Ilanngussaq 2
Oqaasertanut nalunaarsuutit
Naalakkersuisut piginnaatinneqarput KNA-p landskarsimit 12,5 mio. kr.-nik tigusisinnaatinnissaanut KNA-p ingerlatsinermi aningaasanik tigoriaannarnik pisariaqartitaanut matussutissanik.
Konto pingaarnermut 11.03-mut
Isumaginninnermut atasumik ajunngitsorsiassanut assigiinngitsunut aammalu erninermut tunngasunut matussitissaannut akuersissuiit 450.000 kr.-t 1990-imi tamakkiisumik atorneqarsimanngippata Naalakkersuisut piginnaatinneqassapput atorneqanngitsoortut aningaasat. 1991-imi atugassanngorlugit nuunneqarnissaannut. Naatsorsuutigineqarpoq 1991-imut aningaasat nuunneqarsimasinnaasussat qulaani taaneqartumik siunertanut aningaasartuutinut atorneqassasut.Konto pingaarnermut 90.05-imut
Nr. 1.
Naalakkersuisut piginnaatinneqassapput pilersinneqaqqammersumut "Santas Work Shop, Nuuk A/S"-mut piginneqataassutissat 500.000 kr.-nik angissusillit 100-imik nalilimmik aningaasaliissutiginissaannut tassani Nuup kommuneata taamatulli 500.000 kr.-nik aningaasaliinissaa tunngavigalugu.Nr. 2
Naalakkersuisut pisinnaatinneqarput landskassemit piginneqataassutsinut 10 mio. kruuninik kalaallit aatsitassarsiorfiannut, Namminersornerullutik Oqartussat selskabillu nunanit allaneersup aatsitassanik ujarlernerniik ingerlataqartup akornanni suleqatigiinnikkut pilersinneqarsimasumut, aningaasaliissallutik. Kiisalu aamma piginnneqatigiiffik nunarsuarmi aningaasanut tunngasunik niuerfiusartuni pappiaqqanik nalilinnik tuniniaanikkut aningaasalersorneqarsinnaavoq.Kingusinnerpaamik 31.12.1.1990-imi pilersitsisoqassanngikkaluarpat, pisinnaatitsineq 1991-imut nuunneqassaaq.
Kontomut pingaarnermut 92.02-mut
Naalakkersuisut piginnaatinneqassapput KAIK ernialigaanngitsunik 1.000.000 kr-nik taarsigassarsisissallugu. Taarsigassarsiat ukiut 2-t ingerlanerini ukiumut 500.000 kr.-nik taarsersorneqassapput. Royal Greenlandimit akiligassalimmik sinniilluni akiliisussatut 250.000 kr.-nik qularnaveeqqusiineq anguneqarpoq.Kontomut pingaarnermut 92.39-mut.
1990-imi siusinnerusumilu raajanut akitsuutit akilerneqarsimanngitsut ilaasa, tassa 1990-imi aningaasat killissarititat tamakkerlugib atorneqarsimanngippata, landskassemit erniaqartumik taarsigassarsiarngortinnissaannut naalakkersusiut piginnaatinneqarput. Tassa imaappoq umiarsuaatileqatigiit raajanut akitsuutinut akiligassallit, aaqqissuussinermillu naleqquttunngorsaanermut atatillugu umiarsuaatileqatigiinnik allanik aningaasatigut piviusumik kattuteqateqartut, aningaasat pineqartut atorsinnaasavaat, tamatumunnga atatillugu uppersarsinnaagunikku taamatut allanngortitsineq pisariaqartuusimanersoq.