Namminersornerullutik Oqartussat nalunaarutaat nr. 41 ulloq 30. december 1991-imeersoq 1992-imi aalisarnermi pisassarititaasut pillugit.
Inuussutissarsiutigalugu aalisarneq pillugu Inatsisartut inatsisaanni nr. 17, 22. oktober 1990-imeersumi, allanngortinneqartukkullu Inatsisartut inatsisaatigut nr. 10, 4. november 1991-imeersukkut, §§-it 4, 8 ,19 aamma 28 naapertorlugit aalaj angerneqarpoq:
Atuuttuuffii
§ 1. Nalunaarut Kalaallit Nunaata aalisarnikkut oqartussaaffigisaanut atuuppoq.
Imm. 2. Kalaallit Nunaata aalisarnikkut oqartussaaffigisaai tassaapput:
1) "Kalaallit Nunaata Avannaata Kitaa", tassaasoq NAFO-p killeqarfiisa ilaasa 1-imik taaguutillip ilaa 71°00'N-ip aamma 72°52,5'N-ip akornanniittoq, 58°00'V-ip kangianiittoq kiisalu 69°30'N-ip aamnia 72°52,-5'N-ip akornanniittoq, 58°00'V kitaaniittoq.
2) "Kalaallit Nunaata Kitaa", tassaasoq NAFO-p killeqarfiisa ilaasa 1-imik taaguutillip ilaa 60°45'N-ip aamma 71°00'N-ip akornanniittoq, 58°00'V-ip kangianittoq kiisalu 60°45'N-ip aamma 69°30'N-ip akornanniittoq, 58°00'V-ip kitaaniittoq.
3) "Kalaallit Nunaata Kangia", tassaasoq ICES-ip killeqarfiisa ilaat II-mik, V-imik, XXI-imilk XVI-imillu taaguutilli t, Kalaallit Nunaata aalisarnikkut oqartussaaffigisaaniittut.
4) "Basisliniat" (tunngaviusumik killigititat) statsministeriaqarfiup nalunaarutaani nr. 629-imi 2. december 1976-imeersumi, Kalaallit Nunaata aalisarnikkut oqartussaaffigisai pillugit nalunaarummi nr. 176-imi 14. maj 1980-imeersumi aamma nr. 637 6. september 1991-imeersumi aalajangersarneqarsimapput.
Pisassat
§ 2. Aalisakkanit ilanngussarri taaneqartunit 1992-imi pisassarititaasut tamakkerlugit (TAC) aalajangersarneqarput ilanngussami kolonne 1-imi takuneqarsinnaasutut.
§ 3. Aalisakkanit ilanngussami taaneqartunit kalaallit aalisariutaataat inimssutissarsiutigalugu aalisarneq pillugu Inatsisartut inatsisaanni § 5 naapertorlugu ilanngussami kolonne 2-mi pisassarititaasutut taaneqartunit amerlanerusunik 1992-imi pisaqarsinnaatitaanngillat. Aalisarneq tassani piumasarineqartut malillugit ingerlanneqassaaq.
§ 4. Angallatit Savalimmiuni nalunaarsorneqarsimasut ilanngussami kolonne 3-mi pisassarititaasutut taaneqartut 1992-imi kisiisa pisarisinnaavaat, tassanilu piumasaqaatigineqartut kisiisa naapertorlugit.
§ 5. Angallatit nunani EF-imut ilaasortaasuni nalunaarsorneqarsimasut ilanngussami kolonne 4-mi pisassarititaasutut taaneqartut 1992-imi kisiisa pisarisinnaavaat, tassanilu piumasaqaatigineqartut kisiisa naapertorlugit.
§ 6. Angallatit Norgemi nalunaarsorneqarsimasut ilanngussami kolonne 5-mi pisassarititaasutut taaneqartut 1992-imi kisiisa pisarisinnaavaat, tassanilu piumasaqaatigineqartut kisiisa naapertorlugit.
§ 7. Angallatit allat §§ 3-6-inii taaneqanngitsut ilanngussami kolonne 6-mi pisassarititaasutut taaneqartut 1992-imi kisiisa pisarisinnaavaat, tassanilu piumasaqaatigineqartut kisiisa naapertorlugit.
§ 8. Naalakkersuisunut ilaasortap angallatinut §§ 4-7-mi taaneqartunut pisassarititaasutut akuersissutit tunniussaasa amerlassusaat atuunnerisalu sivisussusissaat pisassat tamarmiusut annertussusissaannut naapertuutissapput, agguaassinerlu angallatit taaneqartut aalisarsinnaasaat eqqarsaatigalugit pissalluni.
Aalisarunnaarneq
§ 9. Ilanngussami pisassarititassatut allanneqarsimasut tamakkerlugit aalisarneqarpata Naalakkersuisunut ilaasortap aalisakkanik pineqartunik aalisarneq unitsissavaa aalisakkanit assigiinngitsunit angallatinit §§ 3-7-imi taaneqartunit pisarineqartut tunngavigalugit.
Imm. 2. kalaallit angallataasa § 5 naapertorlugu aalisarunnaarnissaat radiokkut tusagassiutitigullu nalunaarutigineqassaaq.
Imm. 3. Angallatit §§ 4-7-imi pineqartut aalisarunnaarnissaat telexikkut telegrammikkulluunniit angallammut pineqartumut kilisaataatileqatigiinnulluunniit nalunaarutigineqassaaq. Angallatinut § 5-imi pineqartunut nalunaarutip assinganik EF-kommissionimut nassiussisoqassaaq.
Imm. 4. Naalakkersuisunut ilaasortamit piffissaliunneqartoq eqqorlugu angallatit aalisarunnaassapput.
Saniatigut pisat pillugit maleruagassat.
§ 10. Angallatinut §§ 3-7-imi pineqartunut Kalaallit Nunaata Kitaani Kangianilu saarullinniarsinnaatitaasunut nataarnarsiarsinnaatitaasunulluunniit saniatigut pisat pillugit maleruagassat makku atuupput (ilanngussaq naapertorlugu):
1) Kalaallit Nunaata Kitaani Kangianilu saarulliit pisassarititaasut tamakkerneqarpata angallatit pineqartut sumiiffmni taaneqartuni aalisakkanik allanik aalisarnerminni saniatigut pisatut saarullinniarsinnaajunnaassapput.
2) Kalaallit Nunaata Kitaani Kangianilu nataarnat pisassarititaasut tamarmiusut pisarineqarpata angallatit pineqartut sumiiffmni taaneqartuni aalisakkanik allanik aalisarnerminni saniatigut pisatut nataarnarniarsinnaajunnaassapput.
Imm. 2. Angallatinut §§ 3-7--imi pineqartunut Kalaallit Nunaata Kitaani Kangianilu saarullinniarsinnaatitaanngitsunut nataarnarniarsinnaatitaanngitsunulluunniit saniatigut pisat pillugit maleruagassat makku atuupput, ilanngussaq naapertorlugu:
1) Angallatit natersiutinik qalorsuarsortut eqqarsaatigalugit saarulliit saniatigut pisat immikkoortiterneqareernerinilu angallammiitiinnarneqartut suluppaagartarisimasat oqimaassusiisa 10%-ii aamma aalisakkat allat oqimaassusiisa 3%-ii sinnersimassanngilaat.
2) Angallatit ningittagarsortut eqqarsaatigalugit saarulliit saniatigut pisat immikkoortiterneqareernerinilu angallammiitiinnarneqartut nataarnartarisimasat oqimaassusiisa 10%-ii aamma aalisakkat allat oqimaassusiisa 3%-ii sinnersimassanngilaat.
3) Nataarnat saniatigut pisat immikkoortiterneqareernerinilu angallammiitiinnarneqartut aalisakkat pisarineqartut allat oqimaassusiisa 3%-ii sinnersimassanngilaat.
4) Imm. l)-imi aamma 3)-mi saniatignt pisatut taaneqartut aalisakkat tamarmiusut immikkoortiterneqareernerminni angallamiitiinnarneqartut oqimaassusaasa %-iattut naatsorsorneqartassaaq imaluunniit aalisakkat lastimiittut tamarmik usingiarneqartulluunniit oqimaassusaasa %-iattut. %-inngorlugit naatsorsuineq taanna pisassaaq pisat tamaasa eqqarsaatigalugit ataasiarluni arlaleriarluniluunniit misissugassanik tamakkiisumik takutitsisunik misissuinikkut.
5) Aalisarnerup aallartinneraniit siusinnerpaamik nal. ak. 48-it qaangiunnerini saniatigut pisat naatsorsorneqartassapput.
Imm. 3. Angallatit § 3-mi taaneqartut aalisakkanik, taamaallaat akuersissuteqarluni aalisarneqarsinnaasunik, S2.niatigut pisaqarsinnaatitaapput. Angallalli saniatigut pisanik angallammiititaqarsinnaanngilaq, taakku pisat angallammiititat tamakkiisumik oqimaassusaasa 10%-ii (ilivitsuullutik) qaangersimappatigit (annerpaamilli 7,5 tonsi).
Imm. 4. Angallatit §§ 4-7-inii taaneqartut saarulliunngitsunik nataarnaanngitsunillu saniatigut pisaqarsinnaatitaapput, nunat pineqartut aalisakkanik taakkuninnga pisassinneqarsimanngikkaluartulluunniit. Angallalli saniatigut pisanik angallammiititaqarsinnaanngilaq, taakku pisat angallammiititat tamakkiisumik oqimaassusaasa 10%-ii (ilivitsuullutik) qaangersimappatigit (annerpaamilli 7,5 tonsi).
Imm. 5. Saniatigut pisat inerteqqutaasut saniatigullu pisat annertussusissanik immikkoortuni 2-mi, 3-mi 4-milu taaneqartunik sippuisut angallammiitiinnarneqaqqusaanngillat, ingerlaannarli avalatseqqinneqassallutik.
Pineqaatissiissutaasinnaasut.
§ 11. Nalimaarummi aalajangsrsakkanik unioqqutitsinerit akiliisitaanermik kinguneqarsinnaapput. Tamanna pillugu suliassat nalinginnaasumik inuussutissarsiutigalugu aalisarneq pillugu Inatsisartut inatsisaanni maleruagassat malillugit suliarineqartassapput.
Atuutilerfissaa
§ 12. Nalunaarut atuutilissaaq 1. januar 1992.
Imm. 2. Tamatumunnga peqatigitillugu aalisarnermi pisassarititaasut pillugit nalunaarut nr. 53, 28. december 1990-imeersoq aalisarnermi pisassarititaasunut tunngasoq atorunnaarsinneqarpoq.
Namminersornerullutik Oqartussat, ulloq 30. december 1991
Kaj Egede/
Jørn Graversen