Namminersornerullutik Oqartussat imigassanik aalakoornartulinnik nioqquteqarnermut sassaallertarnermullu piffissarititaq pillugu nalunaarutaat nr. 36, 19. december 1991-imeersoq.

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni § 23-mi imm. 11) aamma § 24 malillugu aalajangersarneqarput:

 

§ 1. Imigassanik aalakoornartulinnik nioqquteqarneq pisassaaq ataasinngornermiit tallimanngorneq ilanngullugu nal. 12.00-imiit nal. 18.00-imut, arfininngornikkut nal. 11.00-imiit 13.00-imut.
Imm. 2. Imm. 1-imi aalajangersakkat taamaakkaluartut nalliuttuni, juulliaqqami, ukiutoqqami, kunngit pingasuni kiisalu ullormi Kalaallit Inuiattut Nalliuttorsiorfianni imigassanik aalakoornartulinnik nioqquteqartoqassanngilaq.

§ 2. Imigassanik aalakoornartulinnik sassaallerneq pisassaaq ullut tamaasa nal. 12.00-p nal. 24.00-llu akornanni, tallimanngornikkulli arfininngornikkullu kiisalu ukiutoqqami nal. 01.00-imut.
Imm. 2. Imm. 1-imili aalajangersagaq taamaakkaluartoq juullerujussuarmi, tallimanngornermi tannaartumi, påskip aamma pinsip ulluanl sassaallertoqartassanngilaq. Ukiutoqqami, kunngit pingasut ulluanni kiisalu ullormi Kalaallit Inuiattut Nalliuttorsiorfianni sassaallerneq aatsaatnal. 18.00-imiit aallartittassaaq. Juulliaqqami taamaallaat sassaallertoqartassaaq nal. 18.00-imiit nal. 21.00-imut.
Imm. 3. Imm. 1-imi aamma 2-mi aalajangersakkat atuupput aalajangersimasumik imigassallernissamut akuersissummik pigisaqarneq, tak. inatsimmi § 5, imaluunniit ullormut aalajangersimasumut akuersissuteqarfigineqarsimaneq, tak. inatsimmi § 15, apeqqutaatinnagit.

§ 3. Nalunaarummi matumani aalajangersakkanik unioqqutitsineq akiliisitsissutaasinnaavoq, tak. inatsimmi § 24 imm. 3.

§ 4. Nalunaarut manna atulerpoq 1. januar 1992-imi nal. 00.00 aallarnerfigalugu, atuutissallunilu 1993-imi januarip aallaqqaataa tikillugu. Atortuulersitsinermut peqatigitillugu Namminersornerullutik Oqartussat imigassanik aalakoornartortalinnik nioqquteqarneq sassaallertarnerlu pillugit nalunaarutaat nr. 29 13. november 1985-imeersoq atorunnaarsinneqarpoq.

Namminersornerullutik Oqartussat, ulloq 19. december 1991.

Henriette Rasmussen

/

Enid Riemenschneider