Ilanngussaq 2

OQAASERTAANUT NALUNAARSUUTIT

 

Konto pingaarneq 29.01:

Naalakkersuisut pisinnaatinneqarput akuersissutini 1991-ip naanerani sinneqartoorutaajunnartunit aalisakkat raajallu akiisa allanngorarnerinut matussutaasartussanik aningaasaateqarfiliornissamut aningaasaliinissaminnut.

Konto pinqaarneq 29.34:

Naalakkersuisut pisinnaatinneqarput Royal Greenland A/S-imut sillimmasiisiinissaminnut 1 mio. kr.-inik Royal Greenland-ip Sipineq Amba-mi aalisakkanik pilersuisussaatitaaneranut pisassat qularnaveqquserneqarnissaanut.

Konto pingaarneq 38.00.

Naalakkersuisut piginnaatinneqarput, tamanna pillugu oqaasertaliussaq naapertorlugu, immikkut ittumik sanaartortitsinermut atatillugu, 1991-imi attartortitassanik aningaasaleeqqinnissaminnut, sinaakkusiussat 36 mio. kr. iluanni.

Kontonut pinaaarnernut 92.39-imut 92.40-mullu

Naalakkersuisut piginnaatinneqarput, sinaakkusiussat tamarmiusut 120 mio. kr.-it iluanni, raajanut akitsuutit akiligassat akiierneqarsimanngitsulli 1990-imut ukiunullu siuliinut tun-ngassuteqartut Landskarsimiit ernialersukkanik taarsigassarsianngortinnissaannut imaluunniit Landskarsimiit immikkut piumasaqaatitalinnik taarsigassarsisitsinissamut, tamatumani anguniarlugu namminersortut avataasiorluni raajarniarnerup iluani angallatiminnik pisassanut naapertuuttunngorsaaneranni pisariaqartumi peqataanissaq.

Landskarsimiit taarsigassarsinerit taamaattut qinnuteqaateqareernikkut neqeroorutigineqarsinnaapput kilisaataatileqatigiinnut, kilisaataatiminnik pisassanut naapertuuttunngorsaanerminnut atatillugu aningaasaqarniarnikkut tutsuiginartumik kilisaataatileqatigiinnik allanik kattussuqateqartumit, tamatumunngalu peqatigitillugu aamma uppernarsaasinnaasunut ilumut Landskarsimiit taarsigassarsisinneqarnissamik pisariaqartitsinermik, aningaaserivinniit il.il. taarsigassarsiarisimasat saniatigut.

Immikkut pissutissaqavitsillugu Landskarsimiit taarsigassarsiat tunniunneqarsinnaapput piffissami aalajangersimasumi tamakkiisumik ilaannakuusumilluunniit erniaqaratillugu akilersugassaanngitsunik.

Naalakkersuisut piginnaatinneqarput, sinaakkusiussanit 120. mio. kr.-iusunit 1991-imi atorneqanngitsut naapertorlugit, aningaasaliissutinit atorneqanngitsut taakku kontot 92.39-ip 92.40-llu ataanni sillimmatinut inississallugit, avataasiorluni raajarniarnerup iiuani angallatinik pisassanut naapertuuttunngorsaaneq ingerlanneqartoq 1992-imi naammassineqaqqullugu.

Kontomut pingaarnermut 99.01-imut Nalillit nammineq pigisat

Inatsisartut isumaqatigiissutigaat Namminersornerullutik Oqartussat Royal Greenland A/S-imit pisassarisai 541 mio. kr.-iusut tassunga tunniunneqassasut. Taamaalilluni ingerlatseqatigiiffiup Namminersornerullutik Oqartussanut siunissami akilersugassai erniaritinneqartussallu peerneqassapput. Taakkunannga 300 mio. kr.-it Royal Greenland A/S-imi, tamakkiisumik Namminersornerullutik Oqartussanit pigineqartuni, Namminersornerullutik Oqartussat piginneqataassutaannik imaaliallaannaq naleqarnerulersitsissapput, taakkumi ingerlatseqatigiiffiup sillimmataanut immikkoortinneqassammata.

Tunniussinermut peqatigitillugu isertitsissutaasussat sinneri, 241 mio. kr.-iusut, ingerlatseqatigiiffimmi immikkoortinneqassapput siunissami inuiaqatigiinnit suliassiissutigineqartartussat ilaasa isumagineqarnerinut, siunissami aningaasanut inatsit aqqutigalugu atugassiissutigineqartarunnaartussanut, aningaasartuutaasartussanut atugassatut sillimmatitut. Siunertamut tamatumunnga immikkoortitsineq taamaalilluni ingerlatseqatigiiffiup naatsorsuutitigut angusaasa nalunaarsorneqarnerini ukiuni arlalinni isertitatut nalunaarsorneqarsimasassaaq.