Piginneqatigiilluni Inissiat pillugit Inatsisartut Peqqussutaat nr. 1, 31. oktober 1991-imeersoq.
Inissaqartitsineq, inissialiornermi ikiorsiissuteqartarneq, inissianik attartortarneq il.il. pillugit Kalaallit Nunaannut inatsit nr. 944 23. december 1986-imeersumi § 1 malillugu makku aalajangersarneqarput:
Kapitali 1.
Peqqussutip atuuffia.§ 1. Peqqussut una atorneqassaaq
1) inissianut pisortat aningaasanik tapersiinerisigut sananeqarsimasunut aammalu Piginneqatigiillutik Inissiaatillit Peqatigiiffiinit pigineqartunut ingerlanneqartunullu,
2) inissianut inissiarsuarniittunut, taakkununnga ilanngullugit illut pukkitsut eqimattallu Namminersornerullutik Oqartussanit Kommunenilluunniit pigineqartut Piginneqatigiillutik Inissiaatillit Peqatigiiffiinit tiguneqarsimasut ingerlanneqartullu.
Kapitali 2
Piginneqatigiillutik Inissiaatillit Peqatigiiffii.§ 2. Piginneqatigiillutik Inissiaatillit Peqatigiiffiat peqatigiiffiuvoq inissianik sanaartornissamik tigusinissamilluunniit aammalu taakkua piginneqatigiilluni inissiatut ingerlannissaannik siunertaqartoq.
§ 3. Illoqarfinni Piginneqatigiillutik Inissiaatillit Peqatigiiffiat minnerpaamik arfinilinnik inissiaateqassaaq nunaqarfinnilu minnerpaamik sisamanik.
Imm. 2. Piginneqatigiillutik Inissiaatillit Peqatigiiffianut inissianik tigusisussamut, tak. § 1, nr. 2, ilaasortaasut minnerpaamik inissiat amerlassusiisa 3/4-iinik amerlassuseqassapput.§ 4. Piginneqatigiillutik Inissiaatillit Peqatigiiffianut taamaallaat ilaasortanngortinneqarsinnaavoq peqatigiiffiup inissiaateqarfiani inissiamik atuisinnaatitaasoq imaluunniit ilaasortanngornerminut atatillugu atuisinnaatitaalersoq. Ilaasortaaneq taamaallaat inissiamut atuisinnaatitaaffimmut tunngatinneqarsinnaavoq. Ilaasortaq ataaseq inissiamik ataasiinnarmik atuisinnaatitaavoq.
§ 5. Piginneqataasup Piginneqatigiillutik Inissiaatillit Peqatigiiffianut aallarniutaanut aningaasaliisoq inissiat imaluunniit peqatigiiffiup ingerlanneqarneranut sunniuteqarnissaminik piuinasaqaateqarsinnaanngilaq.
Imm. 2. Piginneqatigiillutik Inissiaatillit Peqatigiiffianut inissialiorniissamut aningaasatigut tapersiissuteqarnermi imaluunniit inissiaqarfimmik tunniussinermi Naalakkersuisut Kommunalbestyrelseluunniit uani peqqussummi immikkut ittumik aalajangersarneqartut saniatigut inissiaqarfiup imaluunnit peqatigiiffiup ingerlanneqarneranut sunnluteqarnissaminnik piumasaqaateqarsinnaanngillat.
Imm. 3. Naalakkersuisut Kommunalbestyrelsilluunniit inissianik tunniussinermut atatillugu piumasaqaatigisinnaavaat immikkut isumaqatigiissuteqarnikkut peqatigiiffimmit ininik attartornissamut periarfissinneqarnissaq. Taamatullu tunniussinermi aamma piumasaqaataasinnaallunissaaq ininik aalajangersimasunik attartortut atuisullu tunniussinerup kingornatigut atuisinnaatitaanertik pigiinnassagaat.§ 6. Peqatigiiffimmut oqartussaanerpaatitaavoq ataatsimeersuarneq. Ataatsimeersuarnermi piginneqataassut ataaseq taasinermik ataatsimik naleqarpoq. Ulluinnarni ingerlatsisussamik siulersuisunik immaqalu pisortaatitassamik ataatslmeersuartut qinersisassapput. Ataatsimeersuartut peqatigiiffiup malittarisassai aalajangersartassavaat. Ataatsimeersuartut aalajangersartassavaat ukiumoortumik inigisap ataatsip inissiaatit ingerlanneqarnerinut aserfallatsaalineqarnerinullu akiliutigisartagassai (inigisamut akilersuut).
§ 7. Piginneqatigiillutik Inissiaatillit Peqatigiiffii § 1, nr. 1, naapertorlugu pisortanit aningaasatigut tapersiivigineqarlutik inissialiorniartut aanuna peqatigiiffiit § 1, nr. 2, naapertorlugu pisortat inissiaataannik tigusiniaitut malittarisassaliassaminnut toqqammavissaannik Naalakkersuisut malittarisassaliussapput. Piginneqatigiilluni Inissiaatillit Peqatigiiffiata malittarisassaasa minnerpaamik toqqammavissatut malittarisassap imarisai imarissavaat.
§ 8. Piginneqatigiillutik Inissiaatillit Peqatigiiffiata illuutai tamakkiisuinik nutaajullutillu nalinginut sillimmasigaassapput. TaanLaaliortoqassaaq sananeqarnerisa nalaani, annertuumik iluarsaassiffigineqarnerini aammalu inaarsarneqareernerisa kingornagut.
Imm. 2. Piginneqatigilllutik inissiaatillit peqatigiiffiata inissiaataanni inuutissarsiorfinnik inissialiortoqaqqusaanngilaq, takuulli § 5, imm. 3.
Kapitali 3
Piginneqatigiilluni inissialiorneq.§ 9. Naalakkersuisut Kommunalbestyrelselu Piginneqatigiillutik Inissiaatilittut Peqatigiiffiinngorsimasunut taamaallaallu nammlneerlutik inissianik ineqartussanik ilaasortaqartunut piginneqatigiittut inissialiornissaannut aningaasatigut tapersiissuteqarsinnaapput.
Imm. 2. Aningaasanik taamaallaat tapersiisoqarsinnaavoq Naalakkersuisut Kommunalbestyrelselu aatsaat isumaqatigiippata inissialiornissaq piviusunngortinneqartariaqartoq aningaasalíiffigineqartariaqartorlu.§ 10. Naalakkersuisut Kommunalbestyrelselu tamarmik immikkut sanaartornermut aningaasartuutit tamakkiisut pingajorarterutaannik erniaqanngitsunik taarsersugassaanngitsunillu taarsigassarsisitsissapput. Aningaasat taarsigassarsiaritinneqartut qularnaarneqassapput peqatigiiffiup inissiaatai qularnaveeqqusiullugit, sanaartornerullu nalaani ilaannakortumik tunniunneqartassallutik. Aningaasat taarsigassarsiarititat Kalaallit Nunaanni sanaartornermi aiiingaasartuutit nikerarnerinut nalunaarsuut malillugu iluarsiivigineqartassapput.
Imm. 2. Naalakkersuisut Konununalbestyrelsellu taarsigassarsiarititaat Piginneqatigiillutik Inissiaatillit Peqatigiiffiata imm. 4 malillugu taarsigassarsiaannit kingulliullutik qularnaveeqqusigaapput. Naalakkersuisut Kommunalbestyresellu taarsigassarsiarititaat peqatigiiffiup illuutaasa pitsanngorsarneqarnissaannut allanngortiterneqarnissaannullu taarsigassarsiat qularnaveeqqutaannut tunullinngussapput. Naalakkersuisut Kommunalbestyrellu taarsigassarsiarititaat aserfallatsaalinngitsoorsimasat iluarsaanniarlugit taarsigassarsiat qularnaveqqutaannut tunullinngorsinnaanngillat.
Imm. 3. Piginneqatigiillutik Inissiaatillit Peqatigiiffiannut ilaasortaasut ataasiakkaat illup nammineq inigisatut atugassamik sananeqarnerani akiata 7%-anik aallarniuteqassapput.
Imm. 4. Sanaartornernut akip sinnera Piginneqatigiillutik Inissiaatillit Peqatigiiffiata taarsigassarsineratigut aningaasalerneqassaaq.§ 11. Piginneqatigiilluni inissiaatit quleriinngorlugit imaluunniit eqimattanngorlugit/pukkitsunngorlugit sananeqassapput. Immikkut ittunik tunngavissaqartillugu Naalakkersuisut illut ataasiakkaat affarleriilluunniit sananeqarnissaannut pisinnaatitsisinnaapput.
Imm. 2. Inissiat annerpaaffissaat qanorlu aaqqissugaanissaat pillugu Naalakkersuisut maleruagassanik aalajangersaassapput.§ 12. Piginneqatigiilluni inissialiornissamut pisortanit aningaasatigut tapersiivigineqarnissamik qinnuteqartoqartinnagu peqatigiiffik kommunalbestyrelsemit nunaminermik illuliorfissamik tunineqareersimassaaq.
§ 13. Sanaartornermi aningaasartuutinut tamarmiusunut ilaatinneqassapput sanaaitugassap pilersaarusiorneqarneranut, assassorlutik sulisunut, sanaartornermi erniaritinneqartunut, sanaartorfissami nunagissaanermut, sanaartornerup aqunneqarneiranut kiisalu naqissusiinermut akileraarummut aningaasartuutigineqartut.
Imm. 2. Piginneqatigiillutik Inissiaatillit Peqatigiiffiata aningaasatigut tapersiivigineqarnissaq angujumallugu sanatitsisutut suliassap timitalersuiffiginissaanut siunnersortissamik ilinniarsimasumik pissarsereersimassaaq.
Imm. 3. Sanaartornerup nalaani sanaartornermut pilersaarusiornermullu inatsisit aamma sanaartornermi teknikkimut ingerlatsinermullu pitsaassuserititassat atuuttut naapertorlugit taamaallaat aningaasatigut tapersiisoqarsinnaavoq.
Imm. 4. Naalakkersuisut Konununalbestyrelsellu aningaasanik tapersiissuteqarnerminni piumasaqaatigisinnaavaat peqatigiiffik ukiut tamaasa aningaasanik erseqqarinnerusumik amerlassusilikkanik aserfallatsaaliinermut atugassanik immikkoortitsisassasoq.§ 14. Naalakkersuisut Kommunalbestyrelsellu sanaqataanissat akuersaarsinnaavaat. Sanaqataanermi suliassap suunera pilersaarusiami llanngunneqassaaq. Suliap nalinga piginneqataassutip nalinganut ilanngunneqassaaq.
§ 15. Sanariaatsinik nutaanik atortussanillu nutaanik misiliinernut aammalu ilinniartitaaneq suliffissaqartitsiniarnerlu pillugit misiliinernut imaluunniit suliniutinut nutaanut allanut aningaasartuutit, tassalu sanaartornivimmut aningaasartuuiit avataanniittut, sanaartornerup iluani assigiinngitsunut aningaasartuutit annertoqataannik aningaasatigut tapersiivigineqarsinnaapput.
Imm. 2. Misiliinernut aningaasatigut tapersiisoqarnissaa qinnutigineqarpat qinnuteqaammi allassimassapput kina aningaasatigut tapersiisimanersoq, suna tapersiivigineqarsimanersoq kiisalu aningaasatigut tapersiissutip annertussuserisinnaasaa.
Imm. 3. Misiliinernutaningaasartuutitsanaartornermi naatsorsuutini immikkoortillugit allanneqassapput, taamaalillutillu piginneqataassutip nalinganut ilanngunneqassanatik.§ 16. Aningaasanik tapersiissuteqarnissaq pillugu neriorsuutivik aatsaat tunniunneqarsinnaavoq sanaartornissap pilersaarusiornera aningaasalersorneqarnissaalu Naalakkersuisunit Kommunalbestyrelsemillu naliliiffigineqareerlunilu akuerineqarpat, aammalu Piginneqatigiillutik Inissiaatillit Peqatigiiffiata uppernarsarpagu peqatigiiffik sanaartornermut aningaasartuutinut tamarmiusunut aningaasaliissutissaqartoq, tak. § 10, imm. 3 aamma 4.
Imm. 2. Aningaasanik tapersiissuteqarnissamik neriorsuutivik aatsaat tunniunneqassaaq suliariniakkamut allanngortinneqarsinnaanngitsunik isumaqatigiissuteqartoqarsimanngippat aantmalu sanaartornermi suliassat aallartinneqareersimanngippata.
Imm. 3. Ilaasortat aetsaat Piginneqataassutissamik pinngitsooratik pisiarinis saat atsioreerpatigik aningaasanik tapersiissuteqarnissamik neriorsuutivik tunniunneqassaaq.§ 17. Piginneqatigiillutik Inissiaatillit Peqatigiiffiata inissiaataasa nalingi aalajangersarneqassapput inissiat sananeqarnerinut aningaasartuutit tamarmiusut inaarutaasumik naatsorsuutaat Naalakkersuisunit Kommunalbestyrelsemillu akuerineqartut malillugit.
Kapitali 4
Inissianik piginneqatigiilluni inissianngortitsineq§ 18. Naalakkersuisut Kommunalbestyrelselluunniit Piginneqatigiillutik Ini?siaatillit Peqatigiiffiannut inissiaq peqatigiiffiup ilaasortaanit inigineqartussanngorlugu tunisinnaavaat.
Imm. 2. Inissiaq kommunemit pigineqartoq Namminersornerullutillu Oqartussanit tapiiffigineqarsimasoq siusinnerpaamik Piginneqatigiillutik Inissiaatillit Peqatigiiffiannut tunineqarsinnaavoq sananeqarnermi/nutarterneqarnermi kingorna ukiut 5 qaangiuppata, Naalakkersuisut allaasumik pisinnaatitsinngippata.
Imm. 3. Imm. 2-mi taaneqartutut kommunip inissiaataa Piginneqatigiillutik Inissiaatillit Peqatigiiffianut tunineqassappat peqatigiiffiup § 25, imm. 3 aamma 4, malillugit Namminersornerullutik Oqartussanut akiliutigissavai pisinermut akip ilaa angissuseqartoq illuut sananeqarmat aamma/imaluunniit nutarterneqarmat Naalagaaffiup imaluunniit Namminersornerullutik Oqartussat tapiissutigisimasaasa procentianut naleqquttoq.§ 19. Inissiaq tamakkivillugu taamaallaat tunineqarsinnaavoq, taamaalilluni Piginneqatigiillutik Inissiaatillit Peqatigiiffiat inissiamut tamarmiusumut piginnittussaassuseqartussanngorlugu.
Imm. 2. Piginneqatigiillutik Inissiaatillit peqatigiiffiata illorsuaq ataasiinnaq taamaallaat pigilersinnaavaa. Taamaakkaluartorli Piginneqatigiillutik Inissiaatillit Peqatigiiffiat illorsuarnik arlalinnik tigusisinnaavoq, taakku ataatsimut kiassarneqarpata, errorsisarfeqarpata, nuannattarfeqarpata, najugaqartut ataatsimooruttakkamik illuuteqarpata allanilluunniit ataatsimoorullugit atorneqartartunik peqarpata, imaluunniit arlaatigut pissusissamisuuginnartutut ataqatigiiffeqarpata aammalu tulluarnerpaa juppat ataatsimit pigineqarlutillu ingerlanneqarnissaat.
Imm. 3. Illorsuarmik piginnittup tunisinermini piumasarisinnaavaa peqatigiiffik ukiut tamaasa aningaasanik erseqqarinnerusumik amerlassusilikkanik aserfallatsaaliinermut atugassanik immikkoortitsisassasoq.§ 20. Illorsuarmi attartortuusut kissaatigippassuk illorsuaq Piginneqatigiilluni Inissiatut pigilerniarlugu Piginneqatigiillutik Inissiaatillit Peqatigiiffiannik pilersitsisoqassasoq, illorsuarmi inissianik attartortut tamarmik allakkatigut neqeroorfigineqassapput peqatigiiffimmut ilaasortanngoqqullugit.
Imm. 2. Attartortut piginneqatigiillutik illorsuarmik tiguserusuttut § 3, imm. 2, malillugu pisariaqartinneqartutut amerlatiginngippata, illorsuarmi najugaqartut allat peqatigiiffimmut ilaasortanngorsinnaanerannik allakkatigut neqeroorfigineqassapput. Taamaaliornikkut Piginneqataasut amerlassusissaat anguneqanngitsoorpat, illorsuarmi attartortut najugaqartullu avataaniittut peqatigiiffimmut ilaasortanngornissaannik neqeroorfigineqarsinnaapput.
Imm. 3. Piginneqatigiillutik Inissiaatillit Peqatigiiffiat illorsuup pisiarlnissaa pillugu isumaqatigiissuteqartinnagu ilaasortat Piginneqataassutissamik pinngitsooratik pisiarinissaa atsioreersimassavaat.
Imm. 4. Illorsuarmik piginnittup attartortut Piginneqatigiillutik Inissiaatillit Peqatigiiffiannut ilaasortanngunngitsut inissiamik allamik assingusumilli pitsaassuseqartumik attartugassaannik neqeroorfigissavai.§ 21. Naalakkersuisut Kommunalbestyrelselluunniit kissaatigigunikku illorsuaq inigineqareersoq Piginneqatigiillutik Inissiaatillit Peqatigiiffiannut tunineqassasoq, Naalakkersuisut Kommunalbestyrelselluunnit illorsuarmi inissianik attartortunut tamarmiusunut saaffiginnissuteqarlutik kajumissaarutigissavaat Piginneqatigiillutik Inissiaatillit Peqatigiiffiannik pilersitsisoqarnissaa.
Imm. 2. Illorsuup inigineqanngitsup Piginneqatigiillutik Inissiaatillit Peqatigiiffiannut tunineqarnissaa kissaatigineqarpat Naalakkersuisut Kommunalbestyrelselluunniit nuna tamakkerlugu atuagassiatigut imaluunniit illoqarfiup nunaqarfiulluunniit atuagassiai aqqutigalugit illorsuaq piginneqatigiilluni inissiassatut tuniniassavaat.
Imm. 3. Piginneqatigilllutik Inissiaatillit Peqatigiiffii arlaqartut imm. 2 malillugu illorsuarmik tigusinissamik kissaateqarpata, illorsuarmik piginnittup aalajangissavaa illorsuaq peqatigiiffimmut sorlermut tunineqassanersoq. Aalajangerniarnermi immikkut isiginiarneqarsinnaapput peqatigiiffiit ataasiakkaat piginneqatigiillutik inissialiorniarnerminnut imaluunniit illorsuarmik tigusiniarnerminnnt aningaasanik tapersiivigineqarnissamik qinnuteqarnerminni qanoq sivisutigisumik utaqqisimanersut.§ 22. Piginneqatigiillutik Inissiaatillit Peqatigiiffiat illorsuup tigunissaanik isumaqatigiissuteqarfiginnginnerani piginnittup peqatigiiffik illorsuup pisoqaassusianik, qanoq issusianik, qularnaveeqqusersugaaneranik aammalu attartugaaneranik kiisalu pisarnertut paasissutissanik allanik peqatigiiffiup kissaatigisaannik paasissutississavaa.
Imm. 2. Piginnittoq Piginneqatigiillutik Inissiaatillit Peqatigiiffianit piumaffigineqarnermigut piginneqataasut ataasiakkaat aallarniutissatut akiliutissaasa annertussusissaasa inigisamullu akilersuutissaasa annertussusissaattut naatsorsuutigineqartut naatsorsorneqarnissaannut ikiuutissaaq, tak. § 30.§ 23. Illorsuup ataatsip pisiarineranut aki illorsuup teknikkikkut aningaasatigullu nalinganik annertussusilerneqassaaq, taamaattorli tak. imm. 2. aamma 3.
Imm. 2. Illorsuit nutaamik sanaat inerneqarnermik kingorna ukioq ilivitsoq suli qaangiutinngitsoq tunineqartussat akissaat aalajangerneqartassaaq sananerinut naatsorsuutit malillugit sananeqarnermik inerneqarnerani akiisa nalinginut sananerni taarsigassarsiat erniaannik ilallugit.
Imm. 3. Illorsuup tunineqartussap imm. 1-imi 2-imilu aalajangigaasumit allaasunik tunineqarnermini akeqarnissaa Naalakkersuisut maleiruagassiuussinnaavaat, tamanna nioqquteqarnermi pissutsit isumalluarnartippassuk.
Imm. 4. Teknikkikkut aningaasatigullu qanoq naliliiniartoqartarnissaa Naalakkersuisut maleruagassiussavaat.§ 24. Illorsuarmut taarsigassarsiat sinneqarpata piginnittup tunisinermi piumasarisinnaavaa Piginneqatigiillutik Inissiaatillit Peqatigiiffiata sapinngisamik taarsigassarsiat tamaasa tiguniassagai. Tamanna pillugu aalajangersakkat Naalakkersuisunit aalajangersarneqassapput.
§ 25. Illorsuup piginnittua tunisinermi illorsuarmut akigitinneqartussap 2/3-anik erniaqaratillu akilersugassaanngitsunik aningaasatigut tapersiissuteqassaaq. Taarsigassarsiarititaq qularnaarneqassaaq illorsuup qularnaveeqqusiunneqarneratigut. Taarsigassarsiarititaq Kalaallit Nunaanni sanaartortitsinermi akigitinneqartut naapertorlugit aaqqiiffigineqassaaq.
Imm. 2. § 10, imm. 2-mi aalajangersagaq uani aamma atorneqassaaq.
Imm. 3. Piginneqatigiillutik Inissiaatillit Peqatigiiffiannut ilaasortat ataasiakkaat inissiamut atuisinnaatitaaffigisaminnut pisinermut akiata 7%-ianik aallarniutitut akiliuteqassapput.
Imm. 4. Pisinermut akip sinnera Piginneqatigiillutik Inissiaatillit Peqatigiiffiata taarsigassarsineratigut aningaasalerneqassaaq.
Kapitali 5
Inissiat annertuumik iluarsaassiffigisariaqarnissaannik pisariaqartitsineq pillugu immikkut aalajangersakkat.§ 26. Illorsuaq Namminersornerullutik Oqartussanit Kommunemilluunniit pigineqartoq annertuumillu iluarsaassiffigineqartariaqartoq Piginneqatigiillutik Inissiaatillit Peqatigiiffiannit tiguneqarsinnaavoq, illorsuaq tunineqarnerminut atatillugu annertuumik iluarsaassiffigineqassaguni. Piginnittup illorsuaq nammineerluni annertuumik iluarsaassiffigisinnaavaa tamatumalu kingornagut Piginneqatigiillutik Inissiaatillit Peqatigiiffiannut tunillugu imaluunnlit illorsuaq tunisinnaallugu piumasaqaatigalugulu aalajangersimasumik piffissaliussap qaangiutinnginnerani annertuumik iluarsaassiffigineqassasoq.
§ 27. Piginneqatigiillutik Inissiaatillit Peqatigiiffiat neriorsorneqarpat illorsuaq annertuumik iluarsaassiffigineqareerpat tigussagaa, suliassap pilersaarusiorneqarnerani Piginneqatigiillutik Inissiaatillit Peqatigiiffiat peqataatinneqassaaq. Annertuumik iluarsaassinissaq suliarineqassaaq sapinngisamik peqatigiiffiup immikkut kissaatigisai isiginiarlugit.
§ 28. Annertuumik iluarsaassinissamik piumasaqaatitalerlugu illorsuarmik tunisinissaq isumaqatigiissutigineqartinnagu Piginneqatigiillutik Inissiaatillit Peqatigiiffiata iluarsaassinissamut pilersaarutaa Naalakkersuisunit Kommunalbestyrelisemilluunniit akuerineqaqqaassaaq.
Imm. 2. Annertuumik iluarsaassinermi pisortat inissialiortiternerini pisaassusissarititaasut sukkulluunniit atuuttut maleruarneqassapput.
Imm. 3. Piginneqatigiillutik Inissiaatillit Peqatigiiffiat sanatitsisutut suliassap timitalersuiffiginissaanut siunnersortissamik ilinniarsimasumik pissarsisimassaaq. Tunisisup suliaq pingaarnerusutigut nakkutilliiffigissavaa.§ 29. Illorsuaq annertuumik iluarsaassiffigisassanngorlugu tunineqassappat pisinermut akigitinneqartussaq tassaassaaq illorsuup annertuumik iluarsaassiffigineqannginnermini nalinga, tak. § 23, imm. 1, annertuumik iluarsaassiffigineqarnissaanut pilersaarusiaq Naalakkersuisunit Kommunalbestyrelsemilluunniit akuerineqarsimasoq, tak. § 28, imm. 1, malillugu annertuumik iluarsaassiffigineqarnerani aningaasartuutit nalinginik ilallugu.
Imm. 2. Tunisineq aningaasalersorneqassaaq § 25-imi aalajangersakkat malillugit, takuulli imm. 3 aamma imm. 4.
Imm. 3. Annertuumik iluarsaassinermut aningaasartuutit imm. 1 malillugu pisinermi akigitinneqartup 1/3-anit annikinneruppata ilaasortat allarniutaat, tak. § 25, imm. 3, aamma Piginneqatigiillutik Inissiaatillit Peqatigiiffiata taarsigassarsiai, tak. § 25, imm. 4, annertuumik iluarsaassinerup aningaasalersorneranut atorneqassapput, aningaasallu sinneruttut tunisisumut toqqaannartumik akiliutigineqassallutik, taamaattorli tak. § 18, imm. 3.
Imm. 4. Annertuumik iluarsaassinermut aningaasartuutit imm. 1 malillugu pisinermi akigitinneqartup 1/3-anit annertuneruppata ilaasortat aallarniutaat, tak. § 25, imm. 3, aamma Piginneqatigiillutik Inissiaatillit Peqatigiiffiata taarsigassarsiai, tak. § 25, imm. 4, tamakkivillugit annertuumik iluarsaassinermut aningaasaliissutigineqassapput. Annertuumik iluarsaassinermut aningaasartuutit amerlanerussutaat tunisisumit aningaasaliivigineqassapput, aningaasaliissutillu taakku tunisinermi ernialersugassaanatillu akilersugassaanngitsutut taarsigassarsiaritinneqartut, tak. § 25, imm. 1, iluinit tiguneqassallutik, akiliutaagallartutullu iluarsaassinerup nalaani tunniunneqartassallutik.
Kapitali 6
Ataatsimut aalajangersakkat.
Ilaasortat.§ 30. Ilaasortaq piginneqataassumnik pisinissaminut atsiortinnani peqatigiiffiup siulersuisuinit aallarniutissap inigisamullu akileraarutissap qanoq annertutigissangatinneqarneranik kiisalu aningaasanut naatsorsuusiassatut ilimagineqartunik paasissutissinneqassaaq.
§ 31. Ilaasortaq taamaallaat pisussaaffinnut peqatigiiffimmut attuumassuteqartunut aallarniutigisimasami nalinginut pisussaaffileirneqassaaq, taamaattorli tak. imm. 2.
Imm. 2. Ataatsimeersuartut aalajangerpata peqatigiiffiup illorsuaataanut illorsuaq qularnaveeqqusiullugu taarsigassarsisoqassasoq, ilaasortat nammineerlutik tamarmiullutillu qularnaveeqqusikkamik akiligassamut tassunga pisussaaffilerneqassapput, tamanna taarsigassarsisitsisup erseqqissumik piumasaqaatigippagu.
Imm. 3. Piginneqataasoqtaassumaluunniitqimataiimm. 1 aamma 2 malillugit pisussaaffeqartussaatitaapput inigisap nutaamik piginneqataalersumit tiguneqarnissaata tungaanut aammalu taassuma akiligassanut pisussaaffimmik tigusinissaata tungaanut.§ 32. Ilaasortat piginneqataassutimik nalingi naapertorlugit peqatigiiffiup pigisaanut piginneqataapput. Ataatsimeersuartut piginneqataassutsit angissusii allanngortissinnaavaat, taamaalilluni piginneqataassutsit inissiallu akunnerminni nalingat imminnut naleqquttunngorlugit.
Imm. 2. Piginneqataassutpiginneqataanermutuppernarsaammik, piginneqataasup aqqanik atsiorlugu, uppernarsaaserneqassaaq. Piginneqataanermut uppernarsaat tammassagaluarpat tammarsimasumut taartitut nalunaaqutserlugu nutaamik taarserneqarsinnaavoq.
Imm. 3. Peqatigiiffiup pigisaanut piginneqataassutsit qularnaveeqqusiissutaasinnaanatillu akiitsunut matusissutaatinneqarsinnaanngillat.
Piginneqataassutsinik allanut tunniussineq.
§ 33. Piginneqatigiillutik Inissiaatillit Peqatigiiffianni piginneqataassutsimik allanut tunniussinermi akigitinneqartussap sinnersimassanngilaa piginneqataasup aallarniutitut akiliutaa ernialersorneqarsimasorlu Nationalbankip diskonto-a 3%-imik qalleqqitaq malillugu, taannalu makkuninnga taperneqassaaq:
1) inigisamik pitsanngorsaataasimasut nalinginik, taakkulu ernialersorneqarsimassallutik Nationalbankip diskontoa ukiumut 3%-imik qalleqqitaq malillugu,
2) ajortunngoriaataasimasut aserfallatsaalinngitsoorsimasallu ilanngaatigalugit,
3) inissiat sananeqarnissaannut tiguneqarnissaannulluunniit peqatigiiffiup taarsigassarsiarisimasaanut piginneqataasup taarsersuutitut akilersuutigisimasaanik Nationalbankip diskonto-a 3%-mik qalleqqillugu ernialersukkamik, aamma
4) illup naleqarnerulersimaneranut pissarseqataassutissamik Kalaallit Nunaanni sanaartornermi aningaasartuutit nikerarnerinut nalunaarsuut malillugu naatsorsorneqarsimasumik, piginneqataasup aallarniut itut akiliutigisimasaata, akilersuutigisimasaasa kiisalu l)-imi aamma 2)-mi kisitsisit pissarsiarineqartut tunngavigalugit naatsorsorneqarsimasumik.
Imm. 2. Imm. 1-imi pineqartup allamut tunniunneqarnerani akigititassap qaffasinnerpaaffissaata naatsorsorneqarnissaa pillugu Naalakkersuisut maleruagassiuussissapput.§ 34. Piginneqataassutinik allanut tunniussineq tunisaqarnerlu peqatigiiffimmit suliarineqartassaaq.
Imm. 2. Peqatigiiffiup pisiniartoq isumaqatigiissuteqarfigitinnagu Piginneqatigiillutik Inissiaatillit Peqatigiiffiata malittarisassai, Piginneqatigiillutik Inissiaatillit Peqatigiiffiata ukiumoortumik naatsorsuutai kingulliit aamma aningaasatigut missiliuusiai kiisalu piginneqataassummut akigitinneqartup qanoq naatsorsorneqarsimaneranut takussutissaq piginneqataanerup akiata immikkoortitaarlugu naatsorsorneqarneranik ilalik, pitsanngorsaatitut suliarineqarsimasut pisattallu pillugit nassuiaatit tunniutissavai. Taamatuttaaq peqatigiiffiup pisiniart.oq isumaqatigiissuteqarfigitinnagu ilaasortaanermi pisussaaffinnik allakkatigut ilisimatissavaa, tak. § 31.
Imm. 3. Pisinermi akiusoq peqatigiiffimmut akilerneqassaaq, peqatigiiffiullu pisassai ilanngaatigeriarlugit sinneri piginneqataajunnaartumut tunniunneqassallutik.§ 35. Piginneqataasoq toquppat aapparisaa pisinnaatitaavoq ilaasortaanermik ingerlatitseqqissalluni.
Imm. 2. Taamatuttaaq pisinnatitaavoqpiginneqataasumik minnerpaamik ukiuni marlunni illoqateqarsimasoq.
Imm. 3. Piginneqataasiup averusernerani avinneraniluunniit imaluunniit pineqartup aappaqarnerata atorunnaarsinneqarnerani pisariaqarpat atorunaarnissaanut allagartami eqqartuussuimctiluunniit allallugu aalajangersarneqassaaq aappariit arlaat sorleq ilaasortaanermik ingerlatitseqqinnissamut pisinnaatinneqassanersoq.
Imm. 4. Piginneqataasup aappani qimappagu, piginneqataasup aapparisaa pisinnaatitaavoq ilaasortaanermik ingerlatitseqqissalluni.
Imm. 5. Piginneqataasoq utoqqalinini nappaateqarniniluunniit pissutigalugit angerlarsimaffimmut paaqqinniffiusumut assigisaanulluunniit nuuppat imm. 1-imi aamma imm. 2-mi aalajangetrsakkat atuutissapput.§ 36. Inuit ataatsimik piginneqataasortallit minnerpaamik ukiuni marlunni illoqatigeereersimasut inooqatigiinnertik taamaatikkunikku namminneq isumaqatigiissutiginiarsinnaavaat arlartik sorleq ilaasortaanermik ingerlatitseqqinnissamut pisinnaatinneqassanersoq. Siulersuisut pissutissaqarluarsorigunikku isumaqatigiissutigineqartoq akerliuffigisinnaavaat.
§ 37. Inummut kingornussisussamut inigisami najugaqanngitsumut piginneqaiaassutimik tunniussinissaq siulersuisunit akuersissutigineqassaaq. Siulersuisut pissutissaqarluarsorigunikku taamatut tunniussinissamut akerliusinnaapput. Taama pisoqartillugu piginneqataalersup nutaap piginneqataassut pisiarereerpagu siulersuisut piginneqataassutip nalinga kingornussisussamut akiliutigissavaat, taannalu angissusilerneqarsimassaaq §§ 32-mi aamma 33-imi maleruagassat malillugit.
§ 38. §-ini 35-imiit 37-imut pineqartunit allaanerusumik tunniussinerit toqqammavissatut malittarisassami maleruagassatut aalajangersarneqartut naapertorlugit ingerlanneqartassapput.
Aserfallatsaaliineq.
§ 39. Inissiat illersorneqarsinnaasumik aserfallatsaalineqassapput.
Imm. 2. Inissiap iluani aserfallatsaaliugassat, soorlu qalipaaneq, qilaat. qalipanneri iikkallu ungalisalersorneri, naqqit, matut nerriviusat taarsersorneri taakkulu assigisaat piginneqataasup isumagisassarai.
Imm. 3. Aserfallatsaaliugassat allat tamarmik Piginneqatigiillutik Inissiaatillit Peqatigiiffianit pisussaaffigineqarput.
Imm. 4. Aserfallatsaaliugassat imm. 3-mi pineqartut suliarineqarnissaat ataatsimeersuarnermi maleruagassiuunneqartassapput, taakkununnga ilanngullugit inissiaqarfiit akornisa avatangiisillu illuutinut atasut, ataatsimoorullugu illuutip assigisaasalu aserfallatsaaliorneqarnissaat.
Imm. 5. Piginneqataasup aserfallatsaaliuinissaminut pisussaaffini sumiginnarpagit, siulersuisunit piumasarineqarsinnaavoq pisariaqartumik aserfallatsaaliugassaq piffissami aalajangersimasumi suliarineqassasoq. Inissiami iluarsagassat iluarsaanneqarsimanersut qularnaarniarlugit siulersuisut inissiamut isernissaminnut akuerineqartussaallutillu nammineerlutik isersinnaatitaapput. Piffissaliussap iluani aserfallatsaaliugassaq suliarineqarsimanngippat aserfallatsaaliugassaq piginneqataasumut akiligassanngcrlugu peqatigiiffiup suliaritissinnaavaa piginneqataasorluunniit peqatigiiffimmit soraarsissinnaallugu, tak. § 43.§ 40. Piginneqataasup nammineq akisussaaffigalugu inissiap iluata allanngortiterneqarnissaanut pisinnaatitaavoq. Silataani allanngortiterinissat kiisalu inissiap iluani annertuumik allanngortiterinissat, soorlu iikkat atortulersuutilluunniit inissiaqarfimmut tamarmut attuumassuteqartut nutserneqarneri siulersuisunit akuerineqaqqaassapput.
Imm. 2. Allanngortiterinerit assassornikkut suliatigut isumannaatsumik suliarineqassapput, aammalu sanaartornermi inatsisini pisortallu maleruaqqusaanni piumasaasut malillugit suliarineqassallutik.§ 41. Naalakkersuisut Kommunalbestyrelsilluunniit Piginneqatigiillutik Inissiaatillit Peqatigiiffiat § 1, nr. 1, malillugu pisortanit aningaasatigut taperserneqarluni inissianik sanaartorsimasoq imaluunniit § 1, nr. 2, malillugu illorsuarmik Namminersornerullutik Oqartussanit Kommunemilluunniit tigusisimasoq peqqusinnaavaat aserfallatsaaliilluni suliassat suliareqqullugit.
Attartortitsineq/attartukkamik attartortitsineq.
§ 42. Piginneqataasup siulersuisut akuersiseqqaartinnagit inissiaq attartortissinnaanngilaa atukkiussinnaanaguluunniit. Tamatumunnga aatsaat pisinnaatitsisoqarsinnaavoq piginneqataasup immikkut pissutissaqarluni inigisani qimakkallartussanngorsimappagu. Aammattaaq siulersuisut attartortussaq attartornermilu piumasaqaataasussat akuersissutigisassaraat.
Imm. 2. Ininik ataasiakkaanik attartortitsinissat atukkiussinissallu siulersuisunit akuerineqartussaapput.
Imm. 3. Attartortitsineq atukkiussinerlu kiisalu akiliutip angissusissaa pillugit aalajangiinerit Inissianik Attartortitsineq pillugu Inatsisartut Peqqussutaanni maleruagassat naapertorlugit pisassapput.
Imm. 4. Inigisamut akilersuutip akilerneqarnissaa piginneqataasup pinngitsoorani Piginneqatigiillutik Inissiaatillit Peqatigiiffianut pisussaaffigaa.
Ilaasortaajunaarsitsineq.
§ 43. Siulersuisut ilaasortamik ilaasortaajunnaarsitsisinnaapput atuisinnaaneranillu unitsitsinnaallutik imatut pisoqartillugu:
1) ilaasortap nammineerluni aallarniutissani akilinngippagu, ilaasortallu allakkatigut piumaffigineqareerluni kingusinnerpaamik akiligassaq ullut 7-ssaanni akilinngippagu,
2) ilaasortap inigisaminut akileraarutini akiligassanilu allat tassunga peqatigitillugit akiligassat akiitsoqarfigippagit, aammalu allakkatigut akileeqqusissummik tigusaqareernermi kingorna kingusinnerpaamik ullut 7-ssaanni akilersimanngippagit, imaluunniit
3) ilaasortap aserfallatsaaliuinissani sumiginnarluinnarsimappagu, tak. § 39.
Imm. 2. Ilaasortaajinnaarsitsinermi minnerpaamik qaammatinik pingasunik piffissaliinikkut aatsaat inigisamik atuisinnaatitaaneq atorunnaarsinneqarsinnaavoq. Taarsigassarsiat erniaqanngitsut akilersugassaanngitsullu akiligassanngortinneqarneri.§ 44. Taarsigassarsiamut pisussaaffiit annertuumik unioqqutinneqarpata, taarsigassarsisitsisorlu allamik aalajangigaqarsimanngippat taarsigassarsiat §§ 10, imm. 1-imi, aamma 25, imm. 1-imi, pineqartut akiligassanngortinneqassapput, taamatullu pisoqassalluni ataani pineqartunittaaq pisoqarsimappat:
1) Piginneqatigiilluni inissialiornissamut pisortat taarsigassarsiarititaasa ilaat ataaseq ernialersugassaananilu akilersugassaanngitsoq paarsinerlunneq pissutigalugu akiligassanngortinneqarsimappat.
2) Peqatigiiffiup inissiaataanni qularnaveeqqusiilluni taarsigassarsiat allat paarsinerlunneq pissutigalugu akiligassanngortinneqarsimappata.
3) Peqatigiiffiup inissiaatai atorlugit akiitsut matutinniarneqarpata.
4) Peqatigiiffiup inissiaatai annertuumik aserfallassimappata paarinerlunneqarsimappataluunniit.
5) Peqatigiiffiup taarsigassarsisitsisoq taassumaluunniit sinniisua inissiaqarfimmut takusaalluni isernissaanik itigartissimappagu.
6) Peqatigiiffiup ukiumcortumik naatsorsuutai pisortanut taarsigassarsisitsisunut saqqummiunneqarumanngippata, naak tamanna § 45, imm. 2, malillugu piumasaqaatigineqaraluartoq.
7) Piginneqatigiillutik Inissiaatillit Peqatigiiffiat atorunnaarpat, imaluunniit inissiaatit piginneqatigiilluni inissiatuunngitsoq atorneqalerpata, tak. § 46.
Aningaasanut pilersaarusiat naatsorsuutillu.
§ 45. Peqatigiiffiup aningaasanut pilersaarutai ukiumoortumillu naatsorsuutai suliarineqartassapput Naalakkersuisut maleruagassatut aalajangersagaat naapertorlugit. Ukioq naatsorsuiffik qaammatinik 12-inik sivisussuseqarpoq. Taamaattorli peqatigiiffiup aallaqqaammut piffissaq naatsorsuusiorfigisaa siulleq kingusinnerusukkullu piffissamik naatsorsuiffimmik allanngortitsinermut atatillugu sivisunerusumik sivikinnerusumilluunniit allanngortinneqarsinnaavoq, taamaakkaluartorli annerpaamik qaammatinut 18-inut.
Imm. 2. Naalakkersuisut Kommunalbestyrelselluunniit piumasarisinnaavaat Piginneqatigiillutik Inissiaatillit Peqatigiiffiat Namminersornerullutik Oqartussanit Kommunalbestyrelsemilluunniit aningaasatigut tapersiivigineqarluni piginneqatigiilluni inissianik inissialiorsimasoq imaluunniit tigusisimasoq Naalakkersuisunut Kommunalbestyrelsemilluunniit ukiumut naatsorsuutinik saqqummiussissasoq.
Peqatigiiffiup atorunnaarnera.
§ 46. Piginneqatigiillutik Inissiaatillit Peqatigiiffiata atorunnaarsinneqarnissaa pillugu ataatsimeersuarnermi aalajangerneq oqartussaasunut peqatigiiffimmut aningaasatigut tapersiissuteqarsimasunut akuerisassanngorlugu saqqummiunneqassaaq. Oqartussaasut taakku aalajangissavaat piginneqatigiilluni inissiaatit qanoq inigineqalissanersut, kiisalu pisortat taarsigassarsiarititaat erniaqanngitsut taarsersugassanngitsullu taarsersorneqassanersut, tak. § 44, nr. 7.
Imm. 2. Piginneqatigilllutik Inissiaatillit Peqatigiiffiat atorunnaarsinneqarpat inissiallu nalinginnaasumik attartugassanngortinneqarpata peqatigiiffiup atuukkallarnerani piginneqataasimasut najugaqaannarlutik attartortuunissamut pisinnaatitaapput. Attartortitsisup piumasarisinnaavaa qularnaveeqqusiissuteqarneq qaammammullu ataatsimut akiliutissaq matussutissiiviginiarlugit qaammatinut 4-nut akiliutissap akilerneqarnissaa.§ 47. Pigisanik naatsorsuinikkut atorunnaarsitsineq atorunnaarsitsinermi naatsorsuuserisut marluk ataatsimeersuartut toqqagaat ingerlatsisoralugit pissaaq.
Imm. 2. Peqatigiiffiup pigisaasa tunereernerisa akiligassallu akilereernerisa kingorna tamatuma nalaani ilaasortaasut piginneqataassutaasa ataasiakkaat annertussusii apeqqutaatillugit pigisat nalillit sinneruttuusinnaasut agguaanneqassapput.
Akuersissuteqarnissamut periusissaq
§ 48. Akuersisarnermut periusissanut piumasaqaatit pillugit Naalakkersuisut maleruagassiussapput.
Pineqaatissiissutaasinnaasut
§ 49. §§ 30, 33, 34 41-imilu aalajangersakkanik unioqqutitsinermi akiliisussanngortitsisoqarsinnaavoq.
Kapitali 7
Ikaarsaariarnermut atuutilerfissaanullu aalajangersakkat.§ 50. Peqqussut atuutllissaaq 1. december 1991-imi.
Imm. 2. Piginneqatigiilluni Inissiat pillugit Inatsisartut peqqussutaat nr. 4 20. juni 1989-imeersoq atorunnaarsinneqassaaq.
Imm. 3. Piginneqatigiillutik Inissiaatillit Peqatigiiffiinut toqqammavissatut malittarisassat pillugit Nalunaarut nr. 34 27. august 1990-imeersoq aamma Piginneqatigiilluni Inissiaatiliornissamut Akuersissuteqartarneq pillugu Nalunaarut nr. 35 27. august 1990-imeersoq allanngortinneqarnissamik tungaanut imaluunniit uani peqqussummi aalajangersakkat malillugit atorunnaarsinneqarnissamik tungaanut atuutsiinnarneqassapput.
Imm. 4. Peqqussutip matuma piginneqatigiilluni inissialiornissamut aalajangersagartai Piginneqatigiilluni Inissiat pillugit Inatsisartut Peqqussutaat nr. 4 20. juni 1989-imeersumut allaassuteqarpata qinnuteqartumut iluarinanngitsunik maleruagassat maannamut atuuttut atorneqassapput, aningaasanik tapersiinissaq neriorsuutigineqarsimappat 1. dscember 1991 nallertinnagu.
Namminersornerullutik Oqajrtussat, ulloq 31. oktober 1991
Lars Emil Johansen/
Kuupik Kleist