Kommunalbestyrelsinut bygderådinullu qinersisarneq pillugu Inatsisartut inatsisaata nr. 18, 23. oktober 1990 allannguutissaattut siunersuut.

 

§ 1.

Kommunalbestyrelsinut bygderådinullu qinersisarneq pillugu Inatsisartut inatsisaanni nr. 2-mi 30. marts 1982-imeersumi makkuninnga allannguuteqassaaq:

 

1. § 31 ima oqaasertalerreqassaaq:
"§ 31. Naalakkersuisut qinigaasinnaassuseq pillugu ataatsimiititamik pilersitsissapput, tassani siulitaasuussaaq Kalaallit Nunaanni eqqartuussisuuneq allanillu sisamanik ilaasortaqassalluni, taakkunannga marluk Kalaallit Nunaanni Kommunet Kattuffiata toqqassavaî kommunalbestyrelsinut bygderådinullu ilaasortat akornanni Inatsisartullu toqqassallugit marluk ilaasortami akornanni. Toqqaneqassapputtaaq ilaasortat taakku sisamat ataasiakkaat tamarmik immikkut sinniisussaet ataaseq. Qinersinerit ukiuni sisamani atuutissapput. Kalallit Nunaanni eqqartuussisuunerup najuussinnaannginnerani eqqartuussisuunerup sinniisussaa ataatsimiititami siulittaasuusassaaq.
Imm. 2. Kommunalbestyrelsimi ilaasortap qinigaasinnaanerminik annasaqarsimaneranut apeqqutini tamani ataatsimiititaq aalajangiisassaaq, pineqartoq pinerluuteqarsimanini pissutigalugu eqqartuunneqarpat eqqartuunneqarsimappalluunniit tak. § 2, piffissarititaasutut allassimasut nalaanni pisimappat.
Imm. 3. Kommunalbestyrelsinut qinersinerit kingorna qaammat ataaseq qaangiutsinnagu kommunalbestyrelsit qinigaasinnaassuseq pillugu ataatsimiititamut nassiutissavaat kommunalbestyrelsimut ilaasortatut qinikkat tamarmik aqqinik inuuviinullu allattorsimaffiit.
Imm. 4. Qinigaasinnaassmseq pillugu ataatsimiititap Kalaallit Nunaanni politimesteri paasiniaaffigissavaa kommunalbestyrelsemi ilaasortanngorlaat pinerluuteqarsimaneq pissutigalugu eqqartuunneqarsimanersut, tak. § 2. Taamaattoqarsimappat politimesterip pineqaatissinneqarsimanermik allattukkat assingi qinigaasinnaassuseq pillugu ataatsimiititamut nassiutissavaat.
Imm. 5. Ilaasortaq piffissap qinigaaffiup iluani pinerluuteqarsimanini pissutigalugu eqqartuunneqarpat, tak. § 2, Kalaallit Nunaanni politimesterip qinigaasinnaassuseq pillugu ataatsimiititamut nassiutissavaa aalajangiinerup allattorsimaffiata assinga.
Imm. 6. Qinigaasinnaassuseq pillugu ataatsimiititap kommunalbestyrelsi ilaasortarlu pineqartoq piffissaq siulleq atorlugu nalunaarfigissavai aalajangiisimaneq pillugu, politimcsterip oqaaseqaatai tiguneqarsimasut tunngavigalugit aalajangiisoqaraangat.
Imm. 7. Ilaasortap sinniisussaa qinigaaffiup nalaani ilaasortanngorpat, qinigaasinnaassuseq pillugu aalajangiisoqassaaq maleruaqqusat qulaani allassimasut naapertorlugit, pineqartoq taamaallaat piffissami killilimi ilaasortanngoraluarpalluunniit.
Imm. 8. Maleruaqqusat imm. 1-miit 7-mut allassimasut atuupputtaaq kommissioninut, ataatsimiititanut allanullu ilaasortanut, kommunit ataatsimiititaannut qinigaasinnaassuseqarneq naapertorlugu ilaasortaasinnaasoqaraanngat, piffissarli qaammammik ataatsimik sivisussusilik pineqartup ullormiit toqqagaaffianiit naatsorsuutigalugu.
Imm. 9. Qinigaasinnaassu?eq pillugu ataatsimiititap aalajangiineri oqaasissaqartunut allanut saqqummiunneqarsinnaanngillat".

2. § 32-imi imm. 2-mi "taamaattorli tak. imm. 6" aama imm. 3-miit 6 ilanngullugu allassimasut ukuninnga allannguuteqassapput:
"Imm. 3. Kommunalbestyrelsip aalajangissavaa ilaasortaq qinigaasinnaanerminik annaasaqarsinnaanersoq § 31-imi tunngavilersuutitut taaneqartut saniatigut. Ilaasortaq kommunemi najugaqarunnaarallarpat kommunalbestyrelsip aalajangersinnaavaa pineqartoq qinigaasinnaassuserminik annaasaqassanngitsoq, taamaasilluni kommunemi aalajangersumik najugaqaqqilernissami tunngaannaannut kommunalbestyrelsimi ilaasortaajunnaarsinnaatitaalluni".

3. § 51-ip kingorna ilanngunneqassaaq § 51 a:
"§ 51 a. Qinigaasinnaassuseq pillugu ataatsimiititamut § 31-imi taaneqartumut atatillugu aningaasartuutit landskassemit matuneqartassapput.
Imm. 2. Ataatsimiititap allaffissornikkut pisariaqartitai Naalakkersuisunit isumagineqartassapput.
Imm. 3. Siulittaasoq Naalakkersuisunit aalajangikkat malillugit akissaateqartinneqassaaq.
Imm. 4. Ataatsimiititami ilaasortatut qinikkat akissaateqartinneqassapput Kalallit Nunaanni Naalakkersuisunut, Kalaallit Nunaanni Inatsisartunut il. il. ilaasortanut akissarsiartitat il. il. pillugit inatsisartut inatsisaanni aalajangersakkat naapertorlugit".

 

§ 2.

Inatsit atuutilissaaq 1. januar 1991-imiit.

 

§ 3.

Inatsisartut aamma Kalaallit Nunaanni Kommunet Kattufiata qinigaasinnaassuseq pillugu ataatsimiititamut ilaasortassanik sinniisussaannillu siullermeerlutik toqqaassapput inatsisip 1. januar 1991-imiit atuutilernerata kinguninnguatigut.

 

§ 4.

Qinigaasinnaanermik aalajangiisoqarnissaannik qinnuteqaat Kalaallit Nunaanni kommunenik Nakkutillii suutitanut 1. januar 1991 nallertinnagu tunniunneqartut Nakkutilliisuutitsnit suliarineqartassapput

Namminersornerullutik Oqartussat, Nuuk 21. oktober 1990.

Jonathan Motzfeldt

/

Aqigssiaq Møller