Kalaallit Nunaata avataani ilinniagaqarnermut tapiissutisiaqarluni annertunerusumik ilinniagaqarsinnaaneq pillugu Namminersornerullutik Oqartussat Nalunaarutaat nr. 33, 22. november 1991-imeersoq.
Inuutissarsiutitigut ilinnlartitaaneq, ilinniagaqarnermut tapiissutit, inuussutissarsiutinullu tunngasunik siunnersuineq pillugit Inatsisartut peqqussutaanni nr. 1-imi, 4. maj 1990-imeersumi § 1, imm. 3 aamma § 7, imm. 2 naapertorlugit aalajangersarneqarput:
Aalajangersakkat assigiinngitsut
§ 1. Ilinniaqqinneq Nalunaarummi matumani pineqartoq tassaavoq annertunerusumik ilinniartitaaneq, GU-mi imaluunniit HF-imi soraarummeereersimanissamik taamaaqataanilluunniit soraarummeer simanissamik ilinniagaqarfiusussap piumasaqaateqarfigisaa.
§ 2. Qinnuteqartup Kalaallit Nunaata avataani ilinniaqqinnissamut Namminersornerullutik Oqartussanit ilinniagaqarnermut tapiifiigineqassaguni piumasarisat Inatsisartut peqqussutaanni taaneqartut saniatigut:
1 ) ilinnialernissamut piumasaqaataasut ataani taaneqarsimasut eqqortissimasariaqarpai, aamma
2) ilinnialernissamut Namminersornerullutik Oqartussat aqqutigalugit akuerineqarsimasariaqarluni.
Imm. 2. Taamaallaat pissutsini immikkut illuinnartuni Namminersornerullutik Oqartussat peqataaffiginngisaannik Kalaallit Nunaata avataani ilinniagaqalersussanut tapiissutisiaqartitsisoqarsinnaavoq. Tamanna atuuppoq qinnuteqartup ilinnialernissamut piumasaqaataasut eqqortissimagaluarpagilluunniit.§ 3. Naalakkersuisoqarfiup aalajangersinnaavaa Danmarkimi nunaniluunniit allani annertunerusumik ilinniarnerit aalajangersimasut suut ilinniarfimmi ataatsimi arlalinniluunniit Namminersornerullutik Oqartussanit tapiiffigineqarluni ingerlanneqarsinnaanersut.
§ 4. Ilinniagaqarfiusumut aalajangersimasumut Namminersornerullutik Oqartussanit tapiissutisiaqaataasumut qinnuteqarsimasut tiguneqarsinnaasut amerlassusissaat Naalakkersuisunit aalajangerneqassaaq.
Danmarkimi ilinniaqqikkiartornissamut piumasagaataasut.
§ 5. Namminersornerullutik Oqartussat aqqutigalugit Danmarkimi annertunerusumdk ilinniagaqarnissamut qinnuteqartoq tiguneqarnissamut Kalaallit Nunaanni Ilinniarnertuunngorniat Ilinniarfianni atuarnerminik naammassinnissimassaaq tassanilu soraarummeernermini angusisimassalluni, kiisalu angusimassallugit
1) agguaqatigiissillugu minnerpaamik 8,0
2) fagini qinigassani immikkut ittuni tamani karakterit agguaqatigiinneranni minnerpaamik 8, tak. imm. 2, kiisalu karakterini immikkut ittunut agguaqatigiissitsissummik karakteriliunneqartussap naatsorsornerani karakteri ilaatinneqartussaq minnerpaamik 6 angusimassallugu.
Imm. 2. Kultureqarnermi, Ilinniartitaanermi Suliffeqarnermilu Pisortaqarfiup aalajangertassavaa fagit toqqagassat suut aalajangersimasumik ilinniagaqaqqinnissamut piumasarineqassanersut. Fagit toqqagassat immikkut ittut ilinniarfimmit imaluunniit Pisortaqarfimmit pisariaqartutut isigineqarsimasinnaapput.
Imm. 3. Nalakkersuisunut ilaasortap aalajangersinnaavaa ilinniartitaanernut: aalajangersimasunut qinnuteqartut fagimi Kalaallit oqaasiini A-mik qaffasissusilimmi karakterimik minnerpaamik 6-imik angusaqarsimanissaat.
Imm. 4. Pisortaqarfiup ilinniartunngortitsineq tunngaveqartissinnaavaa gymnasiamut naapertuuttumik allamik ilinniagaqarsimanermut, tassani angusarisat piumasarisanut imm. 1-imi taaneqartunut naapertuuppata.
Imm. 5. Pisortaqarfiup qinnuteqaatini immikkut isigineqarsinnaasuni piumasarisat imm.l, nr. 1-2-mi, piumasarineqartut ilaat ataaseq arlallilluunniit sanioqqussinnaavai qinnuteqartoq allat aqqutigalugit piumasarineqartunut naapertuuttumik piginnaassuseqalersimappat.§ 6. Soraarummeernermi angusarisimasassat § 5-imi piumasarineqartutut taaneqartut saniatigut piumasarineqassaaq ilinniagaqarniarluni qinnuteqartup ilinniarnissamut qanoq piukkunnaateqartiginera pillugu nalunaarut, tassunga ilanngullugit ilinniagaqarniartup:
1) ilinniarnertuunngorniarfimmi taamaaqataaniluunniit imaluunniit annerusumik ilinniagaqarfimmi ilinniarnerminik maannamut qanoq aallussisimatiginera,
2) imminut ilinniartinnissamut aamma Kalaallit Nunaata avataani najugaqarnissamut qanoq inerisimatigissusia aamma
3) inooqatigiinnermi pissutsinut nutaanut qanoq naleqqussarsinnaatigissusia.
Imm. 2. Nalunaarutip qanoq suliarineqarnissaa pillugu maleruagassat Pisortaqarfiup aalajangersassavai.
Imm. 3. Nalunaarut tunniunneqassaaq ukiumi qinnuteqarfiusumi 15. januar nallertinnagu, tunniunneqassaarlu, tak. imm. 1, nr. 1, ilinniarfimmit qinnuteqartup ilinniarfigisaanit.
Imm. 4. Nalunaarut pissutsit naapertorlugit ilinniagaqarfiusumit allamit tunniunneqarsinnaavoq.§ 7. Pisortaqarfiup ilinniagaqarnissamut qanoq piukkunnaateqartiginermik nalunaarummik piumasarineqartoq malinngissinnaavaa ilinniagaqarniartoq qinnuteqarnermi nalaani ilinniagaqarfimmut attuumassuteqarsimanngippat imaluunniit ilinniagaqarfiusoq Kalaallit Nunaata avataaniittoq nalunaarummik tuniussaqarumanngippat. Taamaakkaangat ilinniagaqarnissamut qanoq piukkunnartigissuseq Pisortaqarfiup nalilertassavaa.
§ 8. Pisortaqarfiup qannuteqaatini immikkut isigineqarsinnaasuni ilinniarnertuunngorniat ilinniarfianni ilinniarsimanissamik piumasaqaat malinngissinnaavaa, ilinniartitaanissaq qinnutigineqartoq pillugu aalajangersagaqarsimappat inuussutissarsiutitigut ilinniartitaaneq ilinniartunngortussatut tiguneqarsinnaanermut pissutaasinnaasoq.
§ 9. Pisortaqarfiup § 5, imm. 5-mi aamma § 7-mi malillugit nalilersuisarnerini ilaassapput ilinniagaqarniartup inuussutissarsiutitigut maannamut suliaqarnermini misilittagarisai.
Nunani allani ilinniaqqikkiartornissamut piumasaqaataasut
§ 10. Nunani Avannarlerni allani ilinniaqqikkiartorluni tiguneqarnissamut aallaaviusussaapput Danmarkimi ilinniagaqarnissamut piumasaqaataasut assingi.
Imm. 2. Pisortaqarfik piumasaqaatinik allanik aalajangersaasinnaavoq.§ 11. Nunat Avannarliit avataanni ilinniaqqinnissamut tiguneqarnissami piumasarisat naalakkersuisunut ilaasortamit aalajangersarneqassapput.
Imm. 2. Imm. 1-imi piumasarisat aalajangerneqartassapput ilinniagaqarniartut ilinniarnissartik naammassisinnaassappassuk pisariaqartutut naatsorsuutigineqartut tunngavigalugit.
Atortuulersitsineq.
§ 12. Nalunaarut atulerpoq 1. januar 1992, atussallunilu ullup taassuma kingornagut ilinniartunngortinneqartartussanut.
Imm. 2. Qinnuteqartut atortuulersitsinerup siornagut ilinniarnertuunngorniarfimmi imaluunniit allami, qinnuteqarnermi akuerineqarnissamut tunngaviusinnaasumi, ilinniarsimasut taakkunanilu soraarummeernermi angusisimasut ilinniartunngortussatut tiguneqartassapput pisinnaassuseqarfeqalersimanerat inuussutissarsiutitigullu suliaqarnermi misilittagaqalersimanerat tunngavigalugu, tak. § 5, imm. 5, § 7 aamma § 9.
Imm. 3. Ilinniartitaanermut Pisortaqarfiup Danmarkimi ilinniaqqikkiartornissanut tapiissutisiaqaataasinnaasunut akuerineqassagaanni piumasaqaatit pillugit kaajallaasitaani 3/90 10. januar 1990-imeersumi, fagit qinigassat pillugit immikkoortoq 6 atortuussaaq kaajallaasitakkut nutaakkut atorunnaarsinneqarnissami tungaanut.
Namminersornerullutik Oqartussat, 22. november 1991.
Marianne Jensen/
Aqigssiaq Møller