Umiarsuarmi maskinistissatut ilinniartitaaneq pillugu Namminersornerullutik Oqartussat nalunaarutaat nr. 30, 16. oktober 1991-imeersoq.
Inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit Inatsisartut peqqussutaanni nr. 1-imi 4. maj 1990-imeersumi § 1 naapertorlugu aalajangersarneqarput:
Kapitali 1.
Nassuiaat.§ 1. "Umiartornermik inuutissarsiuteqarnermut inatsit" nalunaarummi uani pineqartoq tassaavoq umiartornermik inuutissarsiuteqarnermut inatsit Folketingimit aalajangersarneqartoq sukkulluunniit atortuusoq, tak. inatsimmik nalunaarut kingulleq nr. 372, 31. maj 1990-imeersoq.
Imm. 2. "Maskinmesterissanikilinniartitsineqpillugu inatsit" nalunaarummi uani pineqartoq tassaavoq tamatuminnga inatsit Folketingimit aalajangersarneqartoq sukkulluunniit atortuusoq, tak. inatsit kingulleq nr. 350, 1. juli 1988-imeersoq.
Imm. 3. "Søfartsstyrelsen" (umiartornermut siulersuisoqarfik) nalunaarummi uani pineqartoq tassaavoq inatsisit imm. 1-imi 2-milu taaneqartut naapertorlugit maskinmesterissanik ilinniartitsineq pillugu erseqqinnerusunik maleruagassaliortartussanngortitaasoq.
Imm. 4. "Pisortaqarfik" nalunaarummi uani pineqartoq tassaavoq Namminersornerullutik Oqartussani Kultureqarnermi, Ilinniartitaanermi Suliffeqarnermilu Pisortaqarfik.
Kapitali 2.
Siunertaa sivisussusialu.§ 2. Umiarsuarnimaskinistissanikilinniartitsinerup ilinniartut piginnaanngorsassavai umiarsuarni niuffagiutini aalisariutinilu kiisalu nunami teknikkikkut atortorissaarutinik atortulersuutinillu allanik ingerlatsisinnaalerlutillu aserfallatsaaliuisinnaalernissaannut.
Imm. 2. Ilinniartitsinerup ilinniartut ilisimasaqalersissavai atortorisanik elektricitetimut, maskiinanut, nukissiuutinut allanngoriartortarnernullu tunngasunut, taamaalilluni atortorisat tamakkua ingerlatsinermi aningaasanik atorluaanissaq, ingerlatsinermi isumannaatsuunissaq, sulinermi isumannaatsuunissaq qalikkullu avatangiisit eqqarsaatigalugit annertunerpaamik iluaqutigineqarsinnaanissaat qulakkeerneqarsinnaaqqullugu.§ 3. Ilinniartitsineqatuagarsorluniilisimaqqaagassanik pisariaqartunik tunngavissaqalersitsissaaq umiartornermik inuutissarsiuteqarnermut inatsit malillugu maskiinalerisutut annertut umiartornermik inuutissarsiuteqarnermut uppernarsaammik pissarsinissamut. Ilinniartitsineq taamaalilluni pisariaqartumik tunngavissaqalersitsissaaq maskinmesterinngorniarluni ilinniaqqinnissamut, tak. § 1, imm. 2.
§ 4. Ilinniartitaaneq sivisussuseqarpoq ukiup aappaa avillugu atuarfimmiinnermik aamma Søfartsstyrelsip aalajangigaanik sivisussusilimmik umiarsuarni avataasiutiniissimanermik imaluunniit nunami sulisinneqarsimanermik.
Kapitali 3.
Tiguneqarnissamut patsisissaatitat.§ 5. Ilinniartitaanermut tiguneqarsinnaapput inuit
1) saviminilerinerup iluani suliamik sungiusarsimasutut uppernarsaammik pigisaqartut,
2) umiarsuarni maskinistinngorniarluni ilinnialernissamut piareersarluni qaammatini arfinilinni kursuseqarnermi angusisimasut, tak.
3) maskiinat atortuinik iluarsaanermut qaammatini 12-ini atuarfimmi angusisimasut aamma
4) STI-mi ilinniartutut imaluunniit suliamik sungiusarsimasutut qaammatini 6-ini akuerisamik praktikkersimasut.
Imm. 2. Imm. 1, nr. 4 malillugu praktikkerneq ingerlanneqarsinnaavoq umiarsuarni maskinistinngorniarluni ilinniarnerup atuarfittaaniissimanerup kingornagut. Tamanna brancheudvalgip (ilinniartitaanermi ataatsimiititaliap) akuereqqaassavaa.§ 6. Ilinniartitaanermut tiguneqarsinnaapput inuit
1) saviminilerinerup iluani fagimi, Søfartsstyrelsimit siunertamut akuerineqartumi, inerluni ilinniarsimasutut uppernarsaammik pigisaqartut, aamma
2) umiarsuarni maskinistinngorniarluni ilinnialernissamut piareersarluni qaammatini arf inilinni kursuseqarnermi angusisimasut.§ 7. Inukmatematikkimik/kisitsinermik, fysikkimik/kemiimik, dankit oqaasiinik aamma tuluit oqaasiinik meeqqat atuarfiata annertusisamik inaarutaasumik misiliinerini siusinnerusukkut misilitsissimappat faginilu taakkunani tamani karakteerimik minnerpaamik 6-imik angusisimappat tiguneqarnissamut § 5, imm. 1, nr. 2-mi aamma § 6, nr. 2-mi piumasarisat tunngavigineqanngissinnaapput.
§ 8. Tiguneqarsinnaapputtaaq inuit allamik ilinniagaqarsimasut, ilinniarsimanerat minnerpaamik uani piumasarisaasutut sivisutigisimappat aamma ilinniarfiup imaluunniit Søfartsstyrelsip isumaat malillugu umiarsuarni maskinistinngorniat ilinniartitaanerannik naammassinninnissamut tunngavissanut allanut naapertuuttumik tunngavissaqalersitsissappat.
§ 9. §§ 5-8 malillugit tiguneqartunut tamanut atorpoq naammassisimassagaat atuakkatigut sulinikkullu ilisimasassanut piumasarineqartut, Danmarkimi taamatut ilinniagaqarnissamut Søfartsstyresimit aalajangerneqartut, tak. maskinmesterinngorniartunik ilinniartitsineq pillugu nalunaarut kingulleq nr. 599, 7. oktober 1988-imeersoq aamma maskinmesterinngornialernissaq sioqqullugu håndværkerissatut ilinniartitaaneq pillugu nalunaarut nr. 657, 17. oktober 1989-imeersoq.
§ 10. Isersinnaatitaanermik killilersuineq pillugu pisortaqarfik erseqqinnerusunik maleruagassaliorsinnaavoq.
Kapitali 4.
Ilinniartitsineq il.il.§ 11. Fagit ilinniartitsissutissat imarisassaat aaqqissuunneqassapput minnerpaamik naammassineqarsinnaanngorlugit maskinmesterinngorniartunik ilinniartitsinerup ukiuani siullermi misilitsinnissamut piumasarineqartut, tak. maskinmesterinngorniartunik ilinniartitsineq pillugu inatsit imaluunniit inatsit taanna naapertorlugu maleruagassiat. Maleruagassiat kingulliit aalajangersarneqarput maskinmesterinngorniartunik ilinniartitsineq pillugu nalunaarummi nr. 599-imi 7. oktober 1988-imeersumi.
Imm. 2. Aamma ilinniartitsissutigineqassapput fagit sammisassallu inuiaqatigiinnut kalaallinut imaluunniit ilinniartunut pingaaruteqartut.
Imm. 3. Fagini sammisassanilu imm. 2-mi taaneqartuni aamma ilinniartitaaneq tamaat isigalugu siunertat imarisassallu brancheudvalgimit pisortaqarfimmillu aalajangersarneqassapput malittarisassat erseqqinnerusumik aalajangersarneqartut malillugit.§ 12. Ilinniartitsinermi atorneqassapput lektionit katillugit 1890-it, fagini ukunani misiliinerit ilanngullugit: matematikki, fysikki/kemii, danskit oqaasii, tuluit oqaasii, peqqinnissamik ilinniartitsineq, umiartornermut inatsisit, datamatikki, maskiinalerineq, elektroteknikki, ingerlatitsineq, nillorsaasarneq, nalinginnaasumik aserfallatsaaliuineq, sulinermik siulersuineq kiisalu imaani annaassiniartarneq aamma ikuallattumik qatserineq.
Imm. 2. Fagini ataasiakkaani tiimit qassiunissaat fagillu semesterinut qanoq agguaanneqarnissaat pisortaqarfiup Søfartsstyrelsen isumasioreerlugu brancheudvalgillu inassuteqarnera malillugu aalajangersassavai.§ 13. Imaani annaassiniarnermut atortunik atuinermut tamakkualu qanoq ittarnerinut kiisalu ikuallattumik qatserivilluni kursusernerit pinngitsoorani ilinniartitsissutigineqassapput.
§ 14. Fagini ukunani matematikki, fysikki/kemii, danskit oqaasii, datamatikki, tuluit oqaasii, peqqinnissamik ilinniartitsineq, umiartornermut inatsisit, maskiinalerineq aamma elektroteknikki kiisalu imaani annaassiniartarnermik ikuallattumillu qatserisarnermik fagitigut siunertarineqartuni malinneqarput maskinmesterinngorniartunik ilinniartitsineq pillugu maleruagassiat Søfartsstyrelsemit aalajangersarneqartut.
§ 15. Ingerlatitsinermi atorneqartartunik ilinniartitsinerup siunertaraa ilinniartup ingerlatitsinermi atorneqartartunut pingasuusunut (pneumatik, relæ aamma PLC atorlugit ingerlatitsinernut) ilisimasaqalersinnissaa, taamaalilluni ilinniartumut pisinnaaleqqullugit:
1) ingerlatitsinermi atorneqartartunut taakkununnga diagramminik atuarsinnaaneq taamaattunillu titartaasinnaaneq,
2) ingerlatsinermut atorneqartartunik nalunarpallaanngitsunik imminnut atassusiineq,
3) ingerlatitsinermi atorneqartartuni siuliini taaneqartuni pingasuni kukkunernik nassaarsinnaaneq aamma
4) iluarsaassigallarsinnaaneq (kingusinnerusukkut iluarsaalluarneqartussamik).§ 16. Nillorsaasarnermikilinniartitsinerupsiunertaraa ilinniartup makkununnga ilisimasaqarnerulernissaa:
1) nillorsaasarnissaq siunertaralugu pigisariaqartunut,
2) nillataartitsivimmi atortunut ataasiakkaanut tamakkualu sumut/sunut iluaqutaanerinut,
3) nillataartitsivik ingerlanerliulersillugu iluarsisariaqartunik iluarsaassisinnaanermut,
4) nillataartitsivimmik nakkutilliinermut aserf allatsaaliuinermullu, taamaalilluni unittoornissaa pinngitsoorsinnaaqqullugu atorluartuaannarsinnaaqqullugulu, aamma
5) nillataartitsiviup titartagartaanik "atuarsinnaanermut".§ 17. Nalinginnaasumik aserfallatsaaliuinermik ilinniartitsinerup siunertaraa ilinniartup makkununnga pisinnaalersinnissaa:
1) teknikkikkut atortorisanik nalinginnaasumik aserfallatsaaliuinissamutpilersaarusiornermut, taamaalilluni unittoornissaq pinaveersimatissinnaaqqullugu, aamma
2) uuttortaanermut, nakkutilliinermutaserfallatsaaliuinermullu atugassanik skemaliornermut.§ 18. Sulisunik siulersuinermik ilinniartitsinerup siunertaraa sulisunik ikittunnguanik siulersuinissami paasisimaqqaagassanik ilinniartup paasitinneqarnissaa.
§ 19. Ilinniartutilinniartitsinermut najuuttussaatitaapput.
Imm. 2. Pisortaqarfik najuuttussaatitaanermut erseqqinnerusunik maleruagassaliorsinnaavoq.§ 20. Ilinniartoq fagimik ilinniartitsissutigineqartussamik angusilluni siusinnerusukkut misilitsereersimappat brancheudvalgip fagimi tassani atuaqataanngitsissinnaavaa imaluunniit misilitseqataanngitsissinnaallugu.
§ 21. Ilinniartoq ilinniarfimmiitillugu ilinniartitsinermi qanoq pissarsiaqarsimanersoq ilinniarfiup akuttusinani misilittassavaa ilinniarneranilu siunnersorneqarnissaanik neqeroorfigissallugu.
Kapitali 5.
Misilitsiimerit soraarummeernerlu.§ 22. Misilitsinnernutsoraarummeernernullupeqataaqqusineq tamakkualu ingerlanneqarneri pisassapput minnerpaamik naammassineqarsinnaanngorlugit maskinmesterinngorniartunik ilinniartitsinerup ukiuani siullermi misilitsinnissamut piumasarineqartut, tak. maskinmesterinngorniartunik ilinniartitsineq pillugu inatsit imaluunniit inatsit taanna naapertorlugu maleruagassiat. Maleruagassiat kingulliit aalajangersarneqarput maskinmesterinngorniartunik ilinniartitsineq pillugu nalunaarummi nr. 599-imi 7. oktober 1988-imeersumi, maskinmesterinngorniartunik soraarummeersitsisarneq pillugu nalunaarummi nr. 7-imi 5. januar 1989-imeersumi aammaukiumoortumik misililitsinnerit ukiumoortumillu misilitsinnerni karakteerit pillugit nalunaarummi nr. 432-mi 19. juni 1989-imeersumi.
Imm. 2. Soraarummeernermi angusissaguni ilinniartup naammassiniartariaqassavai maskinmesterinngorniartunik ilinniartitsinerup ukiuani siullermi misilitsinnissamut piumasarineqartut, tak. maleruagassiat imm. 1-imi taaneqartut.§ 23. Ilinniartitaanermi faginik sammisassanillu § 11, imm. 2 malillugu aalajangerneqartunik soraarummeernissamut inassuteqarneq soraarummeernerlu pissapput Kalaallit Nunaanni malittarisassat nalinginnaasut malillugit, tak. inuussutissarsiutitigut ilinniartitaanermi ilinniartunut tunngasut pillugit Namminersornerullutik Oqartussat nalunaarutaat nr. 51, 20. december 1990-imeersoq.
§ 24. Fagini §§ 22-mi 23-milu taaneqartuni lektionit qassiussusissaat, misiliinissanut piffissat soraarummeernernilu piumasarisassat pisortaqarfiup Søfartsstyrelsen siunersioreerlugu brancheudvalgillu inassuteqarnera malillugu aalajangersassavai.
§ 25. Ilinniarsimanermut uppernarsaammi allanneqassaaq ilinniartup imaani annaassiniarnermut atortunik atuinermut tamakkualu atorlugit qanoq ittarnerinut kiisalu ikuallattumik qatserivinnermut kursusersimanera.
Imm. 2. Ilinniarsimanermut uppernarsaammi allanneqassaaq ilinniartitaanerup nalaani danskit oqaasiinik, datamatikkimik sulisunillu siulersuinermik ilinniartinneqarsimaneq.§ 26. Naggataarutaasumik soraarummeernermi allattarissanik misilitsinnerit kursusernernilu suliat fagimi ilinniartitsisumit censorimillu nalilerneqassapput.
Imm. 2. Naliliinermi isumaqatigiinngitsoqartillugu naliliussat marluk agguaqatigiissinnerat kisitsimmut qummut tullermut iluarsillugu atorneqassaaq.§ 27. Ilinniartoq semesterimi misilitsinnermi imaluunniit naggataarutaasumik soraarununeernermi angusinngikkuni ilinniaqqissaaq.
Imm. 2. Immikkut ittumik pisoqartillugu pisortaqarfiup akuersissutigisinnaavaa siumut aalajangeriikkamik soraarummeernerup kingornagut qaammatit pingasut qaangiutsinnagit napparsimasunut naatsorsuussamik soraarummeertoqarnissaa.
Imm. 3. Napparsimasunut naatsorsuussamik soraarummeernermi peqataassagaanni tamatigut uppernarsaatissaqartinneqassaaq siumut aalajangeriikkamik soraarummeernermi pissuteqartumik peqataasinnaasimannginneq.
Imm. 4. Ilinniartoq siumut aalajangeriikkamik soraarummeernermi peqataasimasoq napparsimasunut naatsorsuussamik soraarummeernermi peqataasinnaanngilaq.
Kapitali 6.
Praktikkerfimmiineq.§ 28. § 4 aamma § 5, imm. 1 nr. 4 malillugu praktikkerneq imaani suliffimmi Søfartsstyrelsemit akuerineqarsimasumi imaluunniit nunami suliffimmi brancheudvalgimit akuerineqarsimasumi ingerlanneqassaaq.
Imm.2. Pisortaqarfiup aalajangissavaa praktikkerneq naammaginartumik naammassineqarsimanersoq.
Imm. 3. Praktikkerfissaq tamakkerlugu tamatumaluunniit ilaani praktikkinngitsoornissaq ilinniarfiup inassuteqarnera malillugu pisortaqarf iup akuerisinnaavaa Søfartsstyrelsenimit tamatumunnga patsisissaatitat eqqortinneqarsimappata.
Imm. 4. Taamatut praktikkinngitsoortitsisoqarsinnaavoq isumaqartoqarpat pisinnaaf f igiligassat pisariaqartut ilinniartup allakkut pisinnaalersimagai.
Kapitali 7.
Attesti ilinniarsimanermullu uppernarsaat.§ 29. Ukiup aappaa-qeqqani ilinniarfimmeereerluni ilinniartoq soraarummeernermi angusinermi kingorna atuagarsorluni ilinniarnermik naammassinnissimanermut attestimik tunineqassaaq.
Imm. 2. Piffissaq praktikkerfiusoq naammassineqareerpat akuerineqareerpallu ilinniartoq umiarsuarmi maskinistissatut ilinniarsimanermut uppernarsaammik tunineqassaaq.
Imm. 3. Imm. 1 malillugu attesti aamma imm. 2 malillugu ilinniarsimanermut uppernarsaat suliarineqassapput ilinniarfimmit.
Kapitali 8.
Aalajangersakkat assigiinngitsut.§ 30. Saviminilerinermut tunngasunut brancheudvalgi maskinistinngorniarluni ilinniarnermut brancheudvalgitut atussaaq.
§ 31. Nalunaarut una malillugu pissutsit ilinniarnermut tunngasut pillugit ilinniarfiup aalajangiinerinut naammagittaalliuutit brancheudvalgimut suliassanngortinneqarsinnaapput ullormit aalajangiinerup aalajangiiffigineqartumut nalunaarutigineqarneranit sap. ak. sisamat qaangiutsinnagit. Taamaattorli taamatut naammagittaalliorsinnaatitaaneq atorneqartassanngilaq alla aqqutigalugu naammagittaalliorsinnaaneq pillugu Søfartsstyrelse maleruagassaliorsimappat.
Imm. 2. Nalunaarut una malillugu pissutsit ilinniarnermut tunngasuunngitsut pillugit ilinniarfiup aalajangiinerinut naammagittaalliuutit pisortaqarfimmut suliassanngortinneqarsinnaapput ullormit aalajangiinerup aalajangiiffigineqartumutnalunaarutigineqarneranitsap. ak. sisamat qaangiutsinnagit.§ 32. Pisortaqarfiup brancheudvalgip inassuteqarnera malillugu nalunaarummi uani aalajangersarneqartut sanioqqunneqarallarnissaat akuersissutigisinnaavaa tamanna ineriartortitsiniarluni sulinerup ilaatut isigalugu.
Imm. 2. Imm. 1 malillugu sanioqqutitsisarnissat Søfartsstyrelsep maleruagassiaanit allaassuteqartassappata taamatut allaassuteqartitsineq taamaallaat pisassaaq styrelsip siunersiorneqareerneratigut.§ 33. Nalunaarut una atulerpoq 1. december 1991, atortuussalluni ilinniartunut ullup taassuma kingorna ilinniarnerminnik aallartitsisunut.
Imm. 2. Pisortaqarfik Søfartsstyrelsensiunersoqatigeriarlugu ilinniartunut atortuulernera sioqqullugu umiarsuarmi maskinistitut ilinniarnerminnik aallartitsisunut malittarisassanik ikaarsaariarnermi atugassanik aalajangersagaliorsinnaavoq.
Namminersornerullutik Oqartussat, 16. oktober 1991.
Marianne Jensen/
Aqigssiaq Møller