Namminersornerullutik Oqartussat nalunaarutaat nr. 38 ulloq 30. december 1991-imeersoq piniarnermut aallaaniarnermullu allagartanut tunngasoq.

Inatsisartut inatsisaanni nr. 12-imi 22. november 1990-imeersumi inuutissarsiutigalugu aalisarnermut tunngasumi, § 3. imm. 3. tunngavigalugu aalajangerneqarpoq:

 

§ 1. Piniarsinnaanermut aallaaniarsinnaanermullu allagartaq 1986-imi, 1987-imi, 1988-imi, 1989-imi 1990-imiluunnilt atorunnaarsimappat 1. januar 1992 tikitsinnaguluunniit atorunnaarsimappat, allagartap atortinneqarsinnaaffia - una nalunaarut tunngavigalugu - 1. januar 1993-imut sivitsorneqassaaq.

§ 2. Piniarnermut aallaaniarsinnaanernullu allagartat 1986-imi, 1987-imi, 1988-imi, 1989-imi 1990-imi, 1991-imi kiisalu 1. januar 1992-iutinnagu atortunngortinneqartussat 12. januar 1993-ip tungaannaanut atortuusinnaapput.

§ 3. Nalunaarut atortuulersinneqarpoq 1. januar 1992.
Imm. 2. Taanna ilutigalugu Namminersornerullutik Oqartussat nalunaartutaat nr. 21 26. juni 1991-imeersoq aalisarnermut, piniarnermut aallaaniarsinnaanermullu tunngasoq atorunnaarsinneqarpoq.

Namminersornerullutik Oqartussat, ulloq 30. december 1991

Kaj Egede

/

Jørn Graversen