Inuutissarsiutiginagu aallaaniarneq aalisarnerlu pillugit Inatsisartut inatsisaat nr. 11 ulloq 29. maj 1990-imeersoq.

 

§ 1. Danskisut innuttaassuseqartut Kalaallit Nunaanni najugaqavissut Kalaallit Nunaata nunataani imartaanilu inuutissarsiutiginagu aallaaniarsinnaatitaallutillu aalisarsinnaatitaapput.
Imm. 2. Nunani allani innuttaassuseqartut Kalaallit Nunaanni aalajangersimasumik najugaqartut ataannartumillu ukiuni marlunni najugaqarsintasut qallunaatut innuttaassuseqartutut piginnaatinneqarput.
Imm. 3. Imm. 1-inti imm. 2-milu taaneqartut saniatigut inuit allat sunilluunniit aallaaniassagunik aamma kapisilinniassagunik eqalunniassagunilluunniit akuersissumntik peqqaartassapput.
Imm. 4. Pisinnaatitaaffinnut imm. 1-imi imm. 2-milu taaneqartunut tunngatillugu Naalakkersuisut pisassanik killilersuisinnaapput.

§ 2. Inuutissarsiutiginagu aallaaniarnermut aalisarnermullu akuersissutit aallaaniarnermut aalisarnermullu allagartanngorlugit tunniunneqartassapput.
Imm. 2. Allagartat Naalakkersuisunit tunniunneqartassapput.
Imm. 3. Siunertanut ilisimatusarnermut allanullu tunngatillugu Naalakkersuisut aalajangersinnaavaat § 1, imrn. 2-mi aamma imm. 3-mi aalajangersakkat sanioqqunne qassasut.

§ 3. Naalakkersuisut aallaaniarnermut aalisarnermullu allagartat pillugit erseqqinnerusunik aalajangersagaliussapput, allagartallu taakku akilersinneqartarsinnaapput.

§ 4. § 1, imm. 2-mi aamma imm. 3-mi aalajangersakkat kiisalu § 3 naapertorlugu aalajangersagaliat unioqqutinneqarunik akiliisitsissutaasinnaapput.
Imm. 2. Piniutit aallaaniarnermi aalisanermilu unioqqutitsilluni atorneqarsimasut kiisalu pisat taakkuluunniit nalingi landskassemut nakkartussanngorlugit arsaarinnissutigineqarsinnaapput.

§ 5. Inatsit atortuulerpoq 1. juni 1990, tassungalu peqatigitillugu Kalaallit Nunaanni aallaaniarneq imartanilu tarajuunngitsuni aalisarneq pillugu inatsit nr. 72 ulloq 29. marts 1957-meersoq atortuujunnaarsinneqarpoq.
Imm. 2. Aallaaniarnermut aalisarnermullu allagartat pillugit nalunaarut nr. 22 ulloq 18. maj 1989-imeersoq atortuuinnarpoq inatsit una naapertorlugu nalunaarummik nutaamik taarserneqarnissami tungaanut.

Namminersornerullutik Oqartussat, ulloq 29. maj 1990.

Jonathan Motzfeldt

/

Aqigssiaq Møller