Namminersornerullutik Oqartussat atuartunik kalaallisut oqaasiliunngitsunik atuartitsineq pillugu nalunaarutaat nr. 7, 15. april 1991-imeersoq.
Meeqqat atuarfii pillugit landstingip peqqussutaani nr. 6-imi 16. oktober 1979-imeersumi § 12 stk. 3 naapertorlugu aalaj angersarneqarput:
§ 1. Nalunaarummi uani atuartunik kalaallisut oqaasiliunngitsunik oqarnermi eqqarsaatigineqarput atuartut kalaallit oqaasiinik ima pisinnaasakitsigisut atuartitsineq kalaallit oqaasii atorlugit ingerlanneqartoq malinnaaffigisinnaanagu.
Imm. 2. Atuartoq kalaallisut oqaasiliunngitsutut taassallugu pissutissaqartumik qularineqarpat nalunaarut manna malillugu atuartinneqarnissaanik angajoqqaat kissaatigisaat akuerineqassaaq, tamanna atuarfiup pisortaanut allakkatigut nalunaarutigippassuk, taassumannga siunnersorneqarluarsimanertik tunngavigalugu.
Imm. 3. Taamaattorli atuartitsinerup illersorneqarsinnaanera naapertorlugu atuartut kalaallisut oqaasiliunngitsut atuartut kalaallisut oqaasillit peqatigalugit atuartinneqassapput, atuartut taakkua marluiusut akornanni inuttut inooqatigiinnermi peqatigiinnerup annertusarnissaa anguniarlugu.
Imm. 4. Kultureqarnermi, Ilinniartitaanermi Suliffeqarnermilu Pisortaqarfik ilioriusissat imm. 3-mi taaneqartut naammassineqarnissaannut ikiorsiissutaasussanik maleruagassaliorsinnaavoq.§ 2. Klassimi kalaallisut oqaasiliunngitsunik ukioqatigiinnik 16-inik imaluunniit taakkunannga amerlanerusunik atuartulimmi tiimit agguataarnissaannut pilersaarut 1 aamma 2 ilanngunneqartut atorneqassapput.
Imm. 2. Tiimit amerlassusiisa imm. 1-imi taaneqartut saniatigut klassini 18-inik taakkuluunniit sinnerlugit atuartoqartuni holdinut marlunnut avitsisoqartassaaq taamaattorli ilinniartitsisup skemami tiimii amerlanerpaamik tiiminik ukuninnga ilallugit:2., 3. aamma 4. klassini, danskit oqaasii (plan I) : 2
2., 3. aamma 4. klassini, kalaallit oqaasii (plan I): 1
7.klassini,tuluitoqaasii(planI) :1
6. klassini, tuluit oqaasii (plan II) : 1§ 3. Atuartut kalaallit oqaasiinik imaluunniit danskit oqaasiinik atuilluarsinnaanngitsut namminneq oqaaserisaminnik atuartinneqarnissaannut pissutsit naapertorlugit aaqqissuussiffigineqarsinnaapput.
§ 4. Aammattaaq atortuupput ileqquusumik atuartitsisarnissamut pilersaarutit il.il. pillugit Namminersornerullutik Oqartussat nalunaarutaanni aalajangersakkat.
§ 5. Kultureqarnermi, IlinniartitaanermiSuliffeqarnermilu Pisortaqarfik immikkut ittunik pisoqartillugu nalunaarummi aalajangersakkanik sanioqqutitsisinnaavoq.
Imm. 2. Kultureqarnermi, Ilinniartitaanermi Suliffeqarnermilu Pisortaqarfik nalunaarummi aalajangersakkat naammassineqarnissaat pillugu maleruagassaliorsinnaavoq.§ 6. Nalunaarut una atuutilissaaq 1. august 1991.
Imm. 2. Ulloq taanna atorunnaassaaq atuartunik kalaallisut oqaasiliunngitsunik atuartitsineq pillugu Namminersornerullutik Oqartussat nalunaarutaat nr. 11 11. maj 1988-imeersoq.
Imm. 3. Atuartunut ukiumi atuarfiusumi 1991/92-imi 11. imaluunniit 12. klassimiittunut atuutissapput ileqquusumik atuartitsisarnissamut pilersaarutit il.il. pillugit Namminersornerullutik Oqartussat nalunaarutaanni § 12 imm. 3-mi aamma nalunaarummi uani § 1 imm. 3-mi aamma 4-mi aalajangersakkat.
Namminersornerullutik Oqartussat, ulloq 15. april 1991.
Marianne Jensen/
Kaj Kleist
Ilanngussaq 1 (pdf-format)
Ilanngussaq 2 (Qarasaasiatigut pigineqanngilaq)