Inatsisartut inatsisaat nr. 7 ulloq 17. maj 1990-imeersoq inuuutissarsiutigalugu aalisarneq pillugu inatsisartut inatsisaata nr. 11, 21. november 1984-imeersup allanngortinnissaanut tunngasoq

 

§ 1.

Inuutissarsiutigalugu aalisarneq pillugu inatsisartut inatsisaanni nr. 11 21. november 1984-imeersumi allanngortinneqassapput makku:

1. § 3 oqaasertalerneqaassaq ima:
"§ 3. Kalaallit Nunaata imartaani aalisarfiusumi inuutissarsiutigalugu aalisarneq taamaallaat angallatinit Kalaallit Nunaanni najugaqavissunit pigineqarnertik tunngavigalugu Kalaallit Nunaanni angerlarsimaffeqavissunit ingerlanneqarsinnaavoq. Angallat atavissumik motorilik taamatut aalisarsinnaassaaq pigineqaruni imatut:
1) Inummit ataatsintit inunnilluunniit ataasiakkaanit ataatsimoortunit, namminneq ataasiakkaarlutik aningaasatigut ajutoortoqassagaluarpat ikioqatigiillutik toqqaannartumik akisussaasunit, aammalu imm. 2-mi piumasarineqartunik naammassinnissimasunit,
2) imaluunniit selskabimit ataatsimit, imm. 3-mi piumasarineqartunik naammassinnissimasumit,
3) imaluunniit Kalaallit Nunaanni pisortaqarfinnit, selskabimit Kalaallit Nunaanni oqartussanit pigineqartuntit selskabimilluunniit Namminersornerullutik Oqartussanit piginneqataaffigineqartumit.
Imm. 2. Angallat tak. imm. 1, 1) inunnit ataasiakkaanit pigineqaraangat piumasarisat makku naammassineqarsintassapput:
1) Inuit pineqartut tamarmik inuiaqatigiinnut kalaallinut aalajangersimasumik attuumassuteqassapput,
2) inuit pineqartut tamarmik Kalaallit Nunaanni najugaqartutut inuit aqqisa allattorsimaffianni nalunaarsorsimassapput, Kalaallit Nunaannilu inuit aqqisa allattorsimaffianni ukiuni kingullerni marlunni nalunaarsorsimasimassallutik,
3) inuit pineqartut tamarmik Kalaallit Nunaannut tamakkiisumik akileraartartuussapput, Kalaallit Nunaannilu inuit aqqisa allattcrsimaffianni ukiuni kingullerni marlunni akileraartartussaasimassallutik,
4) inuit pineqartut tamarntik ukiuni kingullerni marlunni inuutissarsiutigalugu aalisartuusimassapput, aningaasartuutillu ilanngaatigereerlugit nammineq sulinikkut ukiuni kingullerni marlunni isertitat 2/3-ii inuutissarsiutigalugu aalisarnermit isertinneqarsimassapput. Inuutissarsiutigalugu aalisartuunermut nallersuunneqarput piniartutut, savaatilittut, tuttuutilittut assigisaannillu inuutissarsiuteqarnerit.
Imm. 3. Angallat tak. imm. 1, 2) selskabimit pigineqarpat piumasarineqartut makku naammassineqarsimassapput:
1) Selskabi aktieselskabitut, anpartsselskabitut, andelsselskabitut partsrederitulluunniit aaqqissuunneqarsimassaaq;
2) ikinnerpaamik selskabip aningaasaataasa 2/3-ii (rejerniarnermi: selskabip aningaasaatai tamaasa) inunnit ataasiakkaanit, imm. 2, 1) - 3)-mi piumasaqaataasunik naammassinnissimasunit alisarnermik inuutissarsiuteqartunit toqqaannartumik toqqaannanngikkaluamilluunniit pigineqassapput aamma
3) ikinnerpaamik selskabip aningaasaataasa affaat aalisarnermik inuutissarsiuteqartut toqqaannartumik toqqaannanngikkaluamilluunniit pigissaavaat, taakkulu imm. 2 1) 4)-mi piumasarineqartut naammassisimassavaat.
Imm. 4. Naalakkersuisut immikkut ittumik akuersissuteqarsinnaapput
1) Imm. 2, 2) aamma 3)-mi piumasarineqartunit allatut iliortoqarsinnaavoq qinnuteqartoq ilinniagaqarluni allamilluunniit tamatumunnga assigusumik peqquteqarluni Kalaallit Nunaata avataani najugaqarallarsimappat,
2) imm. 2, 4)-mi piumasarineqartunit allatut iliortoqarsinnaavoq qinnuteqartoq piffissap pineqartup ingerlanerani ilinniarfimmi angallammiluunniit aalisartunngorniarluni ilinniagaqarsimappat aamma
3) imm. 2, 4)-mi piumasarineqartunit allatut iliortoqarsinnaavoq uppernarsarneqarsinnaappat aningaasanit isertinneqartunit pissarsiassat annertussusissaattut piumasarineqartut immikkut pissuteqartumik naammassineqarsimanngikkaangata.
Imm. 5. Naalakkersuisut pissutsini immikkorluinnaq ittuni imm. 1-3-mi piumasarineqartunit allatut ittumik akuersissuteqarsinnaapput, taamaaliorneq kalaallit aalisarnikkut inuutissarsiornerannut imaluunniit Kalaallit Nunaanni suliffissuaqarnermut pingaaruteqarsorinaraangat.
Imm. 6. Naalakkersuisut imm. 1-3-nti piumasarisat naammassisimanissaannut tunngatillugu uppernarsaatinik takujumallutik piumasaqarsinnaapput."

2. § 5 imm. 2 Oqaasertalerneqassaaq ima:
"Imm. 2. Imm. 1 naapertorlugu aalisarneq tunngaviusumik killigititamiit (basislinien) 12 sømilit iluanni ingerlanneqassanngilaq. Naalakkersuisulli akuersissuteqarsinnaapput, pissutsit immikkut ittut, taakkununnga ilanngullugit ingammik Kalaallit Nunaanni suliffissuarnut tulaassuinissat, tamanna pisariaqartippassuk."

3. § 9 oqaasertalerneqassaaq inta:
"§ 9. Kalaallit angallataannut akuersissutinik assigiinngitsunik sisamanik tunniussisoqarsinnaavoq:
1) Akuersissutit piffissaq eqqarsaatigalugu killillit killilimmik amerlanerpaanik pisassaqarfiusut.
2) Akuersissutit piffissaq eqqarsaatigalugu killeqanngitsut killilimmik anterlanerpaanik pisassaqarfiusut.
3) Akuersissutit piffissaq eqqarsaatigalugu killillit killilimmik amerlanerpaanik pisassiiffiunngitsut.
4) Akuersissutit piffissaq eqqarsaatigalugu killeqanngitsut killilimmik amerlanerpaanik pisassiiffiunngitsut.

Inatsisartut siusissukkut siumut inatsisiliornermikkut akuersissutit killeqanngitsumik atuuttussanngortinneqarsimasut, normu 2) aamrna normu 4) malillugit, killilintmik atuuttussanngortissinnaavaat.

Imm. 2. Akuersissumnti piginnittup aalisakkat sorliiit angallammik sumik aalisassanerai kiisalu suut aalisarnermi piumasaqaataanersut akuersissummi allassintasinnaavoq. 2)-misut akuersissutilinni pisassat, tak. imm. 1 § 7 tunngavigalugu pisassanut pisassiissutinullu tunngatillugu aalajangersakkat ilaattut pisassatut allassimassapput maleruagassat Naalakkersuisunit aalajangerneqarsimasut tunngavigalugit. Rejerniarsinnaanermut akuersissutit akuersissutitut 2)-misut intaluunniit 4)-misut ittut, tak. imm.l, suliarineqassapput, maleruagassat Naalakkersuisunit aalajangerneqarsimasut tunngavigalugit.
Imm. 3. l)-imisut 2)-misullu akuersissutinut tunngatillugu, tak. imm. 1, ukiut tamaasa Naalakkersuisut amerlanerpaamik qanoq amerlatigisunik pisaqartoqarnissaanik nalunaaruteqartassapput.
Imm. 4. Akuersissutit ukiumullu pisassat rejerniarnermi atortussanngortinneqarsimasut, tak. imm. 1, Naalakkersuisut maleruagassatut aalajangersagaat tunngavigalugit tuniniarneqarsinnaapput.
Imm. 5. Piginnittut ataasiakkaat ukiumut pisassatik tamakkeraangatigit erngiinnaartumik aalisarneq unitsinneqartassaaq. Aamma taamatut kalaallit pisassaat nungunneqaraangata pisoqartassaaq.
Imm. 6. Kalaaliunngitsut angallataasa akuersissutaat atortuujunnaartassapput (tak. § 5), aalisarneq pisassiissutigineqarsimasut nungunnerat pillugu unitsinneqaraangat. Akuersissut atortuujunnaarsinneqarpat aalisarneq erngiinnaartumik unitsinneqassaaq.
Imm. 7. Kalaallit Nunaata eqqaani aalisarnermut tunngatillugu maleruagassanik imaluunniit akuersissummi piumasaqaataasunik unioqqutitsineq kinguneqarsinnaavoq taassuma atorsinnaanerata killiliiífigineqarneranik, kiisalu annertuumik arlaleriarluniluunniit unioqqutitsisoqarnerani akuersissut arsaarinnissutigineqarsinnaavoq. Tamatumannga aalajangiineq Naalakkersuisut aalajangissavaat, nalunaarutigineqarneraniillu ullut 15-it qaangiutsinnagit Kalaallit Nunaanni landsretsintut tamanna ingerlateqqinneqarsinnaavoq."

4. § 11 atortuujunnaarsinneqarpoq.

5. § 15 oqaasertalerneqassaaq ima:
"§ 15. Ilisimatuut aalisarnerntik misissuineri kiisalu misileraalluni aalisarnerit inuutissarsiutigalugu aalisarnermiluunniit killilersuisoqaraluarpat Kalaallit Nunaanni Aaalisarnerniik Misissuisoqarfimmit aamma Kalaallit Nunaanni Avatangiisinik Misissuisoqarfimmit imaluunniit allanit Naalakkersuisunit akuerineqarsintasunit ingerlanneqarsinnaapput. Naalakkersuisut Kalaallit Nunaanni Aalisarnermik Misissuisoqarfimntit tusarniaareernermikkut misileraalluni aalisarnermi piumasaqaatinik aalajangiisinnaapput.
Imm. 2. Ilinniartitsiniarluni aalisarnerit inuutissarsiutigalugu aalisarnermiluunniit killilersuisoqaraluarpat Naalakkersuisunit akuerineqarlutik ingerlanneqarsinnaapput. Taamatut aalisarnermi Naalakkersuisut piumasaqaatinik aalajangiisinnaapput."

6. § 23, imm. 1 a) oqaasertalerneqassaaq inta:
"a) inatsisip § 3, imm. 1 intaluunniit 2, §§ 4, 5 imaluunniit 8, § 9, imm. 5 imaluunniit 6, § 15 imaluunniit § 22 unioqqutippaa;"

7. Inatsimmi tamarmi allassimasoq " Naalakkersuisunut ilaasortaq" allanngortinneqassaaq "Naalakkersuisut"-nut.

 

§ 2.

1) Inatsit 1. juni 1990 atortuulissaaq.
2) § 1 imm. 1-ili aatsaat 1. juli 1991 atortuulissaaq,
3) Selskabinut 1988-imi rejerniarsinnaanermut tunngasumik akuersissutilinnut angallantmut pisassiissutitalinnut § 1-imi imm. 1., § 3-ntut, imm. 3-mi, 2)-mut tunngasoq immikkut ittumik rejerniarnermut tunngatillugu aalajangersaasimaneq aatsaat 1. januar 1993 atortuulissaaq.
4) Inatsisartut inatsisaat nr. 16 24. november 1988-imeersoq inuutissarsiutigalugu aalisarneq pillugu inatsisartut inatsisaannik allanngortitsinermut tunngasoq 1. juni 1990 atortuujunnaassaaq.
5) 1. juli 1991-imi aalisarnermut tunngatillugu Namminersornerullutik Oqartussat nalunaarutaat nr. 1, 19. januar 1981-imeersoq aalisarsinnaanermut aallaaniarsinnaanermullu allagartanut tunngasoq atortuujunnaassaaq.

Nuuk, ulloq 17. maj 1990

Moses Olsen

/

Kaj Egede