Isumaginninnermi siunnersortissanik ilinniartitaaneq pillugu Namminersornerullutik Oqartussat nalunaarutaat nr. 13, 15. april 1991-imeersoq.

Meeqqat atuarfianni ilinniartitsisussat ilinniartitaasarnerat pillugu isumaginninnermilu suliaqartussanik ilinniartitsisarnerit pillugit inatsisartut peqqussutaanni § 29 nr. 1, 16. maj 1989-imeersoq naapertorlugu aalajangersarneqarput:

 

Kapitali 1.
Ilinniartitsisanerup siunertaa.

§ 1. Isumaginninnermi siunnersuisussanik ilinniartitsisarnermi siunertarineqarpoq pisortat namminersortullu ingerlatsiviini, inissiisarfiini suliffeqarfiutaannilu isumaginninnermut tunngasut iluanni sulisussanik ilinniartitsinissaq aammalu tunngaviliinissaq tamatumunnga tunngasutigut ineriartornermik malinnaanissamut.
Imm. 2. Isumaginnermi siunnersortissatut ilinniartitaaneq piginnaaneqalersitsissaaq isumaginninnermi sulianik ingerlatsinerup aamma siunnersuinerup kiisalu pinerluuteqarsimasunik isumaginnittunut, peqqinnissamut tunngasunik suliaqartunut, namminersortut pisortallu inissiisarfiinut ilitsersuisartutut sulinerup isumaginissaannut.

 

Kapitali 2.
Ilinniartussatut tiguneqarneq.

§ 2. Isumaginninnermisiunnersortissatutilinniarniarluni qinnuteqartoq tigutissaguni
1) isumaginninnermi ikiortitut ilinniartitaanermik ukiunik marlunnik sivisussuseqartumik naammassinnissimassaaq aammalu kalaallisut qallunaatullu oqalussinnaassalluni, imaluunniit
2) meeqqat atuarfiata ínaarutaasumik misiliinerini kalaallit qallunaallu oqaasiinik minnerpaamik karakteri 8 pisimassagaa regning/matematik-imilu minnerpaamik karakteri 7, aammalu inuussutissarsiummik sivikinnerpaamik ukiuml ataatsimi misilittagaqarsimassaaq 19-inillu ukioqalereersimassalluni.
Imm. 2. Kultureqarnermi,Ilinniartitaanermi Suliffeqarnermilu Pisortaqarfiup qinnuteqartut allanik tunngavillit akuerisinnaavai, allat aqqutigalugit taamatut piukkunnaateqalersimappatct.

§ 3. Ilinniartussatut tigutinnerit Ilinniarfissuup rektoriata suliarisarpai, Namminersornerullutik Oqartussat Ilinniarfissuarmi aalajangersimasumik rådit ataatsimiititaliallu pillugit nalunaarutaat malillugu.

 

Kapitali 3.
Ilinniarnerup imaarisai annertussusaalu.

§ 4. Ilinniarneq ukiunik pingasunik sivisussuseqarpoq, arfinilinnillu imminnut atasuinnarnik semestereqarluni.

§ 5. Ilinniarnerup imarivai:
Teoriit aamma metodit tiimit 1.000
Psykologi tiimit 380
Sociologi tiimit 360
Aningaasaqarneq, Inuiaqatigiinnik allaaserinninneq/aningaasanut tunngasunik pilersaarusiorne tiimit 300
Ikiuisarnermik inatsisinut tunngasut tiimit 230
Inatsisit ilaqutariinnermut tunngasut tiimit 120
Pisortaqarfitsigut ingerlatsinermut
tunngasut tiimit 120
Socialmedicin tiimit 100
Psykiatri tiimit 64
Pinerluttut pillugit inatsisit tiimit 60
Saqitsaannerit pillugit inatsisit tiimit 32
Akileraartarneq pillugu inatsisit tiimit 32
Ilinniarnermut tunngatillugu suliffimmi sulineq sap. ak. 24-t

§ 6. Ilinniarneq tunngaviusumik ilinniartitaanermik aallarnerneqassaaq.
Imm. 2. Tunngaviusumik ilinniartitaanerup siunertaraa ilinniartut inuiaqatigiinni pissutsinik tamanut tunngasunik, tarnikkut pissutsit pillugit isumaginninnermi ingerlatseriaatsinik, atassuteqaqatigiinnermik ilinniagaqarnermilu periaatsinik paasisimasaqalernissaat.

§ 7. Tunngaviusumik ilinniartitaanerup imarivai:
1) Psykologi, perorsaanermi isumaginninneq,
2) Fagit isumaginninnermut tunngasut,
3) Fagittusagassiuuteqarnernuttunngasut, ilinniagaqarnermi periaatsinut tunngasunik ilalik aammalu
4) Isiginnaartitsineq.

§ 8. Ilinniartut atuarnerminni sulinermik pikkorissarnerminni inuutissarsiornermullu tunngasunik siunnersorneqassallutik periarfissaqarput.

§ 9. Ileqquusumik ilinniartitaanerup ingerlanerani ilinniarnissamut soraarummeernissamullu ilinniartoq peqataanissamut nalunaassaaq ilinniartussatut tiguneqarnini tunngavigalugu.

§ 10. Ilinniartitsinermi peqataanissaq pisussaaffiuvoq.

§ 11. Ilinniartitsinermipeqataaneqnalunaarsorneqartoq najuunnertut, suliamik tunniussaqarnermik aammalu ilinniakkanik aallussinermik akuerineqaqqaassaaq ilinniartoq fagini ataasiakkaani soraarummeernermi peqataasinnaalertinnagu, tak. Ilinniarfissuarmi rådit udvalgillu aalajangersimasut pillugit Namminersornerullutik Oqartussat nalunaarutaat.

§ 12. Ilinniarnermi peqataasimanerit Ilinniarfissuup rektorianit aatsaat akuerineqarpata, ilinniarnerup immikkoortortaanit tulliuttumut ingerlaqqittoqarsinnaavoq, tak. § 11.
Imm. 2. Ilinniartoq ingerlaqqinngitsoortoq, tak. imm. 1., Ilinniarfissuupreíktorianitakuerineqaqqaarluni ilinniarnerup immikkoortortaanik uteqqiisinnaavoq.

§ 13. Ilinniarneqtaamaatiinnarluguunitsissimagaanni Ilinniarfissuup rektorianit akuerineqaqqaarluni ilinniarneq nangeqqinneqarsinnaavoq.

§ 14. Ukioq ilinniarfiusoq aggustip aallaqqaataanit juulip 31-ata tungaanut ingerlasarpoq.

§ 15. Ilinniarnerup immikkoortiternerisa pilersaarusiorneqarnerat imannak immikkoortiterneqartarpoq, tunngaviusumik ilinniartitaanerup nalaa, sapaatip akunnikkaarlugit najoqqutassiaq, sulinermik pikkorissarfiit nalaat, naammassiniagassaqartitsinerit nalaat (projektperioder), pikkorissarnerit soraarummeernerillu nalaat. Taakkualu inissititernerat Ilinniarfissuup rektoriata aalajangertarpaa, Namminersornerullutik oqartussat nalunaarutaat Ilinniarfissuarmi aalajangersimasumik rådit ataatsimiititaliallu pillugit aalajangersakkat malillugit. Pilersaarut taanna killissarititanik pilersaarusiummik taaneqartartoq (rammeplan) ukiut tamaasa Ilinniarfissuup rektorianit aggustip aallaqqaataata qaangiutinnginnerani Kultureqarnermi, Ilinniartitaanermi Suliffeqarnermilu Pisortaqarfimmit akuerineqartussanngorlugu nassiunneqartarpoq.

 

Kapitali 4.
Atuaqatigiittussanik pilersitsineq.

§ 16. Aallaaviusumikatuaqatigiittussat amerlanerpaagunik nalinginnaasumik 20-t sinnersimassanngilaat.

 

Kapitali 5.
Soraarummeerneq misilitsinnerillu.

§ 17. Sammisani ataasiakkaani soraarummeernerit, misilitsinnerit karakterlllu pillugit, Namminersornerullutik Oqartussat isumaginninnermi siunnersortissanik ilinniartitsinermi sammisat pillugit aalajangersagaat atuupput.
Imm. 2. Minnerpaamik fagit marluk nammineerutaasumik allattariarsorluni soraarummeernermi naggataarutaassapput.
Imm. 3. Semesterit arfernata naanerani soraarummeerneq allallugu suliarisimasamit aallaaveqassaaq. Allallugu suliarisimasaq amerlanerpaamik fagini pingasuni soraarummeernermi aallaaviusinnaavoq, taakkualu ilaat ataaseq tassaassalluni fagip teoriivi metodiilu.
Imm. 4. Soraarummeerniq gruppikkuutaarluni pisinnaavoq aammalu sammisimasat akuleriissillugit soraarummeernerusinnaalluni, tassani ilinniartut immikkuutaarlugit soraarummeersinneqartassapput faginilu tamani immikkut karakterilerneqartassallutik.
Imm. 5. Soraarummeerutissat tassaapput atuaqatigiinni ataasiakkaani atuartitsissutaasartut, tassunga ilanngullugit nammineerluni atuarlugit ilikkakkat, tak. Namminersornerullutik Oqartussat nalunaarutaat isumaginninnermi siunnersortissanik ilinniartitsinermi sammisassarititaasut pillugit. Soraarummeerutissat soraarummeernissaq nalliutsinnagu naliliisussamut akuerisassatut saqqummiunneqartassapput. Soraarummeerutissat nassuiarnerat ilinniartitsisunit ataasiakkaanit ilinniartunik oqaloqateqarnikkut suliarineqartassaaq.

§ 18. Naliliisut Kultureqarnermi, Ilinniartitaanermi Suliffeqarnermilu Pisortaqarfiup ivertittassavai. Ilinniartitsissutini soraarummeerfiusuni tamani naliliisoqartassaaq. Kultureqarnermi, Ilinniartitaanermi Suliffeqarnermilu pisortap naliliisut siulittaasuuffigai.
Imm. 2. Ilinniarfissuup rektoriatasoraarummeernerit aqunnissaat isumagisassaraa, §§ 17 - 21 naapertorlugit, aammattaaq Namminersornerullutik Oqartussat isumaginninnermi siunnersortissanik ilinniartitsinermi sammisassarititat pillugit nalunaarutaat naapertorlugu.
Imm. 3. Soraarummeerneqartillugu pissusissamisoortoqanngippat ingerlaannartumik Kultureqarnermi, Ilinniartitaanermi Suliffeqarnermilu Pisortaqarfimmut nalunaarutigineqassaaq.

 

Kapitali 6.
Allattariarsorluni misilitsinnerit.

§ 19. Inaarutaasumik allattariarsorluni suliassat ilinniartitsisumit pisassiissutigineqassapput, naliliisumiillu akuerineqassallutik.
Imm. 2. Misilitsinnerni nakkutilliisoqassaaq.
Imm.3. Akissutitsoraarummeertunitkissaatigineqarpat ilinniarnerup inereerneratigut tunniunneqarsinnaapput. Akissutit tunniunneqanngitsut ilinniarnerup inerneranit atuarnerup immikkoortuata (semester) siulliup qaangiunnerani suujunnaar?inneqarsinnaapput.

 

Kapitali 7.
Oqaluttariarsorluni misilitsinnerit.

§ 20. Apeqqutit soraarummeerutissat ilinniartitsisumit apeqqusiarineqassapput. Apeqqutit soraarummeerutissamut naleqqiullugit pisassiissutinut naleqquttussaapput. Atuartitsissutini ataasiakkaani misilitsinnerup qanoq ilusilersorneqarnissaanik aalajangersaasoqarsimanngippat apeqqut ilinniartup misilitsinneq pitinnagu suliarisimallugu inersimasaanit imaluunniit allallugu suliarisimallugu inersimasaanit ilinniartitsisumillu akuerineqareersimasumit aallaaveqarsinnaavoq.
Imm. 2. Apeqqutit soraarummeerutissat naliliisumit akuerineqassapput. Ilinniartitsisoq pisinnaatitaavoq apeqqutit soraarummeerutissat akuerineqarnissaat pillugu naliliisoq naggataarutaasumik aalajangiisinnagu isumaqatiginiartarnissaanut.
Imm. 3. Apeqqutit soraarummeerutissat makitsinikkut agguaanneqartassapput, tamannapisassaaqsoraarummeersitassat qulequttanik namminneq piumallugit qinnutigisimasaannik imaluunniit ataasiakkaarlutik namminneerlutik atuarsimasaannikimaqartussatutsoraarummeersinneqartussaanngippata. Piareersarsinnaaneq nakkutilliisoqarluni pisassaaq.
Imm. 4. Soraarummeersitsineqilinniartitsisoqsoraarummeersitsisoralugu ingerlanneqassaaq. Sapinngisamik soraarummeersitsisup soraarummeertullu akornanni oqaloqatigiinnertut censorip akuliuffigisinnaasaatut pisassaaq. Suliaasimasut ilinniartup atuartitsissummik sulisimaneranik uppernarsaatitut saqqummiunneqarsinnaasut soraarummeersitsinermut ilanngunneqarsinnaapput. Naliliisoq soraarummeersitsisorlu karakteriliiniarnerup nalaani kisimiissapput. Soraarummeertoq naliliiniarnermi imminut karakteriliunneqarsimasumut tunngaviusunik naatsumik oqaatsit atorlugit paasitinneqarsinnaatitaavoq.
Imm. 5. Oqaluttariarsorluni misilitsinnerit tamanut ammapput.

 

Kapitel 8.
Karakteriliineq.

§ 21. Fagini ataasiakkaani karakteriliineqartassaaq Namminersornerullutik Oqartussat isumaginninnermi siunnersortissatut ilinniartitsinermi suliassarititaasut pillugit nalunaarutaanni taaneqarsimasutut.
Imm. 2. Karakteriliinermi 13-skala atorneqassaaq:
13: Namminersorluinnartumik pitsaalluinnartumillu suliaqarnermi tunniunneqartarpoq.
11: Pitsaasumik namminersortumillu suliaqarnermi tunniunneqartarpoq.
10: Pitsaasumik sungiussiinnarpasissumilli suliaqarnermi tunniunneqartarpoq.
9: Pitsaasumik, tassaakunnakusoortumitpitsaanerulaartumik, suliaqarnermi tunniunneqartarpoq.
8: Akunnakusoortumik suliaqarnermi tunniunneqartarpoq.
7: Naammaannartumik, tass:a akunnakusoortumit ajornerulaartumik, suliaqarnermi tunniunneqartarpoq.
6: Nalornisoortumik taamaattorli naammaginarsinnaasumik suliaqarnermi tunniunneqartarpoq.
5: Nalornisumik naammaginanngitsumillu suliaqarnermi tunniunneqartarpoq.
03: Nalornisooqisumik, amigaqisumik naammaginanngeqisumillu suliaqarnermi tunniunneqartarpoq.
00: Atorsinnaanngilluinnartumik suliaqarnermi tunniunneqartarpoq.
Imm. 3. Soraarummeernermi naliliinerit censorimit soraarummeersitsisumillu aalajangerneqartassapput. Taakku siullermik immikkoorlutik naliliissapput, censorip karakteriliussaa taaneqaqqaassalluni kiisalu naliliinissavimmut isumaqatigiinniarneqassalluni. Censori soraarummeersitsisorlu isumaqatigiissinnaanngippata karakteriliussassaq nanineqartassaaq naliliinerit taakku marluk kateriarlugit agguaqatigiisitsinikkut. Agguaqatigiisitsinermi nanisaq karakterit kisitsisitaanniinngippat karakteri anneq tulliuttoq atorneqassaaq, censori annermik karakteriliisimappat, minnerusorlu tulliuttoq, censori minnermik karakteriliisimappat.
Imm. 4. Karakteri soraarummeernermi pissarsiassaq karakterit arlallit katinnerisigut naniniagassaasimappat kisitsillu naatsorsuinikkut pissarsiaq karakterit kisitsisitaanniinngippat, kisitsit karakterimut annermut akunnaallisinneqassaaq nanisaq tassunga qaninnerpaasimappat imaluunniit kisitsisip annerup kisitsisillu minnerusup akunnerpiaaniippat. Naatsorsukkani allatut inernilinni kisitsit kisitsimmut minnermut qaninnerpaamut akunnaallisinneqartass:aaq.

 

Kapitali 9.
Angusinissamut piumasarineqartut.

§ 22. Soraarummeernermi angusiniaraanni
1) karakterit tamarmik agguaqatigiissinnerat minnerpaamik 6-iussasoq piumasarineqarpoq,
2) teori aamma metode-mi karakteri minnerpaamik 6 piumasarineqarpoq,
3) annerpaamik karakteri ataaseq 6 ataassimassavaa aammalu
4) sulinermik pikkorissarneq akuerineqarsimassaaq.

§ 23. Ilinniartoq atuartitsissummut sumulluunniit soraarummeerniaqqissinnaavoq soraarummeernermini naliligaanermigut 6 ataassimaguniuk.
Imm. 2. Ilinniartoq atuartitsissummi ataatsimi marloriaannarluni soraarummeernissamut peqataajumalluni nalunaarsinnaavoq.
Imm. 3. Ilinniartoq atuartitsissummi ataatsimi ataaseriaannarani naggasiullugu misilitsissimappat, misilitsinnermi kingullermi karakteriliussaq atuussaaq.
Imm. 4. Ilinniartoq ataaseriaannarluni sulinermik pikkorissarnermik uteqqiisinnaavoq.
Imm. 5. Kultureqarnermi,Ilinniartitaanermi Suliffeqarnermilu Pisortaqarfik immikkut ittumik pisoqartillugu aalajangersakkat imm. 1 - 4 sanioqqullugit iliorsinnaatitaavoq.

§ 24. Ilinniartoq napparsimaneq, ilaanngitsoorneq naartunerluunniit nakorsamit allagartaliiffigisimasaq pissutigalugu soraarummeersinnaanngippat soraarummeernerluunniit naammassinngitsoorneqarsimappat, Kultureqarnermi, Ilinniartitaanermi Suliffeqarnermilu Pisortaqarfiup aalajangersagai naapertorlugit soraarummeersitsineqartassaaq napparsimasunut naatsorsuussamik ataasiakkaat taamatut eqqorneqarsimasut najoqqutaralugit aalajangiunneqartartumik, kisiannili imaassalluni atuartitsissutip tulliani soraarummeerutigitinnerani kingusinnerpaamik pissalluni.

 

Kapitali 10.
Allattuiffiit, uppernarsaatít.

§ 25. Ilinniarfissuup rektoria allattuiffinnik ingerlatsissaaq, tassungalu ilinniartut tamarmik immikkut allattorneqarfeqassapput. Allattorneqarfimmut allanneqartassapput ilinniartoq pillugu paasissutissat, atuartitsissutinik qinaasisimanera, atsiukkat, peqataa junnaarsitsinerit nalunaarullu naapertorlugu allaasunik iliuuseqarnerit, sulinermik pikkorissarnermit naliliissut, soraarummeernermi karakterit ilinniartullu suliarisimasaanut akuersissutaasimasut.
Imm. 2. Kultureqarnermi,Ilinniartitaanermi Suliffeqarnermilu Pisortaqarfiup allattuiffiit qanoq isikkoqarnissaat ilusilersussavaat.

§ 26. Ilinniartut soraarummeernermi angusisimasut tamatumunnga uppernarsaammik tunineqassapput. Uppernarsaat inummut ataatsimut tunngasumik oqaasertaqarpoq nalinginnaasumillu tamanut tunngasumik assigiimmik oqaasertaqarluni.
Imm. 2. Inummut ataatsimut oqaaseqaat makkuninnga imaqassaaq:
1) ilinniartoq pillugu paasissutissat piffissamilu soraarummeerf immi sumi atuartitsissummik kingullermik soraarummeersimanersoq,
2) sulinermik pikkorissarnermi naliliissut "akuerinarpoq" pikkorissarfiullu suussusia,
3) atuartitsissutini ataasiakkaani karakterit, § 22 malillugu naatsorsorneqarsimasut,
4) tapertaasumik kursusernerit aammalu
5) allattariarsorluni suliat annertunerusut.

Paasissutissat allat ilanngunneqarsinnaanngillat.

Imm. 3. Nalinginnaasumik tamanut tunngasumik assigiimmik oqaaseqaammi nalunaarummi §§4, 5 aamma 22 ilanngunneqassapput.
Imm. 4. Soraarummeersimanermut uppernarsaat Ilinniarfissuup rektorianit suliarineqartassaaq atuartup allattorneqarfigisimasaa najoqqutaralugu. Ilinniarfissuup rektoriata uppernarsaat atsiussavaa.
Imm. 5. Kultureqarnermi Ilinniartitaanermi Suliffeqarnermilu Pisortaqarfiup soraarummeersimanermut uppernarsaatip qanoq iluseqarnissaa aalajangissavaa.

§ 27. Nalunaarut atuutilissaaq ulloq 1. august 1991.

§ 28. Nalunaarut atuartunut ukioq atuarfiusoq 1990/91 kingusinnerusukkulluunnit tigutissimasunut atuuppoq.
Imm. 2. Atuartut siornatigut tigutissimasut atuarnertik naammassissavaat aalajangersakkat maanna tikillugu atuuttuusut malillugit.

Namminersornerullutik Oqartussat, ulloq 15. april 1991

Marianne Jensen

/

Kaj Kleist