Ilanngussaq 2
OQAASERTALIUSSAT
Immikkoortumut pingaarnermut 10-mut
lluatungiliuttut siulittaasuannut ilassinninnermut atugassatut aningaasaliissutit Inatsisartuni partiit naalakkersuisuutitaqartut avataanni partiip annersaasup siulittaasuanut atugassiissutigineqartassapput.
Immikkoortumut pingaarnermut 11-mutNaalakkersuisut piginnaatinneqarput kontot pingaarnerit ataasiakkaat akornanni aningaasaliissutinik atorfiillu amerlassusiligaanerinik nuussisarnissamut.
Immikkoortumut pingaarnermut 11-mut aamma immikkoortunut pingaarnernut 30-imiit 32-imutNaalakkersuisut piginnaatinneqarput peqqinnissaqarfiup iluani kontot pingaarnerit ataasiakkaat akornanni aningaasaliissutinik nuussisarnissamut, taamatullu aamma kontop pingaarnerup 11-ip iluani allaffeqarfinnik ingerlatsinermut kontonut allanut nuussisarnissamut, peqqinnissaqarfimmiit sullissinernik assigiinngitsunik nuussisoqartillugu.
Immikkoortunut pingaarnernut 22, 24, 25, 26 aamma 33-imutSuliffeqarfinni isertitat naapertorlugit aqunneqartuni ingerlatsinermut aningaasaliissutinut sanilliullugu naatsorsuutitigut pitsanngoriaatit suliffeqarfinni uninngatiinnarneqarsinnaapput, Naalakkersuisunullu Aningaasaqarnermullu ataatsimiititaliamut saqqummiunneqareer nermikkut ilaatigut siunertanut aningaasaliiffissanut atorneqarsinnaallutik.
Kontomut pingaarnermut 22.30-mutNaalakkersuisut piginnaatinneqarput KNA Landskarsimiit 12,5 mio. kr.-inik aningaasartuutaanngitsumik tigusisinnaatissallugu KNA-p ingerlatsinermi aningaasanik tigoriaannarnik pisariaqartitsineranut matussutissanik.
Kontomut pingaarnermut 22.40-mutNaalakkersuisut piginnaatinneqarput Nunatsinni Amutsiviit Landskarsimiit 20 mio. kr.-inik aningaasartuutaanngitsumik tigusisinnaatissallugu suliffeqarfiup ingerlatsinermi aningaasanik tigoriaannarnik pisariaqartitsineranut matussutissanik.
Immikkoortumut pingaarnermut 26-imutNaalakkersuisut piginnaatinneqarput Nunatsinni Timmisartoqarfeqarfik Landskarsimiit 3 mio. kr.-inik aningaasartuutaanngitsumik tigusisinnaatissallugu suliffeqarfiup piffissap ilaani immikkut ittumik ingerlatsinermini aningaasanik tigoriaannarnik pisariaqartitsilersarneranut matussutissanik.
Immikkoortumut pingaarnermut 27-imutInuutissarsiutitigut tapersiisarnermik ataatsimiititaliap taarsigassarsiat qularnaveeqqusikkat akiligassarsiallu akilerneqarsimanngitsut akilersinnaavai qularnaveeqqusiinermi piumasarineqartut atuuttut atuuttussanngortinneqartussalluunniit Inatsisartut peqqussutaat nr. 5, 13. november 1986-imeersoq inuutissarsiutitigut tapersiisarnermi maleruagassat siusinnerusukkut atuussimasut naapertorlugit.
Inuutissarsiutitigut tapersiisarnermik ataatsimiititaliap taarsigassarsiat qularnaveeqqusikkat akilertariaqalersimasani inuutissarsiutitigut tapersiisarnermi attartuganngortissinnaavai, tamatumani piumasarisat atuuttut tunngavigalugit, taamaakkaluartorli inuutissarsiutitigut tapersiisarnermi peqqussut malillugu maannakkut erniaritinneqartoq annerpaamik 5% pointimik Qallunaat Nunaanni Nationalbankip ernialiuttagaanit anginerussanngitsoq aalaj angerneqarsinnaalluni.
Immikkoortumut pingaarnermut 27-imut aamma kontomut pingaarnermut 82.04-mutNaalakkersuisut piginnaatinneqarput, suliani ataasiakkaani tamani sukumiinerusumik misissuisoqareerneratigut, ingerlatseqatigiiffinnut raajarniarnermik ingerlataqartunut siunissami raajartassanik qularnaveeqqusiisarnissamut, taakku pisaqarsinnaassutsimik atorluaanerunissaq anguniarlugu kattunneqaraangata, taamalu angallammik ataatsimik aalisarnermit atorunnaarsitsigaangata.
Qularnaveeqqusiissutit pineqartut aningaasartaasa annerpaaffigisinnaavaat aalisariummut aalisarnermit atorunnaarsitamit raajartassiissutaasimagaluit ilaasa ukiut arlallit ingerlanerini tuniniarneqartarnerisigut isertitaasinnaasimagaluit.
Naalakkersuisut piginnaatinneqarputtaaq, Aningaasaqarnermut ataatsimiititaliap isumaqataaneratigut, raajarniutinik atorunnaarsitsinermut atatillugu aningaasartuuteqartarnissaminnut. Naalakkersuisut taamatuttaaq piginnaatinneqarput, Aningaasaqarnermut ataatsimiititaliap isumaqataaneratigut, ukiunut arlalinnut atuuttumik raajartassanik tunisinermut atatillugu isertitaqarsinnaanissamut. Piumasaqaataavoq tamanna pisassasoq Inuutissarsiutitigut ikiorsiisarnermi killissarititaasut tamarmiusut iluanni.
Kontomut pingaarnermut 27.13-imutNaalakkersuisut piginnaatinneqarput, kontomi killissarititaasut iluanni, Landskarsimiit piginneqataassutinik aningaasaleeqataanissamut ingerlatseqatigiiffinnut aktieselskabinut, anpartselskabinut assigisaannullu, taakkua kontomi siunertarineqartutut nalunaarneqarsimasut naammassisinnaagaangatigit.
Immikkoortumut pingaarnermut 28-imutInatsisartut inatsisaanni sulisitsisut inuutissarsiutitigut ilinniartitaanernut tapiissuteqartarnerat pillugu (AEB), paragraf 4, stk. 1, naapertorlugu tapiissutissaq ukiumut tapiissuteqarfimmut 1992-imut 0,8%-iusussatut aaliangerneqarpoq.
Immikkoortumut pingaarnermut 29-imutNamminersorluni kilisaataatillit akornanni kattunnernik kilisaatinilluunniit atortussaajunnaarsitsinernik aaqqissuussisoqartillugu Naalakkersuisut piginnaatinneqarput tamakkiisumik ilaannakuusumilluunniit tamatumunnga atatillugu angallatit pisiarinerinut tunineqarnerinullu kiisalu ingerlatseqatigiiffiit allanngortiternerinut atasumik naqissusiinernut aningaasaleeqqinnernullu akitsuutit utertissinnaallugit.
Kontomut pingaarnermut 29.34-mut.Naalakkersuisut piginnaatinneqarput Royal Greenland A/S-imut 1 mio. kr.-inik qularnaveeqqusiinissamut Royal Greenland A/S-ip Sipineq A.m.b.a.-p tunisassiassanik pilersorneqarneranut atatillugu pissarsiassaanut qularnaveeqqutissatut.
Kontomut pingaarnermut 29.40-mut.Aningaasaliissutit qanoq atorneqarnissaat Naalakkersuisunut Aningaasaqarnermullu Ataatsimiititaliamut saqqummiunneqartassapput akuerisassanngorlugit.
Immikkoortumut pingaarnermut 37-imutNamminersornerullutik Oqartussat inissiaataanni attartortittakkani illumut akiliutissap naatsorsornissaa:
1.10.1991-imiit attartornermi akiliutissaq imatut naatsorsorneqartassaaq:
Illup nalinganut akiliut:
Sananerani akiata 2,75%-ia, minnerpaamilli akiliutissaq 192,50 kr./m2/ukiumut, akigititamut minnerpaamut 7.000 kr.-imut naapertuuttumik.Ingerlatsinermut matusissutissat:
180 kr./m2/ukiumut Ilaqutariinnut ataatsinut inissiani illunilu affarleriinni attartornermut akiliut annertunerusutigut qulaanisut naatsorsorneqartarpoq, unali assigiinngissutigalugu ingerlatsinermut matusissutissaq m2-imut 143 kr.-iummat.Ineqarnermut akiliutip annikillinissaanut Namminersornerullutik Oqartussat meeqqamut ataatsimut 18-it inorlugit ukiulimmut angerlarsimaffimmi najugalimmut illup adresseani najugalittut inuit allattorsimaffiannut nalunaarutigineqarsimasumut 10%-imik tapiisarput, meeqqat angerlarsimaffimmi najugallit arfinillit tikillugit.
Namminersornerullutik Oqartussat inissiaataasa attartortittakkat pitsanngorsarnissaannut atatillugu illumut akiliut allanngortillugu naatsorsorneqassaaq. Inissiami ataatsimi pitsanngorsaanerit aallartinneranni pitsanngorsaanermi aningaasartuutit illumut akiliutissatut minnerpaaffiliussamut ilassutigineqassapput, sananermilu nalitut nutaatut isigineqassalluni. Inissiaatini amerlasuunik attartortulinni pitsanngorsaanerit kipifferartumik aggorneqarsimatillugit nutaamik naatsorsuisarneq kipifferartumik ingerlanneqarsinnaavoq.
1.10.1991-imiit attartornerni immikkut ittuni akiliutissaq imatut naatsorsorneqassaaq:
Allaffissornermut inuutissarsiornermullu siunertanut: Illup nalinganut akiliutigineqassaaq illup sananerani nalingata 9%-ia, minnerpaamilli m2-imut ukiumut 630,- kr. attartornermi akiliutip minnerpaaffissaa 7.000 kr. aallaavigalugu.Kulturimut isumaginninnermullu siunertanut:
Illup nalinganut akiliutigineqassaaq illup sananerani nalingata 5,5%-ia, minnerpaamilli m2-imut ukiumut 385,- kr.Ineqartut peqatigiiffii illup nalinganut akiliummik akiliineq ajorput.
Ilaqutariinnut arlariinnut inissiani m2-imut ingerlatsinermi matusissutissatut 145,- kr. akiliutigineqartassaaq, ilaqutariinnulli ataatsinut inissiani affarleriinnilu ingerlatsinermut matusissutissanik akiliisoqartassanani, attartortut namminneq ingerlatsinermi aningaasartuutit tamaasa akilertarmatigik.
Naatsorsuutigineqarpoq ingerlatsinermut matusissutissatut akiliutigineqartartoq 1. oktober 1992-imiit qaffanneqarumaartoq m2-imut 170,- kr.-inngortillugu.
Ilaqutariinnut arlariinnut inissiani illup iluata aserfallatsaalineqarneranut aningaasartuutit attartortup nammineq akilertarpai. Ilaqutariinnut ataatsinut inissiani affarleriinnilu inissiani attartortut illup iluata silataatalu aserfallatsaalineqarnerinut aningaasartuutit namminneq akilertarpaat.
Kontomut pingaarnermut 66.42-mut.Naalakkersuisut piginnaatinneqarput, Aningaasaqarnermut Ataatsimiititaliap isumaqataaneratigut, sinaakkusiussat 12 mio. kr.-it iluannit utoqqaat aningaasaqarniarnikkut atugaasa pitsanngorsarneqarnissaannut aningaasartuuteqarnissamut. Aningaasartuutit atorneqarsinnaapput isumaginninnermi pensioninut tapiliussatut.
Immikkoortunut pingaarnernut 70-79-imutNr. 1.
Naalakkersuisut piginnaatinneqarput illuutini, sanaartugaatini pigisanilu nalinginnaasuni Namminersornerullutik Oqartussanit pigineqartuni tillinniarfigitinnikkut, ikuallannikkut allatulluunniit ajoqusernikkut pissuteqartunik aningaasartuuteqarnissaminnut.
Nr. 2.Atuarfiit illutaanni ajoqusernernut, aserorterinerni ajoqusernerit pinnagit, sillimmasiisussaatitaaneq aammalu kommunet ajoqusernermut ataatsimut namminneq akisussaatitaanerat maannakkuugallartumut Namminersornerullutik Oqartussanit tiguneqarsimapput. Ajoqusernermut ataatsimut kommunet namminneq akisussaatitaanerat nalinginnaasumik 100.000 kr.-iusarpoq.
Nr. 3.Naalakkersuisut piginnaatinneqarput Landskarsimiit sulilluni ajutoornermi sillimmasiinissamut inatsimmi malittarisassat naapertorlugit taarsiissuteqarnissaminnut atuartunut aammalu ilitsersorneqartussaasunut allanut sulianik sungiusagaqarnermut aaqqissuussanullu allanut inuutissarsiutit pillugit paasissutissinneqarnissamik annertuutigut siunertalinnut tunngatillugu ajoqusernermi, kiisalu taarsiissuteqarnissaminnut ajoqusernernut ilitsersorneqartussaatitaasunit sulianik sungiusagaqarnermik nalaani imaluunniit taamaaqataanut tunngatillugu ajoqusigaanut, aammalu taarsiissuteqarnissamut malittarisassat nalinginnaasut malillugit akisussaaffigitinneqarsinnaasunut.
Nr. 4.Nammineq sillimmasiisussaatitaanermut taarsiullugu sillimmasiisarfinni namminersortuni sillimmasiinerni akiliutissanut aammalu nammineq akisussaaffigisanut akiliutissanut aningaasartuuteqarnissaminnut Naalakkersuisut piginnaatinneqarput.
Kontomut pingaarnermut 70.03-mutImmikkut aaqqissuussilluni misiliinermut atatillugu Inissianik Nakkutilliisoqarfik immikkut ittumik piginneqatigiilluni sulisunut inissialiortitsivoq, inerneqareerunik piginneqatigiilluni inissiaateqarnissaq tunngavigalugu tuniniarneqartussanik.
Naalakkersuisut piginnaatinneqarput 1992-imi 10 mio. kr.-it tikillugit sanaartornerup taassuma ilaanik aningaasalersueqataanissamut, piginneqatigiilluni inissiat sanaartornerini immikkoortut ataasiakkaat inerneqartarnerat naapertorlugu tamatumunnga naapertuuttumik piginneqatigiilluni inissianik tunisisarnikkut. Tunisinerni aningaasat isertinneqartut sinneri Landskarsimut isertitatut nalunaarsorneqassapput piginneqatigiilluni inissiat tunineqartarnerat naapertorlugu.
Kontomut pingaarnermut 71.12-imutKontomi tassani sanaartugassanut aningaasaliissutit atugassaajunnaarsinneqarsinnaapput Aningaasaqarnermut ataatsimiititaliap akuersissuteqarneratigut.
Immikkoortumut pingaarnermut 80-imut
Nr. 1.
Nuna tamakkerlugu akileraarusiuttakkamut procentiliussaq Inatsisartut inatsisaat nr. 5, majip 19-ianni 1979-imeersoq, paragraf 27, imm. 2 naapertorlugu 1992-imut 11-imut aalajangiunneqassaaq.
Nr. 2.
Nuna tamakkerlugu immikkut akileraarummut procentiliussaq Inatsisartut inatsisaat nr. 5, majip 19-ianni 1979-imeersoq, paragraf 29, imm. 2 naapertorlugu 1992-imut 24-imut aalajangiunneqassaaq.
Inunikkoortumut pingaarnermut 82-imutEqquiniaasitsinermi akileraarut pillugu Inatsisartut inatsisaanni nr. 7, 31. oktober 1987-imeersumi, paragraf 1, imm. 1 naapertorlugu 1992-imut akileraarutissaq 15%-imut aalajangiunneqassaaq.
Kontonut pingaarnernut 92.39-imut aamma 92.40-mutKontot 92.39-ip 92.40-llu ataanni sillimmatini ukiup aningaasanut inatsiseqarfiusup 1991-ip naanerani aningaasaliissuteqassappat atorneqarsimanngitsunik, Naalakkersuisut piginnaatinneqarput avataasiorluni raajarniarnerup iluani angallatinik pisassanut naapertuuttunngorsaaneq ingerlanneqartoq 1992-imi naammassineqaqqullugu, sillimmatinit taakkunannga atuisinnaanissamut siunertaralugu raajanut akitsuutit akiligassat 1990-imeersut siusinnerusumeersullu Landskarsimiit attartuganngortinnissaannuut ernialersukkanik imaluunniit Landskarsimiit attartortitsinissamut immikkut piumasaqaatitalinnik.
Landskarsimiit attartortitsisinnaanerit taamaattut neqeroorutigineqarsinnaapput kilisaataatileqatigiinnut, kilisaataatiminnik pisassanut naapertuuttunngorsaanerminnut atatillugu aningaasaqarniarnikkut tutsuiginartumik kilisaataatileqatigiinnik allanik kattusseqateqartunut, tamatumunngalu peqatigitillugu aamma uppernarsaasinnaasunut ilumut landskarsimi.it tapiiffigineqarnissamik pisariaqartitsinermik, aningaaserivinniit allaniillu attartorsinnaasat saniatigut.
Kontomut pingaarnermut 97-imutNaalakkersuisut piginnaatinneqarput Namminersornerullutik Oqartussani akiliisinnaassutsip allanngorarneri il.il. sillimaffiginiarlugit taarsigassarsinissamut.
Taarsigassarsinermut atasumik Naalakkersuisut pigisat nalillit sallunaveeqqutitut atorsinnaavaat piumasaqaatit Namminersornerullutik Oqartussat nunanit allanit taarsigassarsineranni isumaqatigiissutaasimasut naapertorlugit.