Namminersornerullutik Oqartussat nalunaarutaat nr. 4, 20 februar 1991-imeersoq angalanermi ineqarnermilu, aningaasarsiassaagaluit annaasat taartisissutaasarnissaasa ataatsimiinnersiutillu ilageeqarnermi qinikkat ataatsimiissatillugit matussutissaqartinneqarnissaannut tunngasoq.
Namminersornerullutik Oqartussat peqqussutaata nr. 2 30. marts 1982-imeersup Kalaallit Nunaanni ilageeqarnermut tunngasup paragraffiisa 1-anni imm. 1 malillugu ilagiit siulersuisui ima aalajangersaapput:
Kapitali 1.
Ilagiinni ataatsimiinnissat pilersaarusiortarnissaannut.§ 1. Ilagiit sinniisuini ataatsimiinnissat nunaqarfimmi illoqarfiramiluunniit ilaasortat najugaqarfigisaanni ataatsimiittarnissat sapinngisamik suliffiup avataani ingerlanneqartassapput.
Imm. 2. Palaseqarfiup siulersuisuisa ataatsimiittarnissaat illoqarfimmiitinniarneqartassapput sapinngisamillu suliffiup avataani pisassallutik.
Imm. 3. Ataatsimiittarnissat ilageeqarnermut tunngasut allat nalunaarummi matumani aalajangersakkanut attuumassuteqarsorinartut tamatigut ilagiit siulersuisoqarfianni immikkut ittumik aalajangiineqareerneratigut pisassapput.
Kapitali 2.
Angalanerup allallu akilerneqartarnissaat.§ 2. Ilageeqarnermi qinikkat ataatsimiititalialluunniit ataatsimiinnissaannut peqataajartorluni angalanerni aningaasartuuteqarnerunermut matusissuteqartoqarsinnaavoq (ullormusianik unnuinersiutinillu) Kalaallit Nunaanni atorfillit tamakkua tungaasigut pineqartarneranni aalajangersakkat malillugit.
Imm. 2. Aammattaaq angallannermi periarfissaq akikinnerpaaq atorlugu akiliunneqarluni angalasoqarsinnaavoq. Taamatut pisoqarsinnaanngittaraangat angallammik attartortoqarsinnaavoq soorlu qimussimik angallammilluunniit akitigut isumaqatigiinniartartut piniartullu peqatigiit kattuffiata isumaqatigiissutaat malillugit akilerneqartartussanik. Timmeralaanik umiatsianilluunniit sukkasuulianik (nalunaaquttap akunneranut 20 knob sukkassusilinnik) attartorneq akinik isumaqatigiinniartartut piniartullu kattuffiata isumaqatigiissutaannut ilaanngitsunik akikinnerpaamik isumaqatigiissuteqarnikkut pisinnaavoq, angallatip isumannaallisaanikkut annanniuteqarnikkullu pisatai pissusissamisoorsimappata piginnittorlu angallammut kikkulluunniit akornuseriataarnissaannut navialeriataarnissaannullu sillimmaserneqarsimappat.
Imm. 3. Nammineq angallat akinik isumaqatigiinniartartut KNAPK-llu isumaqatigiissutaasa iluanni atorneqarsimagaangat ingerlaarnerit kisimik akilerneqartassapput, taamaasilluni isumaqatigiissutit malillugit utaqqinermissaaq akissarsiassaagaluit,minnerpaamik nal. akunnerini arfinilinni attartorsinnaaneq nal. akunnerisalu siulliit arfineq pingasut 50%-imik tapeqartitaasarnerat pineqarsinnaassanatik. Nammineq timmeralaaq angallatigisarluunniit sukkasuuliaq atorsimagaanni akinik isumaqatigiinniartartut KNAPK-llu isumaqatigiissutaanni allassimanngitsoq ingerlatissaq atugaq 50%-imik qalleqqiusiinnarlugu pissarsiarineqartassaaq paasissutissat takussutissartallit soorlu motoorip sakkortussusia qanoq sivisutigisumik ingerlasimaneq ornitallu ungasissusia najoqqutaralugit.
Imm. 4. Qajaq qimmilluunniit namminerisat atorsimagaanni isumaqatigiissutit malillugit akissarsissutaasinnaapput taamaattorli qajartortut qimussersullu eqqarsaatigalugit ullormusiat nal. akunnermusiassallu pineqarsinnaassanatik. Namminerisamik snescooterersimagaanni ingerlatissaq atugaq 50%-imik qalleqqiuserlugu uppernarsaatissat tunngavigalugit pissarsiarineqarsinnaapput.
Kapitali 3.
Ataatsimiinnersiutit, aningaasarsiassat aalajangersimasut suliffimmilu aningaasarsiassaagaluanut annaasanut taartisiassat allallu§ 3. Ilagiit sinniisuisa palaseqarfiilluunniit siulersuisuisa ataatsimiinneranni ataatsimiinneq nal. ak. sisamat sinnerlugit sivisussuseqarsimasaraangat ilaasortamut ataatsimut kr. 166,00 akitsuutisiat ilanngunnagit akiliutigineqartassapput. Ataatsimiinnerulli akunnerit sisamat ataassimagaangagit taaneqartup affaanik tunineqartassallutik. Taamaattorli ukiup ataatsip ingerlanerani annerpaamik ataatsimiinnerit marluk nal. ak. sisamat sinnerlugit sivisussusillit imaluunniit ataatsimiinnerit sisamat nal. ak. sisamat inorlugit sivisussusillit ilagiit sinniisuini palaseqarfiilluunniit siulersuisuini ataasiakkaani ataatsimiinnersissutaasinnaapput.
Imm. 2. Ilageeqarnermi qinikkani ataatsimiititalianilu ataatsimiinnerit imm. 1-mi taaneqartut saniatigut ataatsimiittoqartillugu ataatsimiinnersiutisisoqarsinnaavoq, ilagiit siulersuisoqarfiat ataatsimiittoqarnissaanut akuersissu.teqareersimappat.§ 4. Ilagiit sinniisuisa ilagiit siulersuisuini ilaasortassatut qinigaat qaammammut tapeqartinnatik 800,00 kr.-nik aningaasarsiaqartinneqassaaq.
§ 5. Ataatsimiinnerni § 3 tunngavigalugu ataatsimiinnersiffiusartuni , ataatsimiinnernullu taakkununnga atasumik angalanerni, suliffimmi akissarsiassaagaluit annaasat taartisissutaasassapput .
Imm. 2. Suliffillit peqannginnerminni taartisiassaat feeriarnersiassaminni annaasassaat ilanngullugu sulisitsisuisa naatsorsortassavaat .
Imm. 3. Namminersorlutik inuutissarsiortut allallu tamatumunnga eqqaanartumik inuutissarsiutillit nunaqarfimminni suliffiup nalaani nal. akunneri sisamat ataallugit sivisussusilimmik ataatsimiittaraangamik tapeqanngitsumik 190 kr.-nisisassapput. Ataatsimiinnerni angalanerniluuniit allani ullormut tapeqanngitsumik 380,00 kr.-nit aningaasarsiarineqartassapput.
Imm. 4. Aappariit inooqatigiilluunniit namminersorluni inuutissarsiortumi suliffimmiluunniit ikiortaasut imm. 3-mi taaneqartutut pissaqartinneqarsinnaapput.
Imm. 5. Ilaasortat, imm. 2-4-mi taaneqartut malillugit, pisassaqartitaanngikkaluartut ataatsimiinnerup nalaani meeqqamik paaritinnerannut akiliutimik uppernarsaataat malillugit taarsiivigineqarsinnaapput.
Kapitali 4.
Akitsuutisiat, atortusssnngortitsinermi aalajangersakkat allallu.§ 6. Aningaasarsiassat akitsuutitaqanngitsut § 3, 4 aamma 5-imi taaneqartut aprilip oktoberillu aallaqqaataanni akitsuuserneqartarput Kalaallit Nunaanni akit naatsorsorneqarnerat najoqqutaralugu ( januar 1984 100-imik nalilerlugu) tassannga nikingassummut qaninnerusumut iluarsiineqartarmat .
§ 7. Ataatsimiinnersiutissat allagartaat ataatsimiinnermi siulersuisumit atsiorneqartassapput .
§ 8. Ilagiinni atorfillit allallu ulloq naallugu susulisartut suliaminnut atatillugu ataatsimeeqataassagaangamik uani aalajangersakkami pineqanngillat.
§ 9. Ilagiit siulersuisuisa pisariaqalersoqartassagaluarpat aala jangersakkami uani pinerqartut kaajallaasitatigut tamakkununngaluunniit eqqaanartumik nalinginnaasumik aalajangersakkatigut tapiissuteqarfigisarsinnaavaat .
§ 10. Nalunaarut una aprilip 1-anni 1991-imi atortuulerpoq.
Imm. 2. Tamatumunnga peqatigitillugu nalunaarut nr. 2 10.januar 1985-imeersoq atorunnaarpoq.
Namminersornerullutik Oqartussat, ulloq 20.februar 1991
Jonathan Motzfeldt/
Kristian Mørch