Meeqqat atuarfianni torersaarluartuunissamik pilersitsiniaanissaq pillugu Namminersornerullutik Oqartussat Nalunaarutaat nr. 10, 15. april 1991-imeersoq.
Meeqqat atuarfiat pillugu Inatsisartut peqqussutaanni nr. 10, 25. oktober 1990-imeersumi § 38 naapertorlugu aalajangersarneqarput:
§ 1. Atuarfiupsiunertarisaniangusinnaaniassappagit sulinissamut akornusersuisoqaranilu torersaartumik atuarfimmi pisariaqarpoq. Atuarfiup tungaanit atuartut atuarfimmiinnerminni atugassarisaat ima ilersinniartuartariaqarput atuarfimmi suliassaminnut pissusiat aammalu ilinniartitsisunik atuaqatiminnillu peqateqarnissaat toqqissisimanartuullunilu tatiginninnermik tunngaveqartariaqarluni.
§ 2. Ilinniartitsisut ataasiakkaarlutik aammalu suleqatigiinnermikkut atuarfik tamaat eqqarsaatigalugu aammalu atuaqatigiit ataasiakkaat eqqarsaatigalugit atuarfimmi sulinissamut piumassuseqarlualernissaq anguniartuartariaqarpaat. Atuartut torersaarnissamut peqqussutinik taakkualu isumaannik paasinninnissaat aqqutissiorneqartariaqarpoq oqaloqatigiinnikkut periaatsilluunniit allat atorlugit.
Imm. 2. Ilinniartitsisut aammattaaq atuartunik ataasiakkaanik taakkulu angajoqqaavinik oqaloqateqarnikkut atuarfimmi pissutsinut suleriaatsinullu atugaasunut sungiussiniarnissamut ajornartorsiutit atuartut akornanni saqqummeratarsinnaasut tunuliaqutaat paasiniartariaqarpaat.§ 3. Atuartut piginnaanertik naapertorlugu atuarnerminnut atatillugu ilinniartitsisuminnit suliassiissutigineqartut suliarisassavaat. Aammattaaq maleruaqqusat imminnut inassutigineqartut malittassavaat, aammalu qaqugukkulluunniit ileqqorissaartuussallutik.
§ 4. Atuarfimmi torersaarnissamut maleruagassiat angajoqqaat sinniisaannit suliarineqartassapput ilinniartitsisut rådiannit atuartullu rådiannit, taamaattoqarsimappat, oqaaseqaatit tus;arniareernerisigut.
Imm. 2. Torersaarnissamut maleruagassiat suliarineqarneranni inerteqqutit pinerunagit inassutinik imaqarnissaat anguniartariaqarpoq. Maleruagassiat eqqortinneq ajornartunik imaluunniit eqqorteqqullugit piumasaqaatitaqanngitsunik immikkoortortaqarnaveersaassapput.§ 5. Atuartup ataatsi ppeqqissaarnissamut ileqqorissaarnissamullu pisussaanini sumiginnarpagu aammalu oqaloqatiginninnerit, naveersinerit mianersoqqusinerillu iluaqutaanngippata atuartoq nalunaaquttap akunnerani ataatsimi imaluunniit ullormi ataatsimi atuaqatigiinnut allanut nuutsinneqarsinnaavoq ilinniartitsisoq tigusisussaq siumut oqaloqatigesriarlugu imaluunniit allatut nakkutigineqartumik inissinneqarsinnaalluni.
Imm. 2. Atuartup atuaqataasa imaluunniit atuaqatigiissitat atuartinneqarneirat pillugu pisariaqalerpat ilinniartitsisup atuarfiup pisortaata akuersineratigut erniinnaartumik iliuuserisinnaavaa atuartoq atuarfimmi allatut ittumik atuartinneqalissasoq nalunaaquttap akunnerani ataatsimi imaluunniit ullup sinnerani. Paasinarsippat iliuuserineqarsimasoq ima illuni allaat annerusumik iliuuseqarnissaq eqqarsaatigineqartariaqalerluni, taava atuarfiup pisortaata meeqqap angajoqqaavisa imaluunniit meeqqap angajoqqaavisut pisinnaatitaasut attaveqarfigineqarnissaat isumagissavaa pisimasorlu pillugu oqaloqatigilissallugit.§ 6. Unioqqutitsinernut sualunnerusunut, tamatuma ataaniillutik atuarfiup maleruagassiaanut arlaleriarluni sumiginnaasarnernut aammalu pissusissaanngitsumik peqqarniisaartumillu pissusilersortarnernut pineqaatissiinerit tulliuttut atorneqarsinnaapput § 5-imi periaasissatut taaneqartut naammanngitsutut ikkaangata:
1) Atuartoq atuarfimmi klassiminit klassimut naligisaminut nuutsinneqassaaq utertussaajunnaarlugu. Nuutsitsineq aatsaat atorsinnaalissaaq 3.klassip kingorna.
2) Atuartoq atuarnermit nalinginnaasumit sapaatip akunnera ilivitsoq tikillugu peersitaasinnaavoq. Atuarnermit peersitsineq ukiup atuarfiusup ataatsip iluani ataasiarluni, immikkorluinnarli pisoqartillugu marloriarluni, pisinnaavoq aatsaallu pisinnaassalluni atuartoq atuarfimmit peersitaanermi nalaani pisariaqartumik nakkutigineqarsinnaappat. Aammattaaq atuartoq allatut ittumik atuartinneqassaaq atuarfiup tungaanit tamanna pisariaqartutut isigineqarpat, tassa peersitaanera atuartinneqarnerata tungaatigut pingaarutilimmik ajoqutaassanngimmat. Atuarfimmit peersitsineq atuarfimmi 1., 2. aamma 3.klassini atorneqassanngilaq.
3) Atuartoq nuutsinneqassaaq, illoqarfigisaani arlalinnik atuarfeqarsimappat, atuarfimmut allamut klassimut naligisaanut. Nuutsitsineq aatsaat atorsinnaalissaaq 3. klassip kingorna.
Imm. 2. Atuartunut naligisanut nuutsitsinermut aammalu atuarfimmit peersitsinissamut aalajangerneq atuarfiup pisortaata aalajangissavaa ilinniartitsisut rådii angajoqqaallu sinniisaat isumasioqatigereerlugit. Tamatumunnga peqatigitillugu atuarfiup pisortaata atuartup angajoqqaavi allakkatigut nalunaarfigissavai meeqqallu atuarfimmi pissusia pillugu oqaloqatigiinnissamut aggersarlugit.
Imm. 3. Atuarfimmut allamut nuutsitsinermut aalajangerneq kulturimut-atuartitsinermullu ataatsimiititaliamit aalajangerneqartassactq atuarfiit pineqartut pisortaasa inassuteqarnerat malillugu. Atuarfiit pisortaat inassuteqassapput atuarfimminni ilinniartitsisut rådii angajoqqaallu sinniisaat isumasioqatigereerlugit. Suliassami aalajangiinissaq pitinnagu atuartup angajoqqaavi oqaaseqaateqarnissaminnut periarfissinneqarsimassapput.§ 7. Periarfissiissutit §§ 5-imi aamma 6-imi taaneqartut angajoqqaat akuersitinnagit imaaliinnarluni atuartunut atuartuusussaatitaanerup iluani atuartuusunut atorneqarsinnaanngillat, taakkua taamaallaat peqquteqanngitsumik atuanngitsoorsimanermik maleruagassianut sumiginnaasimappata.
Imm. 2. Akuersaarnissaqnangartorneqarpatatuarfiup pisortaata angajoqqaat sinniisaat siunnersorsinnaavai Inatsisartut peqqussutaanni § 37-imi imm. 4-imi aalajangersakkat malillugit iliortoqalissasoq.§ 8. Timikkut annersitsilluni pillaaneq atorneqassanngilaq.
Imm. 2. Atuartut allanut peqqarniitsuliornerat imaluunniit aserorterinerat imaluunniit pigisanik innarliinerat pinngitsoortinniarlugu pissaaneq pisariaqartutut naatsorsuussaq atorneqarsinnaavoq.
Imm. 3. Imm. 2-mi oqaatigineqartutut pisoqartillugu atuartoq erniinnaartumik atuaqatigiinnit peersinneqarsinnaavoq, tamatumalu kingorna atuarfiup pisortaata periusissat pisariaqartut aalajangissavai.
Imm. 4. Aserortikkanik imaluunniit pigisanik innarlikkanik taarsiinissamut pisussaaffeqalernikkut taarsiisitsiniarnermi inatsisitigut malittarisassat nalinginnaasut atorneqassapput.§ 9. Atuartup naammaginanngitsumik pissusilersortarnera ileqqulersortarnikkut ajornartorsiutinik imaluunniit tarnikkut ajuutinik peqquteqarsorinarpat atuarfiup tungaanit pineqaatissiisinnaanerit § 6-imi allassimasut atornaveersaarneqassapput, taarsiulluguli atuartup qanoq issusia ineriartornissaalu ikiorserniarlugit Siunnersuisarfik Pædagogisk-psykologisk rådgivning/det tværfaglige kontaktudvalgi saaffigineqassaaq immikkut ittumik atuartinneqarnissaa aammalu immikkut ittumik perorsaanikkut ikiorserneqarsinnaanissaa anguniarlugu. Tamatuma kingorna inunnik isumaginninnikkut oqartussaasut suliamut ilanngunneqarsinnaapput.
Imm. 2. Inunnik isumaginninnikkut oqartussaasunut saaffiginninneq aatsaat pisassaaq atuarfiup tungaanit atuartup angajoqqaavi namminneerlutik tassunga saaffiginneqqullugit iluaqutaanngitsumik kaammattortareerlugit. Inunnik isumaginninnikkut oqartussaasunut saaffiginninnerit tamaasa angajoqqaat tamatigut ilisimatinneqartassapput. Inunnik isumaginninnikkut oqartussaasunut saaffiginninnerit amerlanertigut taamaallaat angajoqqaat paaseqatigalugit pisassapput.
Imm. 3. Inunnik isumaginninnikkut oqartussaasunut saaffiginninneq atuarfiup pisortaata suliassaraa nalinginnaasumik Siunnersuisarfik Pædagogisk-psykologisk rådgivning/det tværfaglige kontaktudvalg isumasioqatigereerlugu, aammalu taanna aqqutigisinnaavaa.§ 10. Kultureqarnermi, Ilinniartitaanermi Suliffeqarnermilu Pisortaqarfik atuarfimmi torersaarnissamik maleruagassatut ilitsersuutinik suliaqarsinnaavoq.
§ 11. Nalunaarut atulerpoq 1. august 1991-imit.
Imm. 2. Tamatumunnga peqatigitillugu Kultur- og undervisningsdirektionip kaajallaasitaa nr. 9/80 24. marts 1980-imeersoq Ordneqarnissamik maleruagassiat tunngavissiat aammalu Kultur- og undervisningsdirektionip kaajallaasitaa nr. 10/80 2:4. marts 1980-imeersoq Naalagaatsuliornerit pillugit iliuusissat atorunnaarsinneqarput.
Namminersornerullutik Oqartussat, ulloq 15. april 1991.
Marianne Jensen/
Kaj Kleist