Namminersornerullutik Oqartussat nalunaarutaat nr. 21 ulloq 26. juni 1991-imeersoq aalisarnermut, piniarnermut aallaaniarnermullu allagartanut tunngasoq.

Inatsisartut inatsisaanni nr. 17. af 22. oktober 1990-imeersumi inuutissarsiutigalugu aalisarnermut tunngasumi, § 3, imm. 4. aamma Inatsisartut inatsisaanni nr. 12-imi 22. november 1984-imeersumi inuutissarsiutigalugu piniarnermut aalisarnermullu tunngasumi § 3, imm. 3 tunnagvigalugit aalajangersarneqarpoq:

 

§ 1. Aalisarsinnaanermut allagartaq imaluunniit piniarsinnaanermut aallaaniarsinnaanermullu allagartaq 1986-imi, 1987-imi, 1988-imi, 1989-imi 1990-imiluunniit atorunnaarsimappat 1. juli 1991 tikitsinnaguluunniit atorunnaarsimappat, allagartap atortinneqarsinnaaffia - una nalunaarut tunngavigalugu - 1. januar 1992-imut sivitsorneqassaaq.

§ 2. Aalisarsinnaanermut allagartat aammalu piniarnermut aallaaniarnermullu allagartat 1986-imi, 1987-imi, 1988-imi, 1989-imi, 1990-imi 1991-imi kiisalu 1. januar 1992-iutinnagu atortussanngortinneqartussat 1. januar 1992-ip tungaannaanut atortuusinnaapput.

§ 3. Nalunaarut atortuulersinneqarpoq 1. juli 1991.
Imm. 2. Taanna ilutigalugu Namminersornerullutik Oqartussat nalunaarutaat nr. 26, 27. december 1988-imeersoq aalisarnermut, piniarnermut aallaaniarsinnaanermullu allagartanut tunngasoq atorunnaarsinneqarpoq.

Namminersornerullutik Oqartussat, ulloq 26. juni 1991

Kaj Egede

/

Jens Paulsen