Meeqqat atuarfiini fagit siunertaat pillugit Namminersornerullutik Oqartussat nalunaarutaat nr. 22, ulloq 28. juni 1991-imeersoq.
Meeqqat atuarfiat pillugu inatsisartut peqqussutaanni nr. 10-mi 25. oktober 1990-imeersumi § 9 imm. 2, naapertorlugu aalaj angersarneqarput:
Atuarfimmi piareersarfiusumi sammisassat ineriartuutaasinnaasut.
§ 1. Atuartitsinerup siunertaraa atuartut tamatigoortumik paasisimasaqariartornartumik, namminneq ineriartornissaanni tapersersornissaat ulluinnarnilu atuarfimmi inuunermik sungiussitinneqarnissaat.
Imm. 2. Pingaartinneqassaaq atuartut imminnut akisussaaffiginerata ineriartortinneqarnissaa paasisaqalersinnissaallu namminneq
periarfissaminnut.
Imm. 3. Assigiinngitsutigut suleqatigiinnerit aqqutigalugit allanut akisussaassuseqarnermik misigisimaneq, isumaginninneq ataqqinninnerlu aammalu namminneq sulisinnaassusiat annertusarneqassapput.
Imm. 4. Atuartitsineq aqqutigalugu atuartut tapersersorneqassapput angerlarsimaffimmi, atuarfimmi inuiaqatigiinnilu imminnut suliassarititaasunut paasinninnissaannut peqataasinnaalernissaannullu.
Imm. 5. Anguniarneqassaaq atuartut paasinnitsinnissaat eriagisanut kulturimut tunngasunut aammalu soqutiginnilersinnissaat ataqqinnilersinnissaallu eriagisassanut inunnit pilersitaasimanngitsunut allanullu inunnik pilersitaasimasunut.
Kalaaliit oqaasii.
§ 2. Atuartitsinerup siunertaraa atuartut tamatigoortutumik oqaaseqaqatigiinnut ilaanerminni periarfissaat nakussassallugit.
Imm. 2. Atuartitsinerup atuartut naliliisinnaanermut, isummersinnaanermut suleriaaseqarsinnaanermullu periarfissaat ineriartortissavai. Tassani anguniarneqassaaq namminneq inuillu allat qanoq issusiannik paasinnissinnaalernissaat, ilisimasaqamerulernissamut tunngavissaqalemissaat, paasisaqarnerujartornerminni tapersersorneqarnissaat, aammalu attaveqaqatigiinnissamut atassuteqarfigeqatigiinnissamullu atortussaqalernissaat.
Imm. 3. Atuartut oqaatsit ima piginnaassuseqarfigilersimatigissavaat naalaarnissaannut, oqalullutik atornissaannut, atuamissaannut allannissaannullu nakimaatsumik allanngorartumillu paasisinnaalersimassallugit atorsinnaalersimassallugillu.
Kisitsineq/matematik.
§ 3. Atuartitsinermi siunertarineqassaaq atuartut matematikkip iluani pinngitsoorani paasisimasarialinnik pigiliussinissaat aammalu fagip taassuma iluani aalajangersimasumik toqqakkanik paasisimasaqalersinniarneqarnissaat.
Imm. 2. Atuartitsinermi anguniarneqassaaq atuartut paasinnitsinniarneqamissaat atuartitsissununi tassani ilinniakkat nalunaarutiginnissinnaanermut pingaaruteqassusiannik tunngavissaqarluartumillu oqaatiginnissinnaanermut immikkut pingaaruteqassusiannik. Atuartut pigiliussitilluarneqassapput ilinniartitsissutigineqartumi paasisimalikkat qanoq annertusitikkiartuaarneqarnissaannik.
Imm. 3. Anguniameqassaaq atuartut pigiliussiartortinneqamissaat kisitsisinik suliaqamermi periaatsinik, namminneerlutik allanilluunniit suleqateqarlutik pisinnaalissutigisinnaasassaannik ajornartorsiutinik paasinninnissamut, oqaatiginninnissamut aaqqiiniarnissamullu aammalu allanik ilisimasaqalernissamut.
Imm. 4. Atuartitsineq peqataassaaq atuartut atuartitsissutip nalunaarutiginnissinnaanermut atorneqarsinnaaneranik paasinnilluarsinnaalernissaannut sungiusaatiginissaanullu ajornartorsiutaasartunik nalinginnaasunik aaqqiiniartarnissamut.
Kristumiussutsimut tunngasunik ilisimasaqarneq/religion.
§ 4. Kristumiussutsimik atuartitsinerup siunertaraa atuartut angerlarsimaffii ilagiillu kalaallit suleqatigalugit ilagiit lutherikkut inuunermik isiginninnerata pingaassusianik ilisimannilernissaat, tak. Meeqqat atuarfiat pillugu peqqussut § 9, imm. 1.
Imm. 2. Atuartitsinermi ilanngunneqassapput inuiaat allamiut upperisarsiorneri inuiaallu allat inuunermik paasinnissimaneri pillugit ilisimasassat, atuartut klassimi sorlermiinnerannut naleqquttunngorsakkamik.
Imm. 3. Atuartitsinermi anguniarneqassaaq atuartut ineriartortinneqassasut paasinnissinnaanngorlutillu isummersinnaanngornissamut upperisarsiornerni tunngaviusut ileqqorissaamissamillu paasinninnermi tunngavigineqartartut suunerinik.
Imm. 4. Anguniarneqassaaq atuartut ineriartortinneqassasut namminneq paasisimasatik tunngavigalugit ilagisariinni inooqatigiillu akornanni inooqataasinnaanissamut upperisarsiornernut namminneq paasinninnissimanitik, ajunngitsuutitaqarlutik inuunerminni tunngavigisassamittut paasisimasatik aammalu inooqatigiissutsiminni tunngavissamittut paasisimasatik naapertorlugit.
Timersorneq.
§ 5. Atuartitsinerup siunertaraa atuartut timip aalatinneqartarnerani periaatsit tunngaviusut ilinniassagaat siunertarisamullu naapertuuttumik timiminnik aalatitsisarnissaq sungiusassallugu.
Imm. 2. Taamatut atuartitsineq atuartut tamarmik timiminnik atuinissamut pisariaqartitaannut naammaginartuusariaqarpoq, timimik atuinerup nuannersuanik misigititsissalluni, ilorrisimaarnartuulluni ataatsimoornermillu misigisaqaataassalluni.
Imm. 3. Atuartitsinerup taamaasilluni peqataaffigissavaa atuartut timikkut, isumaliortaatsikkut inooqatigiissutsikkullu ineriartortitaanissaat siunertarissallugulu paasinnillutillu soqutiginnittualemissaat timersuutinik atuiuaannarnerup peqqissuseq ilorrisimaarnerlu iluaqusertarmagit.
Qallunaat oqaasii.
§ 6. Atuartitsinerup siunertaraa atuartut qallunaat oqaasiinik oqalunnermi allannermillu atomeqartunik paasinnissinnaalernissaat aammalu taakku atorlugit oqalullutillu allassinnaalernissaat.
Imm. 2. Atuartut Danmarkimi nunarsuullu ilaani allani inuuniamikkut atugarisanik kulturimullu tunngasunik nammineerluni paasiniaasinnaanermut ilinniarnissartillu siunertaralugu oqaatsinik taakkuninnga atuisinnaanermut periarfissarisaat atuartitsinikkut annertusarneqassapput.
Imm. 3. Atuartitsinermi suleqataaffigineqassaaq atuartut oqaatsinik atuinissaminnut kajumigisaqartuaannarnissaat, aammalu soqutiginnilernissaat oqaatsinut taakkununnga sulipikkorissarnerunissaminnut.
Silamiut oqaluttuarisaanerat.
§ 7. Atuartitsinerup siunertarissavaa atuartut ilisimasaqalersinniassallugit ukiuni siulliunerusuni inuit qanoq atugaqarsimanerinik, qanoq isumaliutersuuteqartarsimanerinik inooqatigiissutsiminnilu qanoq ittunik atugaqarsimanerinik aammalu misigisaqartinniassallugit ukiut siulliit nutaallu sutigut imminnut attuumassuteqarnerinik ilisimasaqalersinniassallugillu inuit qanoq iliuuseqarnissaminnut periarfissarisaasa sutigut allannguuteqarsimanerinik.
Imm. 2. Anguniameqassaaq atuartut ilisimasaqarlualemissaat kalaallit inooqatigiissutsikkut kulturikkullu inuunerminni qangarsuarli pilersissimasaannut immikkoortissinnaanngorlugu siuaasanit kingornussat sutigut allanngortinneqarsinnaallutillu sutigut ingerlateqqinneqarsinnaanersut.
Imm. 3. Atuartitsinerup peqataaffigissavaa atuartut sungiusarneqassammata oqaluttuarisaanermut tunngasunik oqaluttuat tusarnaarsinnaallugillu atuarsinnaanissaannut aammalu nalilersinnaanissaannut pisimasut namminneq misilittagaqarfigisatik naapertorlugit paasisinnaanngisaraluamik nassuiaatissaattut.
Uumasulerineq.
§ 8. Atuartitsinerup siunertaraa atuartut ilisimasaqalersinniassallugit uumassuseqartut tamakkulu avatangiisaasa uumassuseqanngitsut sutigut sunniiffigeqatigiittarnerinik taamatullu uumassusillit namminneq akunnerminni sunniiffigeqatigiittarnerannik.
Imm. 2. Anguniarneqassaaq atuartut ilinniassagaat naasut uumasullu tamakkulu inuunerminni ilisarnaataasa pingaarnersaasa misissorlugillu nassuiarsinnaalernissaat, aammalu paasissallugu uumassuseqartut sutigut ajornartorsiutigisinnaasaasa sunik tunngaveqamerisa paasillugillu oqaatigisinnaalernissaat.
Imm. 3. Atuartitsinerup peqataaffigissavaa atuartut paasinninnissaat inuit inuunerminni tunngavigisaannik periarf issaannillu taamalu tamatumuuna tunngavissaqalerlutik inuit avatangiisimikkut najukkaminni nunarsuarmilu tamarmi ajornartorsiutigisinnaasaasa isummerfiginissaannut.
Nunalerutit.
§ 9. Atuartitsinerup siunertaraa atuartut ilisimasaqalersinnissaat geografimi paasisimasarialinnik najoqqutassanillu pineqartunut annertunerusunut eqikkaasumik paasinnissutaasinnaasunik nalinginnaanerusunullu aalajangiissutaasinnaasunik.
Imm. 2. Anguniarneqassaaq atuartut soqutiginnilersinnissaat annertunngikkaluartumillu piginnaanngortinneqamissaat suliaqartalernissamut geografimi paasisimasarialinnik, najoqqutassanik periaatsinillu, tamatumunngalu ilanngullugu soqutiginnilersinneqarnissaat piginnaanngortinniameqarnissaallu paasissutissanik ujarlernermut, nassaarsimagunillu atorfissaqarnerusorisaminnik immikkoortitsisinnaanissaannut aammalu tamakkuninnga paasiniaalluarnerullutillu nalilersuisinnaanissaannut.
Imm. 3. Atuartitsineq peqataassaaq atuartut paasisaqartinnissaannut pissutsit inunnit pilersitaasimanngitsut allallu inunnit pilersitaasimasut pingaarutaannik, taamaalillutik namminneq inuiaqatiminni inuiaqatigiinnilu allani pissutsit sulissutigisinnaaqqullugit.
Titartaaneq/ilusilersuineq.
§ 10. Atuartitsinerup siunertaraa atuartut assilissat atorlugit misigisimasaminnik isumaliutersuutiminnillu oqaatiginnissinnaalernissamut piginnaassutsiminnik perusussutsiminnillu ineriartortitsisinnaalernissaat.
Imm. 2. Anguniarneqassaaq atuartut fagip iluani ilinniagassanut imminerminnut aammalu sunngiffimminnut pingaaruteqalersinnaasunik piginnaasaqarfeqalernissaat.
Imm. 3. Atuartitsinerupsuleqataaffigissavaaatuartut assilissat atorlugit isummanik ersersitsiniutinut paasinnissinnaanerminnik alliartortitsinissaat aammalu nanuniniivillutik tamakkuninnga nalilersuisinnaanerminnik ineriartortitsisinnaalernissaat. Tamatumunnga atatillugu immikkut pingaartinneqassaaq inuiaat allat assilissat atorlugit oqaatiginiakkaminnik allatullu isumaliutersuutigisartakkaminnik ersersitsiniutigisartagaannut ilisimasaqarlutillu paasinnissinnaalernissaat.
Erinarsorneq/nipilersorneq.
§ 11. Atuartitsinerupsiunertaraaatuartutineriartortissagaat piginnaassutsitik perusussusertillu erinarsornermik nipilersornermillu sammisaqarnissamut.
Imm. 2. Anguniameqassaaq atuartut periarfissinneqassasut tusarnaartutut peqataavissutullu assigiinngitsunik atortoqarluni nipilersomermut atassuteqarnissamut, aammalu nipilersorneq aqqutigalugu periarf issarsisinnaassallutik allanik suleqateqamissamut inuillu allat avatangiisiinik kulturiinillu paasinninnissamut.
Imm. 3. Atuartitsinerup peqataaffigissavaa atuartut tussiutit erinarsuutillu kalaallini qangali atorneqartartut sungiulluarnissaannut periarfissinnissaat.
Sananeq.
§ 12. Atuartitsinerup siunertaraa atuartut pisinnaasaqalemissaat assassorluni sulinermi suleriaatsinik teknikkikkullu periaasiusartunik atortussat fagimi atorneqartartut sakkuutigineqartartullu suussusiinut misilittagaqaatigilersinnaasaminnik.
Imm. 2. Anguniameqassaaq atuartut nutaanik pilersitsisinnaanerminnut piginnaassutsiminnik, nammineerlutik qanoq iliuuserisinnaasaminnik aammalu assassorluni sulinermik nuannarisaqarnermik ineriartortitsinissaat.
Imm. 3. Atuartitsinerup peqataaffigissavaa atuartut nioqqutissanik pisariaqartitaminnik atuisartutut naliliisinnaanerata ineriartortinnissaa.
Mersorneq.
§ 13. Atuartitsinerup siunertaraa atuartut ilisimasaqalersinniassallugit tunngaviusutigut periaatsit annoraaminilerinermi, sapangaaqqerinermi amminerinermiluatorneqarsinnaasut suunerinik taamatullu sakkuutit atortussiallu fagimi atorneqartartut suunerinik.
Imm. 2. Anguniarneqassaaq atuartut ilutsinik, qalipaatinik suleriaatsinillu assigiinngitsunik ingerlataqarnermikkut piginnaanitik, nanuninneerlutik qanoq iliuuseqarsinnaanertik aammalu nammineq immikkut kusagisaqarsinnaanertik ineriartortissagaat.
Imm. 3. Atuartitsinerup peqataaffigissavaa atuartut nioqqutissanik pisariaqartitaminnik atuisartutut naliliisinnaanerata ineriartortinnissaa aammalu ilisimasaqalersinniassallugit annoraaminiliat assigiinngitsut ilisarnaataasa inuusaatsinut kulturinullu assigiinngitsunut takussutaasinnaanerannik.
Tuluit oqaasii.
§ 14. Atuartitsinerup siunertaraa atuartut tuluttut oqaluttunik paasinnissinnaasalemissaat, oqaatsinik taakkuninnga atuisinnaalemissaat, tuluttut allakkat imarisaannik paasinnissinnaalernissaat oqaatsillu taakku atorlugit allassinnaalernissaat.
Imm. 2. Atuartut nunani oqaatsinik taakkuninnga atuiffiusuni inuuniarnikkut atugarisanik kulturimillu paasinnissinnaanermut periarfissarisaat atuartitsinikkut annertusarneqassapput, taamaalillutik inuiaqatigiinnik assigiinngitsunik paaseqatiginninnissamut tunngavissarissaarnerulersinnaaqqullugit.
Imm. 3. Atuartitsinermi suleqataaffigineqassaaq atuartut oqaatsinik atuinissaminnut kajumigisaqartuaannarnissaat, aammalu soqutiginnilernissaat oqaatsinut taakkununnga suli pikkorissarnerunissaminnut.
Illumi suliassat.
§ 15. Atuartitsinerup siunertaraa atuartut ilisimasaqalersillugillu misilittagaqalersinniarnissaat ilisimasassanik nioqqutissanik atuisartutut aammalu angerlarsimaffinmi suliassanik ingerlataqarlutillu pilersaarusiorsinnaalernissaannut pingaaruteqalersinnaasunik.
Imm. 2. Anguniameqassaaq atuartut piginnaasaqalersinniarnissaat suleriaatsinik suliassallu ingerlanneqartamerinik angerlarsimaffimmi suliassanut pisariillisaataasinnaasunik aammalu piginnaaneqalersinniassallugit ataasiakkaarlutik arlariikkuutaarlutilluunniit suliassap tamatuma pilersaarusiorlugulu ingerlanneqarnissaanut.
Imm. 3. Atuartitsinerup peqataaffigissavaa atuartut paasisaqartinniarnissaat nerisassat eqqortumik akoorneqarsimanissaannik aammalu peqqissaarnissaq pillugu angerlarsimaffiullu aaqqissuunnissaanut allanngutsaalinissaanullu kusanartumik periaaseqalemissaat ineriartortinniassallugu.
Imm. 4. Atuartitsinerup atuartut sapinngisaq tamakkerlugu kalaallit nerisassanik nioqqutissiaannik tamanik ilisimasaqalersinniassavai pisinnaalersinniassallugillu tamakkua sapinngisaq tamakkerlugu iluaqutiginiarneqarnissaannik.§ 16. Atuartitsinerup siunertaraa tunngaviusumik paasisimasassat fysikkimut kemiimullu tunngasut ilaannik atuartut pigiliussisinneqarnissaat aammalu paasisimasaqalersinnissaat fagit pineqartut iluini paasisimasariaqartunik immikkut toqqarneqarsimasunik.
Imm. 2. Atuartitsinikkut anguniarneqassaaq atuartut paasinnitsinnissaat silarsuatsinnik allaaserinnittarnermi fagit taakkua pingaaruteqarnerannik, aammalu atuartut pigiliussisinneqarnissaat fagitigut paasisimalikkat pilersinneqartarnerannik, misilinneqartarnerannik annertunerulersikkiartorneqartarneranni1lu eqqarsaatersuutit misilittaanerillu atorneqarnerisigut.
Imm. 3. Anguniarneqassaaq atuartut paasisaqartinnissaat pinngortitamik ilisimatuutut suleriaatsimik aammalu isumassarsisinneqartarnissaat namminneq imaluunniit allanik suleqateqarlutik ilisimasaqalerniamissamut aammalu ajomartorsiutaalersartussanik paasinnissinnaalernissaat oqaatiginnissinnaalernissaallu suussusiinik qanorlu aaqqinniarneqarsinnaanerinik.
Imm. 4. Atuartitsineq peqataassaaq atuartut paasinnitsinneqamissaannut pinngortitamik ilisimatuussutsip pingaaruteqassusianik inuiaqatigiit inuttut atugarisaasa teknikkimullu tunngasutigut ineriartortitaaneranni.
Kinguaassiornermut: tunngasunik nassuiaaneq.
§ 17. Kinguaassiomermut tunngasunik meeqqat atuarfianni nassuiaanerup siunertaraa arnat angutillu kinguaassiorsinnaanerannut tunngasunik ima paasisimasaqartigilernissaat, tamatuma tungaatigut imminnut paarisinnaalissallutik allanullu soqutigittamermik ataqqinninnermillu pisariaqartumik takutitsisinnaalissallutik.
Imm. 2. Atuartitsinikkut anguniarneqassaaq atuartut ilisimasaqannginnermik pissuteqartumik kingusinnerusukkut imminnut ajomartorsiortilinnginnissaat imaluunniit allanut ajornartorsiortitsilinnginnissaat.
Peqqinnissamik ilinniartitsineq, inuulluarniutit putumanartullu pillugit ilisimasat.
§ 18. Atuartitsinermi siunertaavoq atuartut ilisimasaqalersinnissaat inuup peqqilluni ineriartussaguni pinngitsoorani pisariaqagaanik, kiisalu aamma paasisaqartinnissaat inuulluarniutinik putumanartunillu atugaanerusartunik tamakkualu ajoqusiisarnerinik.
Imm. 2. Anguniarneqassaaq atuartut napparsimalertassanngikkunik aammalu inuulluarniutinik putumanartunillu atuisalissanngikkunik atornerluisalissanngikkunilluunniit qanoq iliorsinnaanerminnik paasinnitsinnissaat, ajoqersorneqarnissaallu inuiaqatigiit tamatumuuna peqataanissamut periarfissarisaannik.
Imm. 3. Atuartitsineq suleqataassaaq atuartut timikkut tamikkullu peqqinnerup pingaaruteqassusianik aammalu inuulluarniutinik putumanartunillu atornerluisarnikkut ajornartorsiutaalersartunik paasinnitsinnissaannut.
Ilaqutariinnermut tunngasunik ilisimasaqarneq.
§ 19. Atuartitsinerup siunertaraa atuartut ilisimaqalernissaat namminneq inuillu allat inuiaqatigiinni inooqataanerat ilusinittarmat gruppinut assigiinngisitaartunut atassuteqarnermi.
Imm. 2. Sulinikkut atuartut paasisaqartinneqassapput
1) tunngaviusumik pingaaruteqartunik, ilaqutariittut ataatsimoorluni inooqatigiinnermut atassuteqartunik inuppalaartumik suliniuteqarnissamut periarfissatigut killissarisanik,
2) ilaqutariinnermut, ineqarnermut, avatangiisinutaningaasanullu tunngassuteqartunik aamma
3) suliniuteqarniarnermi periarfissanut pisortat ikiorsiissuteqamikkut, tapersiinikkut iluarsartuussinikkullu sunniuteqartarnerannik.
Imm. 3. Anguniameqassaaq atuartut paasinnilertinnissaat allat peqatigalugit ulluinnarni inuunermut tunngasunik aaqqissueqataanissamut periarfissanik .§ 20. Atuartitsinermi siunertaavoq aqqusinertigut imaatigullu angallannermi aammalu nunakkut angalatilluni navialiffiusinnaasunik ulorianartorsiorfiulersinnaasunillu atuartut ilisimasaqalerlutillu paasinninnissaat, aammalu peqqussutinik maleruaqqusanillu tamatumunnga atatillugu pingaaruteqartunik ilisimatitsissuteqarfigineqarnissaat.
Imm. 2. Anguniameqassaaq atuartut angallattut akornanniitillutik ulorianartorsioriataarsinnaanermi navialinnginnissamut periataarsinnaasuunissaat aammalu angalasarsinnaanissaat imminermut allanullu isumannaatsumik.
Imm. 3. Atuartitsineq peqataassaaq atuartut mianersortumik soqutigittartumillu angalasalernissaannut.
Aallaaniarnermik/aallaasilerinermik ilinniartitsineq.
§ 21. Atuartitsinermi siunertarineqassaaq atuartut aallaaniamermi maleruagassanik ileqquusunillu ilisimasaqalersinnissaat, tassunga ilanngullugu aallaaniartarfiit pingaarutaat serlernarnerallu aammalu aallaasinik nalinginnaasumik pigineqartartumik tamakkualu sumut atorneqartarnerinik ilisimasaqalersinnissaat, taamaattunik tigumiaqassagaangamik mianersorluinnarsinnaasaqqullugit.
Imm. 2. Atuartitsinikkut atuartut sungiusarneqassapput aallaaniamermiisumannaarsuinissamikpiginnaanngortinneqassallutillu sakkunik tamakkuninnga eqqortumik angallassisarnissamut, atuisarnissamut aserfallaatsaaliuinissamullu.
Imm. 3. Atuartitsineq peqataassaaq sakkunik tamakkuninnga atomerluisarnerup paarsinerluisamerullu akiomiameqarnissaannut atuartullu paasitinneqarnissaannut tamakkuninnga pigisaqarnerup atuinerullu imminnut allanullu ajunaarutaariataarsinnaanerannik. Aammattaaq atuartitsineq peqataassaaq atuartut paasitissallugit Kalaallit Nunaanni aallaaniarnermi pisat sumut atornissaannik qanorlu suliarineqarnissaannik.
Pinngortitamik eqqissisimatitsineq.
§ 22. Atuartitsinerup siunertaraa ileqqorissaarnermut, pinngortitap kaaviiaarneranut aningaasarsiornermullu tunngaviusut nunarsuarmi tamarmi eqqissisimatitsimernut Kalaallit Nunaannilu uumasut naasullu sianiginiarneqarnissaannut tunuliaqutaanerinik atuartut paasitinniassallugit.
Imm. 2. Atuartut ilisimasaqalersinneqassapput Kalaallit Nunaata timmiaanik, aalisagaanik miluumasuinillu imarmiunik nunamiunillu eqqissisimatitsinissamik aalajangersakkani ilanngunneqarsimasunik imaluunniit piniarnissaannut aallaaniarnissaannulluunniit killiliiffigineqarsimasunik aammalu aalajangersakkat tamakku pingaarnersaannik ilinniartinneqassallutik.
Imm. 3. Atuartut ilinniassavaat naasut mianernartut taamatullu uumasut ataatsimut isigalugit inuunerisa sernigineqarnissaat.
Imm. 4. Atuartut paasisaqartinniameqassapput maleruagassat pinngortitap aserfallatsaalineqarnissaanut tunngasut inooqatigiinnit pilersitaasimasut siunertaannik, tamakkuninnga ataqqinninnissartik ilikkaqqullugu.
Nunanik, qanganitsanut eqqaassutissanik illunillu eqqissisimatitsineq.
§ 23. Atuartitsinerup siunertaraa ajunngitsuutitaqarluni kusanartuutitaqarlunilu inuunermi tunngaviusunik, qangarsuaq inuunermut takussutaasinnaasut pigiinnarneqarnissaannik isummanut tunulequtaasunik atuartut paasitinniassallugit.
Imm. 2. Atuartut ilisimalersinneqassapput nunapilaanik, qangarsuarnitsanut eqqaassutissianik illuutinillu nunaqarfikkuutaartumik eqqissisimatitsinissamik maleruagassianut atatinneqartunik aammalu eqqissisitsinemik nunamut tamarmut atortunik pingaarnernik.
Imm. 3. Atuartut paasisaqartinniarneqassapput maleruagassiat qangarsuaq maannalu pisimasut imminnut ataqatigiinnerisa pigiinnarneqarnissaannut inooqatiginnik pilersitaasimasut siunertaannik, tamakkuninnga ataqqinninnissartik ilikkaqqullugu.§ 24. Atuartit sinerupsiunertaraa ileqqorissaarnermut, pinngortitap kaaviiaarneranut aningaasarsiornermullu tunngaviusut avatangiisit inuiaqatigiinni taamatullu inunni kikkunniluunniit pingaaruteqamerinik aamma nunani issittuni pinngortitarsuup mianernassusianik paasinninnissamut tunuliaqutaanerinik atuartut paasitinniassallugit.
Imm. 2. Atuartut ilisimasaqalersinneqassapput avatangiisit illersomissaannut periaatsinik sungiusarneqassallutillu najukkaminni taamatullu nunani aallaaniarsinnaanerup nalaani allakkulluunniit tikittakkaminni avatangiisit illersornissaannut .
Imm. 3. Atuartut paasitinniarneqassapput maleruagassiat avatangiisinut tunngasut atortuusut inooqatigiinniit pilersitaasimasut siunertaannik.
Iliniagaqarnissamik inuussutissarsiutitaarnissamillu nassuiaaneq.
§ 25. Atuartit sinermisiunertaavoq ilinniaqqinnissamut suliffissaqartuaannamissamullu periarfissaqameranik tamatumunngalu atasumik pissutsinik piumasarisanillu atuartut paasisaqartinnissaat.
Imm. 2. Anguniarneqassaaq atuartut eqqarsaatiginnilersinnissaat ilinniagarilerumaagassatik suliffigilerumaagassatillu sapissangannginnerlugit sunillu ilimasuffigissanerlugit, paasitinniarnissaallu sapinnginnerulerlutillu soqutiginninnerulissagunik periarfissarisaannik - iluaqutigisassaannik paasisaqarnerulerlutillu inersimanerulerunik.
Imm. 3. Atuartitsineq suleqataassaaq atuartut ilinniagassaminnik inuussutissarsiutigiligassaminnillu qinersinissaminnut piareersarnerminni tunngavissarissaarnerulernissaannut paasinninnissaannullu ilinniagassamik, inuussutissarsiutigiligassamik suliffigiligassamillu qinersinerup isigisariaqarneranik arlalinnik aalajangerniagassaqalernertut, aalajangertariaqartunik pissaqarniarnikkut qanorluunniit atugaqaraluartilluni.
Nalerput pillugu ilisimasassanik nassiuaaneq, tassunga ilanngullugu ilinniagaqarnissamik inuussutissarsiutitaarniarnissamillu nassiuaaneq sulinermut tunngasunik ilisimasassartalik.
§ 26. Atuartitsinermi siunertarineqarpoq atuartut najukkaminni, inuiaqatiminni nunarsuarmilu nunani allani ajornartorsiutaanerusartut ilaannik paasinninnermikkut ulluinnarni inuunerup ataqatigiissinnerullugu isiginissaanut periarfissaat allisassallugit. Atuartitsinermi ilinniagaqarnissamik inuussutissarsiutitaarniarnissamillu nassuiaaneq ilaassaaq, tak. § 25.
Imm. 2. Sulinermut tunngasunik ilisimasassanik atuartitsinerup peqataaffigissavaa atuartut ilisimasaqalerlutillu paasisaqartinnissaat sulinermut inooqatigiinnermullu tunngasunik ilisimasaqarnerulissutigisassaannik, tamatumunnga ilanngullugit ilinniagaqamissamut periarfissat inuussutissarsiummik toqqaanissamut aqqutaasinnaasut.
Imm. 3. Anguniarneqassaaq atuartut annertunngikkaluartumikpisinnaalernissaat naalakkersuinermut, aningaasarsiornermut qanorlu anguniagaqarnermut tunngasunik oqaaserineqartartunik naliliisarnissamut suliffiit qanoq ittuutinneqarnissaannut aalajangiisuusartunik, aammalu soqutigisanik suliffiutilinnit sulisartunillu aammalu pisortatut oqartussaasunit sulissutigineqartartunik.
Imm. 4. Atuartitsinerup peqataaffigissavaa atuartut naalakkersuinermut tunngasunik soqutiginnilersikkiartortinneqarnissaat, paasiniaalluarnerusaleqqullugit oqaluttuarisaanikkut tunngaviusunik tunngaviusunillu eriagisariaqartunik namminneq allallu oqaaseqartarnerminni iliuuseqartarnerminnilu tunuliaqutarisaminnik .
Imm. 5. Atuartitsinerup peqataaffigissavaattaaq atuartut ilisimasaqalernissaat inuiaqatigiit ullumikkut isumaqatigiinngissuteqalertarnerannut pissutaasartut ilaannik, qanoq aaqqinniameqartarsinnaanerannik aammalu inuup kisimiilluni allanilluunniit suleqateqarluni inuiaqatigiinni aalajangerneqartartunut sunniuteqarniartarsinnaaneranik.
Sananeq.
§ 27. Atuartitsinerup siunertaraa atuartut pisinnaasaqalernissaat qisunnik saviminernillu assassorluni suliaqarnermi suleriaatsinik teknikkikkullu periaasiusartunik atortussat fagimi atorneqartartut sakkuutigineqartartullu suussusiinut misilittagaqaatigilersinnaasaminnik.
Imm. 2. Anguniarneqassaaq atuartut sakkut eqqortumik atorneqarnissaannik aserfallatsaaliorneqarnissaannillu ilisimasaqalersinnissaat, nutaanik pilersitsisinnaanerminnut piginnaassutsiminnik, nammineerlutik qanoq iliuuserisinnaasaminnik aammalu assassorluni sulinermik nuannarisaqarnermik ineriartortitsinissaat.
Imm. 3. Atuartitsinerup peqataaffigissavaa atuartut nioqqutissanik pisariaqartitaminnik atuisartutut naliliisinnaanerata ineriartortinnissaa.
Tyskit oqaasii.
§ 28. Atuartitsinerup siunertaraa atuartut tyskisut oqaluttunik paasinnissinnaasalernissaat, oqaatsinik taakkuninnga atuisinnaalernissaat, tyskisut allakkat imarisaannik paasinnissinnaalernissaat oqaatsillu taakku atorlugit allassinnaalernissaat .
Imm. 2. Atuartut nunani oqaatsinik taakkuninnga atuiffiusuni inuuniamikkut atugarisanik kulturimillu paasinnissinnaanermut periarf issarisaat atuartitsinikkut annertusarneqassapput, taamaalillutik inuiaqatigiinnikassigiinngitsunik paaseqatiginninnissamut tunngavissarissaarnerulersinnaaqqullugit.
Imm. 3. Atuartitsinermi suleqataaffigineqassaaq atuartut oqaatsinik atuinissaminnut kajumigisaqartuaannarnissaat, aammalu soqutiginnilernissaat oqaatsinut taakkununnga suli pikkorissarnerunissaminnut.
Skrivemaskiinamik allaneq.
§ 29. Atuartitsinerup siunertaraa atuartut skrivemaskiinap atornissaanik sungiussisilluartinneqarnissaat aammalu pattaffiiisiginngikkaluarlugit ima atuilluartigisinnaalemissaannik, skrivemaskiina atorsinnaalissallugu uumarisumik allanullu pisariillisaataasumik.
Motoorilerineq.
§ 30. Atuartitsinerup siunertaraa atuartut motoorit assigiinngitsut qanoq sananeqarnerannik nalinginnaasumik namminneq takunnillutik ingerlasarnerannullu tunngavippiaasunik teorikkut ilisimasaqalernissaat, pingaartumillu ilisimasaqalernissaat immakkut nunakkullu angallatit sananeqartarnerannut tunngaviusartunik qanorlu paarineqarnissaannik.
Imm. 2. Anguniameqassaaq atuartut paasisimasaqalaalernissaat motoorit aammalu nunakkut immakkullu angallatit ajoquteqalaartut eqqorluarsarlugit iluarsiniartarnissaannik aserfallatsaaliornissaannillu .
Imm. 3. Atuartut motoorinik suliaqarnerup ulorianartoqarsinnaaneranik paasinnitsinnissaat pingaartinneqassaaq.
Imm. 4. Sulinikkut anguniameqassaaq atuartup assassornikkut piginnaassutsiminik teknikkimullu tunngasunik paasinninnerminik kisimiilluni imaluunniit allanik suleqateqarluni ineriartortitsinissaa.
Piniarneq/aalisarneq.
§ 31. Atuartitsinerup siunertaraa atuartut piniarnermik aalisamermillu nunaminni ingerlanneqarsinnaasumik, angallatinik piniutinik aalisariutinik assigiinngitsunik tamakkualu teknikkikkut atortorissaarusersugaanerannik aammalu piniutinik aalisariutinik assigiinngitsunik tamakkulu qanoq atorneqartamerannik ilisimasaqalemissaat. Aamma uumasut piniakkat aalisakkallu pisarineqarniariarlutik nunamullu assartorneqarnerminni suliarineqartarnerannut, nioqqutissatut ingerlateqqinneqartarnerannut tunineqartarnerannullu tunngasut paasitinniarneqassapput.
Imm. 2. Aammattaaq anguniarneqassaaq atuartut tamakkununnga atasumik pingaaruteqartunik pikkorissarnissaat atuartitsinerup soqutiginnilersitsisinnaasumik takutitsinertaqartittarneratigut atuartut assamminnik suliassaannik ilaqartinneqartartumik inuussutissarsiutip immikkoortuini tamani, naak inuussutissarsiummut ilinniartitsiniviunngikkaluartumik.
Imm. 3. Atuartut paasinnitsinniartariaqarputtaaq piniartutut aalisartutullu inuussutissarsiutip Kalaallit Nunaanni inuussutissarsiornermut nunallu aningaasassaqarniarneranut qitiusumik pingaaruteqameranik. Aammattaaq Kalaallit Nunaata nunarsuarmilu nunat allat eqqaanni sinerianni imavinnilu uumasut amerlassutsimikkut oqimaaqatigiiaarluarnissaasa pingaaruteqassusianik.
Naatsorsuuserineq.
§ 32. Atuartitsinerup siunertaraa atuartut naatsorsuutinut namminerminni inuiaqatiminnilu naapittarumaagassaminnut atorfissaqartittarumaagassaminnullu paasisimasaqalersinnissaat.
Imm. 2. Atuartut ilinniartinneqassapput nalinginnaalluinnartunik naatsorsuusiornermut, kialuunniit ulluinnarni atorfissaqartissinnaasaanik.
Imm. 3. Atuartut aningaasaatinik atorfissaannut iluarsartuussisinnaaneruppaarsilluarnerullupingaaruteqassusiannik paasinnitsinneqassapput.
Ammerineq amernillu mersorneq.
§ 33. Atuartitsinerup siunertaraa atuartut tunngaviusumik ilisimasaqalernissaat periaatsinut atorneqarsinnaasunut amemik nersutillu amiinik meqqulinnik kalaallit assassorlutik suliarisartagaannik suliaqarnermi.
Imm. 2. Atuartut assigiinngitsunik ammerinermi ilisimalluagassanik periaatsinillu ilinniartinneqassapput, tamakkununngalu ilanngullugu ilinniartinneqassallutik ammerinermi sakkut ammillu atortussat suussusiinik.
Imm. 3. Atuartut sulinermikkut pisinnaanngortiniarneqassapput qalipaasersuinermut sungiusarneqassallutillu namminneerlutik nutaanik ilusilersuisalernissaannut.
Imm. 4. Atuartitsinikkut atuartut suliamut pineqartumut namminneq soqutiginninnerat annerulersinniarneqassaaq, peqataalersinnaaqqullugit kulturikkut kingornussarsiamik ingerlateqqinneqarnissaanut.
Qarasaasialerinermik ilinniartitsineq.
§ 34. Atuartitsinermi siunertaavoq atuartut elektronikkimik qarasaasialerinermik taassumalu sumut atomeqartarneranik ilisimasaqalernissaat.
Imm. 2. Atuartitsinerup atuartut qarasaasianik atuinikkut isumaliutigisarialinnik paasiniaanermi misigisaqartillugillu paasisimasaqalernissaannik periarfississavai.
Imm. 3. Atuartitsineq atuartut qarasaasianik atuinerup periarfissiissutaanik, sunniutaanik kingunerisaanillu naliliisinnaanissamut tunuliaqutaqalernissaannut peqataassaaq.
Atortuulersitsineq il.il.
§ 35. Nalunaarut atulerpoq 1. august 1991-imit.
Imm. 2. Tamatumunnga peqatigitillugu meeqqat atuarfiini fagit siunertaat pillugit Namminersornerullutik Oqartussat nalunaarutaat nr. 16., 30. april 1985-imeersoq atorunnaarsinneqarpoq.
Imm. 3. Atuartut ukiumi atuarfiusumi 1991/92-imi 11. imaluunniit 12. klassimi atuartuusut maleruagassat nalunaarummi imm. 2-mi taaneqartumi aallajangersakkat malillugit ingerlaqqissapput.
Namminersornerullutik Oqartussat, ulloq 28. juni 1991.
Lars Emil Johansen/
Kaj Kleist