Namminersornerullutik Oqartussat nalunaarutaat nr. 6 ulloq 8. april 1991-imeersoq angallatit 75/BRT/120 BT anginerusulluunniit raajarniarsinnaanissaannut akuersissummik tunineqartarnerinut tunngasoq.

Inuutissarsiutigalugu aalisarneq pillugu inatsisartut inatsisaat nr. 17 ulloq 22. oktober 1990-imeersumi §§ 8 aamma 9, § 11, § 12, imm. 2, § 18 aamma § 28 najoqqutaralugit aalajangersarneqarpoq:

 

Kapitali 1.
Nalunaarutip atortuufissaa.

§ 1. Nalunaarut Kalaallit Nunaata aalisarfittaani inunnut piginneqatigiiffinnullu kalaallit angallataanik inuutissarsiutigalugu raajarniarnermik ingerlataqartunut atortuuvoq, takuuk aalisarnermut inatsimmi § 5, angallatit 75 BRT/120 BT anginersulluunniit (angallatip qanoq uuttuuteqarneranut aallagartaa raalillugu).
Imm. 2. Nalunaarummi angallatit angissusii allassimapput uuttueriaatsit inatsit nr. 203-mi 18. maj 1977-imeersumi umiarsuarnik uuttuisarnermut tunngasumi aamma maleruagassani siusinnerusukkut atuuttuni aalajangersakkat naapertorlugit.

 

Kapitali 2.
Aalisarfiusinnaasut.

§ 2. "Kitaani" (K), "Kitaata Avannaani" (KA) aammalu "Tunumi" (T) nalunaarummi ima paasineqassapput Kalaallit Nunaata imartaani aalisarfiusinnaasut, taakkulu Kalaallit Nunaanni tamakkiisumik pisassanit tamarmik immikkut pisassiiffigineqarsimapput.

 

Kapitali 3.
Akuersissut, pisassanit pisassat, aammalu ukiumut pisassat

§ 3. Raajarniarneq aatsaat ingerlanneqarsinnaavoq angallammik piginnittut akuersissummik pigisaqartillugit. Akuersissummi kilisaataatillit aalisarfiusinnaasimi tamani pisassanit pisassaasa annertussusaat allassimassaaq. Akuersissut piffissaq eqqarsaatigalugu killilerneqarsimanngilaq.

§ 4. Akuersissut piginnittumut aalajangersimasumut tunniunneqassaaq, tassanilu angallatit aalisassutigineqartussat allassimassapput.

§ 5. Angallatit Naalakkersuisunit akuerineqarsimasut kisimik atorneqaqqusaapput, takuuk § 4,
Imm. 2. Naalakkersuisut angallatit aatsaat akuersissuteqarfigisinnaavaat
1) piginnittuunermut tunngasut aalisarnermut inatsimmi maleruagassanut naapertimppata aamma
2) aalisarsinnaasat Naalakkersuisiut naliliinneratigut aalisarnermi periarfissanut naleqquttunngorsarneqarsimappata.
Imm. 3. Akuerineqarnissamik qinnuteqaatit allaganngorlugit Naalakkersuisunut nassiunneqassapput.

§ 6. Pisassanit pisassarisanik tunniussinermi, takuuk aalisarnermut inatsimmi § 13, piumasarineqartarpoq tunniussinermi aalisariutit pisarisinnaasaasa aalisarnermi periarfissanut naleqquttunngorsarneqarnissaat.

§ 7. Naalakkersuisut ukiut tamaasa pisassaqarfiusuni annertunerpaamik pisarineqarsinnaasut ("TAC") aalajangersartarpaat tamatumalu kingorna kilisaataatillit ukiumut pisassaasa annertussusaat pillugit nalunaarfigisarlugit.
Imm. 2. Kilisaataatillit ukiumut pisassaat naatsorsorneqartarput kilisaataatillit pisassanit pisassaasa Kalaallit Nunaanni tamakkiisumik pisassiissutigineqartunit ganngerrieqarneratigut. Taakkulu naatsorsorneqartarput aalisarfiit KA, K aainma T tamarmik immikkoortillugit.

§ 8. Naalakkersuisut ukiup ingerlanerani annertunerpaamik pisarineqarsinnaasutut akuersissutigineqarsimasut aanertussusaat allanngortissinnaavaat, takuuk § 7, imm. 1. Taamatuttaaq Naalakkersuisut piffinni pisassaqarfiusuni aalisarsinnaanerit killilersinnaavaat.
Imm. 2. Imm. 1 naapertorlugu allannguutissat killiliinissallu aatsaat pisinnaapput isumalluutissat piujuaanarnissaat eqqarsaatigineqarpat, aatsaallu atuutilersinneqarsmnaallutik kattuffiit attuumassuteqartut isumasiorneqareernerisigut.

§ 9. Akuersissut taassumalnunniit assilineqarnera angallammiitinneqassaaq.

 

Kapitali 4.
Aalisarnermi malittarisassat allat.

§ 10. Angallatini tamani aqumiut 60%-ii aammalu inuttat allat tamarmik tassaasariaqarput,
1) imriaqatigiinnut kalaallinut aalajangersimasumik attuumassutillit,
2) Kalaallit Nunaanni najugaqartutut inuit aqqisa allattorsimaffianni nalunaarsorneqarsimasut aammalu Kalaallit Nunaanni najugaqartutut inuit aqqisa allattorsimaffianni ukiuni kingullerni marlunni nalunaarsorneqarsimasut,
3) Kalaallit Nunaanni tamakkiisnmik akileraartartut aammalu Kalaallit Nunaanni tamakkiisumik akileraartussaatitaasimasut ukiuni kingullerni marlunni.
Imm. 2. "Aqumiut" uani imatut paasineqassapput inuttat aalajangersimasut makkuusut:
1) umiarsuup naalagaa,
2) aquttut aamma
3) igasoq/pilittaq.
4) qalorsualerisut pisortaat
5) suliffissuup pisortaa aamma formandia
Imm. 3. Maskiinalerisut qullersaat aamma maskiinalerisuunnerit imm. 1-imi malittarisassani ilaatinneqanngillat.
Imm. 4. Imm. 1 litra 2) aamma 3)-imi malittarisassat atuutissanngillat pineqartoq piffissani pineqartuni nunani allani aalisarnerup iluani ilinniarnissani siunertaralugu aallaqqagallarsimappat.
Imm. 5. Naalakkersuisut pissutsini immikkorluinnaq ittuni - tassunga ilaatillugit nunami suliffissuarnut tulaasuinissat qulakkeerneqarnissaat - imm. 1-imi malittarissat immikkut ittumik akuersissuteqarfigisinnaavaat.

§ 11. Aalisarneq unitsinneqassaaq
1) pisassarititaasut § 7 malillugu aalajangerneqarsimasut pisarineqarpata,
2) § 8, imm. 2-mi allannguutissanut killiliisutissanullu aalajangersarneqarsimasut malinneqartussanngortillugit aamma
3) Kalaallit Nunaanni tamakkiisumik pisassarititaasut tamakkerlugit pisarineqarpata.
Imm. 2. Aalisarnerli kingusinnerpaamik imitsinneqassaaq taanna pillugu Naalakkersuisut radiokkut tusagassiutitigulluunniit nalunaaruteqarpata.

§ 12. Aalisarnermut maleruagassanik imalluunniit akuersissummi piumasaqaataasunik unioqqutitsineq kinguneqarsinnaavoq taassuma atorsinnaanerata killiliiffigineqarneranik, kiisalu annertuumik arlaleriarluniluunniit unioqqutitsisoqarnerani eqqartuussassanngortitsisoqarsinnaavoq. Tamatumunnga aalajangiineq Naalakkersuisut aalajangissavaat, nalunaarutigineqarneraniillu ullut 15-it qaanngiutsinnagit Kalaallit Nunaanni landsretimut tamanna ingerlateqqinneqarsinnaavoq.

 

Kapitali 5.
Pineqaatisiissutit ikaarsaariarnermilu aalajangersakkat

§ 13. § 3, § 5,imm. 1, §§ 9, 10 aamma § 11-mi aalajangersakkanik unioqqutisinerit kiisalu akuersissummi piumasaqaatinik sumiginnaanerit akiliisitaanermik kinguneqarsinnaapput. Suliassallu tassunga tunngassuteqartut Inatsisartut inatsisaanni inuutissarsiutigalugu aalisarnermut tunngasumi maleruagassat malillugit suliarineqartassapput.
Imm. 2. Aktieselskabimit, anpartsselskabimit, andelsselskabimit partrederiinnilluunniit unioqqutitsisoqarsimappat selskabi taamatut akiliisussanngortinneqarsinnaavoq.

§ 14. Maleruagassaq 1. maj 1991 atortuulissaaq.
Imm. 2. Ilutigisillugu atorunnaarsinneqarpoq Namminersornerullutik Oqartussat nalunaarutaat nr. 27 27. december 1988-imeersoq raajarniarsinnaanermut, saarullinniarsinnaanermut suluppaagarniarsinnaanermullu akuersissutinut tunngasumi angallatinut 75 BRT/120 BT anginersulluunniit raajarniarsinnaaneranut tunngasut.

Namminersornerullutik Oqartussat, ulloq 8. april 1991

Kaj Egede

/

Jørn Graversen