Ilinniarfissuarmi ilinniaqqinneq il.il. pillugu Naimninersornerullutik Oqartussat nalunaarutaat nr. 23, ulloq 8. juli 1991-imeersoq.
Meeqqat atuarfianni ilinniartitsisussat ilinniartitaasarnerat pillugu isumaginninnermillu suliaqartussanik ilinniartitsisarnerit pillugit Inatsisartut peqqussutaanni nr. 1-imi ulloq 16. maj 1989-imeersumi § 38 naapertorlugu aala j angersarneqarput :
Kapitali 1.
Ilinniarfissuarmi ilinniaqqineq.§ 1. Ilinniarfissuupilinniartitsisut, isumaginninnermi siunnersortit inunnillu isumaginninnermi perorsaasut ilinniaqqittarnerat suliassaraa.
Imm. 2. Aammattaaq Ilinniarfissuaq pikkorissartitsinermik neqerooruteqarsinnaavoq ukununnga:
1) Timelærerinut,
2 ) meeqqat atuarfianni inunnik isumaginninnermi perorsaasutut atorfilinnut,
3) sunngiffimmi atuartitsinermi ilinniartitsisunut
4) klubbini atorfilinnut,
5) isumaginninnermi ikiortinut,
6) isumaginninnermik ingerlatsisunut,
7) inunnik isumaginninnermi ikiortinut,
8) meeqqanik perorsaanermi ikiortinut,
9 ) inuussutissarsiutitigut ilinniartitaanermi ilinniartitsisunut aamma
10) pisortat nanuninersortulluunniit suliffeqarfiini ingerlatsiviinilu assigisaanik atorfilinnut.§ 2. Ilinniarfissuup ilinniaqqiffimmut tunngassutillit suliassai, tak. § 1, imm. 1., tassaapput ilinniarnerup ingerlanissaa pikkorissartitsinerillu, tunngaviusumik ilinniartitaanermut pitsanngorsaataasut, itisilerutaasut nalitsinnullu naleqqussagaasut.
Imm. 2. Ilinniaqqinnerup, tak. imm. 1, imarisinnaasai tassaapput ilinniartitseriaatsit nalinginnaasut, fagini ilinniartitseriaatsit aalajangersimasut ataasiakkaat, fagini sammisassat tassungalu tunngassutillit.§ 3. Ilinniarfissuup ilinniaqqinnissami ilinniagassarititai, tak. § 1., imm. 2, tassaapput sammisassat sulisut taaneqartut pisinnaassuseqaleriartortuaannarnissaannik qulakkeerisut.
§ 4. Ilinniartitsineq, tak. § 2, imm. 1 aamma imm. 2, pikkorissartitsinertigut ingerlanneqassaaq, tassunga ilaallutik allakkatigut pikkorissartitsineq imaluunniit ikittunnguakkuutaarluni sammisaqaqatigiinneq.
Imm. 2. Pikkorissartitsinerit ukiumik ataatsimik sivisussusilittut, qaammatini pingasuni pisussatut pikkorissarfittullu sivikinnerusutut pisussatut aaqqissuunneqarsinnaapput.
Imm. 3. Pikkorissartitsinerit, tak. imm. 1 aamma 2, piffissamik tamarmik atuisussatut imaluunniit piffissap ilaannaanik atuisussatut aaqqissuunneqarsinnaapput.§ 5. Pikkorissartitsinerit, tak. §3, ingerlanneqassapput pikkorissarfittut sivikinnerusutut, tassunga ilaallutik allakkatigut pikkorissarnerit imaluunniit ikittunnguakkuutaarluni sammisaqaqatigiinneq.
Imm. 2. Pikkorissartitsinerittaaq, § 2, imm. 1 aamma 2 naapertorlugit neqeroorutaasuni ilinniartitsinermi inissaqarnera tunngavigalugu neqeroorutigineqarsinnaapput.§ 6. Ilinniarfissuup ukiumut ataasiarluni ilinniaqqinneqarsinnaasut allattorsimaffiat nassiussortassavaa. Nassiussineq kingusinnerpaamik ukiup atualerfissap siornani oktobarip aallaqqaataani pisassaaq.
Imm. 2. Taassuminnga suliarinninnermi ilinniaqqiffiit ilinniartitsisunit kalaallisut oqaasillinnit, isumaginninnermi siunnersortinit inunnillu isumaginnitunit ilinniaqqiffiusinnaanissaannik qulakkeerisoqassaaq.
Imm. 3. Pilersaarut nassiunneqartinnani Kultureqarnermi, Ilinniartitaanermi Suliffeqarnermilu Pisortaqarfimmut akuerisassanngorlugu nassiunneqassaaq.
Kapitali 2.
Ilinniarfinni allani ilinniaqqinneq.§ 7. Meeqqat atuarfianni ilinniartitsisut ilinniaqqissinnaanerat Undervisningsministeriap qallunaani aalajangersarsimasai najoqqutaralugit ilinniaqqiffiusinnaasutut akuerisimasaani ilinniaqqissinnaapput, tassunga ilaallutik Danmarks Lærerhøjskolimi soraarummeernissamut ilinniaqqissaarnerit.
Imm. 2. Isumaginninnermi siunnersortit ilinniaqqinnerat isumaginninnermi højskolini pisinnaavoq.
Imm. 3. Inunnik isumaginnittut ilinniaqqinnerat Socialpædagogisk Højskolimi aammalu Danmarks Lærerhøjskolimi pisinnaavoq.
Imm. 4. Ilinniartitsisut, isumaginninnermi siunnersortit inunnillu isumaginnittut ilinniaqqinnerat ilaatigut Ilisimatusarfinuni imaluunniit ilinniarfinni assigisaani pisinnaavoq.§ 8. Kultureqarnermi, Ilinniartitaanermi Suliffeqarnermilu Pisortaqarfiup nalunaarummi aalajangersagaasut qanoq atorneqarnissaat pillugu maleruaqqusanik aalajangersaasinnaavoq.
§ 9. Nalunaarut atuutilissaaq 1. aggusti 1991-imi.
Imm. 2. Tamanna peqatigalugu Kulturimik atuartitsinermillu aqutsisut meeqqat atuarfianni ilinniartitsisut ilinniaqqissinnaanissaannut tunngatillugu kaajallaasitaat nr. 12/80, 27. marsi 1980-imeersoqatorunnaassaaq, kapitalili III, §§ 6-8 pinnagu.
Namminersornerullutik Oqartussat, ulloq 8. juli 1991.
Emil Abelsen/
Kaj Kleist