Kalaallit Nunaata Radiuanut ileqqoreqqusat pillugit Namminersornerullutik Oqartussat nalunaarutaat nr. 2, 24. januar 1991-imeersoq.
Kalaallit Nunaanni radiukkut fjernsynikkullu aallakaatitsisarneq pillugu Inatsisartut peqqussutaanni nr. 3-mi 17. maj 1990-imeersumi § 11, imm. 4, naapertorlugu aalajangersarneqarput:
Kapitali 1.
Ateq, sumiiffik siunertarlu.§ 1. Kalaallit Nunaata Radiua (KNR) pisortat suliffeqarfigaat namminersortoq, malittarisassai naalakkersuisunit
aalajangerneqartussat.
Imm. 2. KNR Nuup kommunianiippoq.§ 2. KNR pisussaavoq radiofoniikkut fjernsynikkullu aallakaatitsisassalluni nutaarsiassaqartitsinermut, qaammarsaanermut, aliikkusersuinermut eqqumiitsuliornermullu tunngasunik.
Imm. 2. Aallakaatitassanik aaqqissuussinermi pingaartinneqassapput naqisimaneqanngitsumik paasissutissiisinnaatitaaneq oqaaseqarsinnaatitaanerlu. Aallakaatitassiat suliarilluagaallutillu, tamatigoortuullutillu amerlasuujusarnissaat anguniarneqassaaq. Paasissutissiisarnermi tunngaveqarluartarnissaq nakerisarsiortannginnissarlu pingaartinneqassapput.
Imm. 3. KNR allanik aallakaatitassiorsinnaatitaavoq, aamma Danmarkimut nunanullu allanut aallakaatitsinerni aammalu aallakaatitassiornermi aallakaatitsinertiguinnaanngitsoq siammarterneqartussanik.
Imm. 4. KNR aallakaatitassiornermut atasumik imaluunniit suliffeqarfiup taassuma immikkut paasisimasalittaasa il.il. iluaqutigineqarnissaat siunertaralugu allanik ingerlatsisinnaavoq.
Imm. 5. Reklamit ilanngussisunillu aningaasalersuisitsineq aallakaatitsinermi ilanngunneqarsinnaapput radiukkut fjernsynikkullu aallakaatitsisarneq pillugu Inatsisartut peqqussutaanni, kapitali 4-mi, aamma Namminersornerullutik Oqartussat radiumi fjernsynimilu reklamit ilanngussisunillu aningaasalersuisitsineq pillugit nalunaarutaanni maleruagassiat malillugit.
Imm. 6. Malittarisassat naalakkersuisunit aalajangersarneqartut malillugit KNR pisussaavoq nalunaarutinik piareersimanissaq pillugu innuttaasunut pingaaruteqartunik aallakaatitsisarnissamut.
Kapitali 2.
Kalaallit Nunaata Radiuata siulersuisui.§ 3. KNR siulersorneqassaaq arfinilinnik ilaasortalimmik. Ilaasortaq ataaseq (siulittaasoq) naalakkersuisunit toqqarneqassaaq, ilaasortallu sisamat inatsisartunit toqqarneqassapput. Ilaasortaq ataaseq KNR-mi suleqataasunit aalajangersumik atorfilinnit toqqarneqassaaq maleruagassat siulersuisunit aalajangersarneqartut malillugit. tak. § 12, imm. 1, nr. 5.
Imm. 2. Ilaasortat toqarneqartassapput ukiuni sisamani ilaasortaasussatut, siullermik piffissami 1. januar 1991-imit 31. december 1994-imut.
Imm. 3. Ilaasortat inatsisartunit toqqarneqartut tamarmik immikkut sinniisussaat ataaseq toqqarneqartassaaq, siulersuisunut ilanguttussaq ilaasortaq qinigaasoq ilaasortaajunnaarpat.
Imm. 4. Inatsisartunut ilaasortat siulersuisunut ilaasortaasinnaanngillat.
Imm. 5. Siulersuisut siulittaasup tullissaa akunnerminnit toqqartassavaat.
Imm. 6. Siulersuisut sinnerlugit atsiortassaaq siulittaasoq imaluunniit taassuma peqannginnerani siulittaasup tullia.§ 4. Siulersuisut KNR-p siulersuisorai qullerpaat, akisussaanerpaappullu KNR-p ingerlatsinera pillugu aalaj angersakkat malinneqarnissaannut.
Imm. 2. KNR-p ingerlatsineranut maleruagassat nalinginnaasut siulersuisut aalajangersassavaat.
Imm. 3. Siulersuisut direktøri KNR-llu ulluinnarni siulersuisui allat atorfinitsittassavaat soraarsittassallugillu.§ 5. Siulersuisut Kalaallit Nunanni Naalakkersuisunut Inatsisartunut il.il. ilaasortat aningaasaqartinneqarnerat il.il. pillugit Inatsisartut inatsisaat naj oqqutaralugu aningaasaqartinneqassapput.
Imm. 2. Aningaasartuut, soorlu angalanermut nerisaqarnermut najugaqarnermullu, siulersuisut KNR-imut atatillugu atorsimasaat Namminersornerullutik Oqartussat Kalaallit Nunaanni atorfilittaannut sukkulluunniit maleruaqqusaasut najoqqutaralugit akilerneqartassapput.§ 6. Siulersuisut ataatsimiittassaput siulittaasup tamanna pisariaqartikkaangagu, imaluunniit siulersuisunut ilaasortat ikinnerpaamik pingasut tamanna piumasarippassuk. Siulersuisut ataatsimiinneri telefonikkut ataatsimiinnertut ingerlanneqarsinnaapput.
Imm. 2. Siulittaasoq siulersuisunik ataatsimiigiaqqusisassaaq tamanna minnerpaamik ullunik arfineq-pingasunik sioqqullugu ilisimatitsissutigalugu.
Imm. 3. Ataatsimiigiaqqusissummi nalunaarneqassapput piffissaq sumiiffissarlu aammalu suut oqaluuserineqassasut.§ 7. Siulersuisut ataatsimiinneri siulersorneqassapput siulittaasumit imaluunniit taassuma peqannginnerani siulittaasup tullianit.
Imm. 2. Siulersuisut aalajangiisinnaassuseqassapput ilaasortat affaat sinnerlugit peqataappata. Taamaattorli ilaasortat ikinnerusut najuutsillugit aalajangiisoqarsinnaavoq suliassani utaqqinneqarsinnaanngitsuni, pingarutilimmik akornutaasumik kinguneqassanngippata. Taamatut ataatsimiittoqarsimappat aalajangiinerup inernera siulittaasup ataatsimiinnermi tullermi nalunaarutigissavaa.
Imm. 3. Siulersuisut aalajangiineri nalinginnaasumik amerlanerussuteqarnikkut aalajangiinerusassapput. Amerlaqatigiinnik taasisoqartillugu siulittaasup taasinera aalajangiisuussaaq.§ 8. Siulersuisut ataatsimiinneri matoqqasuupput.
Imm. 2. Direktøri siulersuisut ataatsimiinnerini najuuttassaaq oqaloqatigiinnernilu peqataasinnaalluni. KNR-mi suleqataasut allat peqataasinnaapput siulersuisuni siulittaasup direktørillu isumaqatigiissutaat malillugu.
Imm. 3. Siulittaasup aalajangertassavaa suliassaq nipangiussisussaaneq pillugu maleruagassat malillugit allanut tusarliussassaassannginnersoq.
Imm. 4. Siulersuisunut ilaasortaq suliat apeqqutinik KNR-p namminerlu akunnerminni isumaqatigiissutinut tunngasunik imaluunniit nammineq pilluni eqqartuussisunut suliassanngortitanut tunngasunik imaluunniit KNR-p inuullu allap isumaqatigiissutaannut imaluunniit inuk alla pillugu eqqartuussisunut suliassanngortitanut tunngasunik ilaasortamut namminermut iluanaarutaasinnaasunik KNR-llu soqutigisaanut akerliusinnaasunik ilallit sammineqarneranni peqataasinnaanngilaq.
Imm. 5. Siulersuisut ataatsimiinneri imaqarniliorneqartassapput naalakkersuisut nassiunneqartussanik.§ 9. Siulersuisut suleriaasissartik namminnertaaq aalajangersassavaat.
Kapitali 3.
Direktøri.§ 10. Direktøri ulluinnarni aallakaatittakkanut akisussaavoq KNR-llu allaffeqarnikkut aningaasatigullu ulluinnarni siulersorneqarnera nakkutigisassaralugu. Direktørip isumagissavaa suliffiup taassuma siulersorneqarnissaa tamanna pillugu malittarisassat maleruagassallu siulersuisunit aalajangersarneqartut malillugit.
Imm. 2. Direktørip KNR-p ulluinnarni ingerlatitaaneranut maleruagassat erseqqinnerusut aalajangersassavai.§ 11. Direktørip KNR-mi suleqataasut, ulluinnarni siulersuisunut ilaasortat kisiisa pinnagit, atorfinitsittassavai soraarsittassallugillu, tak. § 4, imm. 3.
§ 12. Direktøri makku pillugit siunnersuutinik siulersuisunut saqqummiussisassaaq:
1) KNR-p ingerlatsineranut maleruagassanik nalinginnaasunik aalajangersaanissaq, tak. § 4, imm.2,
2) budgetsimut siunnersuutit, tak. § 17, imm. 1, ukiunut tulliuttunut pingasunut budgetsiugallartussaq, tak. § 17, imm. 3, budgetsi, tak. § 19, ukiumullu naatsorsuutit, tak. § 20,
3) naatsorsuusiornermut ilitsersuut KNR-mut atortussaq, tassunga ilanngullugit aningaasat KNR-p pigisaasa inissittarnissaat pillugu maleruagassat, tak. § 20, imm. 1,
4) ulluinnarni siulersuisunut ilaasortat ilaannik atorfinitsitsineq soraarsitsinerlu, tak. § 4, imm. 3.
5) suleqataasut siulersuisunut ilaasortassamik toqqaasarnissaannut maleruagassat, tak. § 3, imm. 1,
6) ileqqoreqqusani allannguutissat pillugit siunnersuutit, tak. § 22,
7) suliassat direktørip ima pingaaruteqartigisutut isigisai siulersuisunit aalajangiiffigisariaqartillugit.
Imm. 2. Direktørip siulersuisut siunnersuuteqarfigisarsinnaavai suliassanut tamanut taakkua suliarisassaannut tunngasunik, suliassanut direktørimik atorfinitsitsinermut soraarsitsinermullu tunngasunut kisiisa pinnagit.§ 13. Direktørip siulersuisuni ilisimatitsissutigisassavai suliat ima pingaaruteqartigisutut isigisani siulersuisunut ilisimatitsissutigisariaqartillugit.
Kapitali 4.
Aallakaatitat pillugit maalaarutit.§ 14. Aallakaatitat imaluunniit aallakaatitat nangeqattaartut KNR-mit aallakaatinneqartartut pillugit allakkatigut naammagittaalliutit, aallakaatitat imaluunniit aallakaatitat nangeqattaartut aallakaatinneqarnerisa kingornagut sap. akunneri sisamat qaangiutinnginneranni KNR-mut toqqaannartumik nassiunneqarsimasut, piaartumik ingerlateqqinneqassapput Radiumut TV-mullu maalaaruteqartarfimmut. Naammagittaalliut ingerlateqqinneqarniariarpat taanna KNR-mi oqaluuserineqassaaq. Direktøri akisussaalluni pisussaavoq naammagittaalliutit tiguneqariarpata sapinngisamik piaarnerpaamik oqaluuseritissallugit. KNR-p naammagittaalliummut akissummi nuutinnera naammagittaalliuteqartarfimmut nassiutissavaa. Akissummi allassimassaaq naammagittaalliortoq maalaaruteqartarfimmut saaffiginnissasoq naammagittaalliutimi KNR-mit akineqarnerata kingornagut sap. ak. sisamat qaangiutsinnagit, maalaaruteqartup kissaatigippagu maalaarummi Radiumut TV-mullu naammagittaalliuteqartarfimmi oqaluuserineqarnissaa.
§ 15. Direktørip qularnaallissavaa aallakaatitat tamarmik båndimut immiunneqarnissaat taakkualu qaammatini pingasuni toqqortarineqarnissaat, tak. imm. 2.
Imm. 2. Båndit imm. 1 malillugu toqqortarineqartut suujunnaarsinneqassanngillat aallakaatîtaq pillugu naammagittaalliut aalajangiiffigineqartinnagu, tak. § 14.
Kapitali 5.
Aningaasalersuineq, atorfinitsitsineq il.il.§ 16. KNR-p ingerlatsinera aningaasalersorneqassaaq landskassimit tapiissutitigut, reklamitigut ilanngussisunillu aningaasalersuisitsinikkut isertitatigut, isertitsinartunik pinnguartitsinertigut unammisitsinertigullu sulianillu tunisatigut il.il.
Imm. 2. Landskassip KNR-mut tapiissutissai ukiumoortumík aningaasanut inatsisitigut aalajangersarneqartassapput, tak. radiukkut fjernsynikkullu aallakaatitsisarneq pillugu Inatsisartut peqqussutaat, § 9, imm. 2.§ 17. Siulersuisut ukiut tamaasa, naalakkersuisut killiliussaat naatinnagu, aningaasat ukiuannut tullermut budgetsimut siunnersuummik naalakkersuisunut tunniussissapput, tassuuna nalunaarsorlugit isertitassatut ilimagisat, ingerlatsinermi aningaasartuutissatut sanaartugassanullu aningaasartuutissatut naatsorsuutigisat ukiullu nikinneranni pisassarisat akiligassallu qanoq annertutigineri. Tamanna peqatigalugu siulersuisut landskassip aningaasat ukiuannut taaneqartumut tapiissutissaasa qanoq annertutiginissaat pillugu siunnersuuteqartassapput.
Imm. 2. Budgetsimut siunnersuut Namminersornerullutik Oqartussat budgetsiliornermut ilitsersuutaat sukkulluunniit atortuusoq naapertorlugu suliarineqassaaq. Immikkut nassuiaateqarfigineqassapput nammineq isertitassatut tamatumunngalu atasumik aningaasartuutissatut ilimagisat.
Imm. 3. Budgetsimut siunnersuut imaqassaaq budgetsip budgetsimut kingullermut siusinnerusukkullu budgetsimut missiliuusiamut naleqqiulluni allaassutigisai pillugit nassuiaatinik. Siunnersuut tapertaqartinneqassaaq ukiunut tulliuttunut pingasunut budgetsinut missiliuusianik. Budgetsimut siunnersuut budgetsimullu missiliuusiat imaqassapput budgetsiliornermi naatsorsuutigisat makku pillugit nassuiaammik: Sanaartornermi aningaasartuutissanut tunngatillugu aningaasartuutissat KNR-p budgetsiisa atuuffissaat tamakkerlugu sunut atorneqarnissaat pillugu nassuiaateqartoqassaaq. Ingerlatsinermi aningaasartuutissanut tunngatillugu budgetsit atuuffissaat tamakkerlugu aallakaatitsinermik ingerlatsisarnissat eqqarsaatigineqartut sammisassanut pingaarnernut immikkoortiterlugit paasissutissiissutigineqassapput. Kiisalu budgetsinut missiliuusiami nammineq isertittagassat qanoq iliartornissaannik ilimagisat immikkut nalilerneqassapput.§ 18. Atugassarititaasunut naleqqiullugit naatsorsuutini sinneqartoorutit naalakkersuisut akuersinerisigut aningaasat ukiuanni tullermi atugassatut nuunneqartassapput.
§ 19. Inatsisartut tapiissutissatut akuersissutaat toqqammavigalugit siulersuisut aningaasat ukiuannut budgetsiliortassapput. Budgetsiliaq naalakkersuisunut inatsisartunullu ilisimatitsissutitut nassiunneqartassaaq aningaasat ukiuat aallartitsinnagu.
§ 20. KNR-p ukiua naatsorsuiffik tassaavoq ukioq naatsorsuuseriffik. Budgetsiliornermut ilitsersuut sukkulluunniit atortuusoq aamma naatsorsuuserinermut naatsorsuusiornermullu maleruagassiat sukkulluunniit atortuusut KNR-mut atortuupput. Naatsorsuusiornermut ilitsersuut KNR-mut atortussaq siulersuisut aalajangersassavaat, tak. § 12, imm. 1, nr. 3.
Imm. 2. Ukiumut naatsorsuutit kukkunersiorneqassapput Namminersornerullutik Oqartussat naatsorsuutinik kukkunersiuisuinit.
Imm. 3. Siulersuisut ukiumut naatsorsuutit kukkunersiorneqarsimasut kukkunersiuisut oqaaseqaataannik ilallugit naalakkersuisut killiliussaat nallertinnagu naalakkersuisunut saqqummiutissavaat akuerisassanngorlugit. Ukiumut naatsorsuutit akuerineqareerpata inatsisartunut nassiunneqassapput ilisimatitsissutitut.§ 21. Atorfinitsitsinermutsoraarsitsinermulluil.il. piumasarisanut il.il. tunngatillugu KNR pisussaavoq aalajangersakkat Namminersornerullutik Oqartussanut atallutik atorfilinnut sukkulluunniit atortuusut malissallugit.
Kapitali 6.
Ileqqoreqqusamik allanngortitsineq.§ 22. Ileqqoreqqusap uuma allanngortinneqarnissaa pillugu siulersuisut naalakkersuisunut siunnersuuteqarsinnaapput.
§ 23. Nalunaarut atulissaaq 1. januar 1991.
Namminersornerullutik Oqartussat, ulloq 24. januar 1990
Jens Lyberth/
Kaj Kleist