Ilinniarfissuarmi rådit ataatsimiititaliat il.il. pillugit Namminersornerullutik Oqartussat nalunaarutaat nr. 24, ulloq 8. juli 1991-imeersoq.
Meeqqat atuarfianni ilinniartitsisussat ilinniartitaasarnerat pillugu isumaginninnermilu suliaqartussanik ilinniartitsisarnerit pillugit Inatsisartut peqqussutaanni nr. 1-imi ulloq 16. maj 1989-imeersumi § 34 naapertorlugu aalajangersarneqarput:
Kapitali 1.
Rektori.§ 1. Ilinniarfissuaq rektorimit ilinniarfimmi ingerlatsinermik perorsaanermillu akisussaaffeqartumit siulersorneqarpoq.
§ 2. Rektori suliassani rådini suliarineqarnissaminnik utaqqisinneqarsinnaanngitsuni aalajangiisarpoq. Aalajangiinerit taamaattut piaartumik rådimut suliarinnittussaagaluamut saqqummiunneqassapput.
§ 3. Rektori siunnersuisoqatigiit ataatsimiinnerini peqataasassaaq aammalu rådit allat ataatsimiititaliallu ataatsimiinnerini peqataasinnaalluni.
Kapitali 2.
Rådit ataatsimiititaliallu.
Siunnersuisoqatigiit.§ 4. Siunnersuisoqatigiit tassaapput ilinniagaqarnermi pisortat, ilinniarfiit tamarmik immikkut ilinniartunit sinniisuutitaat ataaseq, ilinniarfiit tamarmik immikkut ilinniartitsisunit sinniisuutitaat ataaseq, teknikkikkut ingerlatsinikkullu suleqataasut sinniisuutitaat ataaseq kiisalu inunnik isumaginnittunngorniarfimmi siulersuisoq.
Imm. 2. Ilinniartut ilinniartitsisullu sinniisuutitaat ilinniartitsinermi rådit akornannit toqqarneqartassapput. Ilinniartut ilinniartitsisullu sinniisuutitassatik tamarmik immikkut toqqartassavaat.
Imm. 3. Rådi suliassaminut najoqqutassaminik nammineq aalajangersaasassaaq.
Ilinniartitsinermi rådi.
§ 5. Ilinniarfinni tamani immikkut, ilinniartitsisunngorniarf immi, isumaginninnermi siunnersortinngorniarfimmi inunnillu isumaginnittunngorniarfimmi ilinniartitsinermi rådimik pilersitsisoqassaaq. Ilinniartitsinermi rådit ataasiakkaat ilaasortaat tassaapput ilinniarfiup ilinniagaqarnermi pisortaa, klassini tamani ilinniartunit sinniisuutitaq ataaseq ilinniartitsisuniillu sinniisut aamma taamak amerlatigisut.
Imm. 2. Sinniisuutitat gruppit sinnikkamik akornannit toqqarneqartassapput.
Imm. 3. Ilinniagaqarnermipisortaqilinniartitsinermi rådimut siulittaasuussaaq.
Imm. 4. Rådi suliassaminut najoqqutassaminik nammineq aalajangersaasassaaq.
Ilinniartitsisut rådiat.
§ 6. Ilinniartitsisut rådianni ilaasortat tassaapput ilinniartitsisut, timelærerit vikarillu atorfeqavissut tamarmik.
Imm. 2. Rådi suliassaminut najoqqutassaminik nammineq aalajangersaasassaaq.
Imm. 3. Rådi ilinniarfiit tamarmik immikkut ilinniartitsisuisa rådiannut suliassanik suliassiissuteqarsinnaavoq.
Ilinniartut rådiat.
§ 7. Ilinniartutrådiannikpilersitsisoqarsinnaavoq.
Imm. 2. Rådi suliassaminut najoqqutassaminik nammineq aalajangersaasassaaq.
Sulinermik sungiusarnermut: udvalgi.
§ 8. Ilinniarfinni tamani sulinermik sungiusarnermut udvalgimikpilersitsisoqassaaq. Kultureqarnermi, Ilinniartitaanermi Suliffeqarnermilu Pisortaqarfiup sulinermik sungiusarnermut udvalgip inuttalersorneqarnera ingerlanneqamissaalu pillugit aalajangersakkat erseqqinnerusut aalajangersassavai.
Kapitali 3.
Rådit suliassaat.§ 9. Siunnersuisoqatigiit suliassat ilinniarfimmut tamarmut attuumassutillit rektorimut aalajangigassanngorlugit siunnersuutigisassavai, makku ilanngullugit:
1) aningaasartuutissanut missingersuutit,
2) sanaartugassat,
3) sanaartukkat atorneqarneri,
4) ataatsimut aaqqissuussat,
5) soraarsitsineq,
6) peqqissaarnermi malittarisassat,
7 ) atuartitsinermi peqataanissamut malittarisassat aammalu
8) qinnuteqartut fagiisa katitigaanerat.
Ilinniartitsinermi rådi.
§ 10. Ilinniartitsinermi rådip suliassat ilinniarfinnut ataasiakkaanut tunngassuteqartut rektorimut aalajangigassanngorlugit siunnersuutigisassavai, makku ilanngullugit:
1) ilinniarnerup immikkoortuini pilersaarutit,
2) ilinniarnermik aaqqissuussineq,
3) aalajangersimasumik qulequtaqartillugu sammisaqartitsineq,
4) ilinniarnermut atatillugu aallaarsimaarnerit,
5) paasisassarsiorluni angalaarnerit,
6 ) aningaasartuutissanut missingersuutit agguarneqarnerannut najoqqutassaq,
7) atuaqatigiit holdillu amerlassusaat,
8) tiimit agguarneqarnissaannut pilersaarutit,
9) killissarititassatut pilersaarut,
10) pikkorissartitsinerit,
11) nammineq piumassuseq atorlugu ilinniartitsineq,
12) misiligutaasumik ilinniartitsineq aamma
13) ilinniartunik tigusinermi najoqqutassiat.§ 11. Ilinniartitsisut rådiata suliassat perorsaanermut tunngassutillit rektorimut aalajangigassanngorlugit siunnersuutigisassavai, makku ilanngullugit:
1) ilinniartitsisunik atorfinitsitsineq,
2) atorfiit immikkut ittut inuttassarsiorneqarneri,
3 ) tiimit atuartitsissutillu agguarneqarnissaannut pilersaarutit,
4) atorfinnik inuttassarsiuussinerit,
5 ) ilinniartut ilinniarnerup immikkoortuanut tulliuttumut ingerlateqqinneqarneri,
6) soraarummeertussatut siunnersuutit aammalu
7) suliassat immikkut akuersissuteqarfigisassat.
Kapitali 4.
Atortuulersitsineq il.il.§ 12. Nalunaarut atuutilissaaq 1. august 1991-imi.
Imm. 2. Tassunga peqatigitillugu Kalaallit Nunaata seminaariaani rådit udvalgit il.il. aalajangersimasut pillugit Kultureqarnermi Atuartitaanermilu Pisortaqarfiup kaajallaasitaa nr. 9/81 30. juni 1981-imeersoq atorunnaarsinneqarpoq.
Namminersornerullutik Oqartussat, ulloq 8. juli 1991.
Emil Abelsen/
Kaj Kleist