Namminersornerullutik Oqartussat nalunaarutaat nr. 39 ulloq 30. december 1991-imeersoq saarullinniarluni suluppaagarniarlunilu aalisarneq pillugit.

Inimssutissarsiutigahigu aalisarneq pillugu Inatsisartut inatsisaanni nr. 17, 22. oktober 1990-imeersumi, allanngortinneqartukkullu Inatsisartut inatsisaatigut nr. 10, 4. november 1991-imeersukkut, §§8 aamma 9, § 11, imm. 2, § 17 aamma §§ 28-33 naapertorlugit aalajangersarneqarpoq:

 

§ 1. Nalunaarut Kalaallit Nunaata aalisarnikkut oqartussaaffigisaani suluppaagarniarluni saarullinniarlunilu inuussutissarsiutigalugu aalisarnermut, ingerlanneqartumullu inuussutissarsiutigalugu aalisarneq pillugu inatsimmi § 5 naapertorlugu inunnit ingerlatseqatigiiffmnillu angallatit Kalaallit Nunaannersut atorlugit, atuuppoq.

§ 2. Angallatit 75 BRT-it sirinerlugilluunniit imaluunniit 120 BT-t sin nerlugilluunniit (angallatip uuttuutai naapertorlugit) angissusillit atorlugit saarullinniarluni suluppaagarniarlunilunniit aalisarneq aalisarsinnaanermut akuerineqarsimanissamik piumasaqaatitaqarpoq.
Imm. 2. Aalisarsinnaanermut akuersissut piffissamut aalajangersimasumut tunniunneqartarpoq, pisarisinnaasat qummut killilerneqarsimanatik.
Imm. 3. Aalisarsinnaanermut akuersissut aalisarnermut piumasaqaatinik erseqqinnerusunik imaqarsinnaavoq.
Imm. 4. Aalisarsinnaanermut akuersissut piumasaqaatitaqarsinnaavoq pisat ilaasa aalajangersimasut nunami tunisa.ssiorfmni suliareqqitassatut tulaanneqartarnissaannik, taamalu aamma piumasaq2.atitaqarsinnaalluni nunamut tulaassassat tunisassiorfinnut aalajangersimasunut lulaanneqartarnissaannik.

§ 3. Angallammi sumiluunniit aqumiut minnerpaamik 60%-ii inuttallu allat tamarmik
1) inuiaqatigiinnut kalaallinut aalajangsrsimasumik attuumassuteqartussaapput,
2) Kalaallit Nunaanni najugaqavissutul: inuit nalunaarsorsimaffianni nalunaarsorsimassallutik, ukiunilu kingullerni marlunni ataavartumik nalunaarsorsimasimassallutik, aamma
3) tamakkiisumik Kalaallit Nunaannut akileraartartuussallutik, ukiunilu ilivitsuni kingullerni marlunni ataavartumik tamakkiisumik akileraartartuusimassallutik.
Imm. 2. Tamatumunnga atatillugu inuttat uku "aqumiutut" paasineqassapput:
1) Naalagaq,
2) aquttut,
3) igasoq/hovmesteri,
4) trawlbasi aamma
5) fabrikimi pisortaq sulinermillu siulersuisoq (formandi).
Imm. 3. Maskinaqarfimmi pisortaq maskinmesterillu imm. 1-imi aalajangersakkanut ilaatinneqanngillat.
Imm. 4. Imm. 1-imili nr. 2)-rni 3)-milu aalajangersakkat atortinneqassanngillat pineqartoq piffissami pineqartuni Kalaallit Nunaata avataaniissimapput aalisarnerup iluani ilinniagaqarnerminut atatillugu.
Imm. 5. Naalakkersuisut immikkut pissutissaqartillugu - soorlu nunami tunisassiorfiit pilersorneqarnerisa qulaiíkeerneqarnissaat eqqarsaatigalugu - maleruagassanit imm. 1-imi taaneqartunit allaanerusunik aalajangersaasinnaapput.

§ 4. Aalisarnermi maleruagassanik imaluunniit aalisarsinnaanermut akuersissuteqarnermut piumasaqaatinik unioqqutitsinerit, akuersissummik atuisinnaatitaanermik killiliinermik kinguneqarsinnaapput, taamatullu aamma pinartunik pisoqartillugu unioqqutitsisoqaqqitsilluguluunniit aalisarsinnaatitaanermik arsaarneqarnermik. Tamanna pillugu Naalakkersuisut aalajangiissapput, aalajangiinerlu nalunaarutiginninnermit ullut 15-it qaangiutsinnagit Kalaallit Nunaanni Landsretimut suliassanngortinneqarsinnaalluni.

§ 5. Aalisarsinnaanermut akuersissut allanut atugassanngortinneqarsin naanngilaq.
Imm. 2. Aalisarsinnaanermut akuersissut atorunnaassaaq,
1) inuk aalisarsinnaanermut akuersissummik pigisaqartoq toquppat,
2) ingerlatseqatigiiffik aalisarsinnaanermut akuersissummik pigisaqartoq atorunnaarsinneqarpat, imaluunniit
3) angallat aalisarsinnaanermut akuersissummik pigisalik tunineqarpat umiuppalluunniit.
Imm. 3. Aalisarsinnaanermut akuersissummik tunniussinermi tunngavigineqartuni allannguutit, taakkununnga ilanngullugit piginneqataallutik tunuliaqutaasut allanngorneri, aalisarnermut allamut angallatip aalisarsinnaanermut akuersissummik pillip attartortinneqarallarneri il.il., akuerisassanngorlugit Naalakkersuisunut ilaasortamut saqqummiunneqartassapput.

§ 6. Nalunaarummi matumani aalajangersakkanik unioqqutitsinerit akiliisitaanermik kinguneqarsinnaapput. Tamanna pillugu suliassat nalinginnaasumik inuussutissarsiutigalugu aalisarneq pillugu Inatsisartut inatsisaanni maleruagassat malillugit suliarineqartassapput.

§ 7. Nalunaarut atuutilissaaq 1. januar 1992.

Namminersornerullutik Oqartussat, ulloq 30. december 1991

Kaj Egede

/

Jørn Graversen