Nunaqarfigisami radiukkut fjernsynikkullu aallakaatitsisarneq pillugu Namminersornerullutik Oqartussat nalunaarutaat nr. 34 ulloq 26. november 1991-meersoq.
Radiukkut fjernsynikkullu aallakaatitsisarneq pillugu Inatsisartut peqqussutaanni nr. 3-mi 17. maj 1990-imeersumi § 18, imm. 2 aamma 4, § 24 aamma § 34, imm. 2 naapertorlugit aalaj angersarneqarput:
Kapitali 1.
Nunaqarfigisami aallakaatitsisinaanermut akuersissut.§ 1. Kultureqarnermi,Ilinniartitaanermi Suliffeqarnermilu Pisortaqarfiup, tak. peqqussummi kapitali 3-mi, § 18, imm. 1, selskabit, peqatigiiffiit assigisaallu kommunillu akuerisinnaaval radioqarfiit aqqutigalugit nunaqarfigisami radiukkut í jernsynikkullu aallakaatitsisarnissaannut.
Imm. 2. Akuersissut allagarserneqartinnagu qinnuteqaat oqaaseqarfigisassanngorlugu kommunalbestyrelsimut aamma TELE Attaveqaatinut nassiunneqassaaq. Inoqarfinni kommuneqarfiit avataanniittuni qinnuteqaat oqaaseqarfigisassanngorlugu Innuttaasut Siunnersuisoqatigiivinut aamma TELE Attaveqaatinut nassiunneqassaaq. Tamakkua saniatigut qinnuteqaat oqaaseqarfigisassanngorlugu KNR-mut nassiunneqassaaq.
Imm. 3. Pisortaqarfiup qinnuteqaatit suliarinerini qularnaallilerniartassavaa aallakaatitassiat tamarmik tamatigoortuusarnissaat, tak. peqqussummi § 19, imm. 2-mi oqaaseqatigiit aappaat.§ 2. Akuersissummik piniarluni qinnuteqaatit allattuiffissiamut Kultureqarnermi, Ilinniartitaanermi Suliffeqarnermilu Pisortaqarfimmit suliarineqartumut allanneqassapput. Pisortaqarfiup qinnuteqaatit nassiunneqarfissaat piffissaniik killiliiffigisinnaavai.
Imm. 2. Akuerineqarnissamik qinnuteqaatini, tak. peqqussummi § 19, imm. 2-mi oqaaseqatigiit siulliit, aallakaatitassiortarnissaq allaaserineqassaaq, tassunga ilanngullugit aallakaatitat qanoq aaqqissorneqarnissaat imarisaallu, oqaatsit qanoq agguataarnerat, aallakaatitat siammartarfiat piffisnallu aallakaatitsiviusartussat.
Imm. 3. Qinnuteqaatit qinnuteqartup piginnittuuneranut tunngasunik, siulersuisunik imaluunniit aqutsisunik, suleqatigiinnissamik pilersaarutinik aningaasalersorneqarnerlu pillugit nassuiaatinik ilaqassapputtaaq.
Imm. 4. Qinnuteqaatinut ilanngunneqassapput malittarisassat assigisaalluunnlit, naatsorsuutit kingulliit, atortunut ingerlatsinermullu missingersuutit kiisalu aallakaatitsinermi aallakaatitassiornermilu atortut nassuiaataat.§ 3. Akuersissuteqartoqartassaaq, tak. pequssummi § 19, imm. 1, piffissamut aalajangersimasumut, radiukkut tusarnaagassanut annerpaanrik ukiunik pingasunik fjernsynikkullu isiginnaagassianut ukiunik tallimanik sivisussuseqarsinnaasunik. Nutaamik akuersissuteqaqqittoqarsinnaavoq ukiut akuersiffiusut naanerini.
§ 4. Kultureqarnermi,IlinniartitaanermiSuliffeqarnermilu Pisortaqarfiup akuersinissaminut ilaatigut piumasarisinnaavaa aallakaatitassiornerup qinnuteqaatip imaa naapertorlugu ingerlanneqartarnissaa, tak. peqqussummi § 19, imm. 3.
Imm. 2. Kultureqarnermi,Ilinniartitaanermi Suliffeqarnermilu Pisortaqarfiup akuersinissaminut piumasarisinnaavaattaaq najugarisami aallakaatitassiornermut naatsorsuutit, malittarisassat, aamma malittarisassat allannguutaat uppernarsaatillu nassiunneqarnissaat. Pisortaqarfiup taakkua nassiunneqarnissaat piffissamik killiliiffigisinnaavaa.§ 5. Aallakaatitsisarnissamut akuerineqarnissamik qinnuteqaatip itigartinneqarneranik Kultureqarnermi, Ilinniartitaanermi Suliffeqarnermilu Pisortaqarfiup aalajangiinera nalunaarutigineqarneranit sapaatit akunneri sisamat qaangiutsinnagit naalakkersuisunut suliassanngortinneqarsinnaavoq.
Kapitali 2.
Allakaatitsissummik pilersitsinissamut ingerlatlatsisinnaanermullu akuersissut.§ 6. Aallakaatitanik radioqarfiit aqqutigalugit siammaasinnaanermut akuersinissamut piumasaqaatigineqarpoq, tak. peqqussummi § 18, imm. 5, radiukkut atassuteqartarnermik inatsit malillugu radiukkut siammaanissamut akuersissuteqartoqarsimanissaa.
Imm. 2. Akuersissut, tak. imm. 1, tiguneqareersimassaaq Kultureqarnermi, Ilinniartitaanermi Suliffeqarnermilu Pisortaqarfiup akuersissutaata nalunaarutigineqarneraniit qaammatit arfinillit qaangiutinnginneranni. Immikkut ittumik pisoqartillugu pisortaqarfiup piffissamut killiliussaq taanna sivitsorsinnaavaa. Taamaanngippat akuersissut atorunnaassaaq.
Kapitali 3.
Aallakaatitassiorneq.§ 7. Aallakaatitassiarineqartartussat tassaassapput nutaarsiassaqartitsinermut, qaammarsaanermut, aliikkusersuinermut eqqumiitsuliornermullu tunngasut. Aallakaatitassianik aaqqissuussinermi pingaartinneqassapput naqisimaneqanngitsumik paasissutissiisinnaatitaaneq oqaaseqarsinnaatitaanerlu. Aallakaatitassiat suliarilluagaallutillu, tamatigoortuullutilluamerlasuujusarnissaat anguniarneqassaaq. Paasissuttissiisarnermi tunngaveqarluartarnissaq nakerisarsiortannginnissarlu pingaartinneqassapput.
§ 8. Aallakaatitassiarineqartartussat sapinngisamik annertunerpaamik imaqartassapput nammineq aallakaatitassianik imaluunniit kalaallit aallakaatitassiaannik allanik.
Imm. 2. Kalaallit oqaasiisa sapinngisamik annertunerpaamik atorneqarnissaat qulakkeerniarneqassaaq.§ 9. Reklamit ilanngussisunillu aningaasalersuisitsineq, tak. peqqussummi § 18, imm. 3, ilanngunneqarsinnaapput radiukkut fjernsynikkullu aallakaatitsisarneq pillugu Inatsisartut peqqussutaanni, kapitali 4-mi, kiisalu Namminersornerullutik Oqartussat reklamit ilanngussisunillu aningaasalersuisitsineq pillugit nalunaarutaanni malittarisassat mald.llugit. Akuersissummik piginnittup, tak. peqqussummi § 21, imm. 3, reklamit ilanngussisunillu aningaasalersuisitsineq pillugit malittarisassat malinneqarnissaat nakkutigissavaa.
Imm. 2. Pinnguaatitunammi sitsinerillui sertitsissutaasinnaasut aallakaatitsirtermut ilaatinneqarsinnaapput.§ 10. Aallakaatitassiarineqartartunut ilanngunneqarsinnaapput aallakaatitat qaammataasakkoortitat, aallakaatillugit
1) toqqaannartumik qaammataasakkoortitsinerup peqatigisaanik imaluunniit
2) piffissaq alla atorlugu.
Imm. 2. Toqqaannartumik aallakaatitsineq aallakaatitat allanngortinnagit ingerlanneqassaaq.
Imm. 3. Toqqaannartumik aamma piffissaq alla atorlugu aallakaatitsinerit kingunerissavaat aallakaatitat aallakaatitassiornermi nammineq suliaasimanngitsut ilaattut isigineqarnissaat.
Imm. 4. Aammattaaq qaammataasaq aqqutigalugu radiukkut atassuteqartarneq pillugu aalajangersakkat atortuusut malillugit qaammateasakkoortitanik tigooraaneq inatsisinut naapertuuttuussaaq taamatuttaarlu aallakaatitassiortumut aallakaatitassianullu oqartussaajunnartunut allanut.§ 11. Akuersissummik plginnittoq pisussaavoq nalunaarutinik piareersimanissaq pillugu innuttaasunut pingaaruteqartunik maleruagassiat, tak. peqqussummi § 18, imm. 6, naalakkersuisunit aalajangersarneqartut malillugit aallakaatitsisarnissamut.
§ 12. Akuersissummik paginnittup, tak. peqqussummi § 20, aallakaatitat tamaasa båndinut immiuttassavai qaammatinilu pingasuni toqqortarisassallugit maleruagassat naalakkersuisunit aalajangersarneqartut naapertorlugit. Suliassap aallakaatitassiornermut tunngasup suliarineqarnerani piginnittoq peqquneqarsinnaavoq aallakaatitanik imiussat tunniutequllugit. Suliassat aallakaatitassiornermut tunngasut suliarineqarnerisa pisariaqartippassuk piginnittoq peqquneqarsinnaavoq båndit toqqortareqqullugit qaammatinit pingasunit sivisunerusumik.
§ 13. Akuersissummik piginnittup, tak. peqqussummi § 21, imm. 1, aallakaatitsinerit tamarmik aallakaatitsinermut akisussaasoqartinneqarnissaat isumagissavaa. Aallakaatitsinermut akisussaasup sapinngisamik ilisimasaqarfiniartassavaa kikkut aallakaatitsinermi peqataasimanersut allatulluunniitt suleqataasimanersut.
Imm. 2. Akuersissummik piginnittup, tak. peqqussummi § 21, imm. 2, isumagissavaa aallakaatitsinerit naammassineri tamaasa kia aallakaatitsinermut akisussaasimanerata nalunaarutigineqarnissaa.
Kapitali 4.
Maalaaruteqarnerit nakkutillinerlu.§ 14. Aallakaatitat reklamilluunniit pillugit Radiumut TV-mullu maalaaruteqartarfimmit saaffiginnissutit maalaaruteqartarfiup piffissaliussarisimasaata iluani suliarineqartassapput.
Imm. 2. Malaaruteqartarfiup aalajangigai ingerlaannavik malinneqartassapput.§ 15. Aallakaatitassiortarneq Kultureqarnermi, Ilinniartitaanermi Suliffeqarnermilu Pisortaqarfiup nakkutigissavaa, tak. peqqussumml § 23, imm. 1, assuarliutigisassallugillu inatsisartut radiukkut fjernsynikkullu aallakaatitsisarnerit pillugit peqqussutaannik, malittarisassanik peqqussut malillugu aalajangersarneqartunik akuersinernilu piumasarisanik unioqqutitsinerit.
Imm. 2. Pisortaqarfiup, tak. peqqussummi § 23, imm. 2, akuersissumik piginnittoq suliffiup ingerlanneqarnera pillugu paasissutissanik tunniusseqqusinnaavaa.§ 16. Kultureqarnermi, Ilinniartitaanermi Suliffeqarnermilu Pisortaqarfiup aktiersissut atorunnaarallartissinnaavaa atorunnaavitsissinnaalluguluunniit, tak. peqqussummi § 23, imm. 3-4, piginnittup
1) akuersissut atunngippagu imaluunniit aallakaatitsisarneq sivisuumik uninngatinneqarsimappat,
2) akuersissummut piumasaqaatit naammassisinnaajunnaarpagit,
3) aallakaatitat immiunnissaat toqqornissaallu pillugit maleruaqqusat imaluunnilt taakku malillugit peqqussutigineqartut, tak. § 12, sumiginnarpagit, imaluunniit,
4) aallakaatitsinermut akisussaasoq pillugu aalajangersagaq, tak. § 13, unioqqutippagu.
Imm. 2. Aammattaaq akuersissut, tak. peqqussummi § 23, imm. 5, atorunnaarallartinneqarsinnaavoq atorunnaavitsinneqarsinnaalluniluunniit unioqqutitsineq § 15 imm. 1-imi, taaneqartoq sualuginarpat imaluunniit unioqqutitsineqakulaarsimappat.§ 17. Akuersissummik atorunnaarsitsinissamik Kultureqarnermi, Ilinniartitaanermi Suliffeqarnermilu Pisortaqarfiup aalajangiinera, tak. peqqussummi § 23, imm. 6, nalunaarutigineqarneranit sapaatit akunneri sisamat qaangiutsinnagit naalakkersuisunut suliassanngorteqquneqarsinnaavoq. Naammagittaalliut naalakkersuisut allamik aalajangiisimanngippata kinguartitsissutigineqassaaq.
Kapitali 5.
Pineqaatissiinerit.§ 18. Nalunaarummi § 14-imik unioqqutitsinerit akiliisitsissutaasinnaapput. Aammattaaq peqqussummi § 34, imm. 1, nr. 4, naapertorlugu Radiumut TV-mullu maalaaruteqartarfiup peqqussutaanik sumiginnaanermut akiliisitsisoqarsinnaavoq.
Imm. 2. Aktieselskabit, anpartsselskabit, andelsselskabit, peqatigiiffiit assigisaalluunniit unioqqutitsisimappata peqqussummi § 34, imm. 3, malillugu taakku pillaammik akiliisitassanngortinneqarsinnaapput. Kommuni imaluunniit komnunit ataatsimoortut, tak. kommunalbestyrelsit bygderådillu il.il. pillugit Inatsisartut inatsisaanni § 57, unioqqutitsisuusimappata, aalajangersagaq taanna malillugu kommune imaluunniit kommunit ataatsimoortut akiiliisitassanngortinneqarsinnaapput.
Kapitali 6.
Atulersitsineq.§ 19. Nalunaarut una 15. december 1991-imi atulissaaq.
Imm. 2. Tamanna peqatigalugu nunap ilaani namminersortut oqartussalluunniit radiukkut fjernsynikkullu aallakaatitsinissamut akuerineqarsinnaanerat pillugu Namminersornerullutik Oqartussat nalunaarutaat nr. 2, 27. januar 1981-imeersoq, Namminersornerullutik Oqartussat nalunaarutaatigut nr. 10-kkut, 29. marts 1989-imeersukkut allanngortinneqartoq atorunnaarsinneqassaaq.
Namminersornerullutik Oqartussat, 26. november 1991
Marianne Jensen/
Aqigssiaq Møller