Biologinut ikiortitut ilinniartitaaneq pillugu Namminersornerullutik Oqartussat nalunaarutaat nr. 2, 23. april 1992-imeersoq.
Inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit Inatsisartut peqqussutaanni nr. 1-imi 4. maj 1990-imeersumi § 1, imm. 3, naapertorlugu aalajangersarneqarput:
Kapitali 1.
Siunertaa sivisussusialu.§ 1. Ilinniartitsinerup siunertaraa ilinniartut biologinut ikiortitut sulinissamut atuakkatigut ilinniarnikkut sulinikkullu, pingaartumik immami uumasunik misissuinermut tunngasutigut, kiisalu biologiimut tunngasutigut paasissutissanik nammineerluni katersuisarnissamut nalunaarsuisarnissamullu pikkorissarneqarnissaat.
§ 2. Ilinniartitaaneq ukiunik marlunnik sivisussuseqassaaq, avinneqarluni ukiumik ataatsimik sivisussusilimmik ilinniarfimmiinnermik aamma pikkorissarluni sulillunilu ukiumik ataatsimik sivisussusilimmik Kalaallit Nunaanni Aalisakkanik Misissuisoqarfimmiinnermik imaluunniit allami, ilinniartitaanermi ataatsimiititaliap akuerisaani, ilinniarfiullunilu suliffimmiinnermik.
Kapitali 2.
Tiguneqarnissamut piumasaqaatit.§ 3. Ilinniartitaanermut tiguneqarsinnaapput inuit:
1) aalisakkerisutut ilinniarsimasut imaluunniit
2) ilinniarnertuunngorniarfimmi ilinniarsimasut.
Imm. 2. Tiguneqarsinnaapputtaaq inuit allamik ilinniagaqarsimasut, ilinniarsimanerat minnerpaamik uani piumasarisaasutut sivisussuseqarsimappat aamma brancheudvalgip isumaa malillugu biologinut ikiortit ilinniartitaanerannik naammassinninnissamut tunngavissanut allanut naapertuuttumik tunngavissaqalersitsissappat.
Imm. 3. Isersinnaatitaanermik killilersuineq pillugu Kultureqarnermi, Ilinniartitaanermi Suliffeqarnermilu Pisortaqarfik erseqqinnerusunik maleruagassaliorsinnaavoq.
Kapitali 3.
Ilinniartitaanerup imaa.§ 4. Biologinut ikiortitut ilinniartitaanerup immikkoortuata siulliup assigissavaa aalisakkerisuunertut ilinniarnerup ukiuisa siullianni ilinniartitaaneq.
§ 5. Ilinniarnerup ukiuani siullermi (semesterit siullianni aappaannilu) lektionit 1440-t atorneqassapput fagini ukunani ilinniartitsinermut:
1) aalisakkerineq....................... lektionit 540
2) akoorutissat atorlugit eqqiluisaarneq uumasuaqqanillu tappiorannartulerineq.......... lektionit 280
3) aalisarneq aalisakkanillu ilisimatusarneq...................... lektionit 160
4) matematikki statistikkilu............ lektionit 140
5) qarasaasialerineq.................... lektionit 80
6) sulinermik siulersuineq/aaqqissuineq. lektionit 80
7) atassuteqaqatigiinneq................ lektionit 80
8) timersorneq.......................... lektionit 80§ 6. Fagini ataasiakkaani ilinniartitsinerup siunertaa imarisaalu tassaapput:
1) Aalisakkerineq.
Ilinniartup aalisakkat tarajugaanngitsut pitsaassusiinut ajorsiaassusiinullu tunngasunik allanillu
aalisakkap (nerpiata) ajorsiartortarneranut sunniuteqartartunik paasinnitsinnissaa. Aammattaaq ilinniartup paasinninnissaa aalisakkat nioqqutissat nerisassiassatut pitsanngorsarlugit qerititseriaatsimik asiutsaaliueriaatsinillu, aammalu sulinermi periaatsinik, pissarsianik inatsisinillu eqqortumik atuinissap pitsaassusissanillu nakkutilliinerup pingaaruteqassusiannik.
2) Akoorutissat atorlugit eqqiluisaarneq uumasuaqqanillu tappiorannartulerineq.
Ilinniartup paasisimaqqaagassanik uumasuaqqanik tappiorannartunik akoorutissanullu tunngasunik ilisimasaqarluarneq aqqutigalugu inuussutissalerinermi eqqiluisaarnissamut maleruagassanik paasinninnissaa eqqortumillu atuisinnaalernissaa.
3) Aalisarneq aalisakkanillu ilisimatusarneq.
Ilinniartup immami uumasut avatangiisaasalu sunniivigeqatigiittarnerannik (økologi) ilisimasaqalernissaa aammalu isumalluutit angallatit atorlugit piniarneqarsinnaasut sapinngissamik pitsaanerpaamik iluaqutiginiarneqarnissaannut paasinnikkiartornissaa.
4) Matematikki statistikkilu.
Ilinniartup matematikkimi tunngaviusumik paasisimasassanik, kisitsisilerinermik atortunillu, kisitsisit atorlugit statistikkiliornermi atortartunik paasinnissutigalugillu atuisinnaalissutigisassaminnik, sungiusarneqarnissaa.
5) Qarasaasialerineq.
Ilinniartup maskiinat qarasaasiat sunulluunniit atorneqartarnerannik paasisimasaqalersinniarnissaa kiisalu naqitassialerissutip kisitsissutillu atortarnerinik paasisaqartinnissaa.
6) Sulinermik siulersuineq/aaqqissuineq.
Ilinniartup inuit akornanni pissusiusartunik suleqatigiinnermut siulersuinermullu sunniuteqartartunik paasinninnissaa kiisalu suleqatigiinnermi siulersuinermilu periaasiusartunik ilitsersorneqarlunilu sungiusarneqarnissaa.
7) Atassuteqaqatigiinneq.
Ilinniartup demokratii tunngavigalugu ingerlatsinermi periaatsinik ilitsersorneqarnissaa allanullu atassuteqarluarsinnaanngorsarnissaa.
8) Timersorneq.
Ilinniartup timip siunertarisamut naapertuuttumik qasulissutissarinngisaminillu atornissaanik ilinniartinnissaa kiisalu timersuutinik tamanik sungiusarnissamik paasisaqarnissaa suleqatigiinnermullu sungiusarneqarnissaa.§ 7. Ilinniarnerup ukiuata aappaani ingerlanneqassaaq pikkorissartarneq sungiusarlunilu suliffimmiittarneq sap. akunnerinik 45-nik sivisussuseqartumik.
Imm. 2. Sap. akunnerini siullerni 40-ni ilinniartup fagini makkunani sammisassat ingerlatissavai:
1) biologii tamanut tunngasoq sap. ak. 2
2) kinguppannik misissuiartorluni angalaneq sap. ak. 6
3) angallammik aalisakkanik misissuiart. sap. ak. 4
4) misissugassanik nalinginnaq tigusineq sap. ak. 4
5) qarasaasialerineq sap. ak. 4
6) aalisakkanik ilisimatusarneq aamma immat il.il. pissusiinik misissuineq (hydrografii) sap. ak. 4
7) laboratoriami periaaseq sap. ak. 4
8) atortunik/piniutinik ilinniarneq sap. ak. 2
9) miluumasut imarmiut sap. ak. 2
10) qarasaasialerineq sap. ak. 6
11) statistikki sap. ak. 2
Imm. 3. Sap, akunnerini 5-ni kingullerni ilinniartut immikkut ilinniarlugu sammisimasaminnik allaaserinnissapput.§ 8. Fagini ataasiakkaani atuakkatigut sulinikkullu ilinniartitsinerup kiisalu ilinniarnerup ukiuata aappaani immikkut ilinniagassaqartarnerup siunertarai:
1) Biologii tamanut tunngasoq.
Ilinniartut imarmiunut assigiinngitsunut (aalisakkanut, planktoninut, immap natermiunut) kiisalu tamanut tunngatillugu anatomiimik, fysiologiimik økologiimillu ilisimasaqalernissaat.
2) Angallammik kinguppannik misissuiartorneq.
Ilinniart;ut: angallammik aalisakkanik misissuummik angalaartarnissaat namminnerlu takullugit (peqataaffigalugillu) ilisimasaqalernissaat misissueriaatsimik, aalisakkat suunerinik, ilisimatuutut misissugassanik katersuinermik, atortussat/piniutit suut atorneqarnissaannik, aalisariaatsinik, journalimut allattuinermik, hydografiimik biologiimillu. Tamatigut kinguppaat eqqarsaatigalugit.
3) Aalisakkanik misissuiartorluni angalaneq.
Ilinniartut namminneq takullugit 2)-mi taaneqartunik ilisimasaqalernissaat, aalisakkalli eqqarsaatigalugit.
4) Misissugassanik nalinginnaq tigusineq.
Ilinniartut nammineq takullugu ilisimasaqalernissaat nioqqutissiassanik aalisarnermi pisanit nunaligussanillu misissugassanik nioqqutissiassat akornannit tigusisarnermik, tamatumunnga ilanngullugu pisat takissusiinik, oqimaassusiinik, qassinik ukioqarnerinik suiaassusiinillu nalunaarsuisarnermik.
5) Qarasaasialerineq.
Ilinniartut ilinniartinneqarnissaat aqutsinermi periaatsinik, naqitassialerissummik, kisitsissummik aamma programminik kisitsisit atorlugit nalunaarsuusiornermut atortussanik atuinermik. Ilinniartitsissutigineqassapputtaaq ilisimatuutut paasisanik databasemut immiullugit nalunaarsuineq aamma nalunaarusianik suliallu inernerinik qarasaasiamiit allaganngortitsisarneq.
6) Aalisakkanik ilisimatusarneq aamma immat il.il. pissusiinik misissuineq (hydografii).
Ilinniartut aalisakkanik ilisimatusarnermi teoriimik periaatsimillu kiisalu hydografiimut tunngasunik tamakkualu immat pisuussutinik uumassusilinnik peqarnerannut sunniuteqartarnerinik ilisimasaqalersinnissaat.
7) Laboratoriami periaaseq.
Ilinniartut aalisakkanik misissuinermi laboratoriami immikkut periaatsinik (qassinik ukioqarnersiuinermik, aqajarormiunik misissuinernik il.il.) ilinniartinneqarnissaat.
8) Atortunik/piniutinik ilinniarneq.
Ilinniartut nioqqutissiassanik aalisarnermi ilisimatuutullu misissuilluni aalisarnermi piniutit atornerinik, qanoq atorluarsinnaatiginerinik suusariaqarnerinillu ilisimasaqalernissaat.
9) Miluumasut imarmiut.
Ilinniartut miluumasunik assigiinngitsunik tamakkunanngalu pisunik ilisimatuutut misissugassanik katersuinermik, tamatumunnga ilangullugu paasissutissanik piniartunit katersuinermik, ilisimasaqalernissaat.
10) Statistikki.
Ilinniartut kisitsisit atorlugit nassuiaasiornermik (statistikkimik) nalinginnaasumik, naatsorsueriaatsinik titartakkallu atorlugit paasissutissiuinermik ilinniartinneqarnissaat.
11) Immikkut ilinniagaq.
Ilinniartut ornitaminni paasissutissanik katersinermik (misissugassanik pisat akornannit katersinermik, misissuilluni aalisarnermik) namminneerlutik siulersuinissaat, kingornatigullu tamakku edb atorlugu nalunaarsorlugit paasisatillu allaganngorlugit nalunaarusiaralugit.§ 9. §§ 5-imi 7-imilu aalajangersakkanit allaanerussuseqartitsigallarnissaq brancheudvalgip akuerisinnaavaa.
§ 10. Pisariaqartitsineq malillugu naammattusaammik ilinniartitsinissaq innersuussutigineqarsinnaavoq.
§ 11. Ilinniartut ilinniartitsinermut najuuttussaatitaapput.
Imm. 2. Pisortaqarfik najuuttussaatitaanermut maleruagassaliorsinnaavoq.§ 12. Ilinniartoq ilinniartitsinermi qanoq pissarsiaqarsimanersoq ilinniarfiup akuttunngitsunik misilittassavaa ilinniarneranilu siunnersorneqarnissaanik neqeroorfigissallugu.
Kapitali 4.
Misilitsinnerit soraarummeernerlu.§ 13. Ilinniarnerup ukiuisa siulliata naanerani fagini ukunani angusaat karakteerilerneqassapput:
1) akoorutissat atorlugit eqqiluisaarneq uumasuaqqanillu tappiorannartulerineq kiisalu
2) aalisarneq aalisakkanillu ilisimatusarneq.§ 14. Ilinniarnerup ukiuisa siulliata kingornatigut aalisakkat suliarineqartarnerannik fagimi soraarummeerneq pissaaq.
§ 15. Soraarummeerneq § 14-imi taaneqartoq allattariarsornerusinnaavoq oqaluttariarsornerusinnaallunilu.
Imm. 2. Soraarummeerneq ataatsimut katillugu karakteerilerneqassaaq.§ 16. Ilinniarnerup ukiuisa aappaata kingornatigut immikkut ilinniagaq, tak. § 7, imm. 3, oqaluttariarsorluni soraarummeerutigineqassaaq.
Imm. 2. Soraarummeerneq ilinniartup ilinniartitsisullu akornanni minutsini 15-ini oqaloqatigiinnerussaaq, oqaloqatigiinnermi tassani ilinniartoq atuagarsornikkut ilinniakkanik immikkut ilinniagaa aallaavigalugu apersorneqassalluni. Censori ilinniartitsisup apeqqutaasa saniatigut aperisarsinnaavoq.§ 17. Angusani soraarummeernermilu karakteeriliinermi 13-skala atorneqassaaq, tak. Inuussutissarsiutitigut ilinniartitaanerni ilinniagaqartut atugaat pillugit Namminersornerullutik Oqartussat Nalunaarutaanni nr. 51-imi 20. december 1990-imeersumi § 28.
Imm. 2. Ilinniartup biologinut ikiortissatut ilinniartitaaneq angusiffigissaguniuk §§ 14 aamma 16 malillugit soraarummeernerni tamani minnerpaamik karakteeri 6 karakteerigisimassavaa.
Imm. 3. §§ 14-imi 16-imilu taaneqartuni soraarummeernerit fagini taakkunani ilinniartitsisumit kiisalu pisortaqarfiup censoriutitaanit nalilerneqarlutik.
Imm. 4. Naliliinermi isumaqatigiinngitsoqartillugu karakteeriliussat marluk agguaqatigiissinnerat atorneqassaaq, taanna kisitsisaappat ilivitsoq. Kisitsit taanna karakteerit skalamiittut marluk akornanniippat, censorillu karakteeriliussaa anneruppat, kisitsimmut ilivitsumut qaninnermut qaffanneqassaaq, kisitsimmulli ilivitsumut qaninnermut appartinneqassalluni censorip karakteeriliussaa minneruppat. Karakteerili "0" karakteeriliunneqassaaq taamatut karakteeriliinissaq ilinniartitsisup censorillu isumaqatigiissutigippassuk.§ 18. Ilinniartup soraarummeerneq peqataaffiginngippagu angusiffiginngippaguluunniit, taava ilinniartoq taanna soraarummeerfiusumi tassani marloriarluni soraarummeeqqittussanngortinneqarsinnaavoq.
Imm. 2. Ilinniartitaanermi ataatsimiititaliap imm. 1-imi pisinnaatitsineq atunngitsoortissinnaavaa.§ 19. Ilinniartunut uppernarsaatissaqartinneqartumik napparsimanermik imaluunniit allamik akornutissaviusumik pissuteqartumik siumut aalajangeriikkamik soraarummeeqataasimanngitsunut napparsimasunut naatsorsuussamik soraarummeersitsisoqarsinnaavoq.
Imm. 2. Napparsimasunut naatsorsuussamik soraarummeerneq ingerlanneqassaaq kingusinnerpaamik siumut aalajangeriikkamik tullianik soraarummeertoqalerpat.
Kapitali 5.
Ilinniarsimanermut uppernarsaat.§ 20. Ilinniartoq ilinniarnerminik naammassinnereeruni soraarummeernermilu angusereeruni ilinniarsimanermut uppernarsaammik tunineqassaaq, tassanilu allassimassapput angusinermi soraarummeernermilu karakteerit, tak. §§ 13, 14, aamma 16.
Imm. 2. Aammattaaq ilinniartup piffissamik sianiginninnera, soqutiginninnera qanorlu suleqataajumatigissusia naatsumik oqaaseqaatigineqassapput.
Imm. 3. Ilínniarfik ilinniarsimanermut uppernarsaasiussaaq.
Imm. 4. Uppernarsaatip qanoq suliarineqarnissaa pisortaqarfiup maleruagassaliussavaa.
Kapitali 6.
Aalajangersakkat assigiinngitsut.§ 21. Aalisakkanik suliffissuaqarnermut tunngasunut ilinniartitaanermi ataatsimiititaliaq biologinut ikiortitut ilinniartitaanermut ilinniartitaanermi ataatsimiititaliatut atussaaq.
§ 22. Nalunaarut una malillugu pissutsit ilinniarnermut tunngasul; pillugit ilinniarfiup aalajangiinerinut naammagittaalliuutit ilinniartitaanermi ataatsimiititaliamut suliassanngortinneqarsinnaapput ullormit aalajangiinerup aalajangiiffigineqartumut nalunaarutigineqarneranit sap. ak. sisamat qaangiutsinnagit.
Imm. 2. Nalunaarut una malillugu pissutsit ilinniarnermut tunngasuunngitsut pillugit ilinniarfiup aalajangiinerinut naammagittaalliuutit pisortaqarfimmut suliassanngortinneqarsinnaapput ullormit aalajangiinerup aalajangiiffigineqartumut nalunaarutigineqarneranit sap. ak. sisamat qaangiutsinnagit.§ 23. Pisortaqarfiup ilinniartitaanermi ataatsimiititaliap inassuteqarnera malillugu nalunaarummi uani aalajangersarneqartut sanioqqunneqarallarnissaat akuersissutigisinnaavaa tamanna ineriartortitsiniarluni sulinerup ilaatut isigalugu.
§ 24. Nalunaarut una atortuulerpoq 1. august 1992, atortussaassalluni ukiumi ilinniartitsiffiusumi 1992-93-imi.
Imm. 2. Pisortaqarf ik ilinniartunut ukioq ilinniartitsif f iusoq 1992-93 sioqqullugu biologinut ikiortitut ilinniarnerminnik aallartitsisunut malittarisassanik ikaarsaariarnermi atugassanik aalajangersagaliorsinnaavoq.
Namminersornerullutik Oqartussat, ulloq 23. april 1992.
Marianne Jensen/
Aqigssiaq Møller