Kommunit 1992-imi nunaqarfinni sanaartornermi ataatsimoorluni aningaasaateqarfimmut tapiissutaat pillugu Namminersornerullutik Oqartussat Nalunaarutaat nr. 35, 2. december 1991-imeersoq.

Nunaqarfiit innaallagissamik pilersorneqarneri pillugit Inatsisartut inatsisaanni nr. 10 §§ 10 aamma 11, 28. oktober 1985-imeersoq naapertorlugu aalajangersarneqarpoq:

 

§ 1. Nunaqarfinni innaallagissamik pilersuinermi sanaartugassanut aningaasaliisarnermi aningaasartuutinik assigiissaarinermi, 1992-imi kommunit ataani taaneqartut ataatsimoorluni aningaasaateqarfimmut ima tapiissuteqarniarput:

Nanortalik	245.700
Qaqortoq	285.300
Narsaq	169.300
Ivittuut	15.900
Paamiut	201.100
Nuuk	971.600
Maniitsoq	345.500
Sisimiut	398.100
Kangaatsiaq	136.400
Aasiaat	280.000
Qasigiannguit	134.100
Ilulissat	355.100
Qeqertarsuaq	90.100
Uummannaq	241.000
Upernavik	240.100
Avanersuaq	72.400
Tasiilaq	274.200
Ittoqqortoormiit	44.100

Imm. 2. Akiliut, Grønlandsbank-imut reg.nr. 6471, konto nr. 180809-2 -mut qaammatit tamaasa 1/12-imik, qaammatini taakkunani kommuninut tapiissutinik ilanngaasarnikkut akilerneqartassaaq.
Imm. 3. Imm. 2 malillugu akiliutaasup qaammammut kommuninut tapiissut sinnersimappagu tapiissummut sinnerussimasoq, qaammammi pineqartumi aningaaseriviup ammaffiisa ulluisa aappaanni, konto-mut imm. 2-mi pineqartumut akilerneqartassaaq.

Namminersornerullutik Oqartussat, ulloq 2. december 1991.

Kuupik Kleist

/

Margrethe Sørensen