnermik aalajangiiffigineqarpat politiit inuk pointiutaanik/pointisiassaanik aamma arsaarsinnaavaat imm. 1-imi aalajangersagaq malillugu.

§ 6. Nalunaarut manna atortuulersinneqarpoq 1. juni 1992 aallarnerfigalugu.
Imm. 2. Matumunnga peqatigitillugu nalunaarut 1. april 1968-imeersoq, nalunaarut 2. maj 1973-imeersoq, nalunaarut 16. december 1976-imeersoq (Avanersuup kommunianut imigassaq pillugu aalajangersakkat) kiisalu Avanersuup kommuniani imigassanik aalakoornartulinnik killilersuineq pillugu Kommunalbestyrelsip nalunaarutaa 1982-imeersoq, Isumaginninnermilu Naalakkersuisumit 25. juni 1985-imi atortussanngortinneqarsimasoq, atorunnaarsinneqarput.

Namminersornerullutik Oqartussat, ulloq 29. maj 1992

Henriette Rasmussen

/

Nukákuluk Kreutzmann