Kalaallit Nunaata iluani timmisartukkut ilaasunik angallassinermi akitsuutit pillugit Inatsisartut inatsisaat nr. 16, 18. oktober 1990-imeersoq.

 

§ 1. Inatsimmi uani aalajangersakkat naapertorlugit Kalaallit Nunaata iluani timmisartukkut ilaasunik angallassinermi landskassemut akitsuummik akiliisoqartassaaq
Imm. 2. Timmisartunik suluusalinnik timmisartuussinermi akitsuummik akiliisoqartassaaq, timmisartup mittarfimmit tingineri tamaasa. Taamaattorli timmisartut suluusallit imaani sikumiluunniit missinnaasut akitsuummik aatsaat akiliissapput tikiffissaanni pisortanit pigineqartumik mittarfeqarpat.
Imm. 3. Imm. 2 naapertorlugu akitsuummik akiliisoqartassanngilaq napparsimasunik angallassilluni, ujarlerluni, sakkutuutigut, politi-tigut annaassiniarluni, ilinniarluni aammalu sungiusaatigalugu timmisartornerni kiisalu takornariartitsilluni timmisartuussinerni.

§ 2. § 1, imm. 2 naape:rtorlugu akitsuut ilaasumut ataatsimut 230 koruuniuvoq.
Imm. 2. Imm. 1 naapertorlugu ilaasunut akitsuummut akiliutaasimasoq appartinneqassaaq Timmisartoqarfiit akiliutinut malittarisassaanni § 3 naapertorlugu imaluunniit Silaannakkut angallassinermut inatsimmi § 71 naapertorlugu timmisartuussivimmi tassani akiliisoqareersimappat.

§ 3. Akitsuut akilerneqassaaq timmisartuutileqatigiiffimmit, § 1, imm. 2-mi taaneqarsimasunik timmisartuussisumit.
Imm. 2. Akitsuut ilaasuni immikkut akilersinniarneqarsinnaanngilaq.

§ 4. § 3 naapertorlugu akitsuummik akiliisussap, ingerlatsivini Akileraartarnermi Pisortaqarfimmut nalunaarsortissavaa.

§ 5. Ingerlatsiviit nalunaarsortissimasut akitsuutilinnik timmisartuussinitik naatsorsortassavaat, akitsuutip naatsorsorneqarnissaanut eqqortumillu akilerneqartarnissaata nakkutigineqarnissaanut tunngaviusussanik.
Imm. 2. Qanoq naatsorsuisarnissamut malittarisassat sukumiinerusut Akileraartarnermi Pisortaqarfimmit aalajangersarneqassapput.

§ 6. Ingerlatsiviit nalunaarsorneqarsimasut qaammatit naaneri tamaasa kingusinnerpaamillu qaammatip tulliani ulluinnarmi kingullermi, Akileraartarnermi Pisortaqarfimmut nalunaarutigisassavaat ilaasut angallanneqarsimasut amerlassusaat, taakkununngalu akitsuutissat annertussusaat. Nalunaarut ingerlatsiviup ulluinnarni aqutsisuinit atsiorneqarsimasassaaq.
Imm. 2. Qaammatit tamaasa akitsuutit akilerneqartassapput.
Imm. 3. Nalunaarut pif::issaagallartillugu nassiunneqarsimanngippat piffissami akitsuutinut akiliiffissami akiligassat 2 pct.-annik akiliisoqartassaaq, minnerpaamilli 500 koruuninik annerpaamillu 2.000 koruuninik.

§ 7. Qaammammi ataatsimi ilaasunut akitsuusigassanut angallanneqarsimasunut akitsuutit qaammatip tulliuttup naannginnerani Akileraartarnermi Pisortaqarfimmut akilerneqartassapput.
Imm. 2. Akitsuutit piffissaagallartillugu akilerneqarsimanngippata, piffissaagallartillugu ullormi akiliiffissami kingullermiit qaammatit aallartinneri tamaasa akiligassat 2 pct.-annik akiliisoqartassaaq, minnerpaamilli 500 koruuninik.

§ 8. Ingerlatsivik akiisuutinik piffissaagallartillugu akiliisimanngitsoq Akileraartarnermi Pisortaqarfimmit peqquneqarsinnaavoq qaammammit ataatsimit sivikinnerusumut ilaasut nalunaarsortaqqullugit.
Imm. 2. Aammattaaq Akileraartarnermi Pisortaqarfiup ingerlatsivik piffissaagallartillugu akitsuutinik akiliisimanngitsoq § 6-imi taaneqartumit sivikinnerusumik akiliiffissalersinnaava piumasaralugulu akitsuutit akilerneqarnissaannut qularnaveeqqusiisoqarnissaa.

§ 9. Paasineqarpat ingerlatsiviup akitsuusigassat eqqunngitsumik nalunaarusio:rsimagai, taamaalilluni ingerlatsivik akitsuutinik akiliinikippallaarluni, taava akiligassat sinneri ingerlatsivimmit akilersinniarneqassapput, § 7, imm. 2 naaperto:rlugu pillaatitut ernialiunneqarsinnaasut ilanngullugit, sivikinnerpaamillu ullut 14-t qaangiutsinnagit akiligassatut.
Imm. 2. Paasineqarpat ingerlatsivik akitsuutinik akiliivallaarsimasoq, ullormit akiliiffimmiit qaammatit aallartinneri tamaasa akiliutaavallaartut 1 pct.-imik ernialerneqartassapput.
Imm. 3. Nalunaarusiaq piffissaagallartillugu nassiunneqarsimanngippat imaluunniit akitsuutit ingerlatsiviup naatsorsuutai tunngavigalugit naatsorsorneqarsinnaanngippata, Akileraartarnermi Pisortaqarfiup akitsuutit missiliuussinikkut angissusilersinnaavai.
Imm. 4. Akitsuutit piffissaagallartillugu akilerneqarsimanngippata ullormit akiliiffissamit kingullermiit qaammatit aallartinneri tamaasa akiligassat 2 pct.-imik ernialerneqartassapput, mlnnerpaamilli 500 koruuninik.

§ 10. Akitsuutit, akiliiffissatut killissarititap kingorna kingusinnerpaamik ullut 14-issaanni akilerneqarsimanngippata ingerlatsiviup nalunaarsorneqarsimanera Akileraartarnermi Pisortaqarfiup atorunnaarsissinnaavaa, akitsuutit akilerneqarnissaasa tungaanut.
Imm. 2. § 8 naapertorlugu piffissaq akitsuuteqarfiusoq imaluunniit akiliiffissatut killissarititaq sivikillineqarsimappat, akiliifflssatut killissarititap naanerani ingerlatsiviup nalunaarsorneqarnera ingerlaannaq atorunnaarsinneqarsinnaavoq.

§ 11. Inatsit una naapertorlugu Akileraartarnermi Pisortaqarfiup aalajangiineri sap. akunneri sisamat qaangiutsinnagut naalakkersuisunut naammagittaalliutigineqarsinnaapput.
Imm. 2. Imm. 1 naapertorlugu akitsuutit annikillineqarpata, aningaasat ullormit akiliiffimmiit qaammatit aallartinneri tamaasa qaammammut 2 pct.-imik ernialerneqartassapput.
Imm. 3. Naalakkersuisut aalajangiineri sap. akunneri sisamat qaangiutsinnagit eqqartuussivinnut ingerlateqqinneqarsinnaapput.

§ 12. Ingerlatsivinnut, inatsimmi pineqartunut Akileraartarnermi Pisortaqarfik misissuiartortarsinnaavoq aammalu ingerlatsiviup ingerlatsinermini atuagaatai, naatsorsuutinut tunngasut allat kiisalu allagaatai misissortarsinnaavai.
Imm. 2. Imm. 1-imi pineqartumik misissuiartornermi ingerlatsiviit piginnittul ingerlatsivimmilu sulisut Akileraartarnermi Pisortaqarfik pisariaqartunik ilitsersorlugulu ikiortassavaat.
Imm. 3. Atortut imm. l--imi taaneqartut Akileraartarnermi Pisortaqarfiup piumasaqarneratigut tunniunneqassapput imaluunnit Akileraartarnermi Pisortaqarfimmut nassiunneqassallutik.
Imm. 4. Naatsorsuutitigut atortut il.il. inummi pingajuusumiippata, taassuma, taakkua allanut tunniunneqannginnissaannut pisussaaffeqaraluarluni, atortut Akileraartarnermi Pisortaqarfimmut tunniutissavai, taamaattoqartillugulu Akileraartarnermi Pisortaqarfiup isumagissavaa atortut atorneqareerpata inummut pingajuusumut pineqartumut utertinneqarnissaat.

§ 13. Pisortat oqartussaasut piumaffigineqarunik paasissutissat suulluunniit Akileraartarnermi Pisortaqarfimmut nalunaarutigissavaat, ingerlatsiviit nalunaarsornissaannut akitsuutillu akilerneqarsimanerisa nakkutigineqarnissaannut Akileraartarnermi Pisortaqarfiup atugassaatut.

§ 14. Inatsimmi matumani aalajangersakkat naapertorlugit akitsuutit akilerneqarnissaannut akisussaasuuvoq ingerlatsivimmik piginnittoq, attartortoq allatulluunniit ingerlatsivimmik nammineq akisussaalluni ingerlatsisoq.

§ 15. Naalakkersuisut, naalakkersuisulluunniit tamatumunnga pisinnaatitaat inatsisip matuma atuutsinneqarnissaanut erseqinnerusunik malittarisassiorsinnaapput kiisalu akitsuummik akiliinngitsoortitsisinnaallutik imaluunniit annikilliliisinnaallutik, pissutsit immikkut ittut tamanna pisariaqartippassuk.

§ 16. Akiliisinneqarnermik pineqaatissinneqassaaq piaaraluneerluni mianersuaalliorujussuarluniluunniit:
a) Eqqunngitsunik paasinerlutsitsiniutinilluunniit paasissutissiisoq imaluunniii akitsuutit misissorneqarneranni paasissutissanik atugassanik nipangiussisoq.
b) Akileraartarnermi Pisortaqarfimmut nalunaarutiginninngitsoortoq angissusiliineq annikippallaartoq, missiliuussinikkut akitsuutit annertussusaannik nalunaarfigineqareernermi kingorna kingusinnerpaamik sap. akunneri sisamat qaangiutsinnagit.
c) § 4-mik, § 5, imm. 1-imik, § 6, imm. 1-imik aamma § 12, imm. 2, 3 aamma 4-mik unioqqutitsisoq.
d) § 8, imm. 1 naapertorlugu peqqussummik naammassinninngitsoq.
e) Ingerlatsivimmik akitsuutinut akileraartussaasumik ingerlatsiinnartoq, § 10 naapertorlugu ingerlatsiviup nalunaarsorneqarnera Akileraartarnermi Pisortaqarfimmit atorunnaarsinneqareeraluairtoq.
Imm. 2. Maleruagassiani, inatsisip uuma kingunerisaanik sananeqarsimasuni, inummut piaaraluneerluni mianersuaalliorujussuarluniluunniit maleruagassiani aalajangersakkanik unioqqutitsi?umut akiliisitsissutissat aalajangersarneqarsinnaapput.
Imm. 3. Aktieselskabit, anpartsselskabit, andelsselskabit assigisaalluunniit unioqqutitsippata, selskabi unioqqutitsisoq akiliisusnanngortinneqarsinnaavoq.

§ 17. Naalakkersuisut, naalakkersuisulluunniit tamatumunnga pisinnaatitaat, inatsimmi matumani aalajangersakkanik unioqqutitsisoq nalunaarfigisinnaavaat suliassaq eqqartuussinertaqanngitsumik naammassineqarsinnaasoq, unioqqutitsisoq unioqqutitsinerminik nassuerpat, akiligassiissutigineqartullu piffissap aalajangersimasup, qinnuteqarnikkut sivitsorneqarsinnaasup, iluani akilerumassappagit.
Imm. 2. Nalunaarutiginninnermut, imm. 1-imi taaneqartumut atatillugu inatsisinik atortitsinermut inatsimmi aalajangersakkani unnerluutiginninnermut allassimasut atuutissapputtaaq.
Imm. 3. Akiliisitsissut piffissaagallartillugu akilerneqarpat imaluunniit aalajangiunneqarnerata kingorna akilersinneqarpat qanoq iliuuseqartoqaqqissanngilaq.

§ 18. Inatsisartut inatsisaat 1. januar 1991-imiit atuutilerpoq.

Namminersornerullutik Oqartussat, 18. oktober 1990.

Jonathan Motzfeldt

/

Emil Abelsen